དཱ་ཋཱ་ཝཾ་སོ |ཨོ༠.༠༠༠༡|

ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ

༡. ཝི་སཱ་ར་དཾ ཝཱ་ད་པ་ཐཱ་ཏི ཝ་ཏྟི་ནཾ,

ཏི་ལོ་ཀ་པ་ཛྫོ་ཏ་མ་ས་ཡ྄ཧ་སཱ་ཧི་ནཾ;

ཨ་སེ་ས ཉེ་ཡྻཱ་ཝ་ར་ཎ་པྤ་ཧཱ་ཡི་ནཾ,

ན་མཱ་མི ས་ཏྠཱ་ར་མ་ན་ནྟ་གོ་ཙ་རཾ.

༢. |ཨོ༠.༠༠༠༢|

ཏི་ལོ་ཀ ནཱ་ཐ་པྤ་བྷ་ཝཾ བྷ་ཡཱ་པ་ཧཾ,

ཝི་སུ་དྡྷ་ཝི་ཛྫཱ་ཙ་ར་ཎེ་ཧི སེ་ཝི་ཏཾ;

པ་པ་ཉྩ སཾ་ཡོ་ཛ་ན་བ་ནྡྷ་ན་ཙྪི་དཾ,

ན་མཱ་མི དྷ་མྨཾ ནི་པུ་ཎཾ སུ་དུ་དྡ་སཾ.

༣. པ་སཱ་ད་མ་ཏྟེ་ན’པི ཡ་ཏྠ པཱ་ཎི་ནོ,

ཕཱུ་ས་ནྟི དུ་ཀྑ་ཀྑ་ཡ་མ་ཙྩུ་ཏཾ པ་དཾ;

ཏ་མཱ་ཧུ་ཎེ་ཡྻཾ སུ་ས་མཱ་ཧི་ཏི་ནྡྲི་ཡཾ,

ན་མཱ་མི ས་ངྒྷཾ མུ་ནི་རཱ་ཛ་སཱ་ཝ་ཀཾ.

༤. ཝི་བྷུ་ས་ཡཾ ཀཱ་ལ༹་ཀ་ནཱ་ག་ར་ནྭ ཡཾ,

པ་ར་ཀྐ་མོ ཀཱ་རུ་ཎི་ཀོ ཙ་མཱུ་པ་ཏི;

ག་ཝེ་ས་མཱ་ནོ ཛི་ན་སཱ་ས་ན་སྶ ཡོ,

ཝི་རཱུ་ལ༹ྷི་མ་ཏྠ་ཉྩ ཛ་ན་སྶ པ་ཏྠ་ཡཾ.

༥. |ཨོ༠.༠༠༠༣|

སུ་དྷཱ་མ་ཡཱུ་ཁཱ་མ་ལ པ་ཎྜུ་ཝཾ་ས་ཛཾ,

ཝི་རཱུ་ལ༹ྷ་ས་དྡྷཾ མུ་ནི་རཱ་ཛ་སཱ་ས་ནེ;

པི་ཡཾ ཝ་དཾ ནཱི་ཏི་པ་ཐཱ་ནུ་ཝ་ཏྟི་ནིཾ,

ས་དཱ པ་ཛཱ་ནཾ ཛ་ནི་ཀཾ’ཝ མཱ་ཏ་རཾ.

༦. པི་ཡཾ པ་ར་ཀྐ་ནྟི་བྷུ་ཛ་སྶ རཱ་ཛི་ནོ,

མ་ཧེ་སི མ་ཙྩུ་ནྣ་ཏ་ཁུ་དྡྷི་ས་མྤ་དཾ;

ཝི་དྷཱ་ཡ ལཱི་ལཱ་ཝ་ཏི་མི་ཙྪི་ཏ་ཏྠ་དཾ,

ཨ་སེ་ས ལ་ངྐཱ་ཏ་ལ་ར་ཛྫ་ལ་ཀྑི་ཡཾ.

༧. ཀུ་མཱ་ར་མཱ་རཱ་དྷི་ཏ་སཱ་དྷུ་མ་ནྟི་ནཾ,

མ་ཧཱ་ད་ཡཾ པ་ཎྜུ་ན་རི་ནྡ ཝཾ་ས་ཛཾ;

ཝི་དྷཱ་ཡ ས་དྡྷཾ མ་དྷུ་རི་ནྡ་ནཱ་མ་ཀཾ,

སུ་སི་ཀྑཱི་ཏཾ པཱ་ཝ་ཙ་ནེ ཀ་ལཱ་སུ ཙ.

༨. |ཨོ༠.༠༠༠༤|

ན་རི་ནྡ་སུ་ཉྙཾ སུ་ཙི་རཾ ཏི་སཱི་ཧ་ལ༹ཾ,

ཨི་ཏི་པྤ་ཏཱི་ཏཾ ཨ་ཡ་སཾ ཨ་པཱ་ནུ་དི;

ཙི་རཾ པ་ཎཱི་ཏེ་ན ཙ ཙི་ཝ་རཱ་དི་ནཱ,

སུ་ས་ཉྙ་ཏེ སཾ་ཡ་མི་ནོ ཨ་ཏ་པྤ་ཡི.

༩. ཙི་ར་ཊྛི་ཏིཾ པཱ་ཝ་ཙ་ན་སྶ ཨི་ཙྪ་ཏཱ,

ཀ་ཏ་ཉྙུ་ནཱ ཝི་ཀྐ་མ བུ་དྡི་སཱ་ལི་ནཱ;

ས་ཏཱི་མ་ཏཱ ཙ་ནྡི་མ བ་ནྡྷུ་ཀི་ཏྟི་ནཱ,

ས་གཱ་ར་ཝཾ ཏེ་ན’བྷཱི་ཡཱ་ཙི་ཏོ ཨ་ཧཾ.

༡༠. ས་དེ་ས བྷཱ་སཱ་ཡ ཀ་ཝཱི་ཧི སཱི་ཧ་ལེ༹,

ཀ་ཏ་མྤི ཝཾ་སཾ ཛི་ན་ད་ནྟ་དྷཱ་ཏུ་ཡཱ;

ནི་རུ་ཏྟི་ཡཱ མཱ་ག་དྷི་ཀཱ་ཡ ཝུ་དྡྷི་ཡཱ,

ཀ་རོ་མི དཱི་པ་ནྟ་ར་ཝཱ་སི་ནཾ ཨ་པི.

༡༡. |ཨོ༠.༠༠༠༥|

ཛཱི་ནོ’ཡ་མི་དྡྷེ ཨ་མ་ར་ཝ྄ཧ་ཡེ པུ་རེ,

ཀ་དཱ་ཙི ཧུ་ཏྭཱ་ན སུ་མེ་དྷ་ནཱ་མ་ཀོ;

ས་ཝེ་ད་ཝེ་ད་ངྒ་ཝི་བྷཱ་ག་ཀོ་ཝི་དོ,

མ་ཧ་དྡྷ་ནེ ཝི་པྤ་ཀུ་ལ་མྷི མཱ་ཎ་ཝོ.

༡༢. ཨ་ཧ་ཉྷི ཛཱ་ཏི་བྱ་ས་ནེ་ན པཱི་ལི༹་ཏོ,

ཛ་རཱ་བྷི་བྷུ་ཏོ མ་ར་ཎེ་ན ཨོ་ཏྠ་ཊོ;

སི་ཝཾ པ་དཾ ཛཱ་ཏི་ཛ་རཱ་དི་ནི་སྶ་ཊཾ,

ག་ཝེ་ས་ཡི་སྶཾ’ཏི ར་ཧོ ཝི་ཙི་ནྟི་ཡ.

༡༣. ཨ་ནེ་ཀ་ས་ངྑཾ དྷ་ན་དྷ་ཉྙ་ས་མྤ་དཾ,

པ་ཏི་ཊྛ་པེ་ཏྭཱ ཀ་པ་ཎེ་སི དུ་ཙྩ་ཛཾ;

ཨ་ན་པྤ་ཀེ པེ་མ་བྷ་རཱ་ནུ་བ་ནྡྷི་ནོ,

ཝི་ཧཱ་ཡ མི་ཏྟེ ཙ སུ་ཏེ་ཙ བ་ནྡྷ་ཝེ.

༡༤. |ཨོ༠.༠༠༠༦|

པ་ཧཱ་ཡ ཀཱ་མེ ནི་ཁི་ལེ མ་ནོ་ར་མེ,

གྷ་རཱ་བྷི་ནི་ཀྑ་མྨ ཧི་མཱ་ཙ་ལ་ནྟི་ཀེ;

མ་ཧཱི་དྷ་རཾ དྷ་མྨི་ཀ་ནཱ་མ ཝི་སྶུ་ཏཾ,

ཨུ་པེ་ཙྩ ནཱ་ནཱ་ཏ་རུ་རཱ་ཛི་བྷུ་སི་ཏཾ.

༡༥. མ་ནོ་ནུ་ཀཱུ་ལེ སུ་ར་རཱ་ཛ་ནི་མྨཱི་ཏེ,

ཨ་ས་མྨི་གཱ་ནཾ ཨ་ག་ཏི་མྷི ཨ་སྶ་མེ;

ནི་ཝ་ཏྟ་ཙཱི་རོ ཨ་ཛི་ན་ཀྑི་པཾ ཝ་ཧཾ,

ཛ་ཊཱ་དྷ་རོ ཏཱ་པ་ས ཝེ་ས་མ་གྒ་ཧཱི.

༡༦. སུ་ས་ཉྙ་ཏ་ཏྟོ་པ་རི་ཝཱ་རི ཏི་ནྡྲི་ཡོ,

ཕ་ལཱ་ཕ་ལཱ་དཱི་ཧི པ་ཝ་ཏྟ་ཡཾ ཏ་ནུཾ;

ག་ཏོ ཨ་བྷི་ཉྒྙཱ་སུ ཙ པཱ་ར་མིཾ ཝ་སཱི,

ཏ་ཧིཾ ས་མཱ་པ་ཏྟི སུ་ཁཾ ཨ་ཝི་ནྡི སོ.

༡༧. |ཨོ༠.༠༠༠༧|

སུ་ས་ཛྫི་ཏེ ར་མྨ་པུ་རཱ་དྷི་ཝཱ་སི་ནཱ,

མ་ཧཱ་ཛ་ནེ་ན’ཏྟ་མ་ནེ་ན ཨ་ཉྫ་སེ;

པ་ཐ་པྤ་དེ་སེ ཨ་བྷི་ཡ་ནྟ་མ་ཏྟ་ནོ,

ཨ་ནི་ཊྛི་ཏེ་ཡེ་ཝ སུ་མེ་དྷ ཏཱ་པ་སོ.

༡༨. ཨ་གཱ་དྷ་ཉེ་ཡྻོ་ད་དྷཱི་པཱ་ར་ད་སྶི་ནཾ,

བྷ་ཝ་ནྟ་གུཾ ནི་བྦ་ན་ཐཾ ཝི་ནཱ་ཡ་ཀཾ;

ཨ་ནེ་ཀ་ཁཱི་ཎཱ་ས་ཝ་ལ་ཀྑ་སེ་ཝི་ཏཾ,

ཀ་དཱ ཙི དཱི་པ་ངྐ་ར་བུ་དྡྷ་མ་དྡ་ས.

༡༩. ཏ་ཏོ ས་ས་ངྒྷ་སྶ ཏི་ལོ་ཀ་བྷ་ཏྟུ་ནོ,

པ་རི་ཙྩ་ཛི་ཏྭཱ་ན ཏ་ནུ་མྤི ཛཱི་ཝི་ཏཾ;

པ་སཱ་ར་ཡི་ཏྭཱ་ན ཛ་ཊཱ་ཛི་ནཱ་དི་ཀཾ,

ཝི་དྷཱ་ཡ སེ་ཏུཾ ཏ་ནུ་མེ་ཝ པ་ལླ་ལེ.

༢༠. |ཨོ༠.༠༠༠༨|

ཨ་ན་ཀྐ་མི་ཏྭཱ ཀ་ལ་ལཾ མ་ཧཱ་ད་ཡེ,

ས་བྷི་ཀྑུ་ཀོ ག་ཙྩ་ཏུ པི་ཊྛི་ཡཱ ཨི་ཏི;

ཨ་དྷི་ཊྛ་ཧི་ཏྭཱ་ན ནི་པ་ནྣ་ཀོ ཏ་ཧིཾ,

ཨ་ནཱ་ཐ མེ་ཏཾ ཏི་བྷ་ཝཾ ས་མེ་ཀྑི་ཡ.

༢༡. ད་ཡཱ་ཡ ས་ཉྩོ་དི་ཏ་མཱ་ན་སོ ཛ་ནེ,

བྷ་ཝ་ཎྞ་ཝཱ ཨུ་དྡྷ་རི་ཏུཾ དུ་ཁ་དྡི་ཏེ;

ཨ་ཀཱ་སི ས་མྦོ་དྷི་པ་ད་སྶ པ་ཏྟི་ཡཱ,

མ་ཧཱ་བྷི་ནཱི་ཧཱ་ར་མུ་ད་གྒ་ཝི་ཀྐ་མོ.

༢༢. |ཨོ༠.༠༠༠༩|

ཨ་ཐོ ཝི་དི་ཏྭཱ ཝ་སི་ནོ ཏ་མཱ་ས་ཡཾ,

ཨ་དཱ་སི སོ ཝྱཱ་ཀ་ར་ཎཾ མ་ཧཱ་མུ་ནི;

ཏ་ཏོ པུ་རཾ ཏ་མྷི ཏ་ཐཱ་ག་ཏེ ག་ཏེ,

ས་ཡཾ་ཝ་སཱི ས་མྨ་སི པཱ་ར་མི་གུ་ཎེ.

༢༣. ཏ་ཏོ ཙ ཀ་པྤཱ་ན་མ་ལཱི་ན་ཝི་ཀྐ་མོ,

ཨ་སཾ་ཁི་ཡེ སོ ཙ་ཏུ་རོ ས་ལ་ཀྑ་ཀེ;

ཏ་ཧིཾ ཏ་ཧིཾ ཛཱ་ཏི་སུ བོ་དྷི་པཱ་ཙ་ནེ,

ཝི་སུ་དྡྷ་ས་མྦྷཱ་ར་གུ་ཎེ ཨ་པཱུ་ར་ཡི;

ཨ་ཐཱ་བྷི་ཛཱ་ཏོ ཏུ་སི་ཏེ མ་ཧཱ་ཡ་སོ,

ཝི་སུ་དྡྷ་ས་མྦོ་དྷི་པ་དོ་པ་ལ་དྡྷི་ཡཱ;

ཨུ་དི་ཀྑ་མཱ་ནོ ས་མ་ཡཾ ད་ཡཱ་དྷ་ནོ,

ཙི་རཾ ཝི་བྷུ་ཏིཾ ཨ་ནུ་བྷོ་སི ས་བྦ་སོ.

༢༥. |ཨོ༠.༠༠༡༠|

ས་ཧ་སྶ་ས་ངྑཱ ད་ས་ཙ་ཀྐ་ཝཱ་ལ་ཏོ,

ས་མཱ་ག་ཏཱ་ནེ་ཀ་སུ་རཱ་དྷི་པཱ་དི་ཧི;

ཨུ་ད་གྒུ་ད་གྒེ་ཧི ཛི་ན་ཏྟ་པ་ཏྟི་ཡཱ,

ས་གཱ་ར་ཝཾ སོ ཨ་བྷི་ག་མྨ ཡཱ་ཙི་ཏོ.

༢༦. ཏ་ཏོ ཙ་ཝི་ཏྭཱ ཀ་པི་ལ༹་ཝ྄ཧ་ཡེ པུ་རེ,

ས་དཱ ས་ཏོ ས་ཀྱ་ཀུ་ལེ་ཀ་ཀེ་ཏུ་ནོ;

ཨ་ཧོ་སི སུ་དྡྷོ་ད་ན་བྷུ་མི་བྷ་ཏྟུ་ནོ,

མ་ཧཱ་དི་མཱ་ཡཱ་ཡ མ་ཧེ་སི་ཡཱ སུ་ཏོ.

༢༧. |ཨོ༠.༠༠༡༡|

ཝི་ཛཱ་ཏ་མ་ཏྟོ’ཝ ཝ་སུ་ནྡྷ་རཱ་ཡ སོ,

པ་ཏི་ཊྛ་ཧི་ཏྭཱ་ན དི་སཱ ཝི་ལོ་ཀ་ཡཱི;

ཏ་དཱ ཨ་ཧེ་སུཾ ཝི་ཝ་ཊ་ངྒ་ནཱ དི་སཱ,

ཨ་པཱུ་ཛ་ཡུཾ ཏ་ཏྠ ཙ དེ་ཝ་མཱ་ནུ་སཱ.

༢༨. ཨཱ་དྷཱ་ར་ཡུཾ ཨཱ་ཏ་པ་ཝཱ་ར་ཎཱ་དི་ཀཾ,

ཨ་དི་སྶ་མཱ་ནཱ་ཝ ན་བྷ་མྦྷི དེ་ཝ་ཏཱ;

པ་དཱ་ནི སོ ས་ཏྟ ཙ ཨུ་ཏྟ་རཱ་མུ་ཁོ,

ཨུ་པེ་ཙྩ ནི་ཙྪཱ་ར་ཡི ཝཱ་ཙ་མཱ་ས་བྷིཾ.

༢༩. ཡ་ཐ་ཏྠ་སི་དྡྷ་ཏྟ་ཀུ་མཱ་ར་ནཱ་མ་ཀོ,

མ་ཧ་བྦ་ལོ ཡོ་བྦ་ན་ཧཱ་རི་ཝི་གྒ་ཧོ;

ཨུ་ཏུ་ཏྟ་ཡཱ་ནུ་ཙྪ་ཝི་ཀེ་སུ ཏཱི་སུ སོ,

ནུ་བྷོ་སི པཱ་སཱ་ད་ཝ་རེ་སུ ས་མྤ་དཾ.

༣༠. |ཨོ༠.༠༠༡༢|

ཀ་དཱ་ཙི ཨུ་ཡྻཱ་ན་པ་ཐེ ཛ་རཱ་ཧ་ཏཾ,

ཏ་ཐཱ་ཏུ་རཾ ཀཱ་ལ་ཀ་ཏ་ཉྩ སཾ་ཡ་མིཾ;

ཀ་མེ་ན དི་སྭཱ་ན ཝི་ར་ཏྟ་མཱ་ན་སོ,

བྷ་ཝེ་སུ སོ པ་བྦ་ཛི་ཏུཾ ཨ་ཀཱ་མ་ཡི.

༣༡. ས་པུ་པྥ་དཱི་པཱ་དཱི་ཀ་རེ་ཧི ར་ཏྟི་ཡཾ,

པུ་ར་ཀྑ་ཏོ སོ ཏི་དི་ཝཱ་དྷི་ཝཱ་སི་ཧི;

ས་ཚ་ནྣ་ཀོ ཀ་ནྟ་ཀ་ཝཱ་ཛི་ཡཱ་ན་ཏོ,

ཏ་ཏོ མ་ཧཱ་ཀཱ་རུ་ཎི་ཀོ’བྷི་ནི་ཀྑ་མི.

༣༢. ཀ་མེ་ན པ་ཏྭཱ་ན ཨ་ནོ་མ་མཱ་པ་གཾ,

སུ་དྷོ་ཏ་མུ་ཏྟཱ་ཕ་ལ་ཧཱ་རི་སེ་ཀ་ཏེ;

པ་ཏི་ཊྛ་ཧི་ཏྭཱ ཝ་ར་མོ་ལི༹་བ་ནྡྷ་ནཾ,

སི་ཏཱ་སི་ལཱུ་ནཾ ག་ག་ནེ ས་མུ་ཀྑི་པཱི.

༣༣. |ཨོ༠.༠༠༡༣|

པ་ཊི་གྒ་ཧེ་ཏྭཱ ཏི་ད་སཱ་ན་མི་སྶ་རོ,

སུ་ཝ་ཎྣ་ཙ་ངྒོ་ཊ་ཝ་རེ་ན ཏཾ ཏ་དཱ;

ཏི་ཡོ་ཛ་ནཾ ནཱི་ལ་མ་ཎཱི་ཧི ཙེ་ཏི་ཡཾ,

ཨ་ཀཱ་སི ཙཱུ་ལཱ༹་མ་ཎི་མ་ཏྟ་ནོ པུ་རེ.

༣༤. ཏ་ཏོ གྷ་ཊཱི་ཀཱ་ར་ས་རོ་ཛ་ཡོ་ནི་ནཱ,

ས་མཱ་ཧ་ཊཾ དྷཱ་ར་ཡཱི ཙཱི་ཝ་རཱ་དི་ཀཾ;

ཨ་ཐོ ས་ཀཾ ཝ་ཏྠ་ཡུ་གཾ ན་བྷ་ཏྠ་ལེ,

པ་ས་ཏྠ་ཝེ་ས་གྒ་ཧ་ཎོ ས་མུ་ཀྑི་པཱི.