༡. བྷ་ཏྟུ་དྡེ་ས་ཀ་སུ་ཏྟཾ

༢༧༢. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ན ས་མྨ་ནྣི་ཏ་བྦོ [ན ས་མྨ་ནི་ཏ་བྦོ (ཀ.) ཙཱུ་ལ༹་ཝ. ༣༢༦ པ་སྶི་ཏ་བྦཾ]. ཀ་ཏ་མེ་ཧི པ་ཉྩ་ཧི? ཚ་ནྡཱ་ག་ཏིཾ ག་ཙྪ་ཏི, དོ་སཱ་ག་ཏིཾ ག་ཙྪ་ཏི, མོ་ཧཱ་ག་ཏིཾ ག་ཙྪ་ཏི, བྷ་ཡཱ་ག་ཏིཾ ག་ཙྪ་ཏི, ཨུ་དྡི་ཊྛཱ་ནུ་དྡི་ཊྛཾ ན ཛཱ་ནཱ་ཏི – ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ན ས་མྨ་ནྣི་ཏ་བྦོ.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ས་མྨ་ནྣི་ཏ་བྦོ. ཀ་ཏ་མེ་ཧི པ་ཉྩ་ཧི? ན ཚ་ནྡཱ་ག་ཏིཾ ག་ཙྪ་ཏི, ན དོ་སཱ་ག་ཏིཾ ག་ཙྪ་ཏི, ན མོ་ཧཱ་ག་ཏིཾ ག་ཙྪ་ཏི, ན བྷ་ཡཱ་ག་ཏིཾ ག་ཙྪ་ཏི, ཨུ་དྡི་ཊྛཱ་ནུ་དྡི་ཊྛཾ ཛཱ་ནཱ་ཏི – ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ས་མྨ་ནྣི་ཏ་བྦོ་ཏི.

‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ས་མྨ་ཏོ [ས་མྨ་ཏོ་པི (སཱི.)] ན པེ་སེ་ཏ་བྦོ…པེ… ས་མྨ་ཏོ པེ་སེ་ཏ་བྦོ… བཱ་ལོ ཝེ་དི་ཏ་བྦོ… པ་ཎྜི་ཏོ ཝེ་དི་ཏ་བྦོ… ཁ་ཏཾ ཨུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི… ཨ་ཀྑ་ཏཾ ཨ་ནུ་པ་ཧ་ཏཾ ཨ་ཏྟཱ་ནཾ པ་རི་ཧ་ར་ཏི… ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ… ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི པ་ཉྩ་ཧི? ན ཚ་ནྡཱ་ག་ཏིཾ ག་ཙྪ་ཏི, ན དོ་སཱ་ག་ཏིཾ ག་ཙྪ་ཏི, ན མོ་ཧཱ་ག་ཏིཾ ག་ཙྪ་ཏི, ན བྷ་ཡཱ་ག་ཏིཾ ག་ཙྪ་ཏི, ཨུ་དྡི་ཊྛཱ་ནུ་དྡི་ཊྛཾ ཛཱ་ནཱ་ཏི – ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷ་ཏྟུ་དྡེ་ས་ཀོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. པ་ཋ་མཾ.