༥. ཏ་དྡྷི་ཏ་ཀ་པྤ
ཨ་ཊྛ་མ་ཀ་ཎྜ
༣༤༤. , ༣༦༡. ཝཱ་ཎ’པ་ཙྩེ.
ཎཔ་ཙྩ་ཡོ ཧོ་ཏི ཝཱ ‘‘ཏ་སྶཱ་པ་ཙྩ’’ མི་ཙྩེ་ཏ་སྨིཾ ཨ་ཏྠེ.
ཝ་སི་ཊྛ་སྶ ཨ་པ་ཙྩཾ ཝཱ་སི་ཊྛོ, ཝ་སི་ཊྛ་སྶ ཨ་པ་ཙྩཾ ཝཱ, ཝ་སི་ཊྛ་སྶ ཨ་པ་ཙྩཾ ཝཱ་སི་ཊྛཱི, ཝ་སི་ཊྛ་སྶ ཨ་པ་ཙྩཾ ཝཱ་སི་ཊྛཾ. ཨེ་ཝཾ བྷཱ་ར་དྭཱ་ཛོ, བྷཱ་ར་དྭཱ་ཛཱི, བྷཱ་ར་དྭཱ་ཛཾ. གོ་ཏ་མོ, གོ་ཏ་མཱི, གོ་ཏ་མཾ. ཝཱ་སུ་དེ་ཝོ, ཝཱ་སུ་དེ་ཝཱི, ཝཱ་སུ་དེ་ཝཾ. བཱ་ལ་དེ་ཝོ, བཱ་ལ་དེ་ཝཱི, བཱ་ལ་དེ་ཝཾ. ཝེ་སཱ་མི་ཏྟོ, ཝེ་སཱ་མི་ཏྟཱི ཝེ་སཱ་མི་ཏྟཾ.
༣༤༥. , ༣༦༦. ཎཱ་ཡ་ན ཎཱ་ན ཝ་ཙྪཱ་དི་ཏོ.
ཏ་སྨཱ ཝ་ཙྪཱདི་ཏོ གོ་ཏྟ་ག་ཎ་ཏོ ཎཱ་ཡ་ན་ཎཱ་ནཔ་ཙྩ་ཡཱ ཧོ་ནྟི ཝཱ ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ.
ཝ་ཙྪ་སྶ ཨ་པ་ཙྩཾ་ཝ་ཙྪཱ་ཡ་ནོ, ཝ་ཙྪཱ་ནོ, ཝ་ཙྪ་སྶ ཨ་པ་ཙྩཾ ཝཱ, ཝ་ཙྪ་སྶ ཨ་པ་ཙྩཾ ཝ་ཙྪཱ་ཡ་ནཱི, ཝ་ཙྪཱ་ནཱི, ཝ་ཙྪ་སྶ ཨ་པ་ཙྩཾ ཝ་ཙྪཱ་ཡ་ནཾ, ཝ་ཙྪཱ་ནཾ. ས་ཀ་ཊ་སྶ ཨ་པ་ཙྩཾ སཱ་ཀ་ཊཱ་ཡ་ནོ, སཱ་ཀ་ཊཱ་ནོ, ས་ཀ་ཊ་སྶ ཨ་པ་ཙྩཾ ཝཱ, སཱ་ཀ་ཊཱ་ཡ་ནཱི, སཱ ཀ་ཊཱ་ནཱི, སཱ་ཀ་ཊཱ་ཡ་ནཾ, སཱ་ཀ་ཊཱ་ནཾ. ཨེ་ཝཾ ཀ་ཎྷཱ་ཡ་ནོ, ཀ་ཎྷཱ་ནོ, ཀ་ཎྷ་སྶ ཨ་པ་ཙྩཾ ཝཱ. ཀ་ཎྷཱ་ཡ་ནཱི, ཀ་ཎྷཱ་ནཱི, ཀ་ཎྷཱ་ཡ་ནཾ, ཀ་ཎྷཱ་ནཾ. ཨ་གྒི་ཝེ་སྶཱ་ཡ་ནོ, ཨ་གྒི་ཝེ་སྶཱ་ནོ, ཨ་གྒི་ཝེ་སྶཱ་ཡ་ནཱི, ཨ་གྒི་ཝེ་སྶཱ་ནཱི, ཨ་གྒི་ཝེ་སྶཱ་ཡ་ནཾ, ཨ་གྒི་ཝེ་སྶཱ་ནཾ. ག་ཙྪཱ་ཡ་ནོ, ག་ཙྪཱ་ནོ, ག་ཙྪཱ་ཡ་ནཱི, ག་ཙྪཱ་ནཱི, ག་ཙྪཱ་ཡ་ནཾ, ག་ཙྪཱ་ནཾ. ཀ་པྤཱ་ཡ་ནོ, ཀ་པྤཱ་ནོ, ཀ་པྤཱ་ཡ་ནཱི, ཀ་པྤཱ་ནཱི, ཀ་པྤཱ་ཡ་ནཾ, ཀ་པྤཱ་ནཾ. མོ་གྒ་ལླཱ་ཡ་ནོ, མོ་གྒ་ལླཱ་ནོ, མོ་གྒ་ལླཱ་ཡ་ནཱི, མོ་གྒ་ལླཱ་ནཱི, མོ་གྒ་ལླཱ་ཡ་ནཾ, མོ་གྒ་ལླཱ་ནཾ. མུ་ཉྩཱ་ཡ་ནོ, མུ་ཉྩཱ་ནོ, མུ་ཉྩཱ་ཡ་ནཱི, མུ་ཉྩཱ་ནཱི, མུ་ཉྩཱ་ཡ་ནཾ, མུ་ཉྩཱ་ནཾ. ས་ངྒྷཱ་ཡ་ནོ, ས་ངྒྷཱ་ནོ, ས་ངྒྷཱ་ཡ་ནཱི, ས་ངྒྷཱ་ནཱི, ས་ངྒྷཱ་ཡ་ནཾ, ས་ངྒྷཱ་ནཾ. ལོ་མཱ་ཡ་ནོ, ལོ་མཱ་ནོ, ལོ་མཱ་ཡ་ནཱི, ལོ་མཱ་ནཱི, ལོ་མཱ་ཡ་ནཾ, ལོ་མཱ་ནཾ, སཱ་ཀ་མཱ་ཡ་ནོ, སཱ་ཀ་མཱ་ནོ, སཱ་ཀ་མཱ་ཡ་ནཱི, སཱ་ཀ་མཱ་ནཱི, སཱ་ཀ་མཱ་ཡ་ནཾ, སཱ་ཀ་མཱ་ནཾ. ནཱ་རཱ་ཡ་ནོ, ནཱ་རཱ་ནོ, ནཱ་རཱ་ཡ་ནཱི, ནཱ་རཱ་ནཱི, ནཱ་རཱ་ཡ་ནཾ, ནཱ་རཱ་ནཾ. ཙོ་རཱ་ཡ་ནོ་ཙོ་རཱ་ནོ, ཙོ་རཱ་ཡ་ནཱི, ཙོ་རཱ་ནཱི, ཙོ་རཱ་ཡ་ནཾ, ཙོ་རཱ་ནཾ, ཨཱ་ཝ་སཱ་ལཱ་ཡ་ནོ, ཨཱ་ཝ་སཱ་ལཱ་ནོ, ཨཱ་ཝ་སཱ་ལཱ་ཡ་ནཱི, ཨཱ་ཝ་སཱ་ལཱ་ནཱི, ཨཱ་ཝ་སཱ་ལཱ་ཡ་ནཾ, ཨཱ་ཝ་སཱ་ལཱ་ནཾ. དྭེ་པཱ་ཡ་ནོ, དྭེ་པཱ་ནོ, དྭེ་པཱ་ཡ་ནཱི, དྭེ་པཱ་ནཱི, དྭེ་པཱ་ཡ་ནཾ, དྭེ་པཱ་ནཾ. ཀུ་ཉྩཱ་ཡ་ནོ, ཀུ་ཉྩཱ་ནོ, ཀུ་ཉྩཱ་ཡ་ནཱི, ཀུ་ཉྩཱ་ནཱི, ཀུ་ཉྩཱ་ཡ་ནཾ, ཀུ་ཉྩཱ་ནཾ. ཀ་ཙྩཱ་ཡ་ནོ, ཀ་ཙྩཱ་ནོ, ཀ་ཙྩཱ་ཡ་ནཱི, ཀ་ཙྩཱ་ནཱི, ཀ་ཙྩཱ་ཡ་ནཾ, ཀ་ཙྩཱ་ནཾ.
༣༤༦. , ༣༦༧. ཎེ་ཡྻོ ཀ་ཏྟི་ཀཱ་དཱི་ཧི.
ཏེ་ཧི གོ་ཏྟ་ག་ཎེ་ཧི ཀ་ཏྟི་ཀཱདཱི་ཧི ཎེ་ཡྻཔ་ཙྩ་ཡོ ཧོ་ཏི ཝཱ ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ.
ཀ་ཏྟི་ཀཱ་ཡ ཨ་པ་ཙྩཾ ཀ་ཏྟི་ཀེ་ཡྻོ, ཀ་ཏྟི་ཀཱ་ཡ ཨ་པ་ཙྩཾ ཝཱ. ཨེ་ཝཾ ཝེ་ན་ཏེ་ཡྻོ, རོ་ཧི་ཎེ་ཡྻོ, ག་ངྒེ་ཡྻོ, ཀ་དྡ་མེ་ཡྻོ, ནཱ་དེ་ཡྻོ, ཨཱ་ལེ་ཡྻོ, ཨཱ་ཧེ་ཡོ, ཀཱ་མེ་ཡྻོ, སུ་ཙི་ཡཱ ཨ་པ་ཙྩཾ སོ་ཙེ་ཡྻོ, སཱ་ལེ་ཡྻོ, བཱ་ལེ་ཡྻོ, མཱ་ལེ་ཡྻོ, ཀཱ་ལེ་ཡྻོ.
༣༤༧. , ༣༦༨. ཨ་ཏོ ཎི ཝཱ.
ཏ་སྨཱ ཨཀཱ་ར་ཏོ ཎིཔ་ཙྩ་ཡོ ཧོ་ཏི ཝཱ ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ.
ད་ཀྑ་སྶ ཨ་པ་ཙྩཾ ད་ཀྑི, ད་ཀྑ་སྶ ཨ་པ་ཙྩཾ ཝཱ. དུ་ཎ་སྶ ཨ་པ་ཙྩཾ དོ་ཎི, དུ་ཎ་སྶ ཨ་པ་ཙྩཾ ཝཱ, ཨེ་ཝཾ ཝཱ་ས་ཝི, ས་ཀྱ་པུ་ཏྟི, ནཱ་ཊ་པུ་ཏྟི, དཱ་ས་པུ་ཏྟི, དཱ་ས་ཝི, ཝཱ་རུ་ཎི, ག་ཎྜི, བཱ་ལ་དེ་ཝི, པཱ་ཝ་ཀི, ཛེ་ན་ད་ཏྟི, བུ་དྡྷི, དྷ་མྨི, ས་ངྒྷི, ཀ་པྤི, ཨ་ནུ་རུ་དྡྷི.
ཝཱ་ཏི ཝི་ཀ་པྤ་ན་ཏྠེ་ན ཎི་ཀཔ་ཙྩ་ཡོ ཧོ་ཏི ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ. ས་ཀྱ་པུ་ཏྟ་སྶ ཨ་པ་ཙྩཾ ས་ཀྱ་པུ་ཏྟི་ཀོ. ཨེ་ཝཾ ནཱ་ཊ་པུ་ཏྟི་ཀོ, ཛེ་ན་ད་ཏྟི་ཀོ.
༡༤༨. , ༣༧༡. ཎ་ཝོ’ པ་ཀྭཱ་དཱི་ཧི.
ཨུ་པ་ཀུཨི་ཙྩེ་ཝ་མཱ་དཱི་ཧི ཎ་ཝཔ་ཙྩ་ཡོ ཧོ་ཏི ཝཱ ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ.
ཨུ་པ་ཀུ་སྶ ཨ་པ་ཙྩཾ ཨོ་པ་ཀ་ཝོ, ཨུ་པ་ཀུ་སྶ ཨ་པ་ཙྩཾ ཝཱ. མ་ནུ་ནོ ཨ་པ་ཙྩཾ མཱ་ན་ཝོ, མ་ནུ་ནོ ཨ་པ་ཙྩཾ ཝཱ. བྷ་གྒུ་སྶ ཨ་པ་ཙྩཾ བྷ་གྒ་ཝོ, བྷ་གྒུ་སྶ ཨ་པ་ཙྩཾ ཝཱ, པ་ཎྜུ་སྶ ཨ་པ་ཙྩཾ པ་ཎྜ་ཝོ, པ་ཎྜུ་སྶ ཨ་པ་ཙྩཾ ཝཱ, བ་ཧུ་སྶ ཨ་པ་ཙྩཾ བཱ་ཧ་ཝོ, བ་ཧུ་སྶ ཨ་པ་ཙྩཾ ཝཱ.
༣༤༩. , ༣༧༢. ཎེ་ར ཝི་དྷ་ཝཱ་དི་ཏོ.
ཏ་སྨཱ ཝི་དྷ་ཝཱདི་ཏོ ཎེ་རཔ་ཙྩ་ཡོ ཧོ་ཏི ཝཱ ‘‘ཏ་སྶཱ་པ་ཙྩ’’མི་ཙྩེ་ཏ་སྨིཾ ཨ་ཏྠེ.
ཝི་དྷ་ཝཱ་ཡ ཨ་པ་ཙྩཾ ཝེ་དྷ་ཝེ་རོ, ཝི་དྷ་ཝཱ་ཡ ཨ་པ་ཙྩཾ ཝཱ. བ་ནྡྷུ་ཀི་ཡཱ ཨ་པ་ཙྩཾ བ་ནྡྷུ་ཀེ་རོ, བ་ནྡྷུ་ཀི་ཡཱ ཨ་པ་ཙྩཾ ཝཱ. ས་མ་ཎ་སྶ ཨ་པ་ཙྩཾ སཱ་མ་ཎེ་རོ, ས་མ་ཎ་སྶ ཨ་པ་ཙྩཾ ཝཱ. ཨེ་ཝཾ སཱ་མ་ཎེ་རཱི, སཱ་མ་ཎེ་རཾ, ནཱ་ལི༹་ཀེ་རོ, ནཱ་ལི༹་ཀེ་རཱི, ནཱ་ལི༹་ཀེ་རཾ.
༣༥༠. , ༣༧༣. ཡེ་ན ཝཱ སཾ་ས་ཊྛཾ ཏ་ར་ཏི ཙ་ར་ཏི ཝ་ཧ་ཏི ཎི་ཀོ.
ཡེ་ན ཝཱ སཾ་ས་ཊྛཾ, ཡེ་ན ཝཱ ཏ་ར་ཏི, ཡེ་ན ཝཱ ཙ་ར་ཏི, ཡེ་ན ཝཱ ཝ་ཧ་ཏི ཨི་ཙྩེ་ཏེ་སྭ་ཏྠེ་སུ ཎི་ཀཔ་ཙྩ་ཡོ ཧོ་ཏི ཝཱ.
ཏི་ལེ་ན སཾ་ས་ཊྛཾ བྷོ་ཛ་ནཾ ཏེ་ལི་ཀཾ, ཏི་ལེ་ན སཾ་ས་ཊྛཾ ཝཱ. ཨེ་ཝཾ གོ་ལི༹་ཀཾ, གྷཱ་ཏི་ཀཾ.
ནཱ་ཝཱ་ཡ ཏ་ར་ཏཱི་ཏི ནཱ་ཝི་ཀོ, ནཱ་ཝཱ་ཡ ཏ་ར་ཏི ཝཱ. ཨེ་ཝཾ ཨོ་ལུ༹་མྤི་ཀོ.
ས་ཀ་ཊེ་ན ཙ་ར་ཏཱི་ཏི སཱ་ཀ་ཊི་ཀོ, ས་ཀ་ཊེ་ན ཙ་ར་ཏི ཝཱ. ཨེ་ཝཾ པ་ཏྟི་ཀོ, ད་ཎྜི་ཀོ, དྷ་མྨི་ཀོ, པཱ་དི་ཀོ.
སཱི་སེ་ན ཝ་ཧ་ཏཱི་ཏི སཱི་སི་ཀོ, སཱི་སེ་ན ཝ་ཧ་ཏི ཝཱ. ཨཾ་སེ་ན ཝ་ཧ་ཏཱི་ཏི ཨཾ་སི་ཀོ, ཨཾ་སེ་ན ཝ་ཧ་ཏི ཝཱ. ཨེ་ཝཾ ཁ་ནྡྷི་ཀོ, ཨ་ངྒུ་ལི་ཀོ.
ཝཱ་ཏི ཝི་ཀ་པྤ་ན་ཏྠེ་ན ཨ་ཉྙེ་སུ་པི ཎི་ཀཔ་ཙྩ་ཡོ ཧོ་ཏི. རཱ་ཛ་ག་ཧེ ཝ་ས་ཏཱི་ཏི རཱ་ཛ་ག་ཧི་ཀོ, རཱ་ཛ་ག་ཧེ ཝ་ས་ཏི ཝཱ. རཱ་ཛ་ག་ཧེ ཛཱ་ཏོ རཱ་ཛ་ག་ཧི་ཀོ, རཱ་ཛ་ག་ཧེ ཛཱ་ཏོ ཝཱ. ཨེ་ཝཾ མཱ་ག་དྷི་ཀོ, སཱ་ཝ་ཏྠི་ཀོ, ཀཱ་པི་ལ ཝ་ཏྠི་ཀོ, པཱ་ཊ་ལི་པུ་ཏྟི་ཀོ, ཝེ་སཱ་ལི་ཀོ.
༣༥༡. , ༣༧༤. ཏ་མ་དྷཱི་ཏེ ཏེ་ན་ཀ་ཏཱ་དི ས་ནྣི་དྷཱ་ན ནི་ཡོ་ག སི་པྤ བྷ་ཎྜ ཛཱི་ཝི་ཀ་ཏྠེ་སུ ཙ.
ཏ་མ་དྷཱི་ཏེ, ཏེ་ན་ཀ་ཏཱ་དི་ཨ་ཏྠེ, ཏ་མྷི ས་ནྣི་དྷཱ་ནཱ, ཏ་ཏྠ ནི་ཡུ་ཏྟོ, ཏ་མ་སྶ སི་པྤཾ, ཏ་མ་སྶ བྷ་ཎྜཾ, ཏ་མ་སྶ ཛཱི་ཝི་ཀཾ ཨི་ཙྩེ་ཏེ་སྭ་ཏྠེ་སུ ཙ ཎི་ཀཔ་ཙྩ་ཡོ ཧོ་ཏི ཝཱ.
ཝི་ན་ཡ་མ་དྷཱི་ཏེ ཝེ་ན་ཡི་ཀོ, ཝི་ན་ཡ་མ་དྷཱི་ཏེ ཝཱ. ཨེ་ཝཾ སུ་ཏྟ་ནྟི་ཀོ, ཨཱ་བྷི་དྷ་མྨི་ཀོ, ཝེ་ཡྻཱ་ཀ་ར་ཎི་ཀོ.
ཀཱ་ཡེ་ན ཀ་ཏཾ ཀ་མྨཾ ཀཱ་ཡི་ཀཾ, ཀཱ་ཡེ་ན ཀ་ཏཾ ཀ་མྨཾ ཝཱ. ཨེ་ཝཾ ཝཱ་ཙ་སི་ཀཾ, མཱ་ན་སི་ཀཾ.
ས་རཱི་རེ ས་ནྣི་དྷཱ་ནཱ ཝེ་ད་ནཱ སཱ་རཱི་རི་ཀཱ, ས་རཱི་རེ ས་ནྣི་དྷཱ་ནཱ ཝཱ, ཨེ་ཝཾ མཱ་ན་སི་ཀཱ.
དྭཱ་རེ ནི་ཡུ་ཏྟོ དོ་ཝཱ་རི་ཀོ, དྭཱ་རེ ནི་ཡུ་ཏྟོ ཝཱ. ཨེ་ཝཾ བྷ་ཎྜཱ་གཱ་རི་ཀོ, ནཱ་ག་རི་ཀོ, ནཱ་ཝ་ཀ་མྨི་ཀོ.
ཝཱི་ཎཱ ཨ་སྶ སི་པྤཾ ཝེ་ཎི་ཀོ, ཝཱི་ཎཱ ཨ་སྶ སི་པྤཾ ཝཱ. ཨེ་ཝཾ པཱ་ཎ་ཝི་ཀོ, མོ་དི་ངྒི་ཀོ, ཝཾ་སི་ཀོ.
ག་ནྡྷོ ཨ་སྶ བྷ་ཎྜཾ ག་ནྡྷི་ཀོ, ག་ནྡྷོ ཨ་སྶ བྷ་ཎྜཾ ཝཱ. ཨེ་ཝཾ ཏེ་ལི་ཀོ, གོ་ལི༹་ཀོ.
ཨུ་ར་བྦྷཾ ཧ་ནྟྭཱ ཛཱི་ཝ་ཏཱི་ཏི ཨོ་ར་བྦྷི་ཀོ, ཨུ་ར་བྦྷཾ ཧ་ནྟྭཱ ཛཱི་ཝ་ཏི ཝཱ. མ་གཾ ཧ་ནྟྭཱ ཛཱི་ཝ་ཏཱི་ཏི མཱ་ག་ཝི་ཀོ, མ་གཾ ཧ་ནྟྭཱ ཛཱི་ཝ་ཏི ཝཱ. ཨེ་ཝཾ སོ་ཀ་རི་ཀོ, སཱ་ཀུ་ཎི་ཀོ.
ཨཱ་དི་གྒ་ཧ་ཎེ་ན ཨ་ཉྙ་ཏྠཱ་པི ཎི་ཀ པ་ཙྩ་ཡོ ཡོ་ཛེ་ཏ་བྦོ. ཛཱ་ལེ་ན ཧ་ཏོ ཛཱ་ལི་ཀོ, ཛཱ་ལེ་ན ཧ་ཏོ ཝཱ.
སུ་ཏྟེ་ན བ་ནྡྷོ སུ་ཏྟི་ཀོ, སུ་ཏྟེ་ན བ་ནྡྷོ ཝཱ.
ཙཱ་པོ ཨ་སྶ ཨཱ་ཝུ་དྷོ ཙཱ་པི་ཀོ, ཙཱ་པོ ཨ་སྶ ཨཱ་ཝུ་དྷོ ཝཱ. ཨེ་ཝཾ ཏོ་མ་རི་ཀོ, མུ་གྒ་རི་ཀོ, མོ་ས་ལི་ཀོ.
ཝཱ་ཏོ ཨ་སྶ ཨཱ་བཱ་དྷོ ཝཱ་ཏི་ཀོ, ཝཱ་ཏོ ཨ་སྶ ཨཱ་བཱ་དྷོ ཝཱ. ཨེ་ཝཾ སེ་མྷི་ཀོ, པི་ཏྟི་ཀོ.
བུ་དྡྷེ པ་ས་ནྣོ བུ་དྡྷི་ཀོ, བུ་དྡྷེ པ་ས་ནྣོ ཝཱ. ཨེ་ཝཾ དྷ་མྨི་ཀོ, ས་ངྒྷི་ཀོ.
བུ་དྡྷ་སྶ ས་ནྟ་ཀཾ བུ་དྡྷི་ཀཾ, བུ་དྡྷ་སྶ ས་ནྟ་ཀཾ ཝཱ. ཨེ་ཝཾ དྷ་མྨི་ཀཾ, ས་ངྒྷི་ཀཾ.
ཝ་ཏྠེ་ན ཀཱི་ཏཾ བྷ་ཎྜཾ ཝ་ཏྠི་ཀཾ, ཝ་ཏྠེ་ན ཀཱི་ཏཾ བྷ་ཎྜཾ ཝཱ. ཨེ་ཝཾ ཀུ་མྦྷི་ཀཾ, ཕཱ་ལི་ཀཾ, ཀིཾ ཀ་ཎི་ཀཾ, སོ་ཝ་ཎྞི་ཀཾ.
ཀུ་མྦྷོ ཨ་སྶ པ་རི་མཱ་ཎཾ ཀུ་མྦྷི་ཀཾ, ཀུ་མྦྷོ ཨ་སྶ པ་རི་མཱ་ཎཾ ཝཱ.
ཀུ་མྦྷ་སྶ རཱ་སི ཀུ་མྦྷི་ཀཾ, ཀུ་མྦྷ་སྶ རཱ་སི ཝཱ.
ཀུ་མྦྷཾ ཨ་ར་ཧ་ཏཱི་ཏི ཀུ་མྦྷི་ཀོ, ཀུ་མྦྷཾ ཨ་ར་ཧ་ཏི ཝཱ.
ཨ་ཀྑེ་ན དི་བྦ་ཏཱི་ཏི ཨ་ཀྑི་ཀོ, ཨ་ཀྑེ་ན དི་བྦ་ཏི ཝཱ. ཨེ་ཝཾ སཱ་ལཱ་ཀི་ཀོ, ཏི་ནྡུ་ཀི་ཀོ, ཨ་མྦ་ཕ་ལི་ཀོ. ཀ་པི་ཊྛ་ཕ་ལི་ཀོ, ནཱ་ལི༹་ཀེ་རི་ཀོ ཨི་ཙྩེ་ཝ་མཱ་དི.
༣༥༢. , ༣༧༦. ཎ རཱ་གཱ ཏ་སྶེ ད་མ་ཉྙ་ཏྠེ་སུ ཙ.
ཎཔ་ཙྩ་ཡོ ཧོ་ཏི ཝཱ རཱ་ག་མྷཱ ‘‘ཏེ་ན ར་ཏྟཾ’’ ཨི་ཙྩེ་ཏ་སྨིཾ ཨ་ཏྠེ, ‘‘ཏ་སྶེ་དཾ’’ ཨ་ཉྙ་ཏྠེ་སུ ཙ.
ཀ་སཱ་ཝེ་ན ར་ཏྟཾ ཝ་ཏྠཾ ཀཱ་སཱ་ཝཾ, ཀ་སཱ་ཝེ་ན ར་ཏྟཾ ཝ་ཏྠཾ ཝཱ. ཨེ་ཝཾ ཀོ་སུ་མྦྷཾ, ཧཱ་ལི་དྡཾ, པཱ་ཊ་ངྒཾ, ར་ཏྟ་ངྒ, མ་ཉྫི་ཊྛཾ, ཀུ་ངྐུ་མཾ.
སཱུ་ཀ་ར་སྶ ཨི་དཾ མཾ་སཾ སོ་ཀ་རཾ, སཱུ་ཀ་ར་སྶ ཨི་དཾ མཾ་སཾ ཝཱ. ཨེ་ཝཾ མཱ་ཧི་སཾ.
ཨུ་དུ་མྦ་ར་སྶ ཨ་ཝི་དཱུ་རེ པ་ཝ་ཏྟཾ ཝི་མཱ་ནཾ ཨོ་དུ་མྦ་རཾ, ཨུ་དུ་མྦ་ར་སྶ ཨ་ཝི་དཱུ་རེ པ་ཝ་ཏྟཾ ཝི་མཱ་ནཾ ཝཱ.
ཝི་དི་སཱ་ཡ ཨ་ཝི་དཱུ་རེ ནི་ཝཱ་སོ ཝེ་དི་སོ, ཝི་དི་སཱ་ཡ ཨ་ཝི་དཱུ་རེ ནི་ཝཱ་སོ ཝཱ.
མ་ཐུ་རཱ་ཡ ཛཱ་ཏོ མཱ་ཐུ་རོ, མ་ཐུ་རཱ་ཡ ཛཱ་ཏོ ཝཱ.
མ་ཐུ་རཱ་ཡ ཨཱ་ག་ཏོ མཱ་ཐུ་རོ, མ་ཐུ་རཱ་ཡ ཨཱ་ག་ཏོ ཝཱ.
ཀ་ཏྟི་ཀཱ་ཡ ནི་ཡུ་ཏྟོ མཱ་སོ ཀ་ཏྟི་ཀོ, ཀ་ཏྟི་ཀཱ་ཡ ནི་ཡུ་ཏྟོ མཱ་སོ ཝཱ. ཨེ་ཝཾ མཱ་ག་སི་རོ, ཕུ་སྶོ, མཱ་གྷོ, ཕ་གྒུ་ནོ, ཙི་ཏྟོ, ཝེ་སཱ་ཁོ, ཛེ་ཊྛོ, ཨཱ་ས་ལ༹ྷོ, སཱ་ཝ་ཎོ, བྷ་དྡོ, ཨ་སྶ་ཡུ་ཛོ.
ན ཝུ་དྡྷི ནཱི་ལ་པཱི་ཏཱ་དོ, པ་ཙྩ་ཡེ ས་ཎ་ཀཱ་ར་ཀེ.
ཕཀཱ་རོ ཕུ་སྶས་དྡ་སྶ, ‘‘སི་རོ’’ཏི སི་ར་སཾ ཝ་དེ.
སི་ཀྑཱ་ནཾ ས་མཱུ་ཧོ སི་ཀྑོ, བྷི་ཀྑཱ་ནཾ ས་མཱུ་ཧོ བྷི་ཀྑོ. ཨེ་ཝཾ ཀཱ་པོ་ཏོ, མཱ་ཡཱུ་རོ, ཀོ་ཀི་ལོ.
བུ་དྡྷེ, ཨ་སྶ དེ་ཝ་ཏཱ བུ་དྡྷོ. ཨེ་ཝཾ བྷ་དྡོ, མཱ་རོ, མཱ་ཧི་ནྡོ, ཝེ་སྶ་ཝ་ཎོ, ཡཱ་མོ, སོ་མོ, ནཱ་རཱ་ཡ་ཎོ.
སཾ་ཝ་ཙྪ་ར་མ་དྷཱི་ཏེ སཾ་ཝ་ཙྪ་རོ. ཨེ་ཝཾ མོ་ཧུ་ཏྟོ, ནེ་མི་ཏྟོ, ཨ་ངྒ་ཝི་ཛྫོ, ཝེ་ཡྻཱ་ཀ་ར་ཎོ, ཚ་ནྡོ, བྷཱ་སྶོ, ཙ་ནྡོ.
ཝ་སཱ་དཱ་ནཾ ཝི་ས་ཡོ དེ་སོ ཝཱ་སཱ་དོ. ཨེ་ཝཾ ཀུ་མྦྷོ, སཱ་ཀུ་ནྟོ, ཨཱ་ཏི་སཱ་རོ.
ཨུ་དུ་མྦ་རཱ ཨ་སྨིཾ པ་དེ་སེ ས་ནྟཱི་ཏི ཨོ་དུ་མྦ་རོ. སཱ་ག་རེ་ཧི ནི་བྦ་ཏྟོ སཱ་ག་རོ. སཱ་ག་ལ་མ་སྶ ནི་ཝཱ་སོ སཱ་ག་ལོ. མ་ཐུ་རཱ ཨ་སྶ ནི་ཝཱ་སོ མཱ་ཐུ་རོ. མ་ཐུ་རཱ་ཡ ཨི་སྶ་རོ མཱ་ཐུ་རོ. ཨི་ཙྩེ་ཝ་མཱ་ད་ཡོ ཡོ་ཛེ་ཏ་བྦཱ.
༣༥༣. , ༣༧༨. ཛཱ་ཏཱ་དཱི་ན་མི་མི་ཡཱ ཙ.
ཛཱ་ཏཨི་ཙྩེ་ཝ་མཱ་དཱི་ན་མ་ཏྠེ ཨི་མ་ཨི་ཡཔ་ཙྩ་ཡཱ ཧོ་ནྟི.
པ་ཙྪཱ ཛཱ་ཏོ པ་ཙྪི་མོ. ཨེ་ཝཾ ཨ་ནྟི་མོ, མ་ཛ྄ཛྷི་མོ, པུ་རི་མོ, ཨུ་པ་རི་མོ, ཧེ་ཊྛི་མོ, གོ་པྥི་མོ. བོ་དྷི་ས་ཏྟ་ཛཱ་ཏི་ཡཱ ཛཱ་ཏོ བོ་དྷི་ས་ཏྟ་ཛཱ་ཏི་ཡོ, ཨེ་ཝཾ ཨ་སྶ་ཛཱ་ཏི་ཡོ, ཧ་ཏྠི་ཛཱ་ཏི་ཡོ, མ་ནུ་སྶ་ཛཱ་ཏི་ཡོ.
ཨཱ་དི་གྒ་ཧ་ཎེ་ན ནི་ཡུ་ཏྟ་ཏྠཱ་དི་ཏོ་པི ཏ་ད་སྶ་ཏྠཱ་དི་ཏོ་པི ཨི་མ ཨི་ཡ ཨི་ཀ ཨི་ཙྩེ་ཏེ པ་ཙྩ་ཡཱ ཧོ་ནྟི. ཨ་ནྟོ ནི་ཡུ་ཏྟོ ཨ་ནྟི་མོ. ཨེ་ཝཾ ཨ་ནྟི་ཡོ, ཨ་ནྟི་ཀོ.
པུ་ཏྟོ ཨ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི པུ་ཏྟི་མོ. ཨེ་ཝཾ པུ་ཏྟི་ཡེ་ཝ, པུ་ཏྟི་ཀོ, ཀ་པྤི་མོ, ཀ་པྤི་ཡོ, ཀ་པྤི་ཀོ.
ཙ་གྒ་ཧ་ཎེ་ན ཀི་ཡཔ་ཙྩ་ཡོ ཧོ་ཏི ནི་ཡུ་ཏྟ་ཏྠེ. ཛཱ་ཏི་ཡཾ ནི་ཡུ་ཏྟོ ཛཱ་ཏི་ཀི་ཡོ, ཨ་ནྡྷེ ནི་ཡུ་ཏྟོ ཨ་ནྡྷ་ཀི་ཡོ, ཛཱ་ཏི་ཡཱ ཨ་ནྡྷོ ཛ་ཙྩ་ནྡྷོ, ཛ་ཙྩ་ནྡྷེ ནི་ཡུ་ཏྟོ ཛ་ཙྩ་ནྡྷ་ཀི་ཡོ.
༣༥༤. , ༣༧༩. ས་མཱུ་ཧ་ཏྠེ ཀ་ཎ ཎཱ.
ས་མཱུ་ཧ་ཏྠེ ཀ་ཎ ཎཨི་ཙྩེ་ཏེ པ་ཙྩ་ཡཱ ཧོ་ནྟི.
རཱ་ཛ་པུ་ཏྟཱ་ནཾ ས་མཱུ་ཧོ རཱ་ཛ་པུ་ཏྟ་ཀོ. ཨེ་ཝཾ རཱ་ཛ་པུ་ཏྟོ, མཱ་ནུ་སྶ་ཀོ, མཱ་ནུ་སྶོ, མཱ་ཡཱུ་ར་ཀོ, མཱ་ཡཱུ་རོ, མཱ་ཧིཾ་ས་ཀོ, མཱ་ཧིཾ་སོ.
༣༥༥. , ༣༨༠. གཱ་མ ཛ་ན བ་ནྡྷུ ས་ཧཱ་ཡཱ་དཱི་ཧི་ཏཱ.
གཱ་མ ཛ་ན བ་ནྡྷུ ས་ཧཱ་ཡཨི་ཙྩེ་ཝ་མཱ་དཱི་ཧི ཏཱཔ་ཙྩ་ཡོ ཧོ་ཏི ས་མཱུ་ཧ་ཏྠེ.
གཱ་མཱ་ནཾ ས་མཱུ་ཧོ གཱ་མ་ཏཱ. ཨེ་ཝཾ ཛ་ན་ཏཱ, བ་ནྡྷུ་ཏཱ, ས་ཧཱ་ཡ་ཏཱ, ན་ག་ར་ཏཱ.
༣༥༦. , ༣༨༡. ཏ་ད་སྶ ཋཱ་ན་མི་ཡོ ཙ.
‘‘ཏ་ད་སྶ ཋཱ་ན’’ མི་ཙྩེ་ཏ་སྨིཾ ཨ་ཏྠེ ཨི་ཡཔ་ཙྩ་ཡོ ཧོ་ཏི.
མ་ད་ན་སྶ ཋཱ་ནཾ མ་ད་ནི་ཡཾ, བ་ནྡྷ་ན་སྶ ཋཱ་ནཾ བ་ནྡྷ་ནི་ཡཾ, མུ་ཙྪ་ན་སྶ ཋཱ་ནཾ མུ་ཙྪ་ནི་ཡཾ, ཨེ་ཝཾ ར་ཛ་ནི་ཡཾ, ཀ་མ་ནི་ཡཾ, ག་མ་ནི་ཡཾ, དུ་སྶ་ནི་ཡཾ, ད་སྶ་ནི་ཡཾ.
༣༥༧. , ༣༨༢. ཨུ་པ་མ་ཏྠཱ་ཡི་ཏ་ཏྟཾ.
ཨུ་པ་མ་ཏྠེ ཨཱ་ཡི་ཏ་ཏྟཔ་ཙྩ་ཡོ ཧོ་ཏི.
དྷཱུ་མོ ཝི་ཡ དི་སྶ་ཏི ཨ་དུཾ ཝ་ནཾ ཏ་དི་དཾ དྷཱུ་མཱ་ཡི་ཏ་ཏྟཾ, ཏི་མི་རཾ ཝི་ཡ དི་སྶ་ཏི ཨ་དུཾ ཝ་ནཾ ཏ་དི་དཾ ཏི་མི་རཱ་ཡི་ཏ་ཏྟཾ.
༣༥༨. , ༣༨༣. ཏ་ནྣི་སྶི་ཏ་ཏྠེ ལོ.
‘‘ཏ་ནྣི་སྶི་ཏ་ཏྠེ, ཏ་ད་སྶ ཋཱ་ན’’མི་ཙྩེ་ཏ་སྨིཾ ཨ་ཏྠེ ཙ ལཔ་ཙྩ་ཡོ ཧོ་ཏི.
དུ་ཊྛུ ནི་སྶི་ཏཾ དུ་ཊྛུ་ལླཾ, ཝེ་དཾ ནི་སྶི་ཏཾ ཝེ་ད་ལླཾ, དུ་ཊྛུ ཋཱ་ནཾ དུ་ཊྛུ་ལླཾ, ཝེ་ད་སྶ ཋཱ་ནཾ ཝེ་ད་ལླཾ.
༣༥༩. , ༣༨༤. ཨཱ་ལུ ཏ་བྦ་ཧུ་ལེ.
ཨཱ་ལུཔ་ཙྩ་ཡོ ཧོ་ཏི ཏ་བྦ་ཧུ་ལ་ཏྠེ.
ཨ་བྷི་ཛ྄ཛྷཱ ཨ་སྶ པ་ཀ་ཏི ཨ་བྷི་ཛ྄ཛྷཱ་ལུ, ཨ་བྷི་ཛ྄ཛྷཱ ཨ་སྶ བ་ཧུ་ལཱ ཝཱ ཨ་བྷི་ཛ྄ཛྷཱ་ལུ. ཨེ་ཝཾ སཱི་ཏཱ་ལུ, དྷ་ཛཱ་ལུ, ད་ཡཱ་ལུ.
༣༦༠. , ༣༨༧. ཎྱ ཏྟ ཏཱ བྷཱ་ཝེ ཏུ.
ཎྱ་ཏྟ་ཏཱཨི་ཙྩེ་ཏེ པ་ཙྩ་ཡཱ ཧོ་ནྟི བྷཱ་ཝ་ཏྠེ.
ཨ་ལ་ས་སྶ བྷཱ་ཝོ ཨཱ་ལ་སྱཾ, ཨ་རོ་ག་སྶ བྷཱ་ཝོ ཨཱ་རོ་གྱཾ. པཾ་སུ་ཀཱུ་ལི་ཀ་སྶ བྷཱ་ཝོ པཾ་སུ་ཀཱུ་ལི་ཀ་ཏྟཾ, ཨ་ནོ་ད་རི་ཀ་སྶ བྷཱ་ཝོ ཨ་ནོ་ད་རི་ཀ་ཏྟཾ. ས་ངྒ་ཎི་ཀཱ་རཱ་མ་སྶ བྷཱ་ཝོ ས་ངྒ་ཎི་ཀཱ་རཱ་མ་ཏཱ, ནི་དྡཱ་རཱ་མ་སྶ བྷཱ་ཝོ ནི་དྡཱ་རཱ་མ་ཏཱ.
ཏུ་གྒ་ཧ་ཎེ་ན ཏྟ་ནཔ་ཙྩ་ཡོ ཧོ་ཏི. པུ་ཐུ་ཛྫ་ན་ཏྟ་ནཾ, ཝེ་ད་ན་ཏྟ་ནཾ.
༣༦༡. , ༣༨༨. ཎ ཝི་ས་མཱ་དཱི་ཧི.
ཎཔ་ཙྩ་ཡོ ཧོ་ཏི ཝི་ས་མཱ་དཱིཧི ‘‘ཏ་སྶ བྷཱ་ཝོ’’ཨི་ཙྩེ་ཏ་སྨིཾ ཨ་ཏྠེ.
ཝི་ས་མ་སྶ བྷཱ་ཝོ ཝེ་ས་མཾ, སུ་ཙི་སྶ བྷཱ་ཝོ སོ་ཙཾ.
༣༦༢. , ༣༨༩. ར་མ་ཎཱི་ཡཱ་དི་ཏོ ཀ་ཎ.
ར་མ་ཎཱི་ཡཨི་ཙྩེ་ཝ་མཱ་དི་ཏོ ཀ་ཎ པ་ཙྩ་ཡོ ཧོ་ཏི ‘‘ཏ་སྶ བྷཱ་ཝོ’’ཨི་ཙྩེ་ཏ་སྨིཾ ཨ་ཏྠེ.
ར་མ་ཎཱི་ཡ་སྶ བྷཱ་ཝོ རཱ་མ་ཎཱི་ཡ་ཀཾ, མ་ནུ་ཉྙ་སྶ བྷཱ་ཝོ མཱ་ནུ་ཉྙ་ཀཾ.
༣༦༣. , ༣༩༠. ཝི་སེ་སེ ཏ་ར་ཏ་མི་སི་ཀི་ཡི་ཊྛཱ.
ཝི་སེ་ས་ཏྠེ ཏ་ར ཏ་མ ཨི་སི་ཀ ཨི་ཡ ཨི་ཊྛཨི་ཙྩེ་ཏེ པ་ཙྩ་ཡཱ ཧོ་ནྟི.
ས་བྦེ ཨི་མེ པཱ་པཱ, ཨ་ཡ་མི་མེ་སཾ ཝི་སེ་སེ་ན པཱ་པོ་ཏི པཱ་པ་ཏ་རོ. ཨེ་ཝཾ པཱ་པ་ཏ་མོ, པཱ་པི་སི་ཀོ, པཱ་པི་ཡོ, པཱ་པི་ཊྛོ.
༣༦༤. , ༣༩༨. ཏ་ད་སྶ་ཏྠཱི་ཏི ཝཱི ཙ.
‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ ཝཱིཔ་ཙྩ་ཡོ ཧོ་ཏི.
མེ་དྷཱ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི་མེ་དྷཱ་ཝཱི. ཨེ་ཝཾ མཱ་ཡཱ་ཝཱི.
ཙ་གྒ་ཧ་ཎེ་ན སོཔ་ཙྩ་ཡོ ཧོ་ཏི. སུ་མེ་དྷཱ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི སུ་མེ་དྷ་སོ.
༣༦༥. , ༣༩༩. ཏ་པཱ་དི་ཏོ སཱི.
ཏ་པཱདི་ཏོ སཱིཔ་ཙྩ་ཡོ ཧོ་ཏི ‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ.
ཏ་པོ ཡ་སྶ ཨ་ཏྠི ཏ་སྨིཾ ཝཱ ཝི་ཛྫ་ཏཱི་ཏི ཏ་པ་སྶཱི. ཨེ་ཝཾ ཡ་ས་སྶཱི, ཏེ་ཛ་སྶཱི.
༢༦༦. , ༤༠༠. ད་ཎྜཱ་དི་ཏོ ཨི་ཀ་ཨཱི.
ད་ཎྜཱདི་ཏོ ཨི་ཀ ཨཱིཨི་ཙྩེ་ཏེ པ་ཙྩ་ཡཱ ཧོ་ནྟི ‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ.
ད་ཎྜོ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི ད་ཎྜི་ཀོ, ད་ཎྜཱི. ཨེ་ཝཾ མཱ་ལི་ཀོ, མཱ་ལཱི.
༣༦༧. , ༤༠༡. མ་དྷྭཱ་དི་ཏོ རོ.
མ་དྷུཨི་ཙྩེ་ཝ་མཱ་དི་ཏོ རཔ་ཙྩ་ཡོ ཧོ་ཏི ‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ.
མ་དྷུ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི མ་དྷུ་རོ. ཨེ་ཝཾ ཀུ་ཉྫ་རོ, མུ་གྒ་རོ, མུ་ཁ་རོ, སུ་སི་རོ, (སཱི་ས་རོ, སུ་ཀ་རོ, སུ་ངྐ་རོ), སུ་བྷ་རོ, སུ་ཙི་རོ, རུ་ཙི་རོ.
༣༦༨. , ༤༠༢. གུ་ཎཱ་དི་ཏོ ཝ་ནྟུ.
གུ་ཎཨི་ཙྩེ་ཝ་མཱ་དི་ཏོ ཝ་ནྟུཔ་ཙྩ་ཡོ ཧོ་ཏི ‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ.
གུ་ཎོ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི གུ་ཎ་ཝཱ. ཨེ་ཝཾ ཡ་ས་ཝཱ, དྷ་ན་ཝཱ, པ་ཉྙ་ཝཱ, བ་ལ་ཝཱ, བྷ་ག་ཝཱ.
༣༦༩. , ༤༠༣. ས་ཏྱཱ་དཱི་ཧི མ་ནྟུ.
ས་ཏིཨི་ཙྩེ་ཝ་མཱ་དཱི་ཧི མ་ནྟུཔ་ཙྩ་ཡོ་ཧོ་ཏི ‘‘ཏ་ད་སྶ་ཏྠི’’ ཨི་ཙྩེ་ཏ་སྨིཾ ཨ་ཏྠེ.
ས་ཏི ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི ས་ཏི་མཱ, ཨེ་ཝཾ ཛུ་ཏི་མཱ, རུ་ཙི་མཱ, ཐུ་ཏི་མཱ, དྷི་ཏི་མཱ, མ་ཏི་མཱ, བྷཱ་ཎུ་མཱ.
༣༧༠. , ༤༠༥. ས་དྡྷཱ་དི་ཏོ་ཎ.
ས་དྡྷཱཨི་ཙྩེ་ཝ་མཱ་དི་ཏོ ཎ པ་ཙྩ་ཡོ ཧོ་ཏི ‘‘ཏ་ད་སྶ་ཏྠི’’ཨི་ཙྩེ་ཏ་སྨིཾ ཨ་ཏྠེ.
ས་དྡྷཱ ཡ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་བྷི ས་དྡྷོ, ཨེ་ཝཾ པ་ཉྙོ, ཨ་མ་ཙྪ་རོ.
༣༧༡. , ༤༠༤. ཨཱ་ཡུ་སྶུ་ཀཱ་རཱ་ས མ་ནྟུ་མྷི.
ཨཱ་ཡུསྶ ཨ་ནྟོ ཨུཀཱ་རོ ཨ་སཱདེ་སོ ཧོ་ཏིམ་ནྟུ་མྷི པ་ཙྩ་ཡེ པ་རེ.
ཨཱ་ཡུ ཨ་སྶ ཨ་ཏྠི, ཏ་སྨིཾ ཝཱ ཝི་ཛྫ་ཏཱི་ཏི ཨཱ་ཡ་སྨཱ.
༣༧༢. , ༣༨༥. ཏ་པྤ་ཀ་ཏི་ཝ་ཙ་ནེ མ་ཡོ.
ཏ་པྤ་ཀ་ཏི་ཝ་ཙ་ན་ཏྠེ མ་ཡཔ་ཙྩ་ཡོ ཧོ་ཏི.
སུ་ཝ་ཎྞེ་ན པ་ཀ་ཏཾ ཀ་མྨཾ སོ་ཝ་ཎྞ་མ་ཡཾ. ཨེ་ཝཾ རཱུ་པི་ཡ་མ་ཡཾ ཛ་ཏུ་མ་ཡཾ, ར་ཛ་ཏ་མ་ཡཾ, ཨི་ཊྛ་ཀ་མ་ཡཾ, ཨ་ཡོ་མ་ཡཾ, མ་ཏྟི་ཀཱ མ་ཡཾ, དཱ་རུ་མ་ཡཾ, གོ་མ་ཡཾ.
༣༧༣. , ༤༠༦. ས་ངྑྱཱ་པཱུ་ར་ཎེ མོ.
ས་ངྑྱཱ་པཱུ་ར་ཎ་ཏྠེ མཔ་ཙྩ་ཡོ ཧོ་ཏི.
པ་ཉྩ་ནྣཾ པཱུ་ར་ཎོ པ་ཉྩ་མོ, ཨེ་ཝཾ ས་ཏྟ་མོ, ཨ་ཊྛ་མོ, ན་ཝ་མོ, ད་ས་མོ.
༣༧༤. , ༤༠༨. ས ཚ་སྶ་ཝཱ.
ཚསྶ ས་ཀཱ་རཱ་དེ་སོ ཧོ་ཏི ཝཱ ས་ངྑྱཱ་པཱུ་ར་ཎ་ཏྠེ.
ཚ་ནྣཾ པཱུ་ར་ཎོ ས་ཊྛོ, ཚ་ཊྛོ ཝཱ.
༣༧༥. , ༤༡༢. ཨེ་ཀཱ་དི་ཏོ ད་ས་སྶཱི.
ཨེ་ཀཱདི་ཏོ ད་སསྶ ཨ་ནྟེ ཨཱིཔ་ཙྩ་ཡོ ཧོ་ཏི ཝཱ ས་ངྑྱཱ་པཱུ་ར་ཎ་ཏྠེ.
ཨེ་ཀོ ཙ ད་ས ཙ ཨེ་ཀཱ་ད་ས, ཨེ་ཀཱ་ད་ས་ནྣཾ པཱུ་ར་ཎཱི ཨེ་ཀཱ་ད་སཱི. པ་ཉྩ་ཙ ད་ས ཙ པ་ཉྩ་ད་ས, པ་ཉྩ་ད་ས་ནྣཾ པཱུ་ར་ཎཱི པ་ཉྩ་ད་སཱི. ཙ་ཏྟཱ་རོ ཙ ད་ས ཙ ཙ་ཏུ་དྡ་ས, ཙ་ཏུ་དྡ་ས་ནྣཾ པཱུ་ར་ཎཱི ཙཱ་ཏུ་དྡ་སཱི.
པཱུ་ར་ཎེཏི ཀི་མ་ཏྠཾ? ཨེ་ཀཱ་ད་ས, པ་ཉྩ་ད་ས.
༣༧༦. , ༢༥༧. ད་སེ སོ ནི་ཙྩ་ཉྩ.
ད་སས་དྡེ པ་རེ ནི་ཙྩཾ ཚསྶ སོ ཧོ་ཏི.
སོ་ལ༹་ས.
༣༧༧. , ༠. ཨ་ནྟེ ནི་གྒ་ཧི་ཏ་ཉྩ.
ཏཱ་སཾ ས་ངྑྱཱ་ནཾ ཨ་ནྟེ ནི་གྒ་ཧི་ཏཱ་ག་མོ ཧོ་ཏི.
པ་ཉྩ་ད་སི, ཙཱ་ཏུ་དྡ་སི.
༣༧༨. , ༤༡༤. ཏི ཙ.
ཏཱ་སཾ ས་ངྑྱཱ་ནཾ ཨ་ནྟེ ཏིཀཱ་རཱ་ག་མོ ཧོ་ཏི. ཝཱི་ས་ཏི, ཏིཾ་ས་ཏི.
༣༧༩. , ༢༥༨. ལ ད་རཱ་ནཾ.
དཀཱ་ར རཀཱ་རཱ་ནཾ ས་ངྑྱཱ་ནཾ ལཀཱ་རཱ་དེ་སོ ཧོ་ཏི. སོ་ལ༹་ས, ཙ་ཏྟཱ་ལཱི་སཾ.
༣༨༠. , ༢༥༥. ཝཱི་ས་ཏི ད་སེ་སུ བཱ དྭི་སྶ ཏུ.