༤. ཏ་དྡྷི་ཏ་ཀ་ཎྜ
ཨ་པ་ཙྩ་ཏ་དྡྷི་ཏ
༢༣༢. ཝཱ་ཎ་པ་ཙྩེ.
ཚ་ཊྛ་ནྟཱ ས་དྡཱ ‘‘ཏ་སྶཱ་པ་ཙྩ’’མི་ཙྩ་སྨིཾ ཨ་ཏྠེ ཎོ ཝཱ ཧོ་ཏི. ཝཱ་ཏི ཝཱ་ཀྱ་ཏྠཾ. ཎེ་ནེ་ཝཱ་པ་ཙྩ་ཏྠ་སྶ ཝུ་ཏྟ་ཏྟཱ ཨ་པ་ཙྩ་ས་དྡཱ་པྤ་ཡོ་གོ.
‘‘ཏེ་སཾ ཝི་བྷ་ཏྱཱ’’ དོ ཏེ་སཾ་ག་ཧ་ཎེ་ན ཝི་བྷ་ཏྟི་ལོ་པོ. ཏ་ཐོ་ཏྟ་ར་ཏྲ.
‘‘ཏེ་སཾ ཎོ ལོ་པཾ’’ཏི པ་ཙྩ་ཡཱ་ནཾ ཎ་སྶ ལོ་པོ.
‘‘ཝུ་དྡྷཱ་དི་ས་ར་སྶ ཝཱ སཾ་ཡོ་ག་ནྟ་སྶ ས་ཎེ ཙེ’’ཏི ས་ཎ་ཀཱ་རེ པ་རེ ཨ་སཾ་ཡོ་ག་ནྟ་སྶཱ་དི་ས་ར་སྶ ཝུ་དྡྷི.
ཏ་སྶཱ་པ་ནི་ཡ་མེ –
ཨ་ཡུ་ཝ་ཎྞཱ་ན་ཉྩཱ་ཡོ ཝུ་དྡྷི.
ཨ་ཀཱ་རི་ཝ་ཎྞུ་ཝ་ཎྞཱ་ནཾ ཨཱ་ཨེ་ཨོ་ཝུ་དྡྷི་ཡོ ཧོ་ནྟི, ཙ་ས་དྡེ་ན ཀྭ་ཙི ན.
ས་ར་ལོ་པཱ་དི, ཏ་དྡྷི་ཏ་ཏྟཱ ནཱ་མ་མི་ཝ ཀ་ཏེ སྱཱ་དི.
ཏ་དྡྷི་ཏཱ་བྷི་དྷེ་ཡྻ་ལི་ངྒ–ཝི་བྷ་ཏྟི་ཝ་ཙ་ནཱ སི་ཡུཾ.
ས་མཱུ་ཧ་བྷཱ་ཝ་ཛཱ བྷཱི་ཡོ, ས་ཀ་ཏྠེ ཎྱོ ན་པུཾ་ས་ཀེ.
ཏཱ ཏུ་ཏྠི་ཡཾ ནི་པཱ་ཏཱ ཏེ, དྷཱ་མི་ཐཾ་པ་ཙྩ་ཡ་ནྟ་ཀཱ.
ཝ་སི་ཊྛ་སྶཱ་པ་ཙྩཾ པོ་སོ ཝཱ་སི་ཊྛོ, ཨི་ཏྠཱི ཝཱ་སི་ཊྛཱི, ན་པུཾ་ས་ཀཾ ཝཱ་སི་ཊྛཾ. ཝི་ཀ་པྤ་ཝི་དྷཱ་ན་ཏོ ཏ་དྡྷི་ཏེ་ན ས་མཱ་ས་སྶཱ་ཙྩ་ནྟཾ བཱ་དྷཱ་ཡཱ བྷཱ་ཝཱ ཝ་སི་ཊྛཱ པ་ཙྩ་ནྟི་པི ཧོ་ཏི.
ན་པུཾ་ས་ཀེ་ན ཝཱ་པཱི་ཏི, ས་དྡ་ས་ཏྠ་ཝི་དཱུ ཝི་དུཾ.
༢༣༣. ཝཱ ཨ་པ་ཙྩེ་ཏི ཙཱ་དྷི་ཀཱ་རོ.
ཎཱ་ཡ་ན ཎཱ་ན ཝ་ཙྪཱ་དི་ཏོ.
ཝ་ཙྪཱ་དི་ཏོ གོ་ཏྟ་ག་ཎ་ཏོ ཎཱ་ཡ་ནོ ཎཱ་ནོ ཙ ཝཱ ཧོ་ཏི.
ཨ་པ་ཙྩཾ པ་པུ་ཏྟ་པྤ་བྷུ་ཏི གོ་ཏྟཾ. ཀ་ཙྩ་སྶཱ་པ་ཙྩཾ ཀ་ཙྩཱ་ཡ་ནོ, ཀ་ཙྩཱ་ནོ ཝཱ. སཾ་ཡོ་ག་ནྟ་ཏྟཱ ན ཝུ་དྡྷི.
༢༣༤. ‘‘ཎེ་ཡྻོ ཀ་ཏྟི་ཀཱ་དཱི་ཧཱི’’ཏི ཎེ་ཡྻོ, ཝི་ན་ཏཱ་ཡ ཨ་པ་ཙྩཾ ཝེ་ན་ཏེ་ཡྻོ ཝི་ན་ཏེ་ཡྻོ ཝཱ. ན པ་ཀྑེ ཝུ་དྡྷི, ཎེ་ཡྻོ་ཏི ཡོ་ག་ཝི་བྷཱ་གེ་ན ‘‘ཏ་སྶ དཱི་ཡ་ཏེ’’ ཏྱ་ཏྠེ་པི ཎེ་ཡྻོ, ད་ཀྑི་ཎཱ དཱི་ཡ་ཏེ ཡ་སྶ སོ ད་ཀྑི་ཎེ་ཡྻོ.
༢༣༥. ཨ་ཏོ ཎི ཝཱ.
ཨ་ཀཱ་ར་ནྟ་ཏོ ཨ་པ་ཙྩེ ཎི ཝཱ ཧོ་ཏི, པུ་ན ཝཱ་ས་དྡེ་ན ཎི་ཀོ, ཨ་ཀཱ་ར་ནྟཱ ཨ་ན་ཀཱ་ར་ནྟཱ ཙ བོ་པི.
ད་ཀྑི, ས་ཀྱ་པུ་ཏྟི་ཀོ, མ་ཎྜ་བྦོ, བྷཱ་ཏུ་བྦོ. དྭི་ཏྟཾ.
༢༣༦. ‘‘ཎ་ཝོ པ་གྭཱ་དཱི་ཧཱི’’ ཏི ཎ་ཝོ. མ་ནུ་ནོ ཨ་པ་ཙྩཾ མཱ་ཎ་ཝོ.
༢༣༧. ‘‘ཎེ་ར ཝི་དྷ་ཝཱ་དི་ཏོ’’ཏི ཎེ་རོ, སཱ་མ་ཎེ་རོ.
སཾ་ས་ཊྛཱ་དི་ཨ་ནེ་ཀ་ཏྠ་ཏ་དྡྷི་ཏ
༢༣༨. ‘‘ཡེ་ན ཝཱ སཾ་ས་ཊྛཾ ཏ་ར་ཏི ཙ་ར་ཏི ཝ་ཧ་ཏི ཎི་ཀོ’’ཏི ཎི་ཀོ. ཝཱ་ཀཱ་རེ་ན ནེ་ཀ་ཏྠེ་ནེ་ཀ་པ་ཙྩ་ཡཱ ཙ. གྷ་ཏེ་ན སཾ་ས་ཊྛོ གྷཱ་ཏི་ཀོ, ཨོ་ད་ནོ. ཨུ་ལཱུ༹་པེ་ན ཏ་ར་ཏཱི་ཏི ཨོ་ལཱུ༹་པི་ཀོ, ཨུ་ལཱུ༹་པི་ཀོ ཝཱ, ན པ་ཀྑེ ཝུ་དྡྷི.
ས་ཀ་ཊེ་ན ཙ་ར་ཏཱི་ཏི སཱ་ཀ་ཊི་ཀོ. སཱི་སེ་ན ཝ་ཧ་ཏཱི་ཏི སཱི་སི་ཀོ, ན ཝུ་དྡྷི.
ཨི་ཏྠི་ལི་ངྒ་ཏོ ཨེ་ཡྻ་ཀོ, ཎ་ཀོ ཙ. ཙ་མྤཱ་ཡཾ ཛཱ་ཏོ ཙ་མྤེ་ཡྻ་ཀོ. ཨེ་ཝཾ བཱ་རཱ་ཎ་སེ་ཡྻ་ཀོ. ཎ་ཀོ – ཀུ་སི་ནཱ་རཱ་ཡཾ ཝ་ས་ཏཱི་ཏི ཀོ་སི་ནཱ་ར་ཀོ. ཛ་ན་པ་ད་ཏོ ཎ་ཀོ ཙ – མ་ག་དྷེ་སུ ཝ་ས་ཏི, ཏེ་སཾ ཨི་སྶ་རོ ཝཱ མཱ་ག་དྷ་ཀོ.
ཏ་ཛྫཱ་ཏི་ཡཱ ཝི་སི་ཊྛ་ཏྠེ ཨཱ་ཛཱ་ནཱི་ཡོ. ཨ་སྶ་ཛཱ་ཏི་ཡཱ ཝི་སི་ཊྛོ ཨ་སྶཱ་ཛཱ་ནཱི་ཡོ. ཉོ - ཨ་གྒ་ནྟི ཛཱ་ནི་ཏ་བྦཾ ཨ་གྒ་ཉྙཾ, དྭི་ཏྟཾ.
༢༣༩. ཏ་མ་དྷཱི་ཏེ ཏེ་ན ཀ་ཏཱ་དི་ས་ནྣི་དྷཱ་ན་ནི་ཡོ་ག་སི་པྤ་བྷ་ཎྜ ཛཱི་ཝི་ཀ་ཏྠེ་སུ ཙ.
ཏཾ ཨ་དྷཱི་ཏེ ཨི་ཙྩཱ་དཱི་སྭ་ཏྠེ་སུ ཨཱ་དི་ས་དྡེ་ན ཧ་ཏཱ་དཱི་སུ ཙ ཎི་ཀོ ཝཱ ཧོ་ཏི. ཨ་བྷི་དྷ་མྨ་མ་དྷཱི་ཏེ་ཏི ཨཱ་བྷི་དྷ་མྨི་ཀོ, ཨ་བྷི་དྷ་མྨི་ཀོ ཝཱ, ན པ་ཀྑེ ཝུ་དྡྷི. ཝ་ཙ་སཱ ཀ་ཏཾ ཀ་མྨཾ ཝཱ་ཙ་སི་ཀཾ. ཨེ་ཝཾ མཱ་ན་སི་ཀཾ, ཨེ་ཏྠ –
‘‘ས ས་རེ ཝཱ་ག་མོ’’ཏཱི་ཧཱ་ནུ་ཝ་ཏྟི་ཏཱ་དི་ས་དྡེ་ན སཱ་ག་མོ.
ས་རཱི་རེ ས་ནྣི་དྷཱ་ནཱ ཝེ་ད་ནཱ སཱ་རཱི་རི་ཀཱ. དྭཱ་རེ ནི་ཡུ་ཏྟོ དོ་ཝཱ་རི་ཀོ, ཨེ་ཏྠ- ‘‘མཱ་ཡཱུ་ན་མཱ་ག་མོ ཋཱ་ནེ’’ཏི ཝ་ཀཱ་ར་ཏོ པུ་བྦེ ཨོ་ཀཱ་རཱ་ག་མོ.
སི་པྤནྟི གཱི་ཏཱ་དི་ཀ་ལཱ, ཝཱི་ཎཱ ཨ་སྶ སི་པྤ་ནྟི ཝེ་ཎི་ཀོ, ཨ་ཏྲ ཝཱི་ཎེ་ཏི ཝཱི་ཎཱ་ཝཱ་ད་ནཾ. ག་ནྡྷོ ཨ་སྶ བྷ་ཎྜ་ནྟི ག་ནྡྷི་ཀོ, མ་གེ ཧ་ནྟྭཱ ཛཱི་ཝ་ཏཱི་ཏི མཱ་ག་ཝི་ཀོ, ཝ་ཀཱ་རཱ་ག་མོ. ཛཱ་ལེ་ན ཧ་ཏོ ཛཱ་ལི་ཀོ, སུ་ཏྟེ་ན བ་དྡྷོ སུ་ཏྟི་ཀོ, ཙཱ་པོ ཨ་སྶ ཨཱ་ཡུ་དྷ་ནྟི ཙཱ་པི་ཀོ, ཝཱ་ཏོ ཨ་སྶ ཨཱ་བཱ་དྷོ ཨ་ཏྠཱི་ཏི ཝཱ ཝཱ་ཏི་ཀོ, བུ་དྡྷེ པ་ས་ནྣོ བུ་དྡྷི་ཀོ, ཝ་ཏྠེ་ན ཀཱི་ཏཾ བྷ་ཎྜཾ ཝ་ཏྠི་ཀཾ.
ཀུ་མྦྷོ ཨ་སྶ པ་རི་མཱ་ཎཾ, ཏ མ་ར་ཧ་ཏི, ཏེ་སཾ རཱ་སི ཝཱ ཀུ་མྦྷི་ཀོ. ཨ་ཀྑེ་ན དི་བྦ་ཏཱི་ཏི ཨ་ཀྑི་ཀོ, མ་ག་དྷེ་སུ ཝ་ས་ཏི, ཛཱ་ཏོ་ཏི ཝཱ མཱ་ག་དྷི་ཀོ ཨི་ཙྩཱ་དི.
༢༤༠. ཎ རཱ་གཱ ཏེ་ན ར་ཏྟཾ ཏ་སྶེ་ད་མ་ཉྙ་ཏྠེ་སུ ཙ.
ཏེ་ན ར་ཏྟཾ ཏྱཱ་དྱ་ཏྠེ་སུ ཎོ ཝཱ ཧོ་ཏི. ཀ་སཱ་ཝེ་ན ར་ཏྟཾ ཀཱ་སཱ་ཝཾ.
ཨེ་ཝཾ ནཱི་ལཾ པཱི་ཏ་མི་ཙྩཱ་དི. ན ཝུ་དྡྷི, མ་ཧི་ས་སྶ ཨི་དཾ མཱ་ཧི་སཾ, སི་ངྒཾ.
ཨེ་ཝཾ རཱ་ཛ་པོ་རི་སཾ, ཨེ་ཏྠ ‘‘ཨ་ཡུ་ཝ་ཎྞཱ་ན་ཉྩཱ’’ དོ པུ་ན ཝུ་དྡྷི་གྒ་ཧ་ཎེ་ན ཨུ་ཏྟ་ར་པ་ད་སྶ ཝུ་དྡྷི. མ་ག་དྷེ་ཧི ཨཱ་ག་ཏོ, ཏ་ཏྲ ཛཱ་ཏོ, ཏེ་སཾ ཨི་སྶ་རོ, ཏེ ཨ་སྶ ནི་ཝཱ་སོ་ཏི ཝཱ མཱ་ག་དྷོ, ཀ་ཏྟི་ཀཱ་དཱི་ཧི ཡུ་ཏྟོ ཀ་ཏྟི་ཀོ, མཱ་སོ.
བུ་དྡྷོ ཨ་སྶ དེ་ཝ་ཏཱ་ཏི བུ་དྡྷོ. བྱཱ་ཀ་ར་ཎཾ ཨ་ཝེ་ཙྩ ཨ་དྷཱི་ཏེ་ཏི ཝེ་ཡྻཱ་ཀ་ར་ཎོ. ཨེ་ཏྠ ‘‘མཱ་ཡཱུ་ན་མཱ’’དི་ནཱ ཡ་ཀཱ་ར་ཏོ པུ་བྦེ ཨེ ཨཱ་ག་མོ, ཡ་སྶ དྭི་ཏྟཾ. ས་ག་རེ་ཧི ནི་བྦ་ཏྟོ སཱ་ག་རོ་ཨི་ཙྩཱ་དི.
༢༤༡. ཛཱ་ཏཱ་དཱི་ན་མི་མི་ཡཱ ཙ.
ཛཱ་ཏཱ་དཱི་སུ ཨི་མོ ཨི་ཡོ ཙ ཧོ་ཏི, ཙ་ས་དྡེ་ན ཀི་ཡོ ཙ. པ་ཙྪཱ ཛཱ་ཏོ པ་ཙྪི་མོ, མ་ནུ་སྶ་ཛཱ་ཏི་ཡཱ ཛཱ་ཏོ མ་ནུ་སྶ་ཛཱ་ཏི་ཡོ. ཨ་ནྟེ ནི་ཡུ་ཏྟོ ཨ་ནྟི་མོ, ཨ་ནྟི་ཡོ.
ཨེ་ཝཾ ཨ་ནྡྷ་ཀི་ཡོ. པུ་ཏྟོ ཨ་སྶ ཨ་ཏྠཱི་ཏི པུ་ཏྟི་མོ, པུ་ཏྟི་ཡོ. ཨེ་ཝཾ ཀ་པྤི་ཡོ.
༢༤༢. ‘‘ཏ་ད་སྶ་ཊྛཱ་ན་མཱི་ཡོ ཙེ’’ཏི ཨཱི་ཡོ, ཙ་ཀཱ་རེ་ན ཧི་ཏཱ་དྱ་ཏྠེ་པི, བ་ནྡྷ་ན་སྶ ཋཱ་ནཾ བ་ནྡྷ་ནཱི་ཡཾ, ཙ་ངྐ་མ་ན་སྶ ཧི་ཏཾ ཙ་ངྐ་མ་ནཱི་ཡཾ.
༢༤༣. ‘‘ཨཱ་ལུ ཏ་བྦ་ཧུ་ལེ’’ཏི ཨཱ་ལུ. ཨ་བྷི་ཛ྄ཛྷཱ་བ་ཧུ་ལོ ཨ་བྷི་ཛ྄ཛྷཱ་ལུ.
ཝི་སེ་ས་ཏ་དྡྷི་ཏ
༢༤༤. ཝི་སེ་སེ ཏ་ར་ཏ་མི་སྶི་ཀི་ཡི་ཊྛཱ.
ཨ་ཏི་ས་ཡ་ཏྠེ ཏ་རཱ་ད་ཡོ ཧོ་ནྟི.
ཨ་ཡ་མེ་ཏེ་སཾ ཨ་ཏི་ས་ཡེ་ན པཱ་པོ་ཏི པཱ་པ་ཏ་རོ, པཱ་པ་ཏ་མོ, པཱ་པི་སྶི་ཀོ, པཱ་པི་ཡོ, པཱ་པི་ཊྛོ ཝཱ.
‘‘ཝུ་དྡྷ་སྶ ཛོ ཨི་ཡི་ཊྛེ་སཱུ’’ཏི ཝུ་དྡྷ་སྶ ཛཱ་དེ་སེ – ‘‘ས་ར་ལོ་པཱ’’དོ པ་ཀ་ཏི་གྒ་ཧ་ཎེ་ན པ་ཀ་ཏྱ་བྷཱ་ཝཱ ཨི་སྶ ཨེ. ཛེ་ཡྻོ, ཛེ་ཊྛོ.
ཨེ་ཝཾ ‘‘པ་ས་ཏྠ་སྶ སོ ཙེ’’ཏི སཱ་དེ་སེ སེ་ཡྻོ, སེ་ཊྛོ.
ཨ་སྶ་ཏྠི་ཏ་དྡྷི་ཏ
༢༤༥. ‘‘ཏ་ད་སྶ་ཏྠཱི་ཏི ཝཱི ཙེ’’ཏི ཝཱི. མེ་དྷཱ ཨ་སྶ ཨ་ཏྠཱི་ཏི མེ་དྷཱ་ཝཱི.
༢༤༦. ཨེ་ཝཾ ‘‘ཏ་པཱ་དི་ཏོ སཱི’’ཏི སཱི, དྭི་ཏྟཾ, ཏ་པ་སྶཱི.
༢༤༧. ‘‘ད་ཎྜཱ་དི་ཏོ ཨི་ཀ ཨཱི’’ཏི ཨི་ཀོ, ཨཱི ཙ. ད་ཎྜི་ཀོ, ད་ཎྜཱི.
༢༤༨. ‘‘གུ་ཎཱ་དི་ཏོ ཝ་ནྟཱུ’’ཏི ཝ་ནྟུ. གུ་ཎ་ཝཱ, པ་ཉྙ་ཝཱ. ཡ་དཱ་དི་ནཱ ར་སྶོ.
༢༤༩. ‘‘ས་ཏྱཱ་དཱི་ཧི མ་ནྟཱུ’’ཏི མ་ནྟུ. ས་ཏི་མཱ, བྷཱ་ནུ་མཱ.
༢༥༠. ‘‘ཨཱ་ཡུ་སྶུ་ཀཱ་རཱ་སྨ་ནྟུ་མྷཱི’’ཏི ཨུ་སྶ ཨ་ས. ཨཱ་ཡ་སྨཱ.
༢༥༡. ‘‘ས་དྡྷཱ་དི་ཏོ ཎ’’ ཨི་ཏི ཎོ. ས་དྡྷོ.
༢༥༢. ‘‘ཏ་པྤ་ཀ་ཏི་ཝ་ཙ་ནེ མ་ཡོ’’ཏི མ་ཡོ. སུ་ཝ་ཎྞེ་ན པ་ཀ་ཏཾ སོ་ཝ་ཎྞ་མ་ཡཾ, སུ་ཝ་ཎྞ་མ་ཡཾ ཝཱ. པ་ཀྑེ - ཡ་དཱ་དི་ནཱ ཝུ་དྡྷི.
ཨེ་ཏེ་ས་མོ ལོ་པེ.
ཝི་བྷ་ཏྟི་ལོ་པེ མ་ནཱ་དཱི་ན་མ་ནྟ་སྶ ཨོ ཧོ་ཏི. མ་ནོ་མ་ཡཾ.
ས་ངྑྱཱ་ཏ་དྡྷི་ཏ
༢༥༣. ས་ངྑྱཱ་པཱུ་ར་ཎེ ཏྱ་དྷི་ཀཱ་རོ.
‘‘དྭི་ཏཱི་ཧི ཏི་ཡོ’’ཏི ཏི་ཡོ, ‘‘ཏི་ཡེ དུ་ཏཱ་པི ཙེ’’ཏི དྭི་ཏཱི་ནཾ དུ་ཏཱ. དྭི་ནྣཾ པཱུ་ར་ཎོ དུ་ཏི་ཡོ, ཨེ་ཝཾ ཏ་ཏི་ཡོ.
༢༥༤. ‘‘ཙ་ཏུ་ཙྪེ་ཧི ཐ་ཋཱ’’ཏི ཐ་ཋཱ. ཙ་ཏུ་ཏྠོ, ཚ་ཊྛོ.
༢༥༥. ཏེ་ས་མ་ཌྜྷཱུ་པ་པ་དེ་ན ཨ་ཌྜྷུ་ཌྜྷ དི་ཝ་ཌྜྷ དི་ཡ་ཌྜྷཱ་ཌྜྷ་ཏི་ཡཱ.
ཙ་ཏུ་ཏྠ དུ་ཏི་ཡ ཏ་ཏི་ཡཱ་ནཾ ཨ་ཌྜྷཱུ་པ་པ་དེ་ན ས་ཧ ཨ་ཌྜྷུ་ཌྜྷ དི་ཝ་ཌྜྷ དི་ཡ་ཌྜྷཱ་ཌྜྷ་ཏི་ཡཱ ཧོ་ནྟི.
ཨ་ཌྜྷེ་ན ཙ་ཏུ་ཏྠོ ཨ་ཌྜྷུ་ཌྜྷོ, ཨ་ཌྜྷེ་ན དུ་ཏི་ཡོ དི་ཝ་ཌྜྷོ, དི་ཡ་ཌྜྷོ ཝཱ, ཨ་ཌྜྷེ་ན ཏ་ཏི་ཡོ ཨ་ཌྜྷ་ཏི་ཡོ.
༢༥༦. ‘‘ས་ངྑྱཱ་པཱུ་ར་ཎེ མོ’’ཏི མོ, པ་ཉྩ་མོ. ཨི་ཏྠི་ཡཾ པ་ཉྩ་ནྣཾ པཱུ་ར་ཎཱི པ་ཉྩ་མཱི.
ཨེ་ཀོ ཙ ད་ས ཙཱ་ཏི དྭ་ནྡེ ཀ་ཏེ –
དྭེ་ཀ་ཊྛཱ་ན་མཱ་ཀཱ་རོ ཝཱ.
ས་ངྑྱཱ་ནེ ཨུ་ཏྟ་ར་པ་དེ དྭི་ཨེ་ཀ་ཨ་ཊྛ་ཨི་ཙྩེ་ཏེ་ས མ་ནྟ་སྶ ཨཱ ཝཱ ཧོ་ཏི. ཨེ་ཀཱ་ད་ས པ་ཉྩཱི་ཝ. ཨེ་ཝཾ དྭཱ་ད་ས.
ཡ་དཱ་དི་ནཱ ཏི་སྶ ཏེ་ཨཱ་དེ་སེ ‘‘ཨེ་ཀཱ་དི་ཏོ ད་སྶ ར ས་ངྑྱཱ་ནེ’’ཏི ད་ས་ས་དྡེ ད་སྶ རོ. ཏེ་ར་ས.
༢༥༧. ‘‘ཙ་ཏཱུ་པ་པ་ད་སྶ ལོ་པོ ཏུ་ཏྟ་ར་པ་དཱ་དི་ཙ་སྶ ཙུ་ཙོ་པི ན་ཝཱ’’ཏི ཙ་ཏུ་ས་དྡེ ཏུ་སྶ ལོ་པོ ཙ་སྶ ཙུ ཙ. ཙུ་དྡ་ས.
‘‘ད་སེ སོ ནི་ཙྩ་ཉྩེ’’ཏི ཚ་སྶ སོ་ཨཱ་དེ་སེ – ‘‘ལ༹ ད་རཱ་ནཾ’’ཏི ད་ས་ས་དྡེ ད་སྶ ལོ༹. སོ་ལ༹་ས, ཨ་ཊྛཱ་ར་ས.
༢༥༨. ‘‘ཝཱི་ས་ཏི ད་སེ་སུ བཱ དྭི་སྶ ཏཱུ’’ཏི དྭི་སྶ བཱ. བཱ་ཝཱི་ས་ཏི, ཨེ་ཀཱ་ད་ས་ནྣཾ པཱུ་ར་ཎོ ཨེ་ཀཱ་ད་ས་མོ.
༢༥༩. ‘‘ཨེ་ཀཱ་དི་ཏོ ད་ས་སྶཱི’’ཏི ཨི་ཏྠི་ཡཾ ཨཱི. ཨེ་ཀཱ་ད་སཱི ཨི་ཙྩཱ་དི.
‘‘དྭཱ་དི་ཏོ ཀོ་ནེ་ཀ་ཏྠེ ཙེ’’ཏི ཀོ, དྭེ པ་རི་མཱ་ཎཱ་ནི ཨ་སྶེ་ཏི དྭི་ཀཾ. ཨེ་ཝཾ ཏི་ཀཱ་དི.
༢༦༠. ‘‘ས་མཱུ་ཧ་ཏྠེ ཀ་ཎྞཱ’’ཏི ཀ་ཎ ཙ, ཎོ ཙ. མ་ནུ་སྶཱ་ནཾ ས་མཱུ་ཧོ མཱ་ནུ་སྶ་ཀོ, མཱ་ནུ་སྶོ ཝཱ.
ཎེ ཀ་ཏེ – ‘‘ཛྷ་ལཱ་ན་མི་ཡུ་ཝཱ ས་རེ ཝཱ’’ ཏཱི་ཧ ཝཱ་ཀཱ་རེ་ན ཨི་སྶ ཨ་ཡཱ་དེ་སེ – དྭ་ཡཾ, ཏ་ཡཾ. ཨེ་ཝཾ ‘‘གཱ་མ་ཛ་ན་བ་ནྡྷུ་ས་ཧཱ་ཡཱ་དཱི་ཧི ཏཱ’’ཏི ཏཱ. གཱ་མ་ཏཱ, ནཱ་ག་ར་ཏཱ.
བྷཱ་ཝ་ཏ་དྡྷི་ཏ
༢༦༡. ཎྱ་ཏྟ་ཏཱ བྷཱ་ཝེ ཏུ.
བྷཱ་ཝ་ཏྠེ ཎྱ་ཏྟ་ཏཱ ཧོ་ནྟི. ཏུ་ས་དྡེ་ན ཏྟ་ནོ ཙ. ས་ཀ་ཏྠཱ་དཱི་སུ་པི ཎྱོ, ས་ཀ་ཏྠེ ཏཱ ཙ.
༢༦༢. ཧོ་ནྟྱ་སྨཱ ས་དྡ་ཉཱ་ཎཱ་ནི,
བྷཱ་ཝོ སཱ ས་དྡ་ཝུ་ཏྟི་ཡཱ;
ནི་མི་ཏྟ་བྷཱུ་ཏཾ ནཱ་མ་ཉྩ,
ཛཱ་ཏི ད་བྦཾ ཀྲི་ཡཱ གུ་ཎོ.
༢༦༣. ཡ་ཐཱ – ཙ་ནྡ་སྶ བྷཱ་ཝོ ཙ་ནྡ་ཏྟཾ. ཨི་ཧ ནཱ་མ་ཝ་སཱ ཙ་ནྡ་ས་དྡོ ཙ་ནྡ་དྡ་བྦེ ཝ་ཏྟ་ཏེ, ནི་མི་ཏྟ་སྶ རཱུ་པཱ་ནུ་ག་ཏ་ཉྩ ཉཱ་ཎཾ. ཨེ་ཝཾ མ་ནུ་སྶ་ཏྟ་ནྟི མ་ནུ་སྶ་ཛཱ་ཏི་ཝ་སཱ. ཡ་དཱ་དི་ནཱ ཨཱི་སྶ ར་སྶེ – ད་ཎྜི་ཏྟ་ནྟི ད་ཎྜ་དྡ་བྦ་ས་མྦ་ནྡྷཱ. པཱ་ཙ་ཀ་ཏྟ་ནྟི པ་ཙ་ན་ཀྲི་ཡཱ་ས་མྦ་ནྡྷཱ. ནཱི་ལ་ཏྟ་ནྟི ནཱི་ལ་གུ་ཎ་ཝ་སཱ.
ཨེ་ཝཾ ཎྱཱ་དཱི་སུ་པི ཡ་ཐཱ་ཡོ་གཾ ཉེ་ཡྻཾ. ཎྱོ.
ཨ་ཝ་ཎྞོ ཡེ ལོ་པ་ཉྩ.
ཡེ པ་རེ ཨ་ཝ་ཎྞོ ལུ་པྱ་ཏེ, ཙ་ཀཱ་རེ་ན ཨི་ཀཱ་རོ་པི.
ཡ་ཝ་ཏཾ ཏ་ལ་ཎ་ད་ཀཱ་རཱ་ནཾ བྱ་ཉྫ་ནཱ་ནི ཙ་ལ་ཉ ཛ་ཀཱ་ར་ཏྟ’’ནྟི ཡ་ཀཱ་ར་ཡུ་ཏྟཱ་ནཾ ཏཱ་དཱི་ནཾ ཙཱ་ད་ཡོ, ཀཱ་ར་གྒ་ཧ་ཎེ་ན ས་ཀ་པ་བྷ་མཱ་དི་ཏོ པ་ར་ཡ་ཀཱ་ར་སྶ པུ་བྦེ་ན ས་ཧ ཀྭ་ཙི པུ་བྦ་རཱུ་པ་ཉྩ, དྭི་ཏྟཾ. པ་ཎྜི་ཙྩཾ, ཀོ་ས་ལླཾ, སཱ་མ་ཉྙཾ, སོ་ཧ་ཛྫཾ, པོ་རི་སྶཾ, ནེ་པ་ཀྐཾ, སཱ་རུ་པྤཾ, ཨོ་ས་བྦྷཾ, ཨོ་པ་མྨཾ.
ཨཱ་ཏྟ་ཉྩ.
ཨི་ཨུ་ཨི་ཙྩེ་ཏེ་སཾ ཨཱ ཧོ་ཏི, རི་ཀཱ་རཱ་ག་མོ ཙ ཋཱ་ནེ.
ས་ར་ལོ་པཱ་དི་ནཱ ཨི་ལོ་པོ. ཨི་སི་ནོ བྷཱ་ཝོ.
ཨཱ་རི་སྶཾ. ཨེ་ཝཾ མུ་དུ་ཏཱ, ཨ་ར་ཧ་ཏཱ, ནྟ་སྶ ཡ་དཱ་དི་ནཱ ལོ་པོ.
པུ་ཐུ་ཛྫ་ན་ཏྟ་ནཾ, ཨ་ཀི་ཉྩ་ན་མེ་ཝ ཨཱ་ཀི་ཉྩ་ཉྙཾ, ཀུ་ཎྜ་ནི་ཡཱ ཨ་པ་ཙྩཾ ཀོ་ཎྜ་ཉྙོ, ཨེ་ཏྠ ཝུ་དྡྷཱ་དོ ཝཱ་ཀཱ་རེ་ན སཾ་ཡོ་ག་ནྟ་སྶཱ་པི ཝུ་དྡྷི.
པ་དཱ་ཡ ཧི་ཏཾ པ་ཛྫཾ, དྷ་ནཱ་ཡཾ སཾ་ཝ་ཏྟ་ནི་ཀཾ དྷ་ཉྙཾ, ས་ཏི་ཏོ ས་མྦྷཱུ་ཏཾ ས་ཙྩཾ, ཨི་ལོ་པོ, ཏཱི་སུ ན ཝུ་དྡྷི. དེ་ཝོ ཨེ་ཝ དེ་ཝ་ཏཱ.
༢༦༤. ‘‘ཎ ཝི་ས་མཱ་དཱི་ཧཱི’’ཏི བྷཱ་ཝེ ཎོ. ཝེ་ས་མཾ. ཨུ་ཛུ་ནོ བྷཱ་ཝོ ཨ་ཛྫ་ཝཾ. ཨེ་ཏྠ ཨུ་སྶ ཨཱ་ཏྟེ པ་རཱུ་ཀཱ་ར་སྶ ཡ་དཱ་དི་ནཱ ཨ་ཝོ.
༢༦༥. ‘‘ར་མ་ཎཱི་ཡཱ་དི་ཏོ ཀ་ཎྟི ཀ་ཎ. མཱ་ན་ཉྙ་ཀཾ.
ཨ་བྱ་ཡ་ཏ་དྡྷི་ཏ
༢༦༦. ‘‘ཝི་བྷཱ་གེ དྷཱ ཙེ’’ཏི དྷཱ, ཙ་ཀཱ་རེ་ན སོ་པྤ་ཙྩ་ཡོ ཙ. ཨེ་ཀེ་ན ཝི་བྷཱ་གེ་ན ཨེ་ཀ་དྷཱ, ནི་པཱ་ཏ་ཏྟཱ སི་ལོ་པོ. པ་ད་ཝི་བྷཱ་གེ་ན པ་ད་སོ.
༢༦༧. ‘‘ས་བྦ་ནཱ་མེ་ཧི པ་ཀཱ་ར་ཝ་ཙ་ནེ ཏུ ཐཱ’’ཏི ཐཱ. ཏུ་ཀཱ་རེ་ན ཐ་ཏྟཱ ཙ. ས་བྦོ པ་ཀཱ་རོ, ས་བྦེ་ན པ་ཀཱ་རེ་ན ཝཱ ས་བྦ་ཐཱ. ཨེ་ཝཾ ཨ་ཉྙ་ཐ་ཏྟཱ.
༢༦༨. ‘‘ཀི་མི་མེ་ཧི ཐ’’ནྟི ཐཾ, ཀཱ་དེ་སེ-ཀ་ཐཾ. ཨི་ཨཱ་དེ་སེ-ཨི་ཏྠཾ, ཐ་ནྟི ཡོ་ག་ཝི་བྷཱ་གེ་ན ཐཾ-བ་ཧུ་ཏྠཾ.
༢༦༩. ཨ་མ་ལི་ནཾ མ་ལི་ནཾ ཀ་རོ་ཏཱི་ཏྱཱ་དྱ་ཏྠེ-ཨ་བྷཱུ་ཏ་ཏ་བྦྷཱ་ཝེ ག་མྱ་མཱ་ནེ ཀ་ར་བྷཱུ་ཡོ་གེ ས་ཏི ནཱ་མ་ཏོ ཡ་དཱ་དི་ནཱ ཨཱི་པྤ་ཙྩ་ཡོ, མ་ལི་ནཱི་ཀ་རོ་ཏི སེ་ཏཾ. ཨ་བྷ་སྨ་ནོ བྷ་སྨ་ནོ ཀ་ར་ཎ་ནྟི བྷ་སྨཱི་ཀ་ར་ཎཾ ཀ་ཊྛ་སྶ. ཨ་མ་ལི་ནོ མ་ལི་ནོ བྷ་ཝ་ཏཱི་ཏི མ་ལི་ནཱི་བྷ་ཝ་ཏི སེ་ཏོ. ཨཱི་པྤ་ཙྩ་ཡ་ནྟོ་པི ནི་པཱ་ཏོ. ཨ་བྷཱུ་ཏ་ཏ་བྦྷཱ་ཝེ་ཏི ཀིཾ, གྷ་ཊཾ ཀ་རོ་ཏི, གྷ་ཊོ བྷ་ཝ་ཏི.
ཀ་ར་བྷཱུ་ཡོ་གེ་ཏི ཀིཾ, ཨ་མ་ལི་ནོ མ་ལི་ནོ ཛཱ་ཡ་ཏེ.
ཨ་ཝ་ཏྠཱ་ཝ་ཏོ་ཝ་ཏྠ་ཡཱ, བྷཱུ་ཏ་སྶ་ཉྙཱ་ཡ ཝ་ཏྠུ་ནོ.
ཏཱ་ཡཱ་ཝ་ཏྠཱ་ཡ བྷ་ཝ་ནཾ, ཨ་བྷཱུ་ཏ་ཏ་བྦྷ་ཝཾ ཝི་དུཾ.
ཏ་དྡྷི་ཏོ.