༣༣. བྱ་ཉྫ་ནེ དཱི་གྷ་ར་སྶཱ

ར་སྶ+དཱི་གྷཱ་ནཾ ཀྭ་ཙི དཱི་གྷ+ར་སྶཱ ཧོ་ནྟི བྱ་ཉྫ་ནེ. ཏ་ཏྲཱ་བྷི་ར་ཏི, ཏ་ཏྲཱ་ཡཾ, བུ་དྡྷཱ་ནུ་སྶ་ཏི, སཱ་ཏྠི་ཀཱ, ས་ཉྙཱ་ཝཱ+སྶ, ཏ་དཱ་ཧཾ, ཡཱ་ནཱི+དྷ བྷཱུ་ཏཱ་ནི, ག་ཙྪཱ་མཱི་ཏི, ཨ་ཏཱི་ཏོ, ཀི་ཀཱི་ཝ, བ་ཧཱུ་པ་ཀཱ་རཾ, མ་དྷཱུ་ད་ཀཾ, སཱུ་པ་དྷཱ་རི་ཏཾ, སོ་པཱ་ཡཾ, ཨི་དཱ་ནཱ་ཧཾ, ས་ཙཱ་ཡཾ, ཨ་པྤ་སྶུ་ཏཱ་ཡཾ, ཨི་ཏ་རཱི་ཏ་རེ་ན, ས་དྡྷཱི་དྷ ཝི་ཏྟཾ, ཀ་མྨཱུ་པ་ནི་སྶ་ཡོ, ཏ་ཐཱུ་པ་མཾ, ར་ཏྟཱུ་པ་ར་ཏོ, ཝཱུ་པ་ས་མོ, ལོ་ཀ་སྶཱ་ཏི, དེ་ཝཱ་ཏི, ཝཱི་ཏི་པ་ཏ་ནྟི, ཝཱི་ཏི་ནཱ་མེ་ནྟི, ས་ངྒྷཱ་ཊཱི་པི, ཛཱི་ཝི་ཏ་ཧེ་ཏཱུ་པི, ཝི་ཛྫཱུ་ཝ, ཀིཾ་སཱུ་དྷ ཝི་ཏྟཾ, སཱ་དྷཱུ་ཏི, ཏྱཱ་སྶ པ་ཧཱི་ནཱ, སྭཱ་སྶ, མ་དྷུ་ཝཱ མ་ཉྙ་ཏཱི བཱ་ལོ, ཨེ་ཝཾ གཱ་མེ མུ་ནཱི ཙ་རེ, ཁ་ནྟཱི པ་ར་མཾ ཏ་པོ ཏི་ཏི་ཀྑཱ, ན མཾ་ཀཱུ བྷ་ཝི་སྶཱ་མི, སྭཱ་ཀྑཱ་ཏོ, ཡྭཱ་ཧཾ, སྭཱ་ཧཾ, ཀཱ་མ་ཏོ ཛཱ་ཡ་ཏཱི སོ་ཀོ, ཀཱ་མ་ཏོ ཛཱ་ཡ་ཏཱི བྷ་ཡཾ, ས་ཀྐོ ཨུ་ཛཱུ ཙ སུ་ཧུ་ཛཱུ ཙ, ཨ་ནཱུ་པ་གྷཱ་ཏོ, དཱུ་ར་ཀྑཾ, དཱུ་ར་མཾ, དཱུ་བྷ་ར་ཏཱ. ཡི་ཊྛཾ་ཝ ཧུ་ཏཾ་ཝ ལོ་ཀེ, ཡ་དི་ཝ སཱ་ཝ་ཀེ, པུ་གྒ་ལ དྷ་མྨ་ད་སཱ ཏེ, བྷོ་ཝཱ་དི ནཱ་མ སོ ཧོ་ཏི, ཡ་ཐཱ་བྷཱ་ཝི གུ་ཎེ་ན སོ, ཡ་ཐ་ཡི་དཾ, ས་མྨ་ད་ཀྑཱ་ཏོ, པ་ར་ཀྐ་མོ, ཏ་ཎྷ་ཀྑ་ཡོ, ཛྷཱ་ན་སྶ ལཱ་བྷི་མྷི, ཝ་སི་མྷི, ཐུ་ལླ་ཙྩ་ཡོ. ཀྭ་ཙཱི་ཏི ཀིཾ, ཏྱ་ཛྫ, སྭ་སྶ, པ་ཏི་ལི་ཡ་ཏཱི་ཏི དཱི་གྷ་ནི་སེ་དྷོ, མཱ་ཡི་དཾ, མ་ན་སཱ་ད་ཉྙཱ ཝི་མུ་ཏྟཱ་ནཾ, ཡ་ཐཱ་ཀྐ་མཾ, ཨཱ་ར་ཀྑཱ་ཏཱི་ཏཾ, དཱི་ཡ་ཏི, སཱུ་ཡ་ཏཱི་ཏི ར་སྶ་ཀཱ་རི་ཡ་ནི་སེ་དྷོ. ཀ་ཐཾ ཡཱ་ནི་ཝ ཨ་ནྟ་ལི་ཀྑེ་ཏི, ‘‘དཱི་གྷ་ར་སྶཱ’’ཏི ཡོ་ག་ཝི་བྷཱ་གཱ. (དཱི་གྷ+ར་སྶ་ས་ནྡྷི).

བྱ་ཉྫ་ནེ་ཏི ཝ་ཏྟ་ཏེ.