༣. ཨ་ཀ་མྨ་ནི་ཡ་ཝ

པུ་ཙྪཱ – ཏེ་ནཱ་ཝུ་སོ…པེ… ས་མྨཱ་ས་མྦུ་དྡྷེ་ན ཨ་ངྒུ་ཏྟ་ར་ནི་ཀཱ་ཡེ ཨེ་ཀ་ཀ་ནི་པཱ་ཏེ ཏ་ཏི་ཡེ ཨ་ཀ་མྨ་ནི་ཡ་ཝ་གྒེ ཀཱི་དི་སཱི དྷ་མྨ་དེ་ས་ནཱ་ཡོ དེ་སི་ཏཱ.

ཝི་སྶ་ཛྫ་ནཱ – ཏ་ཏི་ཡེ བྷ་ནྟེ ཨ་ཀ་མྨ་ནི་ཡ་ཝ་གྒེ ‘‘ནཱ་ཧཾ བྷི་ཀྑ་ཝེ ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི, ཡཾ ཨེ་ཝཾ ཨ་བྷཱ་ཝི་ཏཾ ཨ་ཀ་མྨ་ནི་ཡཾ ཧོ་ཏི, ཡ་ཐ་ཡི་དཾ བྷི་ཀྑ་ཝེ ཙི་ཏྟཾ, ཙི་ཏྟཾ བྷི་ཀྑ་ཝེ ཨ་བྷཱ་ཝི་ཏཾ ཨ་ཀ་མྨ་ནི་ཡཾ ཧོ་ཏི. ནཱ་ཧཾ བྷི་ཀྑ་ཝེ ཨ་ཉྙཾ ཨེ་ཀ་དྷ་མྨ་མྤི ས་མ་ནུ་པ་སྶཱ་མི, ཡཾ ཨེ་ཝཾ བྷཱ་ཝི་ཏཾ ཀ་མྨ་ནི་ཡཾ ཧོ་ཏི, ཡ་ཐ་ཡི་དཾ བྷི་ཀྑ་ཝེ ཙི་ཏྟཾ. ཙི་ཏྟཾ བྷི་ཀྑ་ཝེ བྷཱ་ཝི་ཏཾ ཀ་མྨ་ནི་ཡཾ ཧོ་ཏཱི’’ཏི ཨེ་ཝ་མཱ་དི་ཀཱ བྷ་ག་ཝ་ཏཱ དྷ་མྨ་དེ་ས་ནཱ་ཡོ དེ་སི་ཏཱ.