༡. པི་ཊ་ཀ་ཏྟ་ཡ་པ་རི་ཙྪེ་དོ

ན་མ་སྶེ་ཏྭཱ་ན ས་མྦུ་དྡྷཾ, ཨ་གྒ་ཝཾ་ས་ཝ་རཾ་ཝ་རཾ;

ན་ཏྭཱ་ན དྷ་མྨཾ བུ་དྡྷ་ཛཾ, ས་ངྒྷ་ཉྩཱ་པི་ནི་ར་ངྒ་ཎཾ.

ག་ནྠ་ཝཾ་ས་མྤི ནི་སྶཱ་ཡ, ག་ནྠ་ཝཾ་སཾ པ་ཀ་ཐི་སྶཾ;

ཏི་པེ་ཊ་ཀ་ས་མཱ་ཧཱ་རཾ, སཱ་དྷུ་ནཾ ཛ་ངྒྷ་དཱ་ས་ཀཾ.

ཝི་མ་ཏི་ནོ་ད་ན་མཱ་ར་མྦྷཾ, ཏཾ མེ སུ་ཎཱ་ཐ སཱ་དྷ་ཝོ;

ས་བྦ་མྤི བུ་དྡྷ་ཝ་ཙ་ནཾ, ཝི་མུ་ཏྟི ཙ ས་ཧེ་ཏུ་ཀཾ.

ཧོ་ཏི ཨེ་ཀ་ཝི་དྷཾ་ཡེ་ཝ, ཏི་ཝི་དྷཾ པི་ཊ་ཀེ་ན ཙ;

ཏ་ཉྩ ས་བྦ་མྤི ཀེ་ཝ་ལཾ, པ་ཉྩ་ཝི་དྷཾ ནི་ཀཱ་ཡ་ཏོ.

ཨ་ངྒ་ཏོ ཙ ན་ཝ་ཝི་དྷཾ, དྷ་མྨ་ཀྑ་ནྡྷ་ག་ཎ་ན་ཏོ;

ཙ་ཏུ་རཱ་སཱི་ཏི ས་ཧ་སྶ, དྷ་མྨ་ཀྑ་ནྡྷ་པ་བྷེ་ད་ན་ནྟི.

ཀ་ཐཾ པི་ཊ་ཀ་ཏོ པི་ཊ་ཀ་ཉྷི ཏི་ཝི་དྷཾ ཧོ་ཏི?

ཝི་ན་ཡ་པི་ཊ་ཀཾ, ཨ་བྷི་དྷ་མྨ་པི་ཊ་ཀཾ སུ་ཏྟ་ནྟ་པི་ཊ་ཀ་ནྟི. ཏ་ཏྠ ཀ་ཏ་མཾ ཝི་ན་ཡ པི་ཊ་ཀཾ? པཱ་རཱ་ཛི་ཀ་ཀ་ཎྜཾ, པཱ་ཙི་ཏྟི་ཡ་ཀ་ཎྜཾ, མ་ཧཱ་ཝ་གྒ་ཀ་ཎྜཾ, ཙུ་ལླ་ཝ་གྒ་ཀ་ཎྜཾ, པ་རི་ཝཱ་ར་ཀ་ཎྜ་ནྟི. ཨི་མཱ་ནི ཀ་ཎྜཱ་ནི ཝི་ན་ཡ་པི་ཊ་ཀཾ ནཱ་མ.

ཀ་ཏ་མཾ ཨ་བྷི་དྷ་མྨ་པི་ཊ་ཀཾ? དྷ་མྨ་ས་ངྒ་ཎཱི-པ་ཀ་ར་ཎཾ, ཝི་བྷ་ངྒ-པ་ཀ་ར་ཎཾ, དྷཱ་ཏུ་ཀ་ཐཱ-པ་ཀ་ར་ཎཾ, པུ་གྒ་ལ་པ་ཉྙ་ཏྟི-པ་ཀ་ར་ཎཾ, ཀ་ཐཱ་ཝ་ཏྠུ-པ་ཀ་ར་ཎཾ, ཡ་མ་ཀ-པ་ཀ་ར་ཎཾ, པ་ཊྛཱ་ན-པ་ཀ་ར་ཎ་ནྟི. ཨི་མཱ་ནི ས་ཏྟ པ་ཀ་ར་ཎཱ་ནི ཨ་བྷི་དྷ་མྨ་པི་ཊ་ཀཾ ནཱ་མ. ཀ་ཏ་མཾ སུ་ཏྟ་ནྟ་པི་ཊ་ཀཾ? སཱི་ལ་ཀྑ་ནྡྷ་ཝ་གྒཱ་དི་ཀཾ, ཨ་ཝ་སེ་སཾ བུ་དྡྷ་ཝ་ཙ་ནཾ སུ་ཏྟ་ནྟ་པི་ཊ་ཀཾ ནཱ་མ.

ཀ་ཐཾ ནི་ཀཱ་ཡ་ཏོ? ནི་ཀཱ་ཡཱ པ་ཉྩ ཝི་དྷཱ ཧོ་ནྟི. དཱི་གྷ་ནི་ཀཱ་ཡོ, མ་ཛ྄ཛྷི་མ་ནི་ཀཱ་ཡོ, སཾ་ཡུ་ཏྟ་ནི་ཀཱ་ཡོ, ཨ་ངྒུ་ཏྟ་ར་ནི་ཀཱ་ཡོ, ཁུ་དྡ་ཀ་ནི་ཀཱ་ཡོ་ཏི.

ཏ་ཏྠ ཀ་ཏ་མོ དཱི་གྷ-ནི་ཀཱ་ཡོ? སཱི་ལ་ཀྑ་ནྡྷ་ཝ་གྒོ, མ་ཧཱ་ཝ་གྒོ, པཱ་ཐི་ཀ་ཝ་གྒོ་ཏི, ཨི་མེ ཏ་ཡོ ཝ་གྒཱ དཱི་གྷ་ནི་ཀཱ་ཡོ ནཱ་མ. ཨི་མེ་སུ ཏཱི་སུ ཝ་གྒེ་སུ, ཙ་ཏུ་ཏིཾ་ས ཝ་གྒཱ་ནི ཙ ཧོ་ནྟི. [ཙ་ཏུ་ཏིཾ་སེ་ཝ སུ་ཏྟ་ནྟཱ, སཱི་ལ་ཀྑ་ནྡྷ་ཝ་གྒཱ་དི་ཀཱ, ཡ་སྶ བྷ་ཝ་ནྟི སོ ཡེ་ཝ དཱི་གྷ་ནི་ཀཱ་ཡ ནཱ་མ ཧོ་ཏི.]

ཀ་ཏ་མོ མ་ཛ྄ཛྷི་མ་ནི་ཀཱ་ཡོ? མཱུ་ལ་པ་ཎྞཱ་སོ, མ་ཛ྄ཛྷི་མ་པ་ཎྞཱ་སོ, ཨུ་པ་རི་པ་ཎྞཱ་སོ་ཏི, ཨི་མེ ཏ་ཡོ པ་ཎྞཱ་སཱ མ་ཛ྄ཛྷི་མ་ནི་ཀཱ་ཡོ ནཱ་མ. ཨི་མེ་སུ ཏཱི་སུ པ་ཎྞཱ་སེ་སུ དྭེ་པ་ཉྙཱ་སཱ་དྷི་ཀ-སུ་ཏྟ-ས་ཏཱ་ནི ཧོ་ནྟི [དི་ཡ་ཌྜྷ་ས་ཏ་སུ་ཏྟ་ནྟཱ, དྭི སུ་ཏྟཾ ཡ་སྶ ས་ནྟི་སོ, མ་ཛ྄ཛྷི་མ་ནི་ཀཱ་ཡོ ནཱ་མོ མཱུ་ལ་པ་ཎྞཱ་ས་མཱ་དི ཧོ་ཏི.]

ཀ་ཏ་མོ སཾ་ཡུ་ཏྟ་ནི་ཀཱ་ཡོ? ས་གཱ་ཐཱ་ཝ་གྒོ, ནི་དཱ་ན་ཝ་གྒོ, ཁ་ནྡྷ་ཀ་ཝ་གྒོ, ས་ལཱ༹་ཡ་ཏ་ན་ཝ་གྒོ, མ་ཧཱ་ཝ་གྒོ་ཏི, ཨི་མེ པ་ཉྩ ཝ་གྒཱ སཾ་ཡུ་ཏྟ་ནི་ཀཱ་ཡོ ནཱ་མ. ཨི་མེ་སུ པ་ཉྩ་སུ ཝ་གྒེ་སུ དྭཱ་ས་ཊྛི་སུ་ཏྟ་ས་ཏྟ་ས་ཏཱ་དྷི་ཀ་ས་ཏྟ-སུ་ཏྟ་ས་ཧ་སྶཱ་ནི ཧོ་ནྟི. [དྭཱ་ས་ཊྛི-ས་ཏྟ-ས་ཏཱ་ནི, ས་ཏྟ་ས་ཧ་སྶ་ཀཱ་ནི ཙ.] སུ་ཏྟཱ་ནི ཡ་སྶ ཧོ་ནྟི སོ, ས་གཱ་ཐཱ་དི་ཀ་ཝ་གྒ་ཀོ, སཾ་ཡུ་ཏྟ་ནི་ཀཱ་ཡོ ནཱ་མོ ཝེ་དི་ཏ་བྦོ ཙ ཝི་ཉྙཱུ་ནཱ་ཏི.

ཀ་ཏ་མོ ཨ་ངྒུ་ཏྟ་ར་ནི་ཀཱ་ཡོ? ཨེ་ཀྐ་ནི་པཱ་ཏོ, དུ་ཀྐ་ནི་པཱ་ཏོ, ཏི་ཀྐ་ནི་པཱ་ཏོ, ཙ་ཏུ་ཀྐ་ནི་པཱ་ཏོ, པ་ཉྩ་ཀ་ནི་པཱ་ཏོ, ཚ་ཀྐ་ནི་པཱ་ཏོ, ས་ཏྟ་ཀ་ནི་པཱ་ཏོ, ཨ་ཊྛ་ཀ་ནི་པཱ་ཏོ, ན་ཝ་ཀ་ནི་པཱ་ཏོ, ད་ས་ཀ་ནི་པཱ་ཏོ, ཨེ་ཀཱ་ད་ས་ནི་པཱ་ཏོ་ཏི, ཨི་མེ ཨེ་ཀཱ་ད་ས ནི་པཱ་ཏཱ ཨ་ངྒུ་ཏྟ་ར་ནི་ཀཱ་ཡོ ནཱ་མ. ཨི་མེ་སུ ཨེ་ཀཱ་ད་ས ནི་པཱ་ཏེ་སུ ས་ཏྟ-པ་ཉྙཱ་ས-པ་ཉྩ-ས་ཏཱ་དྷི་ཀ་ན་ཝ-སུ་ཏྟ-ས་ཧ་སྶཱ་ནི ཧོ་ནྟི. [ན་ཝ་སུ་ཏྟ་ས་ཧ་སྶཱ་ནི, པ་ཉྩ་ས་ཏ་མ་ཏྟཱ་ནི ཙ, ས་ཏྟ་པ་ཉྙཱ་སཱ་དྷི་ཀཱ་ནི, སུ་ཏྟཱ་ནི ཡ་སྶ ཧོ་ནྟི སོ, ཨ་ངྒུ་ཏྟ་ར་ནི་ཀཱ་ཡོ་ཏི, ཨེ་ཀྐ་ནི་པཱ་ཏ་ཀཱ་དི་ཀོ་ཏི.]

ཀ་ཏ་མོ ཁུ་དྡ་ཀ་ནི་ཀཱ་ཡོ? ཁུ་དྡ་ཀ་པཱ་ཋོ, དྷ་མྨ་པ་དཾ, ཨུ་དཱ་ནཾ, ཨི་ཏི་ཝུ་ཏྟ་ཀཾ, སུ་ཏྟ་ནི་པཱ་ཏོ, ཝི་མཱ་ན་ཝ་ཏྠུ, པེ་ཏ་ཝ་ཏྠུ, ཐེ་ར་ཀ་ཐཱ, ཐེ་རཱི་ཀ་ཐཱ, ཛཱ་ཏ་ཀཾ, མ་ཧཱ་ནི་དྡེ་སོ, པ་ཊི་ས་མྦྷི་དཱ་མ་གྒོ, ཨ་པ་དཱ་ནཾ, བུ་དྡྷ་ཝཾ་སོ, ཙ་རི་ཡཱ་པི་ཊ་ཀཾ, ཝི་ན་ཡ་པི་ཊ་ཀཾ, ཨ་བྷི་དྷ་མྨ་པི་ཊ་ཀ་ནྟི. ཨི་མེ་སུ ས་ཏྟ་ར་ས་སུ ག་ནྠེ་སུ ཨ་ནེ་ཀཱ་ནི སུ་ཏྟ-ས་ཧ་སྶཱ་ནི ཧོ་ནྟི. [ཨ་ནེ་ཀཱ་ནི སུ་ཏྟ-ས་ཧ་སྶཱ་ནི, ནི་དྡི་ཊྛཱ་ནི མ་ཧེ་སི་ནཱ, ནི་ཀཱ་ཡེ པ་ཉྩ་མེ ཨི་མེ, ཁུ་དྡ་ཀེ ཨི་ཏི ཝི་སུ་ཏེ་ཏི.]

ཀ་ཐཾ ཨ་ངྒ་ཏོ ཨ་ངྒ་ཧི ན་ཝ ཝི་དྷཾ ཧོ་ཏི? སུ་ཏྟཾ, གེ་ཡྻཾ, ཝེ་ཡྻཱ་ཀ་ར་ཎཾ, གཱ་ཐཱ, ཨུ་དཱ་ནཾ, ཨི་ཏི་ཝུ་ཏྟ་ཀཾ, ཛཱ་ཏ་ཀཾ, ཨ་བྦྷུ་ཏ་དྷ་མྨཾ, ཝེ་ད་ལླ་ནྟི, ན་ཝ་པྤ་བྷེ་དཾ ཧོ་ཏི. ཏ་ཏྠ ཨུ་བྷ་ཏོ ཝི་བྷ་ངྒ་ནི་དྡེ་ས་ཁ་ནྡྷ་ཀ་པ་རི་ཝཱ་རཱ, སུ་ཏྟ་ནི་པཱ་ཏེ, མ་ངྒ་ལ་སུ་ཏྟ, ར་ཏ་ན་སུ་ཏྟ, ཏུ་ཝ་ཊྚ་ཀ་སུ་ཏྟཱ་ནི. ཨ་ཉྙ་མྤི སུ་ཏྟ་ནཱ་མ་ཀཾ ཏ་ཐཱ་ག་ཏ་ཝ་ཙ་ནཾ, སུ་ཏྟ་ནྟི ཝེ་དི་ཏ་བྦཾ. ས་བྦཾ ས་གཱ་ཐ་ཀཾ གེ་ཡྻ་ནྟི ཝེ་དི་ཏ་བྦཾ. ཝི་སེ་ས་ན་སཾ་ཡུ་ཏྟ་ཀེ ས་ཀ་ལོ་པི ས་གཱ་ཐ་ཀ་ཝ་གྒོ, ས་ཀ་ལཾ ཨ་བྷི་དྷ་མྨ་པི་ཊ་ཀཾ ནི་གཱ་ཐ་ཀ་ཉྩ སུ་ཏྟ་ཡ་ཉྩ ཨ་ཉྙ་མྤི ཨ་ཊྛ་ཧི ཨ་ངྒེ་ཧི ཨ་ས་ངྒ་ཧི་ཏཾ བུ་དྡྷ་ཝ་ཙ་ནཾ ཏཾ ཝེ་ཡྻཱ་ཀ་ར་ཎ་ནྟི ཝེ་དི་ཏ་བྦཾ. དྷ་མྨ་པ་དཾ, ཐེ་ར་ཀ་ཐཱ, ཐེ་རཱི་ཀ་ཐཱ, སུ་ཏྟ་ནི་པཱ་ཏེ, ནོ སུ་ཏྟ་ནཱ་མི་ཀཱ སུ་དྡྷི་ཀ་གཱ་ཐཱ, གཱ་ཐཱ་ཏི ཝེ་དི་ཏ་བྦཱ. སོ་མ་ན་སྶ ཉཱ་ཎ་མ་ཡི་ཀ་གཱ་ཐཱ པ་ཊི་ཀ-སཾ་ཡུ་ཏྟཱ དྭེ ཨ་སཱི་ཏི་སུ་ཏྟ་ནྟཱ ཨུ་དཱ་ན་ནྟི ཝེ་དི་ཏ་བྦཱ. ཝུ་ཏྟ་ཉྷེ་ཏཾ བྷ་ག་ཝ་ཏཱ་ཏི་ཨཱ་དི་ན་ཡ་པྤ་ཝ་ཏྟཱ ད་སུ་ཏྟ་ར་ས་ཏ་སུ་ཏྟ་ནྟཱ, ཨི་ཏི་ཝུ་ཏྟ་ཀ་ནྟི ཝེ་དི་ཏ་བྦཱ. ཨ་པ་ཎྞ་ཀ་ཛཱ་ཏ་ཀཱ་དཱི་ནི པ་ཉྙཱ་སཱ་དི་ཀཱ་ནི. པ་ཉྩ་ཛཱ་ཏ་ཀ་ས་ཏཱ་ནི, ཛཱ་ཏ་ཀ་ནྟི ཝེ་དི་ཏ་བྦཾ. ཙ་ཏྟཱ་རོ མེ བྷི་ཀྑ་ཝེ ཨ་ཙྪ་རི་ཡཱ ཨ་བྷཱུ་ཏ་དྷ་མྨཱ, ཨཱ་ན་ནྡེ་ཏི་ཨཱ་དི་ན་ཡ་པྤ་ཝ་ཏྟཱ ས་བྦེ་པི ཨ་ཙྪ་རི་ཡ ཨ་བྷཱུ་ཏ་དྷ་མྨ་པ་ཊི་སཾ་ཡུ་ཏྟཱ སུ་ཏྟ་ནྟཱ ཨ་བྷཱུ་ཏ་དྷ་མྨ་ནྟི ཝེ་དི་ཏ་བྦཱ. ཙུ་ལླ་ཝེ་ད་ལླ, མ་ཧཱ་ཝེ་ད་ལླ, ས་མྨཱ་དི་ཊྛི, ས་ཀྐ་པ་ཉྷ, ས་ངྑཱ་ར་བྷཱ་ཛ་ནི་ཡ, མ་ཧཱ་པུ་ཎྞ་མ་སུ་ཏྟ་ནྟཱ་ད་ཡོ ས་བྦེ་པི ཝེ་ད་ཉྩ ཏུ་ཊྛི་ཉྩ ལ་དྡྷཱ [པུ་ཙྪ] ལ་དྡྷཱ པུ་ཙྪི་ཏ་སུ་ཏྟ་ནྟཱ, ཝེ་ད་ལླ་ནྟི ཝེ་དི་ཏ་བྦཱ. ཀ་ཏ་མཱ་ནི ཙ་ཏུ་རཱ་སཱི་ཏི དྷ་མྨ་ཀྑ་ནྡྷ་ས་ཧ་སྶཱ་ནི དུ་ཛཱ་ནཱ་ནི, ཙ་ཏུ་རཱ་སཱི་ཏི དྷ་མྨ་ཀྑ་ནྡྷ་ས་ཧ་སྶཱ་ནི ས་ཙེ ཝི་ཏྠཱ་རེ་ན ཀ་ཐི་སྶཾ ཨ་ཏི་པ་པ་ཉྩོ བྷ་ཝི་སྶ་ཏི. ཏ་སྨཱ ན་ཡ ཝ་སེ་ན ཀ་ཐི་སྶཱ་མི. ཨེ་ཀཾ ཝ་ཏྠུ, ཨེ་ཀོ དྷ་མྨ་ཀྑ་ནྡྷོ, ཨེ་ཀཾ ནི་དཱ་ནཾ ཨེ་ཀོ དྷ་མྨ་ཀྑ་ནྡྷོ, ཨེ་ཀཾ པ་ཉྷཱ པུ་ཙྪ་ནྟཾ ཨེ་ཀོ དྷ་མྨ་ཀྑ་ནྡྷོ, ཨེ་ཀཾ པ་ཉྷཱ ཝི་ས་ཛྫ་ནཾ ཨེ་ཀོ དྷ་མྨ་ཀྑ་ནྡྷོ, ཙ་ཏུ་རཱ་སཱི་ཏི དྷ་མྨ་ཀྑ་ནྡྷ་ས་ཧ་སྶཱ་ནི ཀེ་ན བྷཱ་སི་ཏཱ་ནི, ཀ་ཏྠ བྷཱ་སི་ཏཱ་ནི, ཀ་དཱ བྷཱ་སི་ཏཱ་ནི, ཀ་མཱ་ར་བྦྷ བྷཱ་སི་ཏཱ་ནི, ཀི་མ་ཏྠཾ བྷཱ་སི་ཏཱ་ནི, ཀེ་ན དྷཱ་རི་ཏཱ་ནི, ཀེ་ནཱ་བྷ་ཏཱ་ནི, ཀི་མ་ཏྠཾ པ་རི་ཡཱ་པུ་ཎི་ཏ་བྦཱ་ནི. ཏ་ཏྲཱ་ཡཾ ཝི་ས་ཛྫ་ནཱ, ཀེ་ན བྷཱ་སི་ཏཱ་ནཱི་ཏི? བུ་དྡྷཱ་ནུ བུ་དྡྷེ་ཧི བྷཱ་སི་ཏཱ་ནི. ཀ་ཏྠ བྷཱ་སི་ཏཱ་ནཱི་ཏི? དེ་ཝེ་སུ ཙ མཱ་ནུ་སྶེ་སུ ཙ, བྷཱ་སི་ཏཱ་ནི. ཀ་དཱ བྷཱ་སི་ཏཱ་ནཱི་ཏི? བྷ་ག་ཝ་ཏོ དྷ་ར་མཱ་ན་ཀཱ་ལེ ཙེ་ཝ པ་ཙྪི་མ་ཀཱ་ལེ ཙ བྷཱ་སི་ཏཱ་ནི. ཀ་ཏ་མཱ་ར་བྦྷ བྷཱ་སི་ཏཱ་ནཱི་ཏི? པ་ཉྩ་ཝ་གྒི་ཡཱ་དི་ཀེ ཝེ་ནེ་ཡྻ བ་ནྡྷ་ཝེ ཨཱ་ར་བྦྷ བྷཱ་སི་ཏཱ་ནཱི་ཏི. ཀི་མ་ཏྠཾ བྷཱ་སི་ཏཱ་ནཱི་ཏི? ཏི་ཝ་ཛྫ་ཉྩ ཨ་ཝ་ཛྫ་ཉྩ ཉ་ཏྭཱ ཝ་ཛྫཾ པ་ཧཱ་ཡ ཨ་ཝ་ཛྫེ པ་ཊི་པ་ཏྟི་ཏྭཱ ནི་བྦཱ་ན་པ་རི་ཡ་ནྟེ. དི་ཊྛ-དྷ་མྨི་ཀ་ས་མྤ་རཱ་ཡི་ཀ་ཏྠེ ས་མྤཱ་པུ་ཎི་ཏུཾ.

ཀེ་ན དྷཱ་རི་ཏཱ་ནཱི་ཏི? ཨ་ནུ་བུ་དྡྷེ་ཧི ཙེ་ཝ སི་སྶཱ་ནུ་སི་སྶེ་ཧི ཙ དྷཱ་རི་ཏཱ་ནི. ཀེ་ནཱ བྷ་ཏཱ་ནཱི་ཏི? ཨཱ་ཙ་རི་ཡ པ་རཾ་པ་རེ་ཧི ཨཱ་བྷ་ཏཱ་ནི. ཀི་མ་ཏྠཾ པ་རི་ཡཱ་པུ་ཎི་ཏ་བྦཱ་ནཱི་ཏི? ཝ་ཛྫ་ཉྩ ཨ་ཝ་ཛྫ་ཉྩ ཉ་ཏྭཱ ཝ་ཛྫཾ པ་ཧཱ་ཡ ཨ་ཝ་ཛྫེ པ་ཊི་པ་ཏྟི་ཏྭཱ ནི་བྦཱ་ན་པ་རི་ཡ་ནྟེ དི་ཊྛ་དྷ་མྨི་ཀ་ས་མྤ་རཱ་ཡི་ཀ་ཏྠེ, སཾ་པཱ་པུ་ཎི་ཏུཾ, ཡ་དེ་ཝཾ ཏཱ་ཡ ནི་བྦཱ་ན་པ་རི་ཡ་ནྟེ དི་ཊྛ་དྷ་མྨི་ཀ་ས་མྤ་རཱ་ཡི་ཀ་ཏྠེ སཱ་དྷི་ཀཱ་ནི ཧོ་ནྟི. ཏེ་ཝ ཏ་ཏྠ ཀེ་ཧི ཨ་པྤ་མ་ཏྟེ་ན པ་རི་ཡཱ་པུ་ཎི་ཏ་བྦཱ་ནི དྷཱ་རེ་ཏ་བྦཱ་ནི དྷཱ་རེ་ཏ་བྦཱ་ནི ཝཱ་ཙེ་ཏ་བྦཱ་ནི ས་ཛ྄ཛྷཱ་ཡཾ ཀཱ་ཏ་བྦཱ་ནཱི་ཏི [ཨི་ཏི ཙུ་ལླ་ག་ནྠ་ཝཾ་སེ པི་ཊ་ཀ་ཏྟ་ཡ དཱི་པ་ཀོ ནཱ་མ པ་ཋ་མོ པ་རི་ཙྪེ་དོ.]