ཧ་ཏྠ་ཝ་ན་ག་ལླ་ཝི་ཧཱ་ར |ཨོ༠.༠༠༠༡| ཝཾ་སོ

ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ

༡. སྣེ་ཧུ་ཏྟ་རཱ་ཡ ཧ་ད་ཡཱ མ་ལ་མ་ལླི་ཀཱ་ཡ,

པ་ཛྫཱ་ལི་ཏོ མ་ཏི་ད་སཱ་ཡ ཛི་ན་པྤ་དཱི་པོ;

མོ་ཧ་ཎྡྷ་ཀཱ་ར་མ་ཁི་ལཾ མ་མ ནཱི་ཧ་ར་ནྟོ,

ནི་ཙྩཾ ཝི་བྷཱ་ཝ་ཡ་ཏུ ཙཱ་རུ པ་ད་ཏྠ་རཱ་སིཾ.

༢. ལ་ངྐཱ་བྷི་སི་ཏྟ་ཝ་སུ་དྷཱ་དྷི་པ་ཏཱི་སུ རཱ་ཛཱ,

ཡོ བོ་དྷི་ས་ཏྟ་གུ་ཎ་ཝཱ སི་རི་ས་ངྒྷ་བོ་དྷི;

ཏ་སྶཱ་ཏི་ཙཱ་རུ ཙ་རི་ཡཱ ར་ཙ་ནཱ་མུ་ཁེ་ན,

ཝ་ཀྐཱ་མི ཧ་ཏྠ་ཝ་ན་ག་ལླ་ཝི་ཧཱ་ར ཝཾ་སཾ.

༣. བྲ་ཧྨ་ནྭ་ཡེ་ན་ནུ་ག་ཏ་ཏྠ་མ་ནོ་མ་ད་སྶཱི,

ཁྱཱ་ཏེ་ན ས་བྦ་ཡ་ཏི་རཱ་ཛ་དྷུ་ར་ནྡྷ་རེ་ན;

ཝྱཱ་པཱ་རི་ཏོ་ཧ་མི་ཏི་བྷཱ་ནུ་ག་ཏཾ ཀ་ཐ་ཉྩ,

ནི་སྶཱ་ཡ པུ་བྦ་ལི་ཁི་ཏཾ་ཝི་དྷ ཝཱ་ཡ་མཱ་མི.

༤. ཨ་རྞྠ སུ་ག་ཏཱ་ག་མ་སུ་དྷཱ་པ་གཱ་ནི་དྡྷོ་ཏ་ཀུ་དི་ཊྛི་ཝི་ས་ཀ་ལ་ངྐཱ་ཡ ལཾ་ཀཱ་ཡ བྷ་ག་ཝ་ཏོ ཨ་ངྒཱི་ར་ས་སྶ་མ་ཧཱ་ནཱ་ག་ཝ་ནུ་ཡྻཱ་ནེ ས་མི་ཏི་ས་མཱ་ག་ཏ་ཡ་ཀྑ ར་ཀྑ་ས་ལོ་ཀ་ཝི་ཛ་ཡཱ་པ་དཱ་ན་སྶ སི་དྡྷ་ཀྑེ་ནྟ་བྷཱུ་ཏོ སཱི་ཧ་ལ༹་མ་ཧཱི་མ་ཎྜ་ལ་མ་ཎྜ་ནཱ་ཡ མཱ་ནོ ཝི་ཝི་དྷ་ར་ཏ་ནཱ་ཀ་རོ་པ་ལ་ཀྑ་མཱ་ན་མ་ཧ་གྒྷ་མ་ཎི བྷེ་དོ མ་ཎི བྷེ་དོ ནཱ་མ ཛ་ན་པ་དོ.

༥. ལ་དྡྷཱ་ན ས་ཏྠུ ཝ་ར་ཎ་ངྐ་མ་ན་ཉྙ་ལ་བྦྷ,

མཱ་ན་ཎྡི་ནཱ སུ་མ་ན་ཀཱུ་ཊ་སི་ལུ་ཙྩ་ཡེ་ན;

ཨུ་སྶཱ་པི་ཏཱ ཝི་ཛ་ཡ་ཀེ་ཏུ་མ་ཏ་ལླི་ཀེ་ཝ,

སུ་དྡྷོ་རུ་ཝཱ་ལུ་ཀ་ན་དཱི ཡ་མ་ལ་ངྐ་རོ་ཏི.

༦. ལ་ངྐཱ་ཡ ཡ་ཀྑ་ག་ཎ་ནཱི་ཧ་ར་ཎེ ཛི་ན་སྶ,

ཙ་མྨཱ་ས་ནུ་གྒ་ན་ཧུ་ནཱ་ས་ན་ཕ་སྶ་དཱ་ཧཱ;

སཾ་སཱ་ར་ར་ཀྑ་ས་ཝ་པུ་བྦྷ་ཝ་བུ་བྦུ་ལཾ་ཙ,

ཡ་སྨིཾ ཝི་ཧཱ་ཏི མ་ཧི་ཡ་ངྒ་ཎ ཐཱུ་པ་རཱ་ཛཱ.

༧. |ཨོ༠.༠༠༠༢|

ས་དཱ་མ་ཧོ་གྷཱ་ཡ མ་ཧཱ་པ་གཱ་ཡ,

པཱ་ནཱི་ཡ་པཱ་ནཱ་ཡ ས་མོ་ས་ཊཱ་ནཾ;

ས་མུ་ཙྩ་ཡོ སཱ་ར་ད་ཝཱ་རི་དཱ་ནཾ,

ནཱུ་ནཾ ག་ཏོ ཐཱ་ཝ་ར་ཐཱུ་པ་རཱུ་པཾ.

༨. ཏ་སྶཱ་པ་གཱ་ཡ ཝི་མ་ལ་མྦུ་ནི དི་སྶ་མཱ་ན,

མཱ་ལོ་ལ་ཝི་ཙི་ཏ་ར་ལཾ པ་ཊི་བི་མྦ་རཱུ་པཾ;

བྷོ་གེ་ཧི ཝེ་ཋི་ཡ ནི་ཛཾ བྷ་ཝ་ནཾ ཕ་ཎཱི་ཧི,

པཱུ་ཛ་ཏྠི་ཀེ་ཧི ཝི་ཡ རཱ་ཛ་ཏི ནཱི་ཡ་མཱ་ནཾ.

༩. ཏ་སྶ མ་ཧི་ཡ་ངྒ་ཎ མ་ཧཱ ཝི་ཧཱ་ར་སྶ པ་རི་ཡ་ནྟ་གཱ་མ་ཀེ སེ་ལཱ་བྷ་ཡོ ནཱ་མ ཁ་ཏྟི་ཡོ པ་ཊི་ཝ་ས་ནྟོ པུ་ཏྟཾ པ་ཊི་ལ་བྷི་ཏྭཱ ཨ་ངྒ་ལ་ཀྑ་ཎ་པཱ་ཋ་ཀཱ་ནཾ ད་སྶེ་སི ཏེ ཏ་སྶ ཀུ་མཱ་ར་སྶ ཨ་ངྒ་ལ་ཀྑ་ཎཱ་ནི ཨོ་ལོ་ཀེ་ཏྭཱ ‘‘ཨ་ཡཾ ཀུ་མཱ་རོ ཁ་མ་ཀ་ས་ཏྟོ ན་ཧོ་ཏི. དྷ་ཉྙ་པུ་ཉྙ་ལ་ཀྑ་ཎ་ས་མྤ་ནྣོ, ས་ཀ་ལ་མྤི སཱི་ཧ་ལ༹་དཱི་པཾ ཨེ་ཀ་ཙྪ་ཏྟཾ ཀ་རི་ཏྭཱ མ་ཧ་ནྟ་མ་ཧ་ནྟཱ་ནི ཨ་ཙྪ་རི་ཡ་བྦྷུ་ཏཱ་ནི མ་ཧཱ་ཝཱི་ར་ཙ་རི་ཏཱ་ནི ད་སྶེ་སྶ་ཏཱི’’ཏི ཝྱཱ་ཀ་རིཾ་སུ.

༡༠. ཏ་ཏོ སེ་ལཱ་བྷ་ཡ ཁ་ཏྟི་ཡོ པུ་ཏྟ་སྶ ཨ་བྷི་སེ་ཀཱ་དི་ས་མྤ་ཏྟིཾ སུ་ཏྭཱ ཀོ་ཊི་པྤ་ཏྟ་པ་མོ་ད་པ་ར་ཝ་སོ་པི ཏ་སྨིཾ ཀཱ་ལེ ཨ་ནུ་རཱ་དྷ་པུ་རེ ར་ཛྫཾ ཀཱ་ར་ཡ་ཏཱ ‘‘ཝོ་ཧཱ་ར་ཏི་སྶ་མ་ཧཱ་རཱ་ཛ་ཏོ ཀ་དཱ་ཙི ཀེ་ཙི ཨུ་པ་དྡ་ཝོ ཛཱ་ཡི་སྶ་ཏཱི་ཏི. ཛཱ་ཏ་པ་རི་ས་ངྐོ་ཏཾ ཀུ་མཱ་ར་མཱ་དཱ་ཡ མ་ཧི་ཡ་ངྒ་ཎ་མ་ཧཱ་ཝི་ཧཱ་རེ བོ་དྷི ཨ་ངྒ་ཎེ པ་རི་ཏྟ་གྒེ ས་ནྣི་པ་ཏི་ཏ་སྶ ན་ཎྡ་མ་ཧཱ་ཐེ་ར་པ་མུ་ཁ་སྶ མ་ཧཱ་བྷི་ཀྑུ་ས་ངྒྷ་སྶ མ་ཛ྄ཛྷེ ནི་པ་ཛྫཱ་པེ་ཏྭཱ ‘‘ཨེ་སོ མེ བྷ་ནྟེ ཀུ་མཱ་རོ མ་ཧཱ་ས་ངྒྷ་སྶ ཙ མ་ཧཱ བོ་དྷི་པཱ་ད་སྶ ཙ ས་ར་ཎཾ ག་ཙྪ་ཏི ཏཾ ས་བྦེ་པི བྷ་ད་ནྟཱ ར་ཀྑ་ནྟུ ས་ངྒྷ་བོ་དྷི ནཱ་མ་ཀོ ཙཱ་ཡཾ ཧོ་ཏུ’’ཏི མ་ཧཱ་ས་ངྒྷ་སྶ ཙ བོ་དྷི དེ་ཝ་ཏཱ་ཡ ཙ ནི་ཡྻཱ་དེ་ཏྭཱ པ་ཊི་ཛ་གྒ་ནྟོ ཀུ་མཱ་ར་སྶ ས་ཏྟ་ཝ་སྶི་ཀ ཀཱ་ལེ ཀཱ་ལ་མ་ཀཱ་སི.

༡༡. ཨ་ཐ མཱ་ཏུ་ལོ ན་ཎྡ་མ་ཧཱ་ཐེ་རོ ཀུ་མཱ་ར་ཀཾ ཝི་ཧཱ་ར་མཱ་ནེ་ཏྭཱ པ་ཊི་ཛ་གྒ་ནྟོ ཏེ་པི་ཊ་ཀཾ བུ་དྡྷ་ཝ་ཙ་ནཾ ཨུ་གྒ་ཎྷཱ་པེ་ཏྭཱ བཱ་ཧི་ར་ས་ཏྠེ་སུ ཙ པ་ར་མ་ཀོ་ཙི་དཾ ཀཱ་རེ་སི. ས་ངྒྷ་བོ་དྷི་ཀུ་མཱ་རོ་པི ཀ་ཏཱ་དྷི་ཀཱ་ར་ཏྟཱ ཏི་ཀྑ་པ་ཉྙ་ཏྟཱ ཙ ཉཱ་ཎ་ཝི་ཉྙཱ་ཎ་ས་མྤ་ནྣོ ཧུ་ཏྭཱ ཝ་ཡ་པྤ་ཏྟོ ལོ་ཀ་སྶ ལོ་ཙ་ནེ་ཧི་ནི་པི་ཡ་མཱ་ནཱ་ཡ རཱུ་པ་ས་མྤ་ཏྟི་ཡཱ ས་ཝ་ཉྫ་ལི་པུ་ཊེ་ཧི ཨ་སྶཱ་དི་ཡ་མཱ་ན་ས་དཱ་ཙཱ་ར་གུ་ཎ ས་མྤ་ཏྟི་ཡཱ ཙ པ་ཏྠ ཊ ཡ་སོ་གྷོ་སོ ཨ་ཧོ་སི.

༡༢. ཀི་མི་ཧ བ་ཧུ་ནཱ?- ཀཱ་ད་མྦི་ནཱི ཀ་ད་མྦ་ཏོ སི་ནི་དྡྷ་ནཱི་ལཱ་ཡ་ཏ་གུ་ཎཾ་དྷ་མྨི་ལླ་ཀ་ལཱ་པེ, པ་རི་པུ་ཎྞ་ཧ་རི་ཎ་ངྐ་མ་ཎྜ་ལ་ཏོ ཧི་ལཱ་ད་ཀ་ར་པ་སཱ་ད་སོ་མྨ་གུ་ཎཾ མུ་ཁ་མ་ཎྜ་ལེ ཙཱ་མཱི་ཀ་ར་པིཾ་ཛ་ར་ཀ་མྦུ་ཝ་ར་ཏོ མེ་དུ་རོ་དཱ་ར་བ་ཎྡྷུ་ར་བྷཱ་ཝཾ གཱི་ཝཱ་ཝ་ཡ་ཝེ, ཀ་ལྱཱ་ཎ་སི་ལུ་ཙྩ་ཡ་ཏོ སཾ་ཧ་ཏ ཝི་ལཱ་སཾ ཨུ་ར་ཏྠ་ལེ, སུ་ར་སཱ་དྷི་སཱ་ཁ་ཏོ |ཨོ༠.༠༠༠༣| པཱི་ཝ་རཱ་ཡ་ཏ་ལ་ལི་ཏ་རཱུ་པཾ ཀཱ་མ་དཱ་ན་པ་དཱ་ན་དྭ བཱ་ཧུ་ཡུ་ག་ལེ༹, ས་མ་ད་ག་ནྡྷ་སི་ནྡྷུ་ར་ཏོ ག་མ་ན་ལཱི་ལ༹ྷཾ ཀ་རཱ་ཀཱ་ར་དྭ ཧ་ཏྠི་ཡུ་ག་ལེ༹, ཙཱ་རུ་ཏ་ར་ཐ་རུ་ཙི་རོ་ཙ་མཱ་ན་ཙཱ་མཱི་ཀ་ར་མུ་ཀུ་ར་ཏོ ཏ་དཱ་ཀཱ་རཾ ས་ཛཱ་ཎུ་མ་ཎྜ་ལེ ཛ་ངྒྷ་ཡུ་ག་ལེ༹, ནི་ཙྩཱ སཱི་ན་ཀ་མ་ལཱ ཀ་མ་ལ་ཏོ ར་ཏྟ་ཀོ་མ་ལ༹་ད་ལ་སི་རཾ ཙ་ར་ཎ་ཡུ་ག་ལེ༹ ཨཱ་དཱ་ཡ ཡོ་ཛ་ཡ་ཏཱ པཱ་ར་མི་ཏཱ་དྷ་མྨ་སི་པྤི་ཏཱ ནི་མྨི་ཏ་སྶ པ་ར་མ་ད་སྶ་ནཱི་ཡ་ག་རཱུ་པ་ཝི་ལཱ་ས་སྶ ཏ་སྶ ཨ་ཏྟ་བྷཱ་ཝ་སྶ སཾ་ཝ་ཎྞ་ནཱ་ག་ནྠ་གཱ་ར་ཝ་མཱ་ཝ་ཧ་ཏི.

༡༣. དེ་ཧེ སུ་ལ་ཀྑ་ཎ་ཡུ་ཏེ ན་ཝ་ཡོ་བྦ་ན་ཌྜྷེ,

ཏ་སྶུ་ཛྫ་ལེ ཙ པ་ས་མཱ་ཧ་ར་ཎོ་ད་ཡེ་ན;

ཀཱ ཝ་ཎྞ་ནཱ ཀ་མ་ལ་རཱུ་པི་ནི ཛཱ་ཏ་རཱུ་པེ,

ལོ་ཀུ་ཏྟ་རཾ པ་རི་མ་ལཾ པ་རི་ཏོ ཝ་ཧ་ནྟེ.

༡༤. དོ་སཱ་ར་ཡོ ཧ་ད་ཡ་དུ་གྒ་པུ་རེ ཝི་ཛི་ཏྭཱ,

ཏ་ཏྠཱ་བྷི་སི་ཙྩ སུ་ཧ་དཾ ཝི་ཡ དྷ་མྨ་བྷཱུ་པཾ;

ཨ་ཏྠཱ་ནུ་སཱ་ས་ནི་མི་མ་སྶ ཝ་དཾ གི་རཱ་ཡ,

ཏ་ཏྠ་པྤ་ཝ་ཏྟ་ཡི སུ་དྷཱི ནི་ཛ་ཀཱ་ཡ་ཀ་མྨཾ.

ཨི་ཏི རཱ་ཛ་ཀུ་མཱ་རུ་པྤ་ཏྟི པ་རི་ཙྪེ་དོ པ་ཋ་མོ.

༡༥. ཨ་ཐེ་ཀ་དཱ མཱ་ཏུ་ལ་མ་ཧཱ་ཐེ་རཱ ཝ་ཡ་པྤ་ཏྟཾ སི་རི་ས་ངྒྷ་བོ་དྷི ཀུ་མཱ་རཾ དྷ་མྨ་ས་ཝ་ནཱ་ཝ་སཱ་ནེ ཨཱ་མ་ནྟེ་ཏྭཱ ཨེ་ཝ་མཱ་ཧ, ‘‘ཀུ་མཱ་ར! མ་ཧཱ་བྷཱ་ག་དྷེ་ཡྻ! ཨི་དཱ་ནི ཏྭ་མ་སི ཨ་དྷཱི་ཏ་སུ་ག་ཏཱ་ག་མོ, ཝི་དི་ཏ་ས་ཀ་ལ བཱ་ཧི་ར་ས་ཏྠོ. ཙ་ཏུ་བྦི་དྷ་པ་ཎྜི་ཙྩ་ཀོ་ཊི་པྤ་ཏྟོ, ཏ་ཐཱ་པི ཨ་བྷི་མཱ་ན་དྷ་ནེ ཁ་ཏྟི་ཡ་ཀུ་ལེ ཛཱ་ཏི, ས་བྦ་པ་ཏྠ་ཝྱཱ་པི་ཏཱ ཡོ་བྦ་ན་ཝི་ལཱ་སེ་ན ས་མ་ལ་ངྐ་ཏཾ ས་རཱི་རཾ, ཨ་པྤ་ཊི་མཱ རཱུ་པ་སི་རི, ཨ་མཱ་ནུ་སཾ བ་ལ་ཉྩེ་ཏི མ་ཧ་ཏཱི་ཡ བ་ལ་ཝ་ན་ཎྠ པ་ར་མྤ་རཱ’ས་བྦཱ་ཨ་ཝི་ན་ཡཱ་ན མེ་ཀེ་ཀ་མྤི ཏེ་ས་མཱ་ཡ་ཏ་ནཾ ཀི་མུ་ཏ ས་མ་ཝཱ་ཡོ?‘‘ཡེ་བྷུ་ཡྻེ་ན ས་ཏྠ་ས་ལི་ལ ཝི་ཀྑཱ་ལ་ནཱ་ཏི ནི་མྨ་ལཱ་པི ཀཱ་ལུ་སི་ཡ་མུ་པ་ཡཱ་ནི བུ་དྡྷཱི, ཨ་ནུ་ཛ྄ཛྷི་ཏ་དྷ་ཝ་ལ་ཏཱ་པི ས་རཱ་གཱ་ཨེ་ཝ བྷ་ཝ་ཏི ན་ཝ་ཡོ་བྦ་ན་ག་བྦི་ཏཱ་ནཾ དི་ཊྛི, ཨ་པ་ཧ་ར་ཏི ཙ ཝཱ་ཏ་མ་ཎྜ་ལི ཀེ་ཝ སུ་ཀྑ་པ་ཎྞཾ ཨུ་བ་བྷུ་ཏ་ར་ཛོ བྷ་ནྟི ཨ་ཏི་དཱུ་ར་མ་ཏྟ་ནོ ཨི་ཙྪཱ་ཡ ཡོ་བྦ་ན་ས་མ་ཡེ པུ་རི་སཾ པ་ཀ་ཏི. ཨི་ཎྡྲི་ཡ་བྷ་རི་ཎ་བྷཱ་རི་ནཱི ས་ཏྟ་མ་ཏི་དུ་ར་ནྟཱ་ཡ མུ་པ་བྷོ་ག་མི་ག་ཏ་ཎ་ཧི་ཀཱ ཏ་སྨཱ ཨ་ཡ་མེ་ཝཱ་ན་སྶཱ་དི་ཏ ཝི་ས་ཡ ར་ས་སྶ ཏེ ཀཱ་ལོ གུ་རུ་པ་དེ་ས་སྶ. མ་ད་ན་ས་ར་པྤ་བྷཱ་ར་ཛ་ཛྫ་རི་ཏེ ཧ་ད་ཡེ ཛ་ལ་མི་ཝ ག་ལ་ཏི གུ་རཱུ་ན་མ་ནུ་སྶཱ་ནཾ ཨ་ཀཱ་ར་ཎཾ་ཚ་ཝ་ཏི དུ་པྤ་ཀ་ཏི ནོ ཀུ་ལཾ་ཝཱ སུ་ཏཾ ཝཱ མ་ན་ཡ་སྶ ཝ་ཎྡ་ན་པྤ་བྷ་ཝོ་ན་ད་ཧ་ཏི ཀིཾ ད་ཧ་ནོ? ཀིཾ་ཝཱ་པ་ས་མ་ཧེ་ཏུ་ནཱ་པི ནཱ་ཏི་ཝ་ཎྜ་ཏ་རོ བྷ་ཝ་ཏི ཝ་ཌ་བཱ་ན་ལོ༹ ས་ལི་ལེ་ན, ཏ་སྨཱ གཱ་ལ༹ྷ་ཏ་ར མ་ནུ་སཱ་སཱི་ཏ་བྦོ་སི.

༡༦. ཨ་པ་ག་ཏ་མ་ལེ ཧི མ་ན་སི ཨེ་ལི་ཀ་མ་ཎི་མྷི ཝི་ཡ ར་ཛ་ནི་ཀ་ར་མ་ཡུ་ཁཱ་པ་ཝི་ས་ནྟི, སུ་ཁ་མུ་པ་དེ་ས་གུ་ཎཱ, གུ་རུ་ཝ་ཙ་ན་མ་མ་ལ་མྤི ས་ལི་ལ་མི་ཝ མ་ཧ་ནྟཾ ཛཱ་ནི་མུ་པ་ཛ་ན་ཡ་ཏི ས་ཝ་ན་ཧ་ཏཾ སཱུ་ལ་མི་ཝ ཨ་བྷ་བྦ་སྶ, བྷ་བྦ་སྶ་ཏུ |ཨོ༠.༠༠༠༤| ཀ་རི་ནོ ཝི་ཡ ས་བྦཱ་བྷ་ར་ཎ་མཱ་ན་ན་སོ་བྷཱ་ས་མུ་ད་ཡ་མ་དྷི་ཀ་ཏ་ར མུ་པ་ཝ་ཧ་ཏི, ཨ་ནཱ་དི་སི་དྡྷ ཏ་ཎྷཱ་ཀ་སཱ་ཡི་ཏི་ཎྡྲི་ཡཱ་ནུ་ཙ་ར་ཉྷི ཙི་ཏྟཾ ནཱ་ཝ་ཧ་ཏི ཀ་ནྣཱ་མཱ་ན་ཏྠཾ, ཏ་སྨཱ རཱ་ཛ ཀུ་མཱ་རཱ་ན་ཉྩ ཡ་ཏཱི་ན་ཉྩ ས་ཏི་བ་ལེ་ན ཨི་ཎྡྲི་ཡ་ཝི་ཛ་ཡོ དི་ཊྛ་དྷ་མྨི་ཀ་ས་མྤ་རཱ་ཡི་ཀ་མྦི་ལཾ ཀ་ལྱཱ་ཎ་ཛཱ་ཏ་མུ་པ་ཛ་ན་ཡ་ཏི, ཨི་ཎྡྲི་ཡ་ཝི་ཛ་ཡོ ཙ ས་མྦྷ་ཝ་ཏི གུ་རུ་ཝུ་དྡྷོ་པ་སེ་ཝཱ་ཡ ཏ་བྦ་ཝ་ན་མ་ཝི་རཱ་དྷེ་ཏྭཱ པ་ཊི་པ་ཛྫ་ཏོ, ཏ་སྨཱ ཏ་ཡཱ ཨཱ་པཱ་ཎ་པ་རི་ཡ་ནྟཾ ཝ་ཏྠུ་ཏྟ་ཡ་ས་ར་ཎ་པ་རཱ་ཡ་ཎ་ཏཱ ན པ་ཧཱ་ཏ་བྦཱ.

ན རཱ་གཱ་པ་སྨཱ་ར་ཝི་བོ་དྷ་ནཾ ཝི་ས་ཡ་ད་ཧ་ན་ས་ལི་ལ སཾ་སེ་ཝ་ནཾ ཀཱ་ཏ་བྦཾ, པ་སྶ་ཏཱུ ཧི ཀ་ལྱཱ་ཎཱ་བྷི་ནི་ཝེ་སི ཙ་ཀྑཱུ་ཎྡྲི་ཡ་ལཱ་ལ༹་ན པ་ར་ཝ་ས་སྶ ས་ལ་བྷ་སྶ ས་མུ་ཛྫ་ལི་ཏ དཱི་པ་སི་ཁཱ་པ་ཏ་ནཾ སོ་ཏི་ཎྡྲི་ཡ སུ་ཁཱ་ནུ་ཡུ་ཏྟ་སྶ ཏ་རུ་ཎ ཧ་རཱི་ཎ་སྶ ཨུ་སུ པཱ་ཏ་ས་མྨུ་ཁཱི་བྷ་ཝ་ནཾ གྷཱ་ཎི་ཎྡྲི་ཡ པ་ར་ཝ་ས་སྶ མ་དྷུ་ཀ་ར་སྶ མ་ད་ཝཱ་ར་ཎ་ཀ་ཎྞ་ཏཱ་ལ་བྷ་ནྣཾ ར་ས་ནི་ཎྡྲི་ཡ་ཏ་པྤ་ཎ་ཝྱ་ས་ནི་ནོ པུ་ཐུ་ལོ་མ་སྶ བ་ལི་སཱ་གྷཱ་ས་ཝྱ་ས་ནཾ ཕ་སྶཱི་ཎྡྲི་ཡཱ་ནུ་བྷ་ཝ་ན་ལཱ་ལ་ས་སྶ་མ་ཏ་ངྒ་ཛ་སྶ་ཝཱ་རི་ཎི བ་ཎྡྷ་ནཱ་པཱ་ཡཾ ཨི་མེ་ཧི ཨི་ཎྡྲི་ཡེ་ཧི མི་ལི་ཏེ་ཧི ཨེ་ཀ་སྶ ཀཱ་མི་ནོ ས་དི་དེ་ཝ པ་ཉྩ་ནྣཾ, ཝི་ས་ཡ་ར་སཱ་ན་མུ་པ་སེ་ཝཱ་ཡ པ་ཏྟ་བྦཾ མ་ཧ་ནྟཾ དུ་ཀྑ་ཛཱ་ལཾ ཀ་ཐ་མུ་པ་ཝ་ཎྞ་ཡཱ་མ? ཨི་མཱ་ནི ཙ སུ་བྷཱ་སི་ཏཱ་ནི པ་ཙྩ་ཝེ་ཀྑ་ཏུ ཨ་ནུ་ཀྑ་ཎཾ ཝི་ཙ་ཀྑ་ཎོ.

༡༧. ནཱ་གཱ་རི་ཀཾ སུ་ཁ་མུ་དི་ཀྑ་ཏི ཀི་ཉྩི དྷཱི་རོ,

ཛཱ་ནཱ་ཏི དེ་ཧ་པ་ཊི་ཛ་གྒ་ན་མ་ཏྠ་ཏོ་ཝེ;

སཾ་སེ་ཝ་ཏོ་པི ཡུ་ཝ་ཏིཾ ར་ཏི་མོ་ཧི་ཏ་སྶ,

ཀ་ཎྜུ་ཡ་ནེ ཝི་ཡ བ་ན་སྶ སུ་ཁཱ་བྷི་མཱ་ནོ.

༡༨. ཀོ སེ་ཝེ་ཡྻ པ་རཾ པོ་སོ ཨ་ཝ་མཱ་ནཾ ས་ཧེ་ཡྻ་ཝ་ཝ,

ན ཝེ ཀ་ལ་ཏྟ་ནི་ག་ལ༹ཾ ཡ་དི དུ་ཀྑ་ནི་བ་ཎྡྷ་ནཾ.

༡༩. ཨཱ་ཀ་ཌྜྷ་མཱ་ནཱ ཙི་སི་ཁཱ སྨི་པཾ,

པ་ར་མྨུ་ཁཱ་ཡེ་ཝ ས་དཱ པ་ཝ་ཏྟཱ;

དཱུ་ར་མྤི ག་ཙྪ་ནྟི གུ་ཎཾ ཝི་ཧཱ་ཡ,

པ་ཝ་ཏྟ་ནཾ ཏཱ་དི་ས་མེ་ཝ ཐཱི་ན.

༢༠. ཨ་ས་ནྠུ་ཏཾ ཏཱ པུ་རི་ས་མྤི ཨ་ནྟོ,

ཀ་རོ་ནྟི ཨཱ་དཱ་ཡ་ཀ་ཏཱ་ཝ བྷི་ཏྟི;

ནེ་ཏྟིཾ ས་ཝ་ལླཱི ཝི་ཡ ཧ་ཎྠ་གཱ་པི,

ད་སཱ་སུ ས་བྦཱ་སུ ཙ ས་ངྐ་ནཱི་ཡཱ.

༢༡. ཨ་ནྟོ་རུ་དྡྷཱ བ་ཧི་དྡྷཱ་པི ནི་སྶཱ་སཱ ཝི་ཡ ནཱ་རི་ཡོ,

ཀ་རོ་ནྟི ནཱ་ས་མེ་ཝ་སྶ ཀོ་དྷཱི་མཱ་ཏཱ་སུ ཝི་སྶ་སེ.

༢༢. མཱ་ན་ས པཱ་པ་སཾ་ནི་ནྣཾ ཨ་པཱ་ཡཱ ཝི་ཝ་ཊཱ ན་ནཱ,

ས་མ་ནྟཱ པཱ་པ་མི་ཏྟཱ་ཝ མོ་ཀྑོ ས་བྦ་བྷ་ཡཱ་ཀ་ཐཾ.

༢༣. |ཨོ༠.༠༠༠༥| ཨ་པི ཙ ཧ་ད་ཡ་ཏ་རུ་ཀོ་ཊ་ར ཀུ་ཊཱི་རོ ཀོ་དྷ ཀུ་ཎྜ་ལཱི་ན ཀ་དཱ་ཙི བ་ཧི ཀཱ་ཏ་བྦོ. ཨ་པི ཏུ’ཏི་ཏི་ཀྑཱ་མ་ནྟེ་ན ཨ་ཙི་པྥ་ཎྡ་ནྟཾ ཨུ་པ་ནེ་ཏ་བྦོ.

༢༤. ས་ཏཾ ཏི་ཏི་ཀྑཱ་ཀ་ཝ་ཙེ ཝི་གུ་ཎྛི་ཏཱ,

སི་ཡུཾ དུ་རཱ་ལཱ་པ་ཁ་གཱ ཁ་ལཱ་ནཾ;

ས་བྷཱ་པ་སཾ་སཱ་ཀུ་སུ་མ་ཏྟ མེ་ཏཱ,

ནི་བ་ཛ྄ཛྷ་རེ ཏཱ གུ་ཎ མཱ་ལི་ཀཱ་ཡ.

༢༥. ལོ་ཀཱ་དྷི་པ་ཙྩཾ ཝི་པུ་ལེ་དྷ་ནེ ཙ,

མ་ནོ་ནུ་ཀཱུ་ལེ ཏ་ན་ཡེ ཙ དཱ་རེ;

ལ་དྡྷཱ་པི ཡཱ་ཡེ་ཏི ན ཛཱ་ཏུ ཏི་ཏ་ཏིཾ,

བཱ་དྷེ་ཏུ སཱ་ཏཾ ན པ་པ་ཉྩ ཏ་ཎྷཱ.

༢༦. ཝ་ཎྞ་པྤ་སཱ་དཱ ཡ་སྶཱ སུ་ཁཱ་ཝ,

དྷ་ནཱ ཙ ཧཱ་ཡ་ནྟུ་པ ཛཱི་ཝི་ཀཱ་ཙ;

ཡེ་ནཱ་བྷི་བྷཱུ་ཏཱ་རི་པུ་ནེ་ཝ ས་ཏྟཱ,

དོ་ས་གྒི སོ ཏེ ཧ་ད་ཡཾ ཛ་ཧཱ་ཏུ.

༢༧. ཁེ་དོ ཝི་པ་ཏྟཱི་སུ པ་ཊི་ཀི་ར་ཡཱ ན,

ཏ་སྨཱ ན དཱི་ན་པྤ ཀ་ཏིཾ བྷ་ཛེ་ཡྻ;

པ་ཉྙཱ་ནུ་ཡཱ་ཏཾ ཝཱི་རི་ཡཾ ཝ་ད་ནྟི,

ས་བྦ་ཏྠ སི་དྡྷི་གྒ་ཧ་ཎ་གྒ་ཧ་ཎྠཾ.

༢༨. ཝྱཱ་པཱ་རཱ ས་བྦ་བྷཱུ་ཏཱ་ནཾ སུ་ཁ་ཏྠཱ་ཡ ཝི་དྷཱི་ཡ་རེ;

སུ་ཁ་ཉྩ ན ཝི་ནཱ དྷ་མྨཾ ཏ་སྨཱ དྷ་མྨ་པ་རོ བྷ་ཝཱ’ཏི.

༢༩. ཨེ་ཝ་མཱ་དི་ཀཾ ས་པྤུ་རི་ས་ནཱི་ཏི་པ་ཐཾ ཨཱ་དི་ས་ནྟེ མ་ཧཱ་ཐེ་རེ ཏེ་ན ཀ་ལྱཱ་ཎ་དྷ་མྨེ་ན ཨ་སོ་ཏ་བྦ་ཏཱ་ནཱ་ད་རི་ཡ་ར་ཙི་ཏ་བྷུ་ཀཱུ་ཊི་ཀ མུ་ཁེ་ན ཝཱ དི་སཱ་ཙི་ཀྑི་ཏྟ་ཙ་ཀྑུ་ནཱ ཙ ཨ་ཧ་ངྐཱ་ར་པ་ར་ཝ་སེ་ན ག་ཛ་ནི་མི་ལི་ཏ་མུ་བྦྷཱ་ཝ་ཡ་ཏཱ ཝཱ ཨ་ཏྟ་ནོ པ་ཉྙཱ་དྷི་ཀྑེ་པ་མི་ཝ་ཙ ཨ་ཙི་ནྟ་ཡ་ཏཱ ཙུ་ལཱ༹་ཝི་ནི་ཧི་ཏ་ཀོ་མ་ལ༹་ཉྫ་ལི་པུ་ཊེ་ན ཏ་ནྣི་ནྣེ་ན, ཏ་པྤོ་ཎེ་ན སི་ར་སཱ ཙ པཱི་ཏི ས་མུ་དི་ཏ སཱ་དྷུ་ཝཱ་ད་ཝི་ཀ་སི་ཏ་ཀ་པོ་ལེ་ན་མུ་ཁེ་ན ཙ. ས་ཀ་ལཱ་ཝ་ཡ་ཝ་ཙི་ཏྠ་ཊ་རོ་མ་ཉྩ ཀ་ཉྩུ་ཀི་ཏེ་ན དེ་ཧེ་ན ཙ བྷཱུ་མི་ཡཾ ནི་པ་ཛྫི་ཏྭཱ དཱི་གྷ་པྤ་མཱ་ཎ པ་མཱ་ཎ མཱ་ཝ་ར་ཏྟཱ་མ་གྒ་ཕ་ལ་ལཱ་བྷ་ཏོ་ཝི་ཡ ཝི་སི་ཊྛ་ཏ་རཾ པ་མུ་དི་ཏ་མཱ་ཝི་ཀ་ཏ་མཱ་སི.

ཨི་ཏི ཨ་ནུ་སཱ་ས་ན པ་རི་ཙྪེ་དོ དུ་ཏི་ཡོ.

༣༠. ཏ་ཏོ པ་ཊྛཱ་ཡ ཡ་ཐཱ་ཝུ་ཏྟ་པ་ཊི་པ་དཾ ཨ་ཝི་རཱ་དྷེ་ཏྭཱ ས་མཱ་ཝ་ར་ཎེ་ན ས་ནྟུ་ཊྛོ ཏ་སྶ ས་ངྒྷ་བོ་དྷི ས་མ་ཉྙཾ གོ་པེ་ཏུ་ཀཱ་མོ མཱ་ཏུ་ལ་མ་ཧཱ་ཐེ་རོ དྷ་མྨི་ཀོ་ཏི ཝོ་ཧཱ་རཾ པ་ཊྛ་པེ་སི.

༣༡. ལ་ཀྑ་ཎ་པཱ་ཋ་ཀཱ་ནཾ ཝ་ཙ་ནཾ ས་དྡ་ཧ་ནྟོ བྷཱ་གི་ནེ་ཡྻཾ པ་བྦ་ཛི་ཏུ་ཀཱ་མ་མྤི |ཨོ༠.༠༠༠༦| ཨ་པ་བྦཱ་ཛེ་ཏྭཱ ‘‘ཨི་དྷ ཝཱ་ས་ཏོ ཨ་ནུ་རཱ་དྷ་པུ་རེ ཝཱ་སོ་ཡེ་ཝ ཀུ་མཱ་ར་སྶ ཡོ་ག་ཀྑེ་མཱ་ཝ་ཧོ, པུ་ཉྙཱ་ནུ་རཱུ་པེ་ན ཛཱ་ཡ་མཱ་ན་སྶ ཝི་པཱ་ཀ་སྶ ཙ ཋཱ་ནཾ ཧོ་ཏི, མ་ཧཱ་ཙེ་ཏི་ཡ་སྶ ཝ་ཏྟ་པ་ཊི་ཝ་ཏྟ་ས་མཱ་ཙ་ར་ཎེ་ན་ཙ མ་ཧ་ནྟོ པུ་ཉྙ་ཀྑ་ཎྡྷོ ས་མྤ་ཛི་སྶ་ཏི’’ཏི མ་ཉྙ་མཱ་ནོ ཏཾ ཀུ་མཱ་ར་མཱ་དཱ་ཡ ག་ཙྪ་ནྟོ ཨ་ནུ་རཱ་དྷ་པུ་རཾ ག་ནྟུ་ཀཱ་མོ ནི་ཀྑ་མི. ས་ངྒྷ་ཏི་སྶོ་གོ་ཋཱ་བྷ་ཡོ་ཏི ཙ ལ་མྦ་ཀ་ཎྞཱ རཱ་ཛ ཀུ་མཱ་རཱ ཨ་པ་རེ་པི དུ་ཙེ ཏ་སྶ པཾ་སུ་ཀཱི་ལ༹་ན་ཏོ པ་ཊྛཱ་ཡ ས་ཧཱ་ཡཱ་ཏེ་ན ཀུ་མཱ་རེ་ན ས་དྡྷིཾ ནི་ཀྑ་མིཾ་སུ ཏེ ཏ་ཡོ ཀུ་མཱ་རེ ཨཱ་དཱ་ཡ ག་ཙྪ་ནྟོ མ་ཧཱ་ཐེ་རོ པུ་རེ་ཏ་ར་མེ་ཝ ཨ་ནུ་རཱ་དྷ་པུ་རཾ པཱ་ཝི་སི. མ་ཧཱ་ཐེ་ར་མ་ནུ་ག་ཙྪ་ནྟེ་སུ ཏེ་སུ ཀུ་མཱ་རེ་སུ ཛེ་ཊྛོ ས་ངྒྷ་ཏི་སྶོ མ་ཛ྄ཛྷི་མོ ས་ངྒྷ་བོ་དྷི ཀ་ནི་ཊྛོ གོ་ཋཱ་བྷ་ཡོ་ཏི ཏེ ཐེ་རཾ པ་ཙྪ་ཏོ ཨ་ནུ་ག་ཙྪ་ནྟཱ ཏ་ཡོ་པི པ་ཊི་པཱ་ཊི ཡཱ ཏི་སྶ་ཝཱ་པི་ཡཱ སེ་ཏུ་མ་ཏྠ་ཀེ་ན ག་ཙྪ་ནྟི.

༣༢. ཏ་ཏྠ སེ་ཏུ་སཱ་ལཱ་ཡ ནི་སི་ནྣོ ཀོ་ཙི ཨ་ཎྡྷོ་ཝི་ཙ་ཀྑ་ཎོ ཏེ་སཾ ཏི་ཎྞ་ནྟཾ ཀུ་མཱ་རཱ་ནཾ པ་ད་ཝི་ཉྙཱ་ས་དྡཾ སུ་ཏྭཱ ལ་ཀྑ་ཎཱ་ནུ་སཱ་རེ་ན ཨུ་པ་པ་རི་ཀྑི་པི་ཏྭཱ ‘‘ཨེ་ཏེ ཏ་ཡོ་པི སཱི་ཧ་ལ༹་དཱི་པེ པ་ཐ་ཝི་སྶ་རཱ བྷ་ཝི་སྶ་ནྟཱི’’ཏི ཏ་ཏྠ ནི་སི་ནྣཱ་ནཾ ཝྱཱ་ཀཱ་སི. ཏཾ་ཝ་ཙ་ནཾ པ་ཙྪཱ ག་ཙྪ་ནྟོ གོ་ཋཱ་བྷ་ཡོ སུ་ཏྭཱ ཨི་ཏ་རེ་སཾ ག་ཙྪ་ནྟཱ་ནཾ ཨ་ནི་ཝེ་ད་ཡི་ཏྭཱ པ་ཙྩཱ་ག་མྨ ‘‘ཀ་ཏ་མོ ཙི་རཾ ར་ཛྫཾ ཀཱ་རེ་སྶ་ཏི? ཙཾ་ས་ཊྛི་ཏི་ཉྩ ཀ་རོ་ཏི’’ཏི? པུ་ཙྪི་ཏྭཱ པ་ཙྪི་མོ་ཏི ཝུ་ཏྟེ ཧ་ཊྛ་པ་ཧ་ཊྛོ ཨུ་ད་གྒུ་ད་གྒོ སཱི་གྷ་ཏ་རཾ ཨཱ་ག་མྨ ཏེ་ཧི ས་དྡྷིཾ ག་ཙྪ་ནྟོ ཏི་ཁི་ཎ མ་ནྟི་ཏཱ་ཡ ག་མྦྷཱི་ར་བྷཱ་ཝ་ཏོ ཙ ཀ་ཉྩི ཨ་ཛཱ་ནཱ་པེ་ཏྭཱ ཨ་ནྟོ་པུ་རཾ པཱ་ཝི་སི. ཏེ ཏ་ཡོ་པི པ་ཏི་རཱུ་པེ ནི་ཝཱ་སེ ཝཱ་སཾ ག་ཎྷིཾ་སུ.

༣༣. ཨ་ཐ ཀ་ནི་ཊྛོ ‘‘ཨེ་ཏེ དྭེ་པི ཨ་པྤཱ་ཡུ་ཀ་ཏྟཱ ར་ཛྫེ པ་ཏི་ཊྛི་ཏཱ་པི ན ཙི་རཾ ཛཱི་ཝ་ནྟི ཀི་ར ཨ་ཧ་མེ་ཝ ཏེ་སཾ ར་ཛྫཾ དུ་པེ་སྶཱ་མི’’ཏི ཏ་ད་ནུ་རཱུ་པེ་ན ཨུ་པཱ་ཡེ་ན་པ་ཊི་ཛྫ་ནྟོ ཏེ་སཾ ར་ཛྫ་ལཱ་བྷཱ་ཡ ཨུ་པཱ་ཡཾ ད་སྶེ་ནྟོ ཨ་བྷི་ཎྷཾ མ་ཏྟེ་ཏི. ཛེ་ཊྛོ་པི ཏ་སྨིཾ ཨ་ཏི་པི་ཡཱ་ས་མཱ་ནོ ཏེ་ནོ་པ་དི་ཊྛ་མེ་ཝ ས་མཱ་ཙ་ར་ནྟོ་རཱ་ཛཱ་ནཾ དི་སྭཱ ལ་དྡྷ ས་མྨཱ་ནོ ས་བྦེ་སུ རཱ་ཛ་ཀི་ཙྩེ་སུ པུ་བྦ་ངྒ་མོ ཧུ་ཏྭཱ ན ཙི་ར་སྶེ་ཝ རཱ་ཛ་ཝ་ལླ་བྷོ ཨ་ཧོ་སི? ཏ་སྨིཾ ཀཱ་ལེ ར་ཛྫཾ ཀཱ་རེ་ནྟོ ཝི་ཛ་ཡ རཱ་ཛཱ ནཱ་མ ཁ་ཏྟི་ཡོ ཏ་སྨིཾ པ་ས་ནྣོ ས་བྦེ་སུ རཱ་ཛ་ཀི་ཙྩེ་སུ ཏ་མ་མེ་ཝ པ་དྷཱ་ན་བྷཱུ་ཏཾ ཀ་ཏྭཱ སེ་ནཱ་པ་ཏིཾ ཨ་ཀཱ་སི.

༣༤. དྷ་མྨི་ཀོ པ་ན ར་ཛྫེ་ན ཨ་ན་ཏྠི་ཀ་ཏཱ་ཡ ར་ཛྫ་ལཱ་བྷཱ་ཡ ཙི་ཏྟ་མྤི ཨ་ནུ་པྤཱ་དེ་ཏྭཱ ཀེ་ཝ་ལཾ མ་ཧཱ་ཐེ་ར་སྶ ཨ་ནུ་སཱ་ས་ན་མ་ཏྟེ་ནེ་ཝ རཱ་ཛུ་པ་ཊྛཱ་ན་ཝེ་ལཱ་ཡཾ ཨ་ནུ་ཙ་ར་ཎ་མ་ཏྟ་མཱ་ཙ་ར་ནྟོ རཱ་ཛ་གེ་ཧཾ པ་ཝི་སི་ཏྭཱ ཏ་ཏོ ཏེ་ཧི ས་དྡྷིཾ ནི་ཀྑ་མྨ སཱ་ཡཾ མ་ཧཱ ཐེ་ར་སྶ ཝི་ཧཱ་རེ་ཡེ་ཝ ཝ་ས་ནྟོ ཨ་ཏྟ་ནོ དྷ་མྨི་ཀཱ་ནུ་ཊྛཱ་ནཾ ཨ་ཧཱ་པེ་ཏྭཱ མ་ཧཱ་ཙེ་ཏི་ཡོ པ་ཊྛཱ་ན་གི་ལཱ་ནུ་པ་ཊྛཱ་ནཱ་དི་ཀཾ |ཨོ༠.༠༠༠༧| ཨ་ན་ཝ་ཛྫ དྷ་མྨཾ་ཙ་ར་ནྟོ ཀཱ་ལཾ ཝཱི་ཏི་ནཱ་མེ་ཏི.

ཏ་དཱ ས་ངྒྷ་ཏི་སྶོ ས་ཀ་ལ་ར་ཛྫ་ཉྩ པུ་ར་ཉྩ ཨ་ཏྟ་ནོ་ཧ་ཏྠ་ག་ཏཾ ཀ་ཏྭཱ ཨེ་ཀ་སྨིཾ དི་ནེ ལ་དྡྷོ་ཀཱ་སོ རཱ་ཛཱ་ནཾ ཨ་ནྟོ་བྷ་ཝ་ནེ་ཡེ་ཝ གོ་ཋཱ་བྷ་ཡེ་ན མཱ་རཱ་པེ་ཏྭཱ ས་ཡཾ ར་ཛྫེ པ་ཏི་ཊྛ་ཏི.

ཨི་ཏི ཨ་ནུ་རཱ་དྷ་པུ་ར་པྤ་ཝེ་ས་པ་རི་ཙྪེ་དོ ཏ་ཏི་ཡོ.

༣༥. ཨ་ཐ གོ་ཋཱ་བྷ་ཡོ དྷ་མྨི་ཀཾ ཨ་ནི་ཙྪཱ་མཱ་ན་མྤི སེ་ནཱ་པ་ཏི་ཊྛཱ་ནེ ཋ་པེ་ཏྭཱ ཨཱ་ཡ་ཏིཾ ཨ་པེ་ཀྑ་མཱ་ནོ ས་ཡཾ བྷ་ཎྜཱ་གཱ་རི་ཀོ ཨ་ཧོ་སི. ཨ་ཐ ས་ངྒྷ་ཏི་སྶོ རཱ་ཛཱ བ་ཧུཾ པུ་ཉྙྩ ཨ་པུ་ཉྙྩ པ་ས་ཝ་ནྟོ ཛ་མྦུ་ཕ་ལ་པཱ་ཀ་ཀཱ་ལེ ས་སེ་ནོ སཱ་མ་ཙྩོ ས་བྷོ་རོ་དྷོ ཨ་བྷི་ཎྷཾ པཱ་ཙཱི་ན དེ་སཾ ག་ནྟྭཱ ཛ་མྦུ་ཕ་ལཱ་ནི ཁཱ་ད་ཏི. ར་ཉྙོ ཡེ་བྷུ་ཡྻེ་ན ག་མ་ནཱ ག་མ་ནེ་ན ཨུ་པ་དྡུ་ཏཱ ར་ཊྛ་ཝཱ་སི་ནོ རཱ་ཛུ་པ་བྷོ་གཱ་ར་ཧེ་སུ ཛ་མྦུ་ཕ་ལེ་སུ ཝི་སཾ ཡོ་ཛེ་སུཾ. ཨ་ཐ སོ ས་ངྒྷ་ཏི་སྶོ རཱ་ཛཱ ཏེ་ན ཝི་སེ་ན ཏ་ཏྠེ་ཝ ཀཱ་ལ་མ་ཀཱ་སི.

༣༦. ཨ་ཐ གོ་ཋཱ་བྷ་ཡོ ཨ་ཎྡྷ་ཝི་ཙ་ཀྑ་ཎ་སྶ ཝ་ཙ་ནཾ ཨ་ནུ་སྶ་ར་ནྟོ ཨ་ནུ་ཀྐ་མེ་ན ར་ཛྫཾ དཱ་པེ་ཏྭཱ པ་ཙྪཱ ཨ་ཧཾ སུ་པྤ་ཏི་ཊྛོ བྷ་ཝི་སྶཱ་མི’ཏི མ་ཉྙ་མཱ་ནོ སཱ་མ་ཙྩོ ས་སེ་ནོ ས་ངྒྷ་བོ་དྷི་ཀུ་མཱ་རཾ ར་ཛྫེ་ན ནི་མ་ནྟེ་སི. སོ ཏེ་མི་ཡ མ་ཧཱ་བོ་དྷི་ས་ཏྟེ་ན དི་ཊྛཱ་དཱི་ན་ཝ་ཏྟཱ ར་ཛྫ་སུ་ཁཱ་པ་རི་ཙྩཱ་གཱ་ནུ་བྷཱུ་ཏཾ མ་ཧ་ནྟཾ དུ་ཀྑ་ཛཱ་ལཾ ཨ་ནུ་སྶ་རི་ཏྭཱ པུ་ན་པྤུ་ནཾ ཡཱ་ཙི་ཡ་མཱ་ནོ་པི པ་ཊི་ཀྑི་པི་ཡེ་ཝ ཨ་བྷ་ཡོ གཱ་མ་ནི་ག་མ་རཱ་ཛ་དྷཱ་ནཱི་སུ ས་བྦེ་པི མ་ནུ་སྶེ ས་ནྣི་པཱ་ཏེ་ཏྭཱ ཏེ་ཧི ས་དྡྷིཾ ནཱ་ནཱ་པྤ་ཀཱ་རཾ ཡཱ་ཙ་མཱ་ནོ་པི ས་མྤ་ཊི་ཙྪཱ་པེ་ཏུཾ ནཱ་ས་ཀྑི. ཨ་ཐ ས་བྦེ་པི ར་ཊྛ་ཝཱ་སི་ནོ སཱ་མ་ཙྩཱ་མ་ཧཱ་ཝི་ཧཱ་རཾ ག་ནྟྭཱ མ་ཧཱ ས་ངྒྷཾ ས་ནྣི་པཱ་ཏེ་ཏྭཱ ས་ངྒྷ མ་ཛ྄ཛྷེ ས་ངྒྷ་བོ་དྷི་ཀུ་མཱ་རོ མ་ཧཱ ས་ངྒྷཾ བྷཱུ་མི་ཡཾ ནི་པ་ཛྫ ན་མ་སྶི་ཏྭཱ ལ་དྡྷོ་ཀཱ་སོ ཨེ་ཀ་མ་ནྟཾ ནི་སཱི་དི་ཏྭཱ ཨེ་ཝཾ ཝ་ཏྟུ་མཱ་ར་བྷཱི.

༣༧. ཨ་ཡ་ཉྷི རཱ་ཛ་ལ་ཀྑཱི་ནཱ་མ ཡ་ཐཱ ཡ་ཐཱ དི་པྤ་ཏེ, ཏ་ཐཱ ཏ་ཐཱ ཀ་པྤུ་ར་དཱི་པ་སི་ཁེ་ཝ ཀ་ཛྫི་ལཾ་མ་ལི་ན་མེ་ཝ ཀ་མྨ་ཛཱ་ཏཾ ཀེ་ཝ་ལ་མུ་བྦ་མ་ཏི. ཏ་ཐཱ་ཧི ཨ་ཡཾ སཾ་ཝ་དྷ་ན་ཝཱ་རི་དྷཱ་རཱ ཏ་ཎྷཱ་ཝི་ས་ཝ་ལླཱི་ནཾ, ནེ་ནཱ་ད མ་དྷུ་ར་བྷཱི་ཏི་ཀཱ ཨ་ཡཾ ཨི་ཎྡྲི་ཡ་མི་གཱ་ནཾ, པ་རཱ་མཱ་ས་དྷུ་མ་ལེ་ཁཱ སུ་ཙ་རི་ཏ ཙི་ཏྟ་ཀ་མྨ་སྶ ཝི་བྦྷ་མ་སེ་ཡྻཱ མོ་ཧ་ནི་དྡཱ་ནཾ ཏི་མི་རུ་གྒ་ཏི པ་ཉྙཱ་དི་ཊྛཱི་ནཾ, པུ་ར་སྶ་ར་པ་ཏཱ་ཀཱ ཨ་ཝི་ན་ཡ་མ་ཧཱ་སེ་ནཱ་ཡ, ཨུ་པྤ་ཏྟི་ནི་ནྣ་ནཱ ཀོ་དྷ་ཝེ་ག ཀུ་མྦྷི་ལཱ་ནཾ, ཨཱ་པཱ་ན་བྷཱུ་མི མི་ཙྪཱ་དི་ཊྛི་ཝ་ད་ནཾ. སཾ་གཱི་ཏི སཱ་ལཱ ཨི་སྶ་རི་ཡ ཝི་ཀཱ་ར་ནཱ་ཊ་ཀཱ་ནཾ ཨཱ་ཝཱ་ས་ད་རཱི་དོ་སཱ་སི་ཝི་སཱ་ནཾ, ཨུ་སྶཱ་ར་ཎ་ཝེ་ཏྟ་ལ་ཏཱ ས་པྤུ་རི་ས་ཝོ་ཧཱ་རཱ་ནཾ, ཨ་ཀཱ་ལ་ཛ་དཱ་ག་མོ སུ་ཙ་རི་ཏ ཧཾ་སཱ་ནཾ, པ་ཏྠཱ་ཝ་ནཱ ཀ་པ་ཊ་ནཱ་ཊ་ཀཱ་ནཾ, ཀ་ད་ལི་ཀཱ ཀཱ་མ་ཀ་རི་ནོ ཝ་ཛ྄ཛྷ་ཝཱ་ལཱ སཱ་དྷུ་བྷཱ་ཝ་སྶ, རཱ་ཧུ་མུ་ཁཾ དྷ་མྨ་ཙ་ཎྡ |ཨོ༠.༠༠༠༨| མ་ཎྜ་ལ་སྶ, ན་ཧི ཏཾ པ་སྶཱ་མི ཡོ་ཧི ཨ་པ་རི་ཙི་ཏཱ་ཡཱ་པི ཨེ་ཏཱ་ཡ ནི་བྦྷ་ར་མུ་པ་གུ་ལྷོ ན ཝི་པྤ་ལ་དྡྷོ, ཨ་པི་ཙ, ཨ་བྷི་སེ་ཀ་ས་མ་ཡེ རཱ་ཛ་ཉྙཱ་ནཾ མ་ངྒ་ལ་ཀ་ལ་ས་ཛ་ལེ་ཧི ཝི་ཡ ཝི་ཀྑཱ་ལ་ན་མུ་པ་ཡཱ་ཏི ད་ཀྑི་ཉྙཾ ཨ་གྒི་ཧུ་ཏ་ཏ་དྷུ་མེ་ནེ་ཝ མ་ལི་ནཱི་བྷ་ཝ་ཏི ཧ་ད་ཡཾ པུ་རོ་ཧི་ཏ ཀུ་ས་གྒ ས་མ་ཛྫ་ཏེ་ན ཝི་ཡ ཨ་པ་ནི་ཡ་ཏེ ཏི་ཏི་ཀྑཱ, ཨུ་ཎྷཱི་ས པ་ཊྚ བ་ཎྡྷ་ནེ་ན ཝི་ཡ ཚཱ་དཱི་ཡ་ཏཱི ཛ་རཱ་ག་མ་ད་སྶ་ནཾ, ཨཱ་ཏ་པ་ཏྟ མ་ཎྜ་ལེ་ན ཝི་ཡ ཏི་རོ་ཀ་རཱི་ཡ་ཏི པ་ར་ལོ་ཀཱ་པེ་ཀྑ་ཎཾ, ཙཱ་མ་ར་པ་ཝ་ནེ་ན ཝི་ཡ དུ་ར་མུ་དྡྷུ་ཡ་ཏེ ས་ཙྩཱ་དི་ཏཱ ཝེ་ཏྟ་ལ་ཏཱ་པྤ་ཧཱ་རེ་ན ཝི་ཡ དུ་ར་མ་པ་ཡ་ནྟི ས་གྒུ་ཎཱ ཨེ་ཀེ ར་ཛྫ་སི་རི མ་དི་རཱ མ་ད་མ་ཏྟཱ ས་ཀ་ཏྠ་ནི་པྥཱ་ད་ན་པ་རེ་ཧི དྷ་ན་པི་སི་ཏཱ་གྷཱ་ས་གི་ཛ྄ཛྷེ་ཧི ས་ཧཱ་ན་ལཱི་ནཱི་བ་ཀེ་ཧི དཱུ་ཏཾ ཝི་ནོ་ད་ན་ནྟི, པ་ར་དཱ་རཱ་བྷི་ག་མ་ནཾ ཝི་དྡྷ་ཏཱ་ཏི, མཱི་ག་ཝ་ན པ་རི་སྶ་མོ་ཏི, སུ་རཱ་པཱ་ནཾ ཝི་ལཱ་སོ་ཏི, ནི་ཙྩ་པྤ་མ་ཏྟ་ཏཱ, སུ་ར་བྷཱ་ཝོ་ཏི ས་དཱ་ར་པྤི་ཙྩཱ་གཾ ཨ་ཝྱ་ས་ནི་ཏཱ་ནི, གུ་རུ་ཝ་ཙ་ནཱ་ཝ་དྷཱི་ར་ཎཾ ཨ་པ་ར་པྤ་ནེ་ཡ་ཏྟ་མི་ཏི ཨ་ཛི་ཏ་ཧ་ཙྩ་ཏཾ སུ་ཁོ་པ་སེ་ཝ་ཏྟ་མཱི་ཏི, ན་ཙྩ་གཱི་ཏ ག་ཎཱ་ཀཱ་ནུ་ས་ཏྟི ར་སི་ཀ་ཏེ་ཧི པ་རི་བྷ་ཝ་ས་ཧ་ཏྟཾ ཁ་མེ་ཏི, སེ་རཱི་བྷཱ་ཝཾ པ་ཎྜི་ཙྩཱ་མི་ཏི ཝ་ཎྡི་ཛ་ན ན་ཝ་ཙ་ནཾ ཡ་སེཾ་གྷོ་སོ་ཏི ཏ་ར་ལ་ཏཱ ཨུ་སྶཱ་ཧོ་ཏི. ཨ་ཝི་སེ་ས་ཉྙུ་ཏྟཾ ཨ་པ་ཀྑ་པཱ་ཏི་ཏྟ་མི་ཏི? ཨེ་ཝ དོ་ས་ག་ཎ་མྤི གུ་ཎ་པ་ཀྑེ ཨ་ཛ྄ཛྷཱ་རོ་པ་ཡ་ནྟེ་ཧི ས་ཡ་མྤི ཨ་ནྟོ ཧ ས་ནྟེ་ཧི པ་ཏཱ་ར་ཎ་ཀུ་ས་ལེ་ཧི དྷུ་ཏྟེ་ཧི ཨ་མཱ་ནུ་སོ་ཙི་ཏཱ་ཧི ཐོ་མཱ་ནཱ་ཧི པ་ཏཱ་རི་ཡ་མཱ་ནཱ, ཙི་ཏྟ་མ་ད་མ་ཏྟ ཙི་ཏྟཱ ནི་ཙྩེ་ཏ ན ཏཱ་ཡ ཏ་ཐེ་ཏི ཨ་ཏྟ་ནི ཨ་ཛ྄ཛྷཱ་རོ་པ་ཡ་ནྟཱ ཨ་ལི་ཀཱ་བྷི་མཱ་ནཾ མ་ཙྩ་དྷ་མྨ་ས་མཱ་ནཱ་པི དི་བྦཾ སཱ་ཝ་ཏི་ཎྞ་མི་ཝ ཨ་མཱ་ནུ་ས་མི་ཝ ཨ་ཏྟཱ་ན མ་ཉྙ་མཱ་ནཱ ཨཱ་ར་དྷ་དི་བྦོ་ཙི་ཏ་ཀི་ར་ཡཱ་ནུ བྷཱ་ཝཱ ས་བྦ་ཛ་ནོ པ་བྷ་ས་ནཱི་ཡ བྷཱ་ཝ་མུ་པ་ཡ་ནྟི. ཨ་ཏྟ མི་ལ་མྦ་ན་ཉྩ ཨ་ནུ ཛཱི་ཝི་ཛ་ནེ་ན ཀ་རཱི་ཡ་མཱ་ནཾ ཨ་བྷི་ན་ཎྡ་ནྟི.

༣༨. མཱ་ན་སཱ དེ་ཝ་ཏཱ་ཛ྄ཛྷཱ་རོ་པ་ཎ་པྤ་ཏཱ་ར་ཎ ས་མྦྷཱུ་ཏ ས་མྦྷཱ་ཝ་ནོ པ་ཧ་ཏ་ཉྩ ཨ་ནྟོ པ་ཝི་ཊྛ ཨ་པ་ར་བྷུ་ཛ་ཡུ་གཾ ཝི་ཡ ཨ་ཏྟ་ནོ བཱ་ཧུ་ཡུ་གཾ ས་མྦྷཱ་ཝ་ཡ་ནྟི. ཏ་ཙ་ནྟ་རི་ཏ ལོ་ཙ་ནཾ་ས་ཀ་ལ་ལཱ་ཊ མཱ་སཾ་ཀ་ནྟི, ཨ་ལི་ཀ་ས་མྦྷཱ་ཝ་ནཱ་བྷི་མཱ་ན་བྷ་རི་ཏཱ ན ན་མ་སྶ་ནྟི དེ་ཝ་ཏཱ་ཡོ ན པཱུ་ཛ་ཡ་ནྟི ས་མ་ཎ བྲཱ་ཧྨ་ཎེ ན མཱ་ན་ཡ་ནྟཱི མཱ་ན་ནཱི་ཡེ, ན ཨུ་པ་ཏི་ཊྛ་ནྟི གུ་རུ་ད་སྶ་ནེ་པི ཨ་ན་ཏྠ་ཀཱ་ཡཱ སཱ་ནྟ་རཱི་ཏ, ཝི་ས་ཡོ པ་བྷོ་ག་སུ་ཁཱ་ཏི ཨ་པ་ཧ་ས་ནྟི ཡ་ཏི་ནོ? ཛ་རཱ་བྷི བྷ་ཝ་པ་ལ་པི་མི་ཏི ན སུ་ཎ་ནྟི ཝུ་དྡྷ་ཛ་ནུ་པ་དེ་སཾ, ཨ་ཏྟ་ནོ པ་ཉྙཱ པ་རི་བྷ་ཝོ་ཏི ཨུ་སུ་ས་ནྟི ས་ཙི་ཝོ པ་ཧེ་ས་སྶ,ཀུ་ཉྫ་ནྟི ཨེ་ཀ་ནྟ ཧི་ཏ་ཝཱ་དི་ནཾ ཨེ་ཝ་མཱ་དི་ནཱ ཀཱ་ཀ་ཎེ་ན བ་ཧུ་ནྣཾ དོ་སཱ་ནཾ མཱ་ཀ་ར བྷཱུ་ཏཾ་ར་ཛྫཱི་ཝི་བྷ་ཝཾ ཨ་ཡཾ ན ཨི་ཙྪཱ་མཱི’ཏི ཨ་ཝོ་ཙ.

༣༩. ཨ་ཐ མ་ཧཱ་ཛ་ནེ་ན སཱ་ད་ར མ་ཛ྄ཛྷེ་སི་ཏོ མ་ཧཱ་ས་ངྒྷོ ཀུ་མཱ་ར་བྷི་མུ་ཁོ ཧུ་ཏྭཱ ‘‘མ་ཧཱ་བྷཱ་ག་དྷེ་ཡྻ! ཐ་ན་ཙུ་ཙུ་ཀེ ལ་གྒི་ཏཱ་ཛ་ལུ་ཀ ཏི་ཀྑ་ཌ་ས་ནེ་ན་ཏ་ཏྠ ཝེ་ད་ནུ་པྤཱ་ད་ཡ་ནྟི ལོ་ཧི་ཏ་མེ་ཝ ཨཱ་ཀ་ཌྜྷ་ཏི, དཱ་ར་ཀོ པ་ན ཀོ་མ་ལེ་ན མུ་ཁ་པུ་ཊེ་ན་མཱ་ཏུ སུ་ཁ་ས་ཉྙཾ ཨུ་པྤཱ་ད་ཡ་ནྟོ ཁཱི་ར་མེ་ཝ ཨ་ཝ྄ཧེ་ཏི.

༤༠. |ཨོ༠.༠༠༠༩| ཨེ་ཝ་མེ་ཝ ར་ཛྫ་ཝི་བྷ་ཝཾ པ་ཏྟོ ཨ་དྷཱི་རོ བཱ་ལོ བ་ཧུཾ ཨ་པུ་ཉྙ་མེ་ཝ ས་ཉྩི་ཎཱ་ནི, མེ་དྷཱ་ཝི དྷི་ར་པུ་རི་སོ པ་ན ཨཱ་ཡུ་ས་ངྑཱ་ར་སྶ དུ་བྦ་ལ་ཏྟ་ཉྩ དྷ་ན་ས་ཉྩ་ཡ་སྶ ནི་སྶཱ་ར་ཏྟ་ཉྩ པ་ཉྙཱ་ཡ ཨུ་པ པ་རི་ཀྑི་ཏྭཱ ད་ས ཀུ་ས་ལ་ཀ་མྨཱ་ནི པཱུ་རེ་ནྟོ ཏཱ་དི་སེ་ན མ་ཧ་ཏཱ བྷོ་ག་ཀྑ་ཎྡྷེ་ན མ་ཧ་ནྟཾ ཀུ་ས་ལ་རཱ་སིཾ ཨུ་པ་ཙི་ཎཱ་ཏི, ཏྭ་མ་སི་ཀ་ཏཱ་དྷི ཀཱ་རོ མ་ཧཱ་ས་ཏྟ་དྷུ་ར་ཎྡྷ་རོ, ཨེ་ཏཱ་དི་སཾ པུ་ཉྙཱ་ཡ་ཏ་ན་ཊྛཱ་ནཾ ལ་དྡྷཱ དྷ་མྨེ་ན ས་མེ་ན ལོ་ཀཾ པ་རི་པཱ་ལེ་ནྟོ སུ་ག་ཏ་སཱ་ས་ནཾ པ་གྒ་ཎྷ་ནྟོ དཱ་ན་པཱ་ར་མི་ཀོ་ཊི་པྤ་ཏྟཾ ཀ་ཏྭཱ པ་ཙྪཱ ཨ་བྷི་ནི་ཀྑ་མ་ཎ་ཉྩ ཀ་རོ་ནྟོ བོ་དྷི་པ་ཀྑི་ཡ་དྷ་མྨེ པ་རི་པཱ་ཙེ་ཧཱི’’ཏི ཨ་ནུ་སཱ་སི.

༤༡. ཨ་ཐ སོ མ་ཧ་ཛ྄ཛྷཱ་ས་ཡོ པུ་རི་ས་ཝ་རོ མ་ཧཱ་ས་ངྒྷ་སྶ ཨ་ནུ་སཱ་ས་ནིཾ མ་དྡི་ཏུ མ་ས་མ་ཎྠོ ཨ་དྷི་ཝཱ་སེ་སཱི. ཨ་ན་ནྟ་ར་ཉྩ མ་ཧཱ་ཛ་ན་ཀཱ་ཡོ ས་ངྒྷ་སྶ ཨ་ནུ་ཉྙཱ་ཡ ས་ཀ་ལཾ སཱི་ལ་དཱི་པཾ ཨེ་ཀ་ཙྪ་ཏྟཾ ཀ་ཏྭཱ ཨ་བྷི་སི་ཉྩི་ཡ དྷ་མྨི་ཀ སི་རི་ས་ངྒྷ་བོ་དྷི་རཱ་ཛཱ་ཏི ཝོ་ཧཱ་རཾ པ་ཊྛ་པེ་སི གོ་ཋཱ་བྷ་ཡ་ཉྩ སེ་ནཱ་པ་ཏི་ཊྛཱ་ནེ ཋ་པེ་སི.

༤༢. དཱ་ནཾ ཨ་དཱ དྷཱ་ར་ཡི ནི་ཙྩ་སཱི་ལཾ,

ཝ་ཧཱི ཏི་ཏི་ཀྑཾ བྷ་ཛི ཨ་པྤ་མཱ་དཾ;

པ་ཛཱ ཧི་ཏ་ཛ྄ཛྷཱ་ས་ཡ སོ་མྨ་རཱུ་པོ,

དྷ་མྨོ ཙ སོ ཝི་གྒ་བྷ་ཝཱ ཝི་རོ་ཙཱི.

༤༣. ཝི་ཉྙཱ་ཡ ལོ་ཀ་སྶ ཧི སོ ས་བྷཱ་ཝཾ,

པ་དྷཱ་ན་ཝ་ཏྟཱ་ནུ ག་ཏི་པྤ་དྷཱ་ནཾ;

ནི་དྷཱ་ཏུ་ཀཱ་མོ ཛ་ནྟཱ་སུ དྷ་མྨཾ,

ས་ཡ་མྤི དྷ་མྨཱ ཝ་ར་ཎ་མྷི ས་ཏྟོ.

ཨི་ཏི ར་ཛྫཱ་བྷི་སེ་ཀ པ་རི་ཙྪེ་དོ ཙ་ཏུ་ཏྠོ.

༤༤. སོ རཱ་ཛཱ མ་ཧཱ ཝི་ཧཱ་རེ མ་ཧ་གྒྷ མ་ཧཱ་ཝི་སཱ་ལཾ ས་ལཱ་ཀ་གྒཾ ཀཱ་རཱ་པེ་ཏྭཱ ཨ་ནེ་ཀ་ས་ཧ་སྶཱ་ནཾ བྷི་ཀྑཱུ་ནཾ ནི་ཙྩཾ ས་ལཱ་ཀ བྷ་ཏྟཾ པ་ཊྛ་པེ་སི. མཱ་ཏུ་ལ་མ་ཧཱ་ཐེ་ར་སྶཾ་ཙ ས་ཀ་ནཱ་མ དྷེ་ཡྻེ་ན མ་ཧ་ནྟཾ པ་རི་ཝེ་ཎ ཝི་ཧཱ་རཾ ཀཱ་རཱ་པེ་ཏྭཱ ཨ་ནེ་ཀེ་ཧི ཀ་པྤི་ཡ་བྷ་ཎྜེ་ཧི ས་དྡྷིཾ ས་པ་རི་ཝཱ་ར ཝེ་ཎཱ ཀཱ་ནི གཱ་མ་ཀྑེ་ཏྟཱ་ནི ས་ང་ས་པ་རི་བྷོ་གཱ་ར་ཧཱ་ནི ཀ་ཏྭཱ དཱ་པེ་སི ས་ཏྟ་མེ་ཝ ནི་སཱི་ཐ་ཀཱ་ལེ ར་ཧོ་ག་ཏོ མ་ཧཱ་བོ་དྷི་ས་ཏྟ་སྶ དུ་ཀྐ་ར་ཙ་རི་ཏཱ་ནི ས་ལླ་ཀྑེ་ནྟོ ཏཱ་དི་སཱ་པ་དཱ་ནཾ ཨ་ཏྟ་ནི ས་མྤཱ་དེ་ཏུ་མཱ་སིཾ་སི. ཏ་ཐཱ ཧི

༤༥. དེ་ཧཱི་ཏི ཝ་ཏྠུ་མ་སུ་ཀཾ ག་དི་ཏོ་ཏྠི་ཀེ་ཧི,

ནཱ་ལཾ ཀ་ཐེ་ཏུ་མྷ ན་ཏྠི ན དེ་མི་ཙཱ་ཏི;

ཙི་ཏྟེ མ་ཧཱ་ཀ་རུ་ཎཱ་ཡ པ་ཧ་ཊཱ་ཝ་ཀཱ་སཱ་ཝ,

དུ་རཾ་ཛ་གཱ་མ ཝི་ཡ ཏ་སྶ བྷ་ཝ་ཏྠུ ཏ་ཎྷཱ.

ཨེ་ཝ་མ་མྷཱ་ཀཾ |ཨོ༠.༠༠༡༠| བོ་དྷི་ས་ཏྟ་སྶ ཝི་ཡ བཱ་ཧི་ར ཝ་ཏྠུ་པ་རི་ཙྩཱ་ག་མ་ཧུ་སྶ་ཝོ ཀ་དཱ མེ བྷ་ཝི་སྶ་ཏི་ཏི ཙ,

༤༦. ཨཱ་ནཱི་ཡ་ཏེ ནི་སི་ཏ ས་ཏྠ་ནི་པཱ་ཏ་ནེ་ན,

ནི་ཀྐ་ཌྜྷ་ཏེ ཙ མུ་ཧུ དཱ་ནྷ་ཝཱ་ཡ་ར་ཏྱཱ;

ཨེ་ཝཾ པུ་ན་པྤུ་ན ག་ཏཱ་ག་ཏ་ཝེ་ག་ཁི་ནྣཾ,

དུ་ཀྑཾ ན ཏ་སྶ ཧ་ད་ཡཾ ཝ་ཏ པཱི་ལ༹་ཡི་ཏྠ.

ཨེ་ཝཾ ཀི་ར་སྶ མ་ཧཱ་ས་ཏྟ་སྶ མཾ་ས ལོ་ཧི་ཏཱ་དི ཨ་ཛ྄ཛྷ་ཏྟི་ཀ་ཝ་ཏྠུ་དཱ་ན་ས་མ་ཡེ དུ་ཀྑ་ཝེ་ད་ནཱ མ་ནཾ ན ས་མྦཱ་དྷེ་སི. མ་མཱ་པི ཨཱི་དི་སཾ ཨ་ཛ྄ཛྷ་ཏྟི་ཀ དཱ་ན་མ་ཧཱ་མ་ངྒ་ལཾ ཀ་དཱ བྷ་ཝི་སྶ་ཏཱི་ཏི ཙ.

༤༧. སོ སཾ་ཁ་པཱ་ལ་བྷཱུ་ཛ་གོ ཝི་ས་ཝེ་ག་ཝཱ་པི,

སཱི་ལ་སྶ བྷེ་ད་ན་བྷ་ཡེ་ན ཨ་ཀུ་པྤ་མཱ་ནོ;

ཨི་ཙྪཾ ས་དེ་ཧ་ཧ་ར་ཝཱ་བྷི་ཛ་ནེ ད་ཡཱ་ཡ,

ག་ནྟུཾ ས་ཡཾ ཨ་པ་ད་ཏཱ་ཡ སུ་སོ་ཙ་ནཱུ་ནཾ.

ཨེ་ཝཾ སཱི་ལ ར་ཀྑ་ནཱ་པ་དཱ་ན་སི་རིཾ ཀ་དཱ ཝི་ནྡཱ་མཱི་ཏི ཙ,

༤༨. པི་ཝེ་ཡྻ ཐ་ཉྙཾ ཨ་མ་ཏ་ཉྩ བཱ་ལོ,

ཝུ་དྡྷིཾ ག་ཏོ སོ་ཝ ཛི་གུ་ཙྪི་ཏེ ཏཾ;

ས ཛཱ་ཏུ ཨེ་ཝཾ ཨ་ནུ་བྷཱུ་ཡ ར་ཛྫཾ,

ཉཱ་ཎ་སྶ པཱ་ཀེ ས་ཏ་ཏཾ ཛ་ཧཱ་ཏི.

ཨེ་ཝཾ མ་ཡཱ་པི ཨ་ཙི་ར་སྶེ་ཝ ཨ་ཝ་སྶཾ ཨ་བྷི་ནི་ཀྑ་མ་ནཾ ཀཱ་ཏ་བྦ་ནྟི ཙ,

༤༩. སོ སེ་ན་ཀོ དྭི་ཛ་པ་སི་བྦ་ཀ་སཱ་ཡི་ས་པྤཾ,

ཨ་ཉྙཱ་སི དོ་ས་ཀ་ལུ་སཱ་ཡ དྷི་ཡཱ་བྦྷུ་ཏཾ་ཏཾ;

ཀཱ ཝ་ཎྞ་ནཱ་སྶ ཁ་ལུ དོ་ས་ཝི་ནི་གྒ་ཏཱ་ཡ,

ས་བྦ་ཉྙུ་ཏཱ་ཡ ད་ས་པཱ་ར་མི་སཱ་དྷི་ཏཱ་ཡ.

ཨེ་ཝཾ་ཝི་དྷཱ ཀ་ལྱཱ་ན་ཉཱ་ཎ་ས་མྤ་ཏྟི ཀ་དཱ མེ ས་མི་ཛ྄ཛྷི་སྶ་ཏཱི་ཏི ཙ,

༥༠. ཝཱ་ལེ་ན སོ ཀི་ས་ཀ་ལ་ཎྡ་ཀ་ཛཱ་ཏི་ཡ་མྤི,

ཨུ་སྶི་ཉྩི་ཏུཾ ས་ལི་ལ་མུ་སྶ་ཧི སཱ་ག་ར་སྶ;

ཏཾ མུ་དྡྷ་ཏཱ་ཡ ན བྷ་ཝེ མ་ཏི་ཡཱ མ་ཧ་ནྱཱ,

ས་མྤཱ་ད་ནཱ་ཡ བྷི་མ་ཏ་སྶ ས་མ་ཏྠ་ཏཱ་ཡ.

ཨེ་ཝཾ ཝི་དྷཱ་ཡ ཝཱི་རི་ཡ་པཱ་ར་མི་ཡཱ ཀ་དཱ བྷཱ་ཛ་ནཾ བྷ་ཝི་སྶཱ་མི་ཏི ཙ

༥༡. ཀ་ལཱ་བུ་རཱ་ཛེ་ན ཧི ཁ་ནྟི་ཝཱ་དི,

ཝ་དྷཾ ཝི་དྷཱ་ཡཱ་པི ཨ་ཏི་ཏྟ་ཀེ་ན;

ཧ་ཏེ པ་དེ་ནོ་ར་སི ཁ་ནྟི་སོ་དྷེ,

སོ ཀཱུ་ཊ་ས་ཎྡྷི་གྒ་ཧ་ཎཾ བུ་བོ་དྷ.

ཨེ་ཝཾ ཝི་དྷཱ་ཡ ཁ་ཏྟི་པཱ་ར་མི་ཡཱ ཨ་ཏྟཱ་ནཾ ཀ་དཱ ཨ་ལཾ་ཀ་རི་སྶཱ་མི་ཏི ཙ

༥༢. |ཨོ༠.༠༠༡༡|

མི་ཙྪཱ་བྷི་ཡོ་གཾ ན ས་ཧིཾ་སུ ཏ་སྶ,

རཱ་མཱ་བྷི་དྷཱ་ན་སྶ་པི པཱ་དུ་ཀཱ་ཡོ;

ས་ཙྩ་ཉྩ་ཡཱ ནཱ་ཉྙ་མ་བྷཱ་སི་དྷཱི་རོ,