༦. སུ་ཏ་དྷ་ར་སུ་ཏྟཾ

༩༦. ‘‘པ་ཉྩ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨཱ་ནཱ་པཱ་ན་སྶ་ཏིཾ ཨཱ་སེ་ཝ་ནྟོ ན་ཙི་ར་སྶེ་ཝ ཨ་ཀུ་པྤཾ པ་ཊི་ཝི་ཛ྄ཛྷ་ཏི. ཀ་ཏ་མེ་ཧི པ་ཉྩ་ཧི? ཨི་དྷ, བྷི་ཀྑ་ཝེ, བྷི་ཀྑུ ཨ་པྤ་ཊྛོ ཧོ་ཏི ཨ་པྤ་ཀི་ཙྩོ སུ་བྷ་རོ སུ་ས་ནྟོ་སོ ཛཱི་ཝི་ཏ་པ་རི་ཀྑཱ་རེ་སུ; ཨ་པྤཱ་ཧཱ་རོ ཧོ་ཏི ཨ་ནོ་ད་རི་ཀ་ཏྟཾ ཨ་ནུ་ཡུ་ཏྟོ; ཨ་པྤ་མི་དྡྷོ ཧོ་ཏི ཛཱ་ག་རི་ཡཾ ཨ་ནུ་ཡུ་ཏྟོ; བ་ཧུ་སྶུ་ཏོ ཧོ་ཏི སུ་ཏ་དྷ་རོ སུ་ཏ་ས་ནྣི་ཙ་ཡོ, ཡེ ཏེ དྷ་མྨཱ ཨཱ་དི་ཀ་ལྱཱ་ཎཱ མ་ཛ྄ཛྷེ་ཀ་ལྱཱ་ཎཱ པ་རི་ཡོ་སཱ་ན་ཀ་ལྱཱ་ཎཱ སཱ་ཏྠཾ ས་བྱ་ཉྫ་ནཾ ཀེ་ཝ་ལ་པ་རི་པུ་ཎྞཾ པ་རི་སུ་དྡྷཾ བྲ་ཧྨ་ཙ་རི་ཡཾ ཨ་བྷི་ཝ་ད་ནྟི, ཏ་ཐཱ་རཱུ་པཱ་སྶ དྷ་མྨཱ བ་ཧུ་སྶུ་ཏཱ ཧོ་ནྟི དྷཱ་ཏཱ ཝ་ཙ་སཱ པ་རི་ཙི་ཏཱ མ་ན་སཱ་ནུ་པེ་ཀྑི་ཏཱ དི་ཊྛི་ཡཱ སུ་པྤ་ཊི་ཝི་དྡྷཱ; ཡ་ཐཱ་ཝི་མུ་ཏྟཾ ཙི་ཏྟཾ པ་ཙྩ་ཝེ་ཀྑ་ཏི. ཨི་མེ་ཧི ཁོ, བྷི་ཀྑ་ཝེ, པ་ཉྩ་ཧི དྷ་མྨེ་ཧི ས་མ་ནྣཱ་ག་ཏོ བྷི་ཀྑུ ཨཱ་ནཱ་པཱ་ན་སྶ་ཏིཾ ཨཱ་སེ་ཝ་ནྟོ ན་ཙི་ར་སྶེ་ཝ ཨ་ཀུ་པྤཾ པ་ཊི་ཝི་ཛ྄ཛྷ་ཏཱི’’ཏི. ཚ་ཊྛཾ.