༧. ཀི་བྦི་དྷཱ་ན་ཀ་པྤ
པ་ཋ་མ་ཀ་ཎྜ
(ཀ)
བུ་དྡྷཾ ཉཱ་ཎ་ས་མུ་དྡཾ, ས་བྦ་ཉྙུཾ ལོ་ཀ་ཧེ་ཏུ’ཁཱི་ཎ་མ་ཏིཾ;
ཝ་ནྡི་ཏྭཱ པུ་བྦ་མ་ཧཾ, ཝ་ཀྑཱ་མི ས་སཱ་དྷ་ནཾ ཧི ཀི་ཏ་ཀ་པྤཾ.
(ཁ)
སཱ་དྷ་ན་མཱུ་ལཾ ཧི པ་ཡོ་གཾ,
ཨཱ་ཧུ པ་ཡོ་ག་མཱུ་ལ་མ་ཏྠ་ཉྩ;
ཨ་ཏྠེ་སུ ཝི་སཱ་ར་ད་མ་ཏ་ཡོ,
སཱ་ས་ན་སྶུ་དྷ་རཱ ཛི་ན་སྶ མ་ཏཱ.
(ག)
ཨ་ནྡྷོ དེ་ས་ཀ་ཝི་ཀ་ལོ,
གྷ་ཏ་མ་དྷུ་ཏེ་ལཱ་ནི བྷཱ་ཛ་ནེ་ན ཝི་ནཱ;
ན་ཊྛོ ན་ཊྛཱ་ནི ཡ་ཐཱ,
པ་ཡོ་ག་ཝི་ཀ་ལོ ཏ་ཐཱ ཨ་ཏྠོ.
(གྷ)
ཏ་སྨཱ སཾ་ར་ཀྑ་ཎ་ཏྠཾ, མུ་ནི་ཝ་ཙ་ན་ཏྠ་སྶ དུ་ལླ་བྷ་སྶཱ་ཧཾ;
ཝ་ཀྑཱ་མི སི་སྶ་ཀ་ཧི་ཏཾ, ཀི་ཏ་ཀ་པྤཾ སཱ་དྷ་ནེ་ན ཡུ་ཏཾ.
༥༢༤. , ༥༦༡. དྷཱ་ཏུ་ཡཱ ཀ་མྨཱ་དི་མྷི ཎོ.
དྷཱ་ཏུ་ཡཱ ཀ་མྨཱ་དི་མྷི ཎཔ་ཙྩ་ཡོ ཧོ་ཏི.
ཀ་མྨཾ ཀ་རོ་ཏཱི་ཏི ཀ་མྨ་ཀཱ་རོ, ཨེ་ཝཾ ཀུ་མྦྷ་ཀཱ་རོ, མཱ་ལཱ་ཀཱ་རོ, ཀ་ཊྛ་ཀཱ་རོ, ར་ཐ་ཀཱ་རོ, ར་ཛ་ཏ་ཀཱ་རོ, སུ་ཝ་ཎྞ་ཀཱ་རོ, པ་ཏྟ་གྒཱ་ཧོ, ཏ་ནྟ་ཝཱ་ཡོ, དྷ་ཉྙ་མཱ་ཡོ, དྷ་མྨ་ཀཱ་མོ, དྷ་མྨ་ཙཱ་རོ.
༥༢༥. , ༥༦༥. ས་ཉྙཱ་ཡ་མ ནུ.
ས་ཉྙཱ་ཡ་མ་བྷི་དྷེ་ཡྻཱ་ཡཾ དྷཱ་ཏུ་ཡཱ ཀ་མྨཱ་དི་མྷི ཨཀཱ་ར་པ་ཙྩ་ཡོ ཧོ་ཏི, ནཱ་མ་མྷི ཙ ནུཀཱ་རཱ་ག་མོ ཧོ་ཏི.
ཨ་རིཾ ད་མེ་ཏཱི་ཏི ཨ་རི་ནྡ་མོ, རཱ་ཛཱ. ཝེ་སྶཾ ཏ་ར་ཏཱི་ཏི ཝེ་སྶ་ནྟ་རོ, རཱ་ཛཱ. ཏ་ཎྷཾ ཀ་རོ་ཏཱི་ཏི ཏ་ཎྷ་ངྐ་རོ, བྷ་ག་ཝཱ. མེ་དྷཾ ཀ་རོ་ཏཱི་ཏི མེ་དྷ་ངྐ་རོ, བྷ་ག་ཝཱ. ས་ར་ཎཾ ཀ་རོ་ཏཱི་ཏི ས་ར་ཎ་ངྐ་རོ, བྷ་ག་ཝཱ. དཱི་པཾ ཀ་རོ་ཏཱི་ཏི དཱི་པ་ངྐ་རོ, བྷ་ག་ཝཱ.
༥༢༦. , ༥༦༧. པུ་རེ ད་དཱ ཙ ཨིཾ.
པུ་རས་དྡེ ཨཱ་དི་མྷི ད་དཨི་ཙྩེ་ཏཱ་ཡ དྷཱ་ཏུ་ཡཱ ཨཀཱ་ར་པ་ཙྩ་ཡོ ཧོ་ཏི, པུ་རས་དྡ་སྶ ཨཀཱ་ར་སྶ ཙ ཨིཾ ཧོ་ཏི.
པུ་རེ དཱ་ནཾ ཨ་དཱ་སཱི་ཏི པུ་རི་ནྡ་དོ དེ་ཝ་རཱ་ཛཱ.
༥༢༧. , ༥༦༨. ས་བྦ་ཏོ ཎྭུ ཏྭཱ་ཝཱི ཝཱ.
ས་བྦ་ཏོ དྷཱ་ཏུ་ཏོ ཀ་མྨཱ་དི་མྷི ཝཱ ཨ་ཀ་མྨཱ་དི་མྷི ཝཱ ཨཀཱ་ར ཎྭུ ཏུ ཨཱ་ཝཱིཨི་ཙྩེ་ཏེ པ་ཙྩ་ཡཱ ཧོ་ནྟི.
ཏཾ ཀ་རོ་ཏཱི་ཏི ཏ་ཀྐ་རོ, ཧི་ཏཾ ཀ་རོ་ཏཱི་ཏི ཧི་ཏ་ཀ་རོ, ཝི་ནེ་ཏི ཨེ་ཏྠ, ཨེ་ཏེ་ནཱ་ཏི ཝཱ ཝི་ན་ཡོ ནི་སྶཱ་ཡ ནཾ ཝ་ས་ཏཱི་ཏི ནི་སྶ་ཡོ.
ཎྭུ་མྷི – ར་ཐཾ ཀ་རོ་ཏཱི་ཏི ར་ཐ་ཀཱ་ར་ཀོ, ཨ་ནྣཾ, ད་དཱ་ཏཱི་ཏི ཨ་ནྣ་དཱ་ཡ་ཀོ, ཝི་ནེ་ཏི ས་ཏྟེ་ཏི ཝི་ནཱ་ཡ་ཀོ, ཀ་རོ་ཏཱི་ཏི ཀཱ་ར་ཀོ, ད་དཱ་ཏཱི་ཏི དཱ་ཡ་ཀོ, ནེ་ཏཱི་ཏི ནཱ་ཡ་ཀོ.
ཏུ་མྷི – ཏཾ ཀ་རོ་ཏཱི་ཏི ཏ་ཀྐ་ཏྟཱ, ཏ་སྶ ཀ་ཏྟཱ་ཏི ཝཱ ཏ་ཀྐ་ཏྟཱ. བྷོ་ཛ་ནཾ ད་དཱ་ཏཱི་ཏི བྷོ་ཛ་ན་དཱ་ཏཱ, བྷོ་ཛ་ན་སྶ དཱ་ཏཱ་ཏི ཝཱ བྷོ་ཛ་ན་དཱ་ཏཱ. ཀ་རོ་ཏཱི་ཏི ཀ་ཏྟཱ. ས་ར་ཏཱི་ཏི ས་རི་ཏཱ.
ཨཱ་ཝཱི་མྷི – བྷ་ཡཾ པ་སྶ་ཏཱི་ཏི བྷ་ཡ་ད་སྶཱ་ཝཱི ཨི་ཙྩེ་ཝ་མཱ་དི.
༥༢༨. , ༥༧༧. ཝི་ས རུ་ཛ པ་དཱ་དི་ཏོ ཎ.
ཝི་ས རུ་ཛ པ་དཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི ཎ པ་ཙྩ་ཡོ ཧོ་ཏི.
པ་ཝི་ས་ཏཱི་ཏི པ་ཝེ་སོ, རུ་ཛ་ཏཱི་ཏི རོ་གོ, ཨུ་པྤ་ཛྫ་ཏཱི་ཏི ཨུ་པྤཱ་དོ, ཕུ་ས་ཏཱི་ཏི ཕ་སྶོ, ཨུ་ཙ་ཏཱི་ཏི ཨོ་ཀོ, བྷ་ཝ་ཏཱི་ཏི བྷཱ་ཝོ, ཨ་ཡ་ཏཱི་ཏི ཨཱ་ཡོ, ས་མྨཱ བུ་ཛ྄ཛྷ་ཏཱི་ཏི ས་མྦོ་དྷོ, ཝི་ཧ་ར་ཏཱི་ཏི ཝི་ཧཱ་རོ.
༥༢༩. , ༥༨༠. བྷཱ་ཝེ ཙ.
བྷཱ་ཝ་ཏྠཱ་བྷི་དྷེ་ཡྻེ ས་བྦ་དྷཱ་ཏཱུ་ཧི ཎཔ་ཙྩ་ཡོ ཧོ་ཏི.
པ་ཙྩ་ཏེ, པ་ཙ་ནཾ ཝཱ པཱ་ཏོ, ཙ་ཛ་ཏེ, ཙ་ཛ་ནཾ ཝཱ ཙཱ་གོ, ཨེ་ཝཾ ཡཱ་གོ, ཡོ་གོ, བྷཱ་གོ, པ་རི་དཱ་ཧོ.
༥༣༠. , ༥༨༤. ཀྭི ཙ.
ས་བྦ་དྷཱ་ཏཱུ་ཧི ཀྭིཔ་ཙྩ་ཡོ ཧོ་ཏི.
ས་མྦྷ་ཝ་ཏཱི་ཏི ས་མྦྷཱུ, ཝི་སེ་སེ་ན བྷ་ཝ་ཏཱི་ཏི ཝི་བྷཱུ, བྷུ་ཛེ་ན ག་ཙྪ་ཏཱི་ཏི བྷུ་ཛ་གོ, སཾ ཨ་ཏྟཱ་ནཾ ཁ་ན་ཏི, སཾ ས་ཊྛུ ཁ་ན་ཏཱི་ཏི ཝཱ ས་ངྑོ.
༥༣༡. , ༥༨༩. དྷ་རཱ་དཱི་ཧི ར་མྨོ.
དྷ་རཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི ར་མྨཔ་ཙྩ་ཡོ ཧོ་ཏི.
དྷ་ར་ཏི ཏེ་ནཱ་ཏི དྷ་མྨོ, ཀ་རཱི་ཡ་ཏེ ཏ་ནྟི ཀ་མྨཾ.
༥༣༢. , ༥༩༠. ཏ་སྶཱི་ལཱ་དཱི་སུ ཎཱི་ཏྭཱ་ཝཱི ཙ.
ས་བྦེ་ཧི དྷཱ་ཏཱུ་ཧི ཏ་སྶཱི་ལཱདཱི་སྭ་ཏྠེ་སུ ཎཱི ཏུ ཨཱ་ཝཱི ཨི་ཙྩེ་ཏེ པ་ཙྩ་ཡཱ ཧོ་ནྟི.
པི་ཡཾ པ་སཾ་སི་ཏུཾ སཱི་ལཾ ཡ་སྶ ར་ཉྙོ, སོ ཧོ་ཏི རཱ་ཛཱ པི་ཡ་པ་སཾ་སཱི, བྲ་ཧྨཾ ཙ་རི་ཏུཾ སཱི་ལཾ ཡ་སྶ པུ་གྒ་ལ་སྶ སོ ཧོ་ཏི པུ་གྒ་ལོ བྲ་ཧྨ་ཙཱ་རཱི, པ་ས་ཡ྄ཧ པ་ཝ་ཏྟི་ཏུཾ སཱི་ལཾ ཡ་སྶ ར་ཉྙོ, སོ ཧོ་ཏི རཱ་ཛཱ པ་ས་ཡ྄ཧ་པ་ཝ་ཏྠཱ, བྷ་ཡཾ པ་སྶི་ཏུཾ སཱི་ལཾ ཡ་སྶ ས་མ་ཎ་སྶ, སོ ཧོ་ཏི ས་མ་ཎོ བྷ་ཡ་ད་སྶཱ་ཝཱི ཨི་ཙྩེ་ཝ་མཱ་དི.
༥༣༣. , ༥༩༡. ས་དྡ ཀུ དྷ ཙ་ལ མ་ཎྜ་ཏྠ་རུ་དྷཱ་དཱི་ཧི་ཡུ.
ས་དྡ ཀུ་དྷ ཙ་ལ མ་ཎྜ་ཏྠེ་ཧི ཙ རུ་ཙཱདཱི་ཧི ཙ དྷཱ་ཏཱུ་ཧི ཡུཔ་ཙྩ་ཡོ ཧོ་ཏི ཏ་སྶཱི་ལཱདཱི་སྭ་ཏྠེ་སུ.
གྷོ་ས་ན་སཱི་ལོ གྷོ་ས་ནོ, བྷཱ་ས་ན་སཱི་ལོ བྷཱ་ས་ནོ. ཨེ་ཝཾ ཝི་གྒ་ཧོ ཀཱ་ཏ་བྦོ. ཀོ་དྷ་ནོ, དོ་ས་ནོ, ཙ་ལ་ནོ, ཀ་མྤ་ནོ, ཕ་ནྡ་ནོ, མ་ཎྜ་ནོ, ཝི་བྷཱུ་ས་ནོ, རོ་ཙ་ནོ, ཛོ་ཏ་ནོ, ཝ་ཌྜྷ་ནོ.
༥༣༤. , ༥༦༢. པཱ་རཱ་དི་ག་མི་མྷཱ རཱུ.
ག་མུཨི་ཙྩེ་ཏ་མྷཱ དྷཱ་ཏུ་མྷཱ པཱ་རས་དྡཱ་དི་མྷཱ རཱུཔ་ཙྩ་ཡོ ཧོ་ཏི ཏ་སྶཱི་ལཱདཱི་སྭ་ཏྠེ་སུ.
བྷ་ཝ་སྶ པཱ་རཾ བྷ་ཝ་པཱ་རཾ, བྷ་ཝ་པཱ་རཾ ག་ནྟུཾ སཱི་ལཾ ཡ་སྶ པུ་རི་ས་སྶ, སོ ཧོ་ཏི པུ་རི་སོ བྷ་ཝ་པཱ་ར་གཱུ.
ཏ་སྶཱི་ལཱ་དཱི་སྭཱིཏི ཀི་མ་ཏྠཾ? པཱ་ར་ངྒ་ཏོ.
པཱ་རཱ་དི་ག་མི་མྷཱཏི ཀི་མ་ཏྠཾ? ཨ་ནུ་གཱ་མཱི.
༥༣༥. , ༥༩༣. བྷི་ཀྑཱ་དི་ཏོ ཙ.
བྷི་ཀྑཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི རཱུ་པ་ཙྩ་ཡོ ཧོ་ཏི ཏ་སྶཱི་ལཱདཱི་སྭ་ཏྠེ་སུ.
བྷི་ཀྑ་ན་སཱི་ལོ ཡཱ་ཙ་ན་སཱི་ལོ བྷི་ཀྑུ, ཝི་ཛཱ་ན་ན་སཱི་ལོ ཝི་ཉྙཱུ.
༥༣༦. , ༥༩༤. ཏ་ན་ཏྱཱ་དཱི་ནཾ ཎུ་ཀོ.
ཧ་ནཏྱཱ་དཱི་ནཾ དྷཱ་ཏཱུ་ནཾ ཨ་ནྟེ ཎུ་ཀཔ་ཙྩ་ཡོ ཧོ་ཏི ཏ་སྶཱི་ལཱདཱི་སྭ་ཏྠེ་སུ.
ཨཱ་ཧ་ན་ན་སཱི་ལོ ཨཱ་གྷཱ་ཏུ་ཀོ, ཀ་ར་ཎ་སཱི་ལོ ཀཱ་རུ་ཀོ.
༥༣༧. , ༥༦༦. ནུ ནི་གྒ་ཧི་ཏཾ པ་ད་ནྟེ.
པ་ད་ནྟེ ནུཀཱ་རཱ་ག་མོ ནི་གྒ་ཧི་ཏ་མཱ་པ་ཛྫ་ཏེ.
ཨ་རིཾ ད་མེ་ཏཱི་ཏི ཨ་རི་ནྡ་མོ, རཱ་ཛཱ. ཝེ་སྶཾ ཏ་ར་ཏཱི་ཏི ཝེ་སྶ་ནྟ་རོ, རཱ་ཛཱ. པ་བྷཾ ཀ་རོ་ཏཱི་ཏི པ་བྷ་ངྐ་རོ, བྷ་ག་ཝཱ.
༥༣༨. , ༥༩༥. སཾ་ཧ་ནཱ་ཉྙཱ་ཡ ཝཱ རོ གྷོ.
སཾཔུ་བྦཱ་ཡ ཧ་ནཨི་ཙྩེ་ཏཱ་ཡ དྷཱ་ཏུ་ཡཱ, ཨ་ཉྙཱ་ཡ ཝཱ དྷཱ་ཏུ་ཡཱ རཔ་ཙྩ་ཡོ, ཧ་ནསྶ ཙ གྷོ ཧོ་ཏི.
ས་མ་གྒཾ ཀ་མྨཾ ས་མུ་པ་ག་ཙྪ་ཏཱི་ཏི ས་ངྒྷོ, ས་མ་ནྟ་ཏོ ན་ག་ར་སྶ མཱ་ཧི་རེ ཁ་ཉྙ་ཏཱི་ཏི པ་རི་ཁཱ, ཨ་ནྟཾ ཀ་རོ་ཏཱི་ཏི ཨ་ནྟ་ཀོ.
སཾཨི་ཏི ཀི་མ་ཏྠཾ? ཨུ་པ་ཧ་ན་ནཾ ཨུ་པ་གྷཱ་ཏོ.
༥༣༩. , ༥༥༨. ར་མྷི ར་ནྟོ རཱ་དི་ནོ.
རམྷི པ་ཙྩ་ཡེ པ་རེ ས་བྦོ དྷཱ་ཏྭ་ནྟོ ར་ཀཱ་རཱ་དི ལོ་པོ ཧོ་ཏི.
ཨ་ནྟ་ཀོ, པཱ་ར་གཱུ, ས་ཏྠཱ, དི་ཊྛོ ཨི་ཙྩེ་ཝ་མཱ་དི.
༥༤༠. , ༥༤༥. བྷཱ་ཝ་ཀ་མྨེ་སུ ཏ་བྦཱ་ནཱི་ཡཱ.
བྷཱ་ཝ་ཀ་མྨཨི་ཙྩེ་ཏེ་སྭ་ཏྠེ་སུ ཏ་བྦ ཨ་ནཱི་ཡཨི་ཙྩེ་ཏེ པ་ཙྩ་ཡཱ ཧོ་ནྟི ས་བྦ་དྷཱ་ཏཱུ་ཧི.
བྷ་ཝི་ཏ་བྦཾ, བྷ་ཝ་ནཱི་ཡཾ, ཨཱ་སི་ཏ་བྦཾ, ཨཱ་ས་ནཱི་ཡཾ, པ་ཛྫི་ཏ་བྦཾ, པ་ཛྫ་ནཱི་ཡཾ, ཀ་ཏྟ་བྦཾ, ཀ་ར་ཎཱི་ཡཾ, ག་ནྟ་བྦཾ, ག་མ་ནཱི་ཡཾ.
༥༤༡. , ༥༥༢. ཎྱོ ཙ.
བྷཱ་ཝ་ཀ་མྨེསུ ས་བྦ་དྷཱ་ཏཱུ་ཧི ཎྱ་པ་ཙྩ་ཡོ ཧོ་ཏི.
ཀ་ཏྟ་བྦཾ ཀཱ་རི་ཡཾ, ཛེ་ཏ་བྦཾ ཛེ་ཡྻཾ, ནེ་ཏ་བྦཾ ནེ་ཡྻཾ, ཨི་ཙྩེ་ཝ་མཱ་དི.
ཙ་གྒ་ཧ་ཎེ་ན ཏེ་ཡྻཔ་ཙྩ་ཡོ ཧོ་ཏི. ཉཱ་ཏ་བྦཾ ཉཱ་ཏེ་ཡྻཾ, ད་ཊྛེ་ཡྻཾ, པ་ཏྟེ་ཡྻཾ ཨི་ཙྩེ་ཝ་མཱ་དི.
༥༤༢. , ༥༥༧. ཀ་ར་མྷཱ རི་ཙྩ.
ཀ་རཨི་ཙྩེ་ཏ་མྷཱ དྷཱ་ཏུ་མྷཱ རི་ཙྩཔ་ཙྩ་ཡོ ཧོ་ཏི བྷཱ་ཝ་ཀ་མྨེསུ.
ཀ་ཏྟ་བྦཾ ཀི་ཙྩཾ.
༥༤༣. , ༥༥༥. བྷཱུ་ཏོ’བྦ.
བྷཱུཨི་ཙྩེ་ཏཱ་ཡ དྷཱ་ཏུ་ཡཱ ཎྱཔ་ཙྩ་ཡ་སྶ ཨཱུཀཱ་རེ་ན ས་ཧ ཨ་བྦཱདེ་སོ ཧོ་ཏི བྷཱ་ཝ་ཀ་མྨེསུ.
བྷ་ཝི་ཏ་བྦོ བྷ་བྦོ, བྷ་ཝི་ཏ་བྦཾ བྷ་བྦཾ.
༥༤༤. , ༥༥༦. ཝ་ད མ་ད ག་མུ ཡུ་ཛ ག་ར་ཧཱ་ཀཱ་རཱ་དཱི་ཧི ཛྫ མྨ གྒ ཡ྄ཧེ་ཡྻཱ གཱ་རོ ཝཱ.
ཝ་ད མ་ད ག་མུ ཡུ་ཛ ག་ར་ཧཱཀཱ་ར་ནྟ་ཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི ཎྱ་པ་ཙྩ་ཡ་སྶ ཡ་ཐཱ་ས་ངྑྱཾ ཛྫ མྨ གྒ ཡ྄ཧ ཨེ་ཡྻཱདེ་སཱ ཧོ་ནྟི ཝཱ དྷཱ་ཏྭ་ནྟེ་ན ས་ཧ, ག་རསྶཾ ཙ གཱ་རོ ཧོ་ཏི བྷཱ་ཝ་ཀ་མྨེ་སུ.
ཝ་ཏྟ་བྦཾ ཝ་ཛྫཾ, མ་ད་ནཱི་ཡཾ མ་ཛྫཾ, ག་མ་ནཱི་ཡཾ ག་མྨཾ, ཡོ་ཛ་ནཱི་ཡཾ ཡོ་གྒཾ, ག་ར་ཧི་ཏ་བྦཾ གཱ་ར་ཡ྄ཧཾ, དཱ་ཏ་བྦཾ དེ་ཡྻཾ, པཱ་ཏ་བྦཾ པེ་ཡྻཾ, ཧཱ་ཏ་བྦཾ ཧེ་ཡྻཾ, མཱ་ཏ་བྦཾ མེ་ཡྻཾ, ཉཱ་ཏ་བྦཾ ཉེ་ཡྻཾ, ཨི་ཙྩེ་ཝ་མཱ་དི.
༥༤༥. , ༥༤༨. ཏེ ཀི་ཙྩཱ.
ཡེ པ་ཙྩ་ཡཱ ཏ་བྦཱད་ཡོ རི་ཙྩནྟཱ, ཏེ ཀི་ཙྩས་ཉྙཱ་ཏི ཝེ་དི་ཏ་བྦཱ.
ཀི་ཙྩས་ཉྙཱ་ཡ ཀིཾ་པ་ཡོ་ཛ་ནཾ? བྷཱ་ཝ་ཀ་མྨེ་སུ ཀི་ཙྩ་ཏྟ་ཁ་ཏྠཱ.
༥༤༦. , ༥༦༢. ཨ་ཉྙེ ཀི་ཏ.
ཨ་ཉྙེ པ་ཙྩ་ཡཱ ཀི་ཏ ཨེ་ཝ ས་ཉྙཱ ཧོ་ནྟི.
ཀི་ཏ ས་ཉྙཱ་ཡ ཀིཾ་པ་ཡོ་ཛ་ནཾ? ཀ་ཏྟ་རི ཀི་ཏ.
༥༤༧. , ༥༩༦. ན་ནྡཱ་དཱི་ཧི ཡུ.
ན་ནྡཱདཱི་ཧི དྷཱ་ཏཱུ་ཧི ཡུཔ་ཙྩ་ཡོ ཧོ་ཏི བྷཱ་ཝ་ཀ་མྨེསུ.
ན་ནྡཱི་ཡ་ཏེ ན་ནྡ་ནཾ, ནི་ནྡི་ཏ་བྦཾ ཝཱ ན་ནྡ་ནཾ, ག་ཧ་ཎཱི་ཡཾ ག་ཧ་ཎཾ, ཙ་རི་ཏ་བྦཾ ཙ་ར་ཎཾ, ཨེ་ཝཾ ས་བྦ་ཏྠ ཡོ་ཛེ་ཏ་བྦཱ.
༥༤༨. , ༥༩༧. ཀ་ཏྟུ་ཀ་ར་ཎ་པ་དེ་སེ་སུ ཙ.
ཀ་ཏྟུ་ཀ་ར་ཎ་པ་དེ་སཨི་ཙྩེ་ཏེ་སྭ་ཏྠེ་སུ ཙ ཡུཔ་ཙྩ་ཡོ ཧོ་ཏི.
ཀ་ཏྟ་རི ཏཱ་ཝ – ར་ཛཾ ཧ་ར་ཏཱི་ཏི ར་ཛོ་ཧ་ར་ཎཾ ཏོ་ཡཾ.
ཀ་ར་ཎེ ཏཱ་ཝ – ཀ་རོ་ཏི ཏེ་ནཱ་ཏི ཀ་ར་ཎཾ.
པ་དེ་སེ ཏཱ་ཝ – ཏི་ཊྛ་ནྟི ཏ་སྨི་ནྟི ཋཱ་ནཾ. ཨེ་ཝཾ ས་བྦ་ཏྠ ཡོ་ཛེ་ཏ་བྦཱ.
༥༤༩. , ༥༥༠. ར་ཧཱ་དི་ཏོ ཎ.
རཀཱ་རཧཀཱ་རཱ་དྱ་ནྟེ་ཧི དྷཱ་ཏཱུ་ཧི ཨ་ནཱདེ་ས་སྶ ནསྶ ཎོ ཧོ་ཏི.
ཀ་རོ་ཏི ཏེ་ནཱ་ཏི ཀ་ར་ཎཾ, པཱུ་རེ་ཏི ཏེ་ནཱ་ཏི པཱུ་ར་ཎཾ. ག་ཧ་ཎཱི་ཡཾ ཏེ་ནཱ་ཏི ག་ཧ་ཎཾ. ཨེ་ཝ་མ་ཉྙེ་པི ཡོ་ཛེ་ཏ་བྦཱ.
ཨི་ཏི ཀི་བྦི་དྷཱ་ན་ཀ་པྤེ པ་ཋ་མོ ཀ་ཎྜོ.
དུ་ཏི་ཡ་ཀ་ཎྜ
༥༥༠. , ༥༤༦. ཎཱ་ད་ཡོ ཏེ་ཀཱ་ལི་ཀཱ.
ཎཱད་ཡོ པ་ཙྩ་ཡཱ ཡུཔ་ཙྩ་ཡ་ནྟཱ ཏེ་ཀཱ་ལི་ཀཱཏི ཝེ་དི་ཏ་བྦཱ.
ཀུ་མྦྷཾ ཀ་རོ་ཏི ཨ་ཀཱ་སི ཀ་རི་སྶ་ཏཱི་ཏི ཀུ་མྦྷ་ཀཱ་རོ, ཀ་རོ་ཏི ཨ་ཀཱ་སི ཀ་རི་སྶ་ཏི ཏེ་ནཱ་ཏི ཀ་ར་ཎཾ. ཨེ་ཝ་མ་ཉྙེ་པི ཡོ་ཛེ་ཏ་བྦཱ.
༥༥༡. , ༥༩༨. ས་ཉྙཱ་ཡཾ དཱ དྷཱ་ཏོ ཨི.
ས་ཉྙཱ་ཡ་མ་བྷི་དྷེ་ཡྻཱ་ཡཾ དཱ དྷཱཏོ ཨིཔ་ཙྩ་ཡོ ཧོ་ཏི.
པ་ཋ་མཾ ཨཱ་དཱི་ཡ་ཏཱི་ཏི ཨཱ་དི, ཨུ་ད་ཀཾ ད་དྷཱ་ཏཱི་ཏི ཨུ་ད་མི, མ་ཧོ་ད་ཀཱ་ནི ད་དྷཱ་ཏཱི་ཏི མ་ཧོ་ད་དྷི, ཝཱ་ལཱ་ནི ད་དྷཱ་ཏི ཏ་སྨི་ནྟི ཝཱ་ལ་དྷི, ས་མྨཱ དྷཱི་ཡ་ཏཱི་ཏི ས་ནྡྷི.
༥༥༢. , ༦༠༩. ཏི ཀི་ཏ ཙཱ་སི་ཊྛེ.
ས་ཉྙཱ་ཡ་མ་བྷི་དྷེ་ཡྻཱ་ཡཾ ས་བྦ་དྷཱ་ཏཱུ་ཧི ཏི་པ་ཙྩ་ཡོ ཧོ་ཏི, ཀི་ཏ ཙ ཨཱ་སི་ཊྛེ.
ཛི་ནོ ཛ་ནཾ བུ་ཛ྄ཛྷ་ཏཱུ་ཏི ཛི་ན་བུ་དྡྷི, དྷ་ནཾ ཨ་སྶ བྷ་ཝ་ཏཱུ་ཏི དྷ་ན་བྷཱུ་ཏི, བྷ་ཝ་ཏཱུ་ཏི བྷཱུ་ཏོ, བྷ་ཝ་ཏཱུ་ཏི བྷཱ་ཝོ, དྷ་མྨོ ཛ་ནཾ ད་དཱ་ཏཱུ་ཏི དྷ་མྨ་དི་ནྣོ, ཝ་ཌྜྷ་ཏཱུ་ཏི ཝ་ཌྜྷ་མཱ་ནོ. ཨེ་ཝ་མ་ཉྙེ་པི ཡོ་ཛེ་ཏ་བྦཱ.
༥༥༣. , ༥༩༩. ཨི་ཏྠི་ཡ་མ་ཏི་ཡ་ཝོ ཝཱ.
ཨི་ཏྠི་ཡ་མ་བྷི་དྷེ་ཡྻཱ་ཡཾ ས་བྦ་དྷཱ་ཏཱུ་ཧི ཨཀཱ་ར ཏི ཡུ ཨི་ཙྩེ་ཏེ པ་ཙྩ་ཡཱ ཧོ་ནྟི ཝཱ.
ཛཱི་ར་ཏཱི་ཏཱི ཛ་རཱ, མ་ཉྙ་ཏཱི་ཏི མ་ཏི, ཙེ་ཏ་ཡ་ཏཱི་ཏི ཙེ་ཏ་ནཱ, ཝེ་ད་ཡ་ཏཱི་ཏི ཝེ་ད་ནཱ. ཨེ་ཝ་མ་ཉྙེ་པི ཡོ་ཛེ་ཏ་བྦཱ.
༥༥༤. , ༦༠༡. ཀ་ར་ཏོ རི་རི་ཡ.
ཀ་རཏོ ཨི་ཏྠི་ཡ་མ་ནི་ཏྠི་ཡཾ ཝཱ ཨ་བྷི་ཁེ་ཡྻཱ་ཡཾ རི་རཱི་ཡཔ་ཙྩ་ཡོ ཧོ་ཏི ཝཱ.
ཀ་ཏྟ་བྦཱ ཀི་རི་ཡཱ, ཀ་ར་ཎཱི་ཡཾ ཀི་རི་ཡཾ.
༥༥༥. , ༦༡༢. ཨ་ཏཱི་ཏེ ཏ་ཏ་ཝ་ནྟུ་ཏཱ་ཝཱི.
ཨ་ཏཱི་ཏེ ཀཱ་ལེ ས་བྦ་དྷཱ་ཏཱུ་ཧི ཏ་ཏ་ཝ་ནྟུ་ཏཱ་ཝཱིཨི་ཙྩེ་ཏེ པ་ཙྩ་ཡཱ ཧོ་ནྟི.
ཧུ་ཏོ, ཧུ་ཏ་ཝཱ, ཧུ་ཏཱ་ཝཱི. ཝུ་སི་ཏོ, ཝུ་སི་ཏ་ཝཱ, ཝུ་སི་ཏཱ་ཝཱི. བྷུ་ཏྟོ, བྷུ་ཏྟ་ཝཱ, བྷུ་ཏྟཱ་ཝཱི.
༥༥༦. , ༦༢༢. བྷཱ་ཝ་ཀ་མྨེ་སུ ཏ.
བྷཱ་ཝ་ཀ་མྨེསུ ཨ་ཏཱི་ཏེ ཀཱ་ལེ ཏཔ་ཙྩ་ཡོ ཧོ་ཏི ས་བྦ་དྷཱ་ཏཱུ་ཧི.
བྷཱ་ཝེ ཏཱ་ཝ – ཏ་སྶ གཱི་ཏཾ, ན་ཙྩཾ, ན་ཊྚཾ, ཧ་སི་ཏཾ.
ཀ་མྨ་ནི ཏཱ་ཝ – ཏེ་ན བྷཱ་སི་ཏཾ, དེ་སི་ཏཾ.
༥༥༧. , ༦༠༦. བུ་དྷ་ག་མཱ་དི་ཏྠེ ཀ་ཏྟ་རི.
བུ་དྷ་ག་མུཨི་ཙྩེ་ཝ་མཱ་དཱི་ཧི དྷཱ་ཏཱུ་ཧི ཏ་ད་ཏྠེ ག་མྱ་མཱ་ནེ ཏཔ་ཙྩ་ཡོ ཧོ་ཏི ཀ་ཏྟ་རི ས་བྦ་ཀཱ་ལེ.
ས་བྦེ ས་ངྑ་ཏཱ་ས་ངྑ་ཏེ དྷ་མྨེ བུ་ཛ྄ཛྷ་ཏི ཨ་བུ་ཛ྄ཛྷི བུ་ཛ྄ཛྷི་སྶ་ཏཱི་ཏི བུ་དྡྷོ, ས་ར་ཎ་ངྒ་ཏོ, ས་མ་ཐ་ངྒ་ཏོ, ཨ་མ་ཐ་ངྒ་ཏོ, ཛཱ་ནཱ་ཏི ཨ་ཛཱ་ནི ཛཱ་ནི་སྶ་ཏཱི་ཏི ཉཱ་ཏོ, ཨི་ཙྩེ་ཝ་མཱ་དི.
༥༥༨. , ༦༠༢. ཛི་ཏོ ཨི་ན ས་བྦ་ཏྠ.
ཛིཨི་ཙྩེ་ཏཱ་ཡ དྷཱ་ཏུ་ཡཱ ཨི་ནཔ་ཙྩ་ཡོ ཧོ་ཏི ས་བྦ་ཀཱ་ལེ ཀ་ཏྟ་རི.
པཱ་པ་ཀེ ཨ་ཀུ་ས་ལེ དྷ་མྨེ ཛི་ནཱ་ཏི ཨ་ཛི་ནི ཛི་ནི་སྶ་ཏཱི་ཏི ཛི་ནོ.
༥༥༩. , ༦༠༣. སུ་པ་ཏོ ཙ.
སུ་པཨི་ཙྩེ་ཏཱ་ཡ དྷཱ་ཏུ་ཡཱ ཨི་ནཔ་ཙྩ་ཡོ ཧོ་ཏི ཀ་ཏྟ་རི, བྷཱ་ཝེ ཙ.
སུ་པ་ཏཱི་ཏི སུ་པི་ནཾ, སུ་པཱི་ཡ་ཏེ སུ་པི་ནཾ.
༥༦༠. , ༦༠༤. ཨཱི་སཾ་དུ་སཱུ་ཧི ཁ.
ཨཱི་སཾ་དུ་སུས་དྡཱ་དཱི་ཧི ས་བྦ་དྷཱ་ཏཱུ་ཧི ཁཔ་ཙྩ་ཡོ ཧོ་ཏི.
ཨཱི་ས་སྶ་ཡོ, དུ་སྶ་ཡོ, སུ་སྶ་ཡོ བྷ་ཝ་ཏཱ, ཨཱི་ས་ཀྐ་རཾ, དུ་ཀྐ་རཾ, སུ་ཀ་རཾ, བྷ་ཝ་ཏཱ.
༥༦༡. , ༦༣༦. ཨི་ཙྪ་ཏྠེ་སུ ས་མཱ་ན་ཀ་ཏྟུ་ཀེ་སུ ཏ་ཝེ ཏུཾ ཝཱ.
ཨི་ཙྪ་ཏྠེསུ ས་མཱ་ན་ཀ་ཏྟུ་ཀེ་སུ ས་བྦ་དྷཱ་ཏཱུ་ཧིཏ་ཝེ་ཏུཾཨི་ཙྩེ་ཏེ པ་ཙྩ་ཡཱ ཧོ་ནྟི ས་བྦ་ཀཱ་ལེ ཀ་ཏྟ་རི.
པུ་ཉྙཱ་ནི ཀཱ་ཏ་ཝེ, ས་དྡྷ་མྨཾ སོ་ཏུ མི་ཙྪ་ཏི.
༥༦༢. , ༦༣༨. ཨ་ར་ཧ་ས་ཀྐཱ་དཱི་སུ ཙ.
ཨ་ར་ཧ་ས་ཀྐཱ་དཱིསུ ཙ ཨ་ཏྠེ་སུ ས་བྦ་དྷཱ་ཏཱུ་ཧི ཏུཾཔ་ཙྩ་ཡོ ཧོ་ཏི.
ཀོ ཏཾ ནི་ནྡི་ཏུ་མ་ར་ཧ་ཏི, ས་ཀྐཱ ཛེ་ཏུཾ དྷ་ནེ་ན ཝཱ. ཨེ་ཝ་མ་ཉྙེ་པི ཡོ་ཛེ་ཏ་བྦཱ.
༥༦༣. , ༦༣༩. པ་ཏྟ་ཝ་ཙ་ནེ ཨ་ལ་མ་ཏྠེ་སུ ཙ.
པ་ཏྟ་ཝ་ཙ་ནེ ཨ་ལ་མ་ཏྠེསུ ས་བྦ་དྷཱ་ཏཱུ་ཧི ཏུཾཔ་ཙྩ་ཡོ ཧོ་ཏི.
ཨ་ལ་མེ་ཝ དཱ་ནཱ་ནི དཱ་ཏུཾ, ཨ་ལ་མེ་ཝ པུ་ཉྙཱ་ནི ཀཱ་ཏུཾ.