༡. ས་ནྡྷི ཀ་ཎྜ
ས་ཉྙཱ
༢. ཨ་ཀྑ་རཱ་པཱ་ད་ཡོ ཨེ་ཀ་ཙ་ཏྟཱ་ལཱི་སཾ.
ཨ་ཀྑ་རཱ་པི ཨ་ཀཱ་རཱ་ད་ཡོ ཨེ་ཀ་ཙ་ཏྟཱ་ལཱི་སཾ སུ་ཏྟ་ནྟོ་པ་ཀཱ་རཱ. ཏཾ ཡ་ཐཱ-ཨ ཨཱ-ཨི ཨཱི-ཨུ ཨཱུ-ཨེ ཨོ, ཀ ཁ ག གྷ ང, ཙ ཚ ཛ ཛྷ ཉ, ཊ ཋ ཌ ཌྷ ཎ, ཏ ཐ ད དྷ ན, པ ཕ བ བྷ མ, ཡ ར ལ ཝ ས ཧ ལ༹ ཨཾ-ཨི་ཏི.
༣. ཏ་ཏྠོ་ད་ནྟཱ་ས་རཱ ཨ་ཊྛ.
ཏ་ཏྠ ཨ་ཀྑ་རེ་སུ ཨོ་ཀཱ་ར་ནྟཱ ཨ་ཊྛ ས་རཱ ནཱ་མ. ཏ་ཏྠེ་ཏི ཝ་ཏྟ་ཏེ.
༤. ལ་ཧུ་མ་ཏྟཱ ཏ་ཡོ ར་སྶཱ.
ཏ་ཏྠ ས་རེ་སུ ལ་ཧུ་མ་ཏྟཱ ཨ, ཨི, ཨུ ཨི་ཏི ཏ་ཡོ ར་སྶཱ.
༥. ཨ་ཉྙེ དཱི་གྷཱ.
ཏ་ཏྠ ས་རེ་སུ ར་སྶེ་ཧ་ཉྙེ དཱི་གྷཱ.
སཾ་ཡོ་ག་ཏོ པུ་བྦེ ཨེ་ཨོ ར་སྶཱ ཨི་ཝོ་ཙྩ་ནྟེ, ཨ་ན་ནྟ་རཱ བྱ་ཉྫ་ནཱ སཾ་ཡོ་གོ. ཨེ་ཏྠ, སེ་ཡྻོ, ཨོ་ཊྛོ, སོ་ཏྠི.
༦. སེ་སཱ བྱ་ཉྫ་ནཱ.
ས་རེ ཋ་པེ་ཏྭཱ སེ་སཱ ཀཱ་ད་ཡོ ནི་གྒ་ཧཱི་ཏ་ནྟཱ བྱ་ཉྫ་ནཱ.
༧. ཝ་གྒཱ པ་ཉྩ་པ་ཉྩ་སོ མ་ནྟཱ.
བྱ་ཉྫ་ནཱ་ནཾ ཀཱ་ད་ཡོ མ་ཀཱ་ར་ནྟཱ པ་ཉྩ་པ་ཉྩ་སོ ཨ་ཀྑ་ར་ཝ་ནྟོ ཝ་གྒཱ.
༨. ཝ་གྒཱ་ནཾ པ་ཋ་མ་དུ་ཏི་ཡཱ སོ ཙཱ་གྷོ་སོ. ལ༹་ནྟཱ་ཉྙེ གྷོ་སཱ. གྷོ་སཱ་གྷོ་ས་ས་ཉྙཱ ཙ ‘‘པ་ར་ས་མ་ཉྙཱ པ་ཡོ་གེ’’ཏི ས་ངྒ་ཧཱི་ཏཱ. ཨེ་ཝཾ ལི་ངྒ, ས་བྦ་ནཱ་མ, པ་ད, ཨུ་པ་ས་གྒ, ནི་པཱ་ཏ, ཏ་དྡྷི་ཏ, ཨཱ་ཁྱཱ་ཏ, ཀ་མྨ་པྤ་ཝ་ཙ་ནཱི་ཡཱ་དི་ས་ཉྙཱ ཙ.
༩. ཨཾ་ཨི་ཏི ནི་གྒ་ཧཱི་ཏཾ.
ཨཾ་ཨི་ཏི ཨ་ཀཱ་ར་ཏོ པ་རཾ ཡོ བི་ནྡུ སཱུ་ཡ་ཏེ, ཏཾ ནི་གྒཧཱི་ཏཾ ནཱ་མ.
བི་ནྡུ ཙཱུ་ལཱ༹་མ་ཎཱ་ཀཱ་རོ, ནི་གྒ་ཧཱི་ཏ་ནྟི ཝུ་ཙྩ་ཏེ.
ཀེ་ཝ་ལ་སྶཱ པྤ་ཡོ་ག་ཏྟཱ, ཨ་ཀཱ་རོ ས་ནྣི་དྷཱི་ཡ་ཏེ.
༡༠. ཨ, ཀ་ཝ་གྒ, ཧཱ ཀ་ཎྜ་ཛཱ, ཨི, ཙ་ཝ་གྒ, ཡཱ ཏཱ་ལུ་ཛཱ, ཨུ, པ་ཝ་གྒཱ ཨོ་ཊྛ་ཛཱ, ཊ་ཝ་གྒ, ར, ལཱ༹ མུ་དྡྷ་ཛཱ, ཏ་ཝ་གྒ, ལ, སཱ ད་ནྟ་ཛཱ, ཨེ ཀ་ཎྛ་ཏཱ་ལུ་ཛོ, ཨོ ཀ་ཎྛོ་ཊྛ་ཛོ, ཝོ ད་ནྟོ་ཊྛ་ཛོ.
ས་ཉྙཱ
ས་ར་ས་ནྡྷི
༡༡. ལོ་ཀ ཨ་གྒོ་ཨི་ཏྱ་སྨིཾ – ‘‘པུ་བྦ་མ་དྷོ་ཋི་ཏ མ་སྶ་རཾ ས་རེ་ན ཝི་ཡོ་ཛ་ཡེ’’ཏི པུ་བྦ་བྱ་ཉྫ་ནཾ ས་ར་ཏོ པུ་ཐ་ཀྐཱ་ཏ་བྦཾ.
ས་རཱ ས་རེ ལོ་པཾ.
ཨ་ན་ནྟ་རེ ས་རེ པ་རེ ས་རཱ ལོ་པཾ པ་པྤོ་ནྟི.
‘‘ན་རེ པ་རཾ ཡུ་ཏྟེ’’ཏི ཨ་སྶ་རོ བྱ་ཉྫ་ནོ པ་ར་ཀྑ་རཾ ནེ་ཏ་བྦོ ལོ་ཀ་གྒོ.
ས་རེ་ཏྱ་སྨིཾ ཨོ་པ་སི་ལེ་སི་ཀོ ཀཱ་ས་ས་ཏྟ་མཱི, ཏ་ཏོ ཝ་ཎྞ་ཀཱ་ལ་བྱ་ཝ་དྷཱ་ནེ ཀཱ་རི་ཡཾ ན ཧོ་ཏི. ཡ་ཐཱ-མཾ ཨ་ཧཱ སཱི་ཏི, ‘‘པ་མཱ་ད་མ་ནུ་ཡུ་ཉྫ་ནྟཱི’’ཏྱཱ་དི་གཱ་ཐཱ་ཡཾ ‘ཛ་ནཱ ཨ་པྤ་མཱ་ད’ནྟི ཙ. ཨེ་ཝཾ ས་བྦ་ས་ནྡྷཱི་སུ.
ཨ་ན་ནྟ་རཾ པ་ར་སྶ ས་ར་སྶ ལོ་པཾ ཝ་ཀྑ་ཏི, ཏ་སྨཱ་ནེ་ན པུ་བྦ་སྶ ལོ་པོ ཉཱ་ཡ་ཏི, ཏེ་ནེ་ཝ ས་ཏྟ་མཱི་ནི་དྡི་ཊྛ་སྶ པ་ར་ཏཱ་པི ག་མྱ་ཏེ.
༡༢. ས་རེ་ཏྱ་དྷི་ཀཱ་རོ. པ་ན ཨི་མེ པ་ན ཨི་མེ་ཏཱི་ཧ-ས་རཱ ལོ་པཾ ཨི་ཏྭེ་ཝ.
ཝཱ པ་རོ ཨ་ས་རཱུ་པོ.
ཨ་ས་མཱ་ན་རཱུ་པཱ་ས་ར་མྷཱ པ་རོ ས་རོ ཝཱ ལུ་པྱ་ཏེ, པ་ན་མེ, པ་ནི་མེ.
༡༣. བ་ནྡྷུ་སྶ ཨི་ཝ, ན ཨུ་པེ་ཏཱི་ཏཱི་དྷ –
ཀྭ་ཙཱ་ས་ཝ་ཎྞཾ ལུ་ཏྟེ.
ས་རེ ལུ་ཏྟེ པ་ར་ས་ར་སྶ ཀྭ་ཙི ཨ་ས་ཝ་ཎྞོ ཧོ་ཏཱི་ཏི ཨི ཨུ ཨི་ཙྩེ་ཏེ་སཾ ཋཱ་ནཱ་ས་ནྣཱ ཨེ ཨོ. བ་ནྡྷུ་སྶེ་ཝ. ནོ་པེ་ཏི.
༡༤. ཏ་ཏྲ ཨ་ཡཾ, ཡཱ་ནི ཨི་དྷ, བ་ཧུ ཨུ་པ་ཀཱ་རཾ, ས་དྡྷཱ ཨི་དྷ, ཏ་ཐཱ ཨུ་པ་མ་ནྟྱེ་ཏ་སྨིཾ –
དཱི་གྷཾ.
ས་རེ ལུ་ཏྟེ པ་རོ ས་རོ ཀྭ་ཙི ཋཱ་ནཱ་ས་ནྣཾ དཱི་གྷཾ ཡཱ་ཏི. ཏ་ཏྲཱ་ཡཾ, ཡཱ་ནཱི་དྷ, བ་ཧཱུ་པ་ཀཱ་རཾ, ས་དྡྷཱི་དྷ, ཏ་ཐཱུ་པ་མཾ.
༡༥. ཀིཾ་སུ ཨི་དྷེ་ཏྱ་ཏྲ –
པུ་བྦོ ཙ.
ས་རེ ལུ་ཏྟེ པུ་བྦོ ཙ ཀྭ་ཙི དཱི་གྷཾ ཡཱ་ཏི. ཀིཾ སཱུ་དྷ.
༡༦. ཏེ ཨ་ཛྫ, ཏེ ཨ་ཧཾ་ཏེ་ཏྠ –
ཡ་མེ་ད་ནྟ་སྶཱ་དེ་སོ.
ས་རེ པ་རེ ཨ་ནྟ་སྶ ཨེ་ཀཱ་ར་སྶ ཀྭ་ཙི ཡོ ཨཱ་དེ་སོ ཧོ་ཏི, ཏྱ་ཛྫ, ‘‘དཱི་གྷ’’ནྟི བྱ་ཉྫ་ནེ པ་རེ ཀྭ་ཙི དཱི་གྷོ, ཏྱཱ་ཧཾ.
ཀྭ་ཙཱི་ཏི ཀིཾ. ནེ་ཏྠ.
༡༧. སོ ཨ་སྶ, ཨ་ནུ ཨེ་ཏི་ཏྱེ་ཏྠ –
ཝ་མོ་དུ་ད་ནྟཱ་ནཾ.
ས་རེ པ་རེ ཨ་ནྟོ ཀཱ་རུ་ཀཱ་རཱ་ནཾ ཀྭ་ཙི ཝོ ཨཱ་དེ་སོ ཧོ་ཏི. སྭ་སྶ, ཨ་ནྭེ་ཏི.
ཀྭ་ཙཱི་ཏི ཀིཾ. ཏ་ཡ་སྶུ, ས་མེ་ཏཱ་ཡ་སྨཱ.
༡༨. ཨི་དྷ ཨ་ཧཾ ཏཱི་དྷ –
དོ དྷ་སྶ ཙ.
ས་རེ པ་རེ དྷ་སྶ ཀྭ་ཙི དོ ཧོ་ཏི. དཱི་གྷེ – ཨི་དཱ་ཧཾ. ཀྭ་ཙཱི་ཏི ཀིཾ. ཨི་དྷེ་ཝ. ཙ་ཀཱ་རེ་ན བྱ་ཉྫ་ནེ་པི, ཨི་དྷ བྷི་ཀྑ་ཝེ.
༡༩. པ་ཏི ཨ་ནྟུཾ, ཝུ་ཏྟི ཨ་སྶེ་ཏཱི་ཧ –
ཨི་ཝ་ཎྞོ ཡ་ནྣ་ཝཱ.
ས་རེ པ་རེ ཨི་ཝ་ཎྞ་སྶ ཡོ ན་ཝཱ ཧོ་ཏི. ཀ་ཏ ཡ་ཀཱ་ར་སྶ ཏི་སྶ ‘‘ས་བྦོ ཙ་ནྟཱི’’ཏི ཀྭ་ཙི ཙཱ་དེ་སེ ‘‘པ་ར་དྭེ་བྷཱ་ཝོ ཋཱ་ནེ’’ཏི ས་ར་ཏོ པ་ར་བྱ་ཉྫ་ན་སྶ ཋཱ་ནཱ་ས་ནྣ་ཝ་སཱ དྭི་ཏྟཾ. པ་ཙྩ་ནྟཾ, ཝུ་ཏྱ་སྶ.
ན་ཝཱ་ཏི ཀིཾ. པ་ཊ་གྒི,
ཨེ་ཏྠ ‘‘ཀྭ་ཙི པ་ཊི པ་ཏི་སྶེ’’ཏི པ་ཏི་སྶ པ་ཊི, ཝ་ཎྞ་གྒ་ཧ་ཎཾ ས་བྦ་ཏྠ ར་སྶ་དཱི་གྷ ས་ངྒ་ཧ་ཎ་ཏྠཾ.
༢༠. ཡ་ཐཱ ཨེ་ཝེ་ཏཱི་ཧ –
ཨེ་ཝཱ་དི་སྶ རི པུ་བྦོ ཙ ར་སྶོ.
ས་ར་ཏོ པ་ར་སྶ ཨེ་ཝ་སྶཱ་དི་ཨེ་ཀཱ་རོ རི་ཏྟཾ ན་ཝཱ ཡཱ་ཏི. པུ་བྦོ ཙ ཋཱ་ནཱ་ས་ནྣཾ ར་སྶཾ. ཡ་ཐ་རི་ཝ. ཡ་ཐེ་ཝ.
༢༡. ན ཨི་མ་སྶ, ཏི ཨ་ངྒི་ཀཾ, ལ་ཧུ ཨེ་སྶ་ཏི, ཨ་ཏྠ ཨ་ཏྠཾ, ཨི་ཏོ ཨཱ་ཡ་ཏི, ཏ་སྨཱ ཨི་ཧ, ས་བྦྷི ཨེ་ཝ, ཚ ཨ་བྷི་ཉྙཱ, པུ་ཐ ཨེ་ཝ, པཱ ཨེ་ཝ་ཏཱི་ཧ ཝཱ ཏྭེ་ཝ –
ཡ ཝ མ ད ན ཏ ར ལཱ༹ ཙཱ་ག་མཱ.
ས་རེ པ་རེ ཡཱ་ད་ཡོ ཨཱ་ག་མཱ ཝཱ ཧོ་ནྟི, ཙ་ཀཱ་རེ་ན གོ ཙ. ན་ཡི་མ་སྶ, ཏི་ཝ་ངྒི་ཀཾ, ལ་ཧུ་མེ་སྶ་ཏི, ཨ་ཏྟ་ད་ཏྠཾ, ཨི་ཏོ་ནཱ་ཡ་ཏི, ཏ་སྨཱ་ཏི་ཧ, ས་བྦྷི་རེ་ཝ, ཚ་ལ༹་བྷི་ཉཱ, པུ་ཐ་གེ་ཝ, ‘‘ར་སྶ’’ནྟི བྱ་ཉྫ་ནེ པ་རེ ཀྭ་ཙི ར་སྶོ. པ་གེ་ཝ.
ཝཱ་ཏི ཀིཾ. ཚ ཨ་བྷི་ཉྙཱ, པུ་ཐ ཨེ་ཝ, པཱ ཨེ་ཝ.
ཨེ་ཏྠ ‘‘ས་རེ ཀྭ་ཙཱི’’ཏི ས་རཱ་ནཾ པ་ཀ་ཏི ཧོ་ཏི, ས་སྶ་རཱུ་པ་མེ་ཝ, ན ཝི་ཀཱ་རོ་ཏྱ་ཏྠོ.
༢༢. ཨ་བྷི ཨུ་གྒ་ཏོ་ཏྱ་ཏྲ –
‘‘ཨ་བྦྷོ ཨ་བྷཱི’’ཏི ཨ་བྷི་སྶ ཨ་བྦྷོ. ཨ་བྦྷུ་གྒ་ཏོ.
ས་ར་ས་ནྡྷི
བྱ་ཉྫ་ན་ས་ནྡྷི
༢༣. བྱ་ཉྫ་ནེ་ཏྱ་དྷི་ཀཱ་རོ. ཀྭ་ཙཱི་ཏྭེ་ཝ. སོ བྷི་ཀྑུ, ཀ་ཙྩི ནུ ཏྭཾ, ཛཱ་ནེ་མ ཏ་ནྟཱི་ཧ –
ལོ་པ་ཉྩ ཏ་ཏྲཱ་ཀཱ་རོ.
བྱ་ཉྫ་ནེ པ་རེ ས་རཱ་ནཾ ཀྭ་ཙི ལོ་པོ་ཧོ་ཏི, ཏ་ཏྲ ལུ་ཏྟེ ཋཱ་ནེ ཨ་ཀཱ་རཱ་ག་མོ, ཙ་ཀཱ་རེ་ན ཨོ་ཀཱ་རུ་ཀཱ་རཱ་པི. ས་བྷི་ཀྑུ ཀ་ཙྩི་ནོ ཏྭཾ, ཛཱ་ནེ་མུ ཏཾ.
ཀྭ་ཙཱི་ཏི ཀིཾ, སོ་མུ་ནི.
༢༤. ཨུ་གྷོ་སོ, ཨཱ་ཁཱ་ཏ་ནྟཱི་ཧ – དྭེ་བྷཱ་ཝེ ཋཱ་ནེ ཨི་ཏྭེ་ཝ.
ཝ་གྒེ གྷོ་སཱ་གྷོ་སཱ་ནཾ ཏ་ཏི་ཡ་པ་ཋ་མཱ.
ཝ་གྒེ གྷོ་སཱ་གྷོ་སཱ་ནཾ ཙ་ཏུ་ཏྠ་དུ་ཏི་ཡཱ་ནཾ ཏ་བྦ་གྒེ ཏ་ཏི་ཡ་པ་ཋ་མཱ ཧོ་ནྟི ཡ་ཐཱ་ས་ངྑྱཾ ཡུ་ཏྟེ ཋཱ་ནེ, ཨུ་གྒྷོ་སོ, ར་སྶེ ཨ་ཀྑཱ་ཏཾ.
༢༥. པ་ར ས་ཧ་སྶཾ, ཨ་ཏི་པྤ་ཁོ་ཏཱི་ཧ – ‘‘ཀྭ་ཙི ཨོ བྱ་ཉྫ་ནེ’’ཏི ཨོ་ཀཱ་རཱ་ག་མོ. པ་རོ་ས་ཧ་སྶཾ. གཱ་ག་མེ ཙ, ཨ་ཏི་པྤ་གོ་ཁོ.
༢༦. ཨ་ཝ ན་དྡྷཱ་ཏྱ་ཏྲ – ‘‘ཨོ ཨ་ཝ་སྶེ’’ཏི ཀྭ་ཙི ཨ་ཝ་སྶ ཨོ. ཨོ་ན་དྡྷཱ.
ཀྭ་ཙཱི་ཏི ཀིཾ. ཨ་ཝ་སུ་སྶ་ཏུ.
བྱ་ཉྫ་ན་ས་ནྡྷི.
ནི་གྒ་ཧཱི་ཏ་ས་ནྡྷི
༢༧. ནི་གྒ་ཧཱི་ཏ་ནྟྱ་དྷི་ཀཱ་རོ. ཀིཾ ཀ་ཏོ, སཾ ཛཱ་ཏོ, སཾ ཋི་ཏོ, ཏཾ དྷ་ནཾ, ཏཾ མི་ཏྟ་ནྟི་ཧ –
ཝ་གྒ་ནྟཾ ཝཱ ཝ་གྒེ.
ཝ་གྒ་བྱ་ཉྫ་ནེ པ་རེ བི་ནྡུ་སྶ ཏ་བྦ་གྒ་ནྟོ ཝཱ ཧོ་ཏི. ཀི་ངྐ་ཏོ, ས་ཉྫཱ་ཏོ, ས་ཎྛི་ཏོ, ཏ་ནྡྷ་ནཾ, ཏ་མྨི་ཏྟཾ.
ཝཱ་ཏི ཀིཾ. ན ཏཾ ཀ་མྨཾ.
ཝཱ་ཀཱ་རེ་ནེ་ཝ ལེ ལོ ཙ. པུ་ལླི་ངྒཾ.
༢༨. ཝཱ་ཏྱ་དྷི་ཀཱ་རོ. ཨེ་ཝཾ ཨ་སྶ, ཨེ་ཏཾ ཨ་ཝོ་ཙེ་ཏཱི་ཧ –
མ་དཱ ས་རེ.
ས་རེ པ་རེ བི་ནྡུ་ནོ མ དཱ ཝཱ ཧོ་ནྟི. ཨེ་ཝ་མ་སྶ, ཨེ་ཏ་ད་ཝོ་ཙ.
ཝཱ་ཏི ཀིཾ. མཾ ཨ་ཛི་ནི.
༢༩. ཏཾ ཨེ་ཝ, ཏཾ ཧཱི་ཏཱི་ཧ –
ཨེ་ཧེ་ཉཾ.
ཨེ་ཀཱ་རེ, ཧེ ཙ པ་རེ བི་ནྡུ་ནོ ཉོ ཝཱ ཧོ་ཏི. དྭི་ཏྟེ – ཏ་ཉྙེ་ཝ, ཏ་མེ་ཝ. ཏ་ཉྷི, ཏཾ ཧི.
༣༠. སཾ་ཡོ་གོ་ཏཱི་ཧ –
ས་ཡེ ཙ.
ཡ་ཀཱ་རེ པ་རེ ཏེ་ན ས་ཧ བི་ནྡུ་ནོ ཉོ ཝཱ ཧོ་ཏི. དྭི་ཏྟེ – ས་ཉྙོ་གོ, སཾ་ཡོ་གོ.
༣༡. ཙ་ཀྑུ ཨ་ནི་ཙྩཾ, ཨ་ཝ སི་རོ་ཏཱི་ཧ - ཨཱ་ག་མོ, ཀྭ་ཙི་ཏྭེ་ཝ.
ནི་གྒ་ཧཱི་ཏ་ཉྩ.
ས་རེ, བྱ་ཉྫ་ནེ ཝཱ པ་རེ ཀྭ་ཙི བི་ནྡྭཱ་ག་མོ ཧོ་ཏི. ཙ་ཀྑུཾ་ཨ་ནི་ཙྩཾ, ཨ་ཝཾ་སི་རོ.
༣༢. ཝི་དཱུ་ནཾ ཨ་གྒཾ, ཏཱ་སཾ ཨ་ཧཾ་ཏཱི་ཧ –
‘‘ཀྭ་ཙི ལོ་པཾ’’ཏི ས་རེ བི་ནྡུ་ལོ་པོ, ཝི་དཱུ་ན་གྒཾ. དཱི་གྷེ་ཏཱ་སཱ་ཧཾ.
༣༣. བུ་དྡྷཱ་ནཾ སཱ་ས་ནཾ, སཾ རཱ་གོ་ཏཱི་ཧ –
‘‘བྱ་ཉྫ་ནེ ཙེ’’ཏི བི་ནྡུ་ལོ་པོ, བུ་དྡྷཱ་ན་སཱ་ས་ནཾ. དཱི་གྷེ་སཱ་རཱ་གོ.
༣༤. བཱི་ཛཾ ཨི་ཝེ་ཏཱི་ཧ –
པ་རོ ཝཱ ས་རོ.
བི་ནྡུ་ཏོ པ་རོ ས་རོ ཝཱ ལུ་པྱ་ཏེ, བཱི་ཛཾ་ཝ.
༣༥. ཨེ་ཝཾ ཨ་སྶེ་ཏཱི་ཧ –
བྱ་ཉྫ་ནོ ཙ ཝི་ས་ཉྙོ་གོ.
བི་ནྡུ་ཏོ པ་རེ ས་རེ ལུ་ཏྟེ སཾ་ཡོ་གོ བྱ་ཉྫ་ནོ ཝི་ན་ཊྛ་སཾ་ཡོ་གོ ཧོ་ཏཱི་ཏི པུ་བྦ་ས་ལོ་པོ. ཨེ་ཝཾ་ས.
ནི་གྒ་ཧཱི་ཏ་ས་ནྡྷི.
ཝོ་མི་སྶ་ཀ ས་ནྡྷཱི
༣༦. ཨ་ནུ་པ་དི་ཊྛཱ་ནཾ ཝུ་ཏྟ་ཡོ་ག་ཏོ.
ཨི་དྷཱ་ནི་དྡི་ཊྛཱ ས་ནྡྷ་ཡོ ཝུ་ཏྟཱ་ནུ་སཱ་རེ་ན ཉེ ཡྻཱ, ཡ་ཐཱ – ཡ་དི ཨེ་ཝཾ, བོ་དྷི ཨ་ངྒཱ་ཏཱི་ཧ – ཡཱ་དེ་སེ ཨི་མི་ནཱ སུ་ཏྟེ་ན ད་ཡ་ཀཱ་ར་སཾ་ཡོ་ག་སྶ ཛོ, དྷ་ཡ་ཀཱ་ར་སཾ་ཡོ་ག་སྶ ཛྷོ, དྭི་ཏྟེ – ཡ་ཛྫེ་ཝཾ, བོ་ཛ྄ཛྷ་ངྒཱ.
༣༧. ཨ་ས་དི་ས་སཾ་ཡོ་གེ ཨེ་ཀ་ས་རཱུ་པ་ཏཱ ཙ.
པ་རི ཨེ་ས་ནཱ་ཏཱི་ཧ – ཡཱ་དེ་སེ ར་ཀཱ་ར་སྶ ཡོ, པ་ཡྻེ་ས ནཱ.
༣༨. ཝ་ཎྞཱ་ནཾ བ་ཧུ་ཏྟཾ, ཝི་པ་རཱི་ཏ་ཏཱ ཙ.
ས་ར་ཏི, ཨི་ཏི ཨེ་ཝ, སཱ ཨི་ཏྠཱི, བུ་སཾ ཨེ་ཝ, བ་ཧུ ཨཱ་བཱ་དྷོ, ཨ་དྷི ཨ་བྷ་ཝི, སུ་ཁཾ, དུ་ཀྑཾ, ཛཱི་ཝོ་ཏཱི་ཧ –
མཱ་ག་མོ ས་ཀཱ་རེ ཨ་ཀཱ་ར་སྶ ཨུ ཙ, སུ་མ་ར་ཏི.
ཨི་སྶ ཝོ, ཨི་ཏྭེ་ཝ.
པ་ར་ལོ་པེ ཨཱ་ཀཱ་ར་སྶ ཨོ, སོ་ཏྠཱི.
མཱ་དེ་སེ, པུ་བྦ་དཱི་གྷེ ཙ ཨེ་ཀཱ་ར་སྶ ཨི. བུ་སཱ་མི་ཝ.
ཝཱ་དེ་སེ ཧ་ཝ་ཀཱ་ར་ཝི་པ་རི་ཡ་ཡོ. བ་ཧྭཱ་བཱ་དྷོ.
ཨ་དྷི་སྶ ཀྭ་ཙི ཨ་དྡྷོ, དཱི་གྷེ-ཨ་དྡྷཱ་བྷ་ཝི.
བི་ནྡུ་ནོ, ཨོ་ཀཱ་ར་སྶ ཙ ཨེ. སུ་ཁེ, དུ་ཀྑེ, ཛཱི་ཝེ.
༣༩. ར་དཱ་ནཾ ལོ༹, པ་ཊི་བོ་དྷོ, པ་རི་ལཱ༹་ཧོ.
༤༠. ས་རེ, བྱ་ཉྫ་ནེ ཝཱ པ་རེ བི་ནྡུ་ནོ ཀྭ་ཙི མོ. མ་མ ཨ་བྷཱ་སི, བུ་དྡྷ་མ ས་ར་ཎཾ, པུ་བྦེ མོ པ་རཾ ན ནེ་ཏ་བྦོ ཨ་ཡུ་ཏྟ་ཏྟཱ.
༤༡. བི་ནྡུ་ཏོ པ་ར་ས་རཱ་ན མ་ཉྙ་སྶ་ར་ཏཱ་པི.
ཏཾ ཨི་མི་ནཱ, ཨེ་ཝཾ ཨི་མཾ, ཀིཾ ཨ་ཧཾ ཏཱི་ཧ-ཨི་སྶ ཨ. ཏ་ད་མི་ནཱ.
ཨི་སྶ ཨུ, ཨ་ཀཱ་ར་སྶ ཙ ཨེ, བི་ནྡུ་ལོ་པཱ་དོ. ཨེ་ཝུ་མཾ, ཀེ་ཧཾ.
༤༢. ཝཱ་ཀྱ་སུ་ཁུ་ཙྩཱ་ར་ཎ་ཏྠཾ, ཚ་ནྡ་ཧཱ་ནི་ཏྠ་ཉྩ ཝ་ཎྞ་ལོ་པོ་པི.
པ་ཊི་ས་ངྑཱ་ཡ ཡོ་ནི་སོ་ཏཱི་ཧ – པུ་བྦ་ཡ་ལོ་པོ, པ་ཊི་ས་ངྑཱ་ཡོ་ནི་སོ.
༤༣. ཨ་ལཱ་བཱུ་ནི་ཏྱཱ་དོ ཨ་ཀཱ་ར་ལོ་པོ. ལཱ་བཱུ་ནི སཱི་ད་ནྟི, སི་ལཱ པླ་ཝ་ནྟི.
༤༤. ཝུ་ཏྱ་བྷེ་དཱ་ཡ ཝི་ཀཱ་རོ་པི.
ཨ་ཀ་ར་མྷ་སེ ཏེ་ཏྱཱ་དོ ས་ཀཱ་རེ ག་རུ་ནོ ཨེ་ཀཱ་ར་སྶ ཨི་མི་ནཱ ལ་ཧུ་ཨ་ཀཱ་རོ, ཨ་ཀ་ར་མྷ་ས ཏེ ཀི་ཙྩཾ.
༤༥. ཨ་ཀྑ་ར་ནི་ཡ་མོ ཚ་ནྡཾ, ག་རུ་ལ་ཧུ་ནི་ཡ་མོ བྷ་ཝེ ཝུ་ཏྟི,
དཱི་གྷོ, སཾ་ཡོ་གཱ་དི་པུ་བྦོ ར་སྶོ ཙ ག་རུ, ལ་ཧུ ཏུ ར་སྶོ. ཡ་ཐཱ- ཨཱ, ཨ་སྶ, ཨཾ, ཨ.
༤༦. ཨེ་ཝ་མ་ཉྙཱ་པི ཝི་ཉྙེ་ཡྻཱ, སཾ་ཧི་ཏཱ ཏ་ནྟི་ཡཱ ཧི་ཏཱ;
སཾ་ཧི་ཏཱ་ཏི ཙ ཝ་ཎྞཱ་ནཾ, ས་ནྣི་དྷ་བྱ་ཝ་དྷཱ་ན་ཏོ.
ཝོ་མི་སྶ་ཀ་ས་ནྡྷི.