༡,༡༥. ཙུ་རཱ་དི་ཏོ ཎི

ཙུ་རཱ་དཱི་ཧི ཀྲི་ཡ་ཏྠེ་ཧི ས་ཀ་ཏྠེ ཎི པ་རོ ཧོ་ཏི. ‘‘ཎི་ཎཱ་པྱཱ་པཱི་ཧི ཝཱ’’ཏི ཝི་ཀ་པྤེ་ན ལོ. དྷ་ནཾ ཙོ་ར་ཡ་ཏི ཙོ་རེ་ཏི ཨི་ཙྩཱ་དི. ཀ་མྨེ-ཙོ་རཱི་ཡ་ཏི ཨི་ཙྩཱ་དི. ཙོ་ར་ཡི་སྶ་ཏི ཙོ་རེ་སྶ་ཏི ཨི་ཙྩཱ་དི. ཀ་མྨེ-ཙོ་རཱི་ཡི་སྶ་ཏི ཨི་ཙྩཱ་དི. ཨ་ཙོ་ར་ཡི ཙོ་ར་ཡི ཨ་ཙོ་རེ་སི ཙོ་རེ་སི ཨི་ཙྩཱ་དི. ཨ་ཙོ་ར་ཡི་སྶ ཨི་ཙྩཱ་དི. ཀ་མྨེ-ཨ་ཙོ་རཱི་ཡི་སྶ ཨི་ཙྩཱ་དི. ཙོ་ར་ཡེ ཙོ་ར་ཡེ་ཡྻ ཨི་ཙྩཱ་དི. ཙོ་རེ་ཏུ ཙོ་རེ་ནྟུ ཨི་ཙྩཱ་དི.

ཙི་ནྟ=ཙི་ནྟཱ་ཡཾ, སཾ་ཡོ་ག་ཏྟཱ ན ཝུ་དྡྷི, ཙི་ནྟེ་ཏི ཙི་ནྟ་ཡ་ཏི, ཙི་ནྟེ་ནྟི. ཀ་མྨེ-ཙི་ནྟཱི་ཡ་ཏི, ཙི་ནྟཱི་ཡ་ནྟི ཨི་ཙྩཱ་དི. མ་ནྟ=གུ་ཏྟ་བྷཱ་ས་ནེ, མ་ནྟེ་ཏི མ་ནྟ་ཡ་ཏི ཨི་ཙྩཱ་དི. པཱ་ལ=ར་ཀྑ་ཎེ, སོ དྷ་མྨཾ པཱ་ལེ་ཏི པཱ་ལ་ཡ་ཏི. ཏེ་ན པཱ་ལཱི་ཡ་ཏི+ཙྩཱ་དི. (ཙུ་རཱ་དི་ན་ཡོ).

བྷཱུ་ཝཱ་དི ཙ རུ་དྷཱ་དི ཙ, དི་ཝཱ་དི ཙ ཏུ་དཱ་ད་ཡོ;

ཛྱཱ་དཱི ཀི་ཡཱ་དཱི སྭཱ་དཱི ཙ, ཏ་ནཱ་དཱི ཙ ཙུ་རཱ་ད་ཡོ.

(ཝི་ཀ་ར་ཎ་ཝི་དྷཱ་ནཾ).