༡༤. ཀྲི་ཡ་ཏྠཱ བ་ཧུ་ལཾ –ཏི

ཙ ས་བྦ་ཏྠ ཝ་ཏྟ་ཏེ. ཀྲི་ཡཱ ཨ་ཏྠོ ཨེ་ཏ་སྶཱ་ཏི ཀྲི་ཡ་ཏྠོ དྷཱ་ཏུ, སོ ཙ དུ་ཝི་དྷོ ས་ཀ་མྨ་ཀཱ+ཀ་མྨ་ཀ་ཝ་སེ་ན. ཏ་ཏྠ ཡ་སྨིཾ ཀྲི་ཡ་ཏྠེ ཀ་ཏྟུ་ཝཱ་ཙི་མྷཱ ཀ་མྨཾ ག་ཝེ་སཱི་ཡ་ཏེ, སོ ས་ཀ་མྨ་ཀོ. ཨི་ཏ་རོ ཨ་ཀ་མྨ་ཀོ.

ཏ་ཏྲ ས་ཀ་མྨ་ཀཱ ཀ་མྨཱ་པེ་ཀྑཾ ཀྲི་ཡཾ ཝ་ད་ནྟི, ཡ་ཐཱ ཀ་ཊཾ ཀ་རོ་ཏི, གཱ་མཾ ག་ཙྪ་ཏི, ཨོ་ད་ནཾ པ་ཙ་ཏི. ཨ་ཀ་མྨ་ཀཱ ཀ་མྨ་ནི་ར་པེ་ཀྑཾ ཀྲི་ཡཾ ཝ་ད་ནྟི, ཡ་ཐཱ ཨ་ཙྪ་ཏི སེ་ཏི ཏི་ཊྛ་ཏི. ཀྲི་ཡཱ་ཏི ཙ ག་མ་ན་པ་ཙ་ནཱ་དི་ཀོ ཨ་ས་ཏྟ་ས་མྨ་ཏོ ཀ་ཏྟ་རི ཀ་མྨེ ཝཱ པ་ཏི་ཊྛི་ཏོ ཀཱ་ར་ཀ་ས་མཱུ་ཧ་སཱ་དྷི་ཡོ པ་ད་ཏྠོ ཝུ་ཙྩ་ཏི. ཨ་པི ཙ –

ཀ་ར་ཎཾ བྷ་ཝ་ནཾ ཙཱ་པི, ཀ་ར+བྷཱུ་ཧི ཀ་ཐཱི་ཡ་ཏེ;

ཏ་ཏོ ཀྲི་ཡཱ་དི་ཝཱ་ཙ་ཏྟཾ, པཱ་ཀཱ་དཱི་ནཾ ཀ་ཐཾ བྷ་ཝེ.

ཀ་ར+བྷཱུ་དྷཱ་ཏཱུ་ཧི ཀ་ར་ཎ་ཉྩ བྷ་ཝ་ན་ཉྩ ཝུ་ཙྩ་ཏི, པཱ་ཀ+ག་མ་ནཱ་དཱི་ཧི ཏེ་སཾ ཀྲི་ཡཱ་བྷ་ཝ་ནཱ་ནཾ ཝཱ་ཙྩ་ཏྟཾ ཀ་ཐཾ བྷ་ཝ་ཏཱི་ཏི ཝུ་ཏྟཾ ཧོ་ཏི. པུ་ན་པི –

པཱ་ཀཱ་དཱི་ན་ཉྷི ཝཱ་ཙྩ་ཏྟཾ, ཀ་ར་བྷཱུ་སུ ན ཡུ་ཛྫ་ཏི;

ཏཾ བ་ཧུ་ཏ་ར་ཝཱ་ཙྩ་ཏྟཾ, པཱ་ཀཱ་དཱི་སུ ན ཡུ་ཛྫ་ཏི.

ཏཾ ནཱ་མ –

ཀཱ་རི་ཡ་རཱུ་པཱ ཧི དྷཱ་ཏྭ་ཏྠཱ, ས་ཏྟཱ་ཡུ་ཏྟཱ ཙ ཏེ+ཁི་ལཱ;

ཏ་ཏོ ཀྲི་ཡཱ ཙ བྷཱ་ཝོ ཙ, སཱ་མ་ཉྙཾ ཏེ་སུ ག་མྱ་ཏེ.