(༢༧) ༧. ཀ་མྨ་པ་ཐ་ཝ་གྒོ

༡. པཱ་ཎཱ་ཏི་པཱ་ཏཱི་སུ་ཏྟཾ

༢༦༤. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ཨ་ཏྟ་ནཱ ཙ པཱ་ཎཱ་ཏི་པཱ་ཏཱི ཧོ་ཏི, པ་ར་ཉྩ པཱ་ཎཱ་ཏི་པཱ་ཏེ ས་མཱ་ད་པེ་ཏི, པཱ་ཎཱ་ཏི་པཱ་ཏེ ཙ ས་མ་ནུ་ཉྙོ ཧོ་ཏི, པཱ་ཎཱ་ཏི་པཱ་ཏ་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ.

‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ. ཀ་ཏ་མེ་ཧི ཙ་ཏཱུ་ཧི? ཨ་ཏྟ་ནཱ ཙ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, པ་ར་ཉྩ པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ས་མཱ་ད་པེ་ཏི, པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, པཱ་ཎཱ་ཏི་པཱ་ཏཱ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ’’ཏི. པ་ཋ་མཾ.

༢. ཨ་དི་ནྣཱ་དཱ་ཡཱི་སུ་ཏྟཾ

༢༦༥. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ནི་ར་ཡེ. ཀ་ཏ་མེ་ཧི ཙ་ཏཱུ་ཧི? ཨ་ཏྟ་ནཱ ཙ ཨ་དི་ནྣཱ་དཱ་ཡཱི ཧོ་ཏི, པ་ར་ཉྩ ཨ་དི་ནྣཱ་དཱ་ནེ ས་མཱ་ད་པེ་ཏི, ཨ་དི་ནྣཱ་དཱ་ནེ ཙ ས་མ་ནུ་ཉྙོ ཧོ་ཏི, ཨ་དི་ནྣཱ་དཱ་ན་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ….

‘‘ཨ་ཏྟ་ནཱ ཙ ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, པ་ར་ཉྩ ཨ་དི་ནྣཱ་དཱ་ནཱ ཝེ་ར་མ་ཎི་ཡཱ ས་མཱ་ད་པེ་ཏི, ཨ་དི་ནྣཱ་དཱ་ནཱ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, ཨ་དི་ནྣཱ་དཱ་ནཱ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ, བྷི་ཀྑ་ཝེ…པེ…. དུ་ཏི་ཡཾ.

༣. མི་ཙྪཱ་ཙཱ་རཱི་སུ་ཏྟཾ

༢༦༦. … ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱི ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རེ ས་མཱ་ད་པེ་ཏི, ཀཱ་མེ་སུ་མི་ཙྪཱ་ཙཱ་རེ ཙ ས་མ་ནུ་ཉྙོ ཧོ་ཏི, ཀཱ་མེ་སུ་མི་ཙྪཱ་ཙཱ་ར་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ….

ཨ་ཏྟ་ནཱ ཙ ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, པ་ར་ཉྩ ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎི་ཡཱ ས་མཱ་ད་པེ་ཏི, ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ…. ཏ་ཏི་ཡཾ.

༤. མུ་སཱ་ཝཱ་དཱི་སུ་ཏྟཾ

༢༦༧. … ཨ་ཏྟ་ནཱ ཙ མུ་སཱ་ཝཱ་དཱི ཧོ་ཏི, པ་ར་ཉྩ མུ་སཱ་ཝཱ་དེ ས་མཱ་ད་པེ་ཏི, མུ་སཱ་ཝཱ་དེ ཙ ས་མ་ནུ་ཉྙོ ཧོ་ཏི, མུ་སཱ་ཝཱ་ད་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ….

ཨ་ཏྟ་ནཱ ཙ མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, པ་ར་ཉྩ མུ་སཱ་ཝཱ་དཱ ཝེ་ར་མ་ཎི་ཡཱ ས་མཱ་ད་པེ་ཏི, མུ་སཱ་ཝཱ་དཱ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, མུ་སཱ་ཝཱ་དཱ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ…. ཙ་ཏུ་ཏྠཾ.

༥. པི་སུ་ཎ་ཝཱ་ཙཱ་སུ་ཏྟཾ

༢༦༨. … ཨ་ཏྟ་ནཱ ཙ པི་སུ་ཎ་ཝཱ་ཙོ ཧོ་ཏི, པ་ར་ཉྩ པི་སུ་ཎཱ་ཡ ཝཱ་ཙཱ་ཡ ས་མཱ་ད་པེ་ཏི, པི་སུ་ཎཱ་ཡ ཝཱ་ཙཱ་ཡ ཙ ས་མ་ནུ་ཉྙོ ཧོ་ཏི, པི་སུ་ཎཱ་ཡ ཝཱ་ཙཱ་ཡ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ….

ཨ་ཏྟ་ནཱ ཙ པི་སུ་ཎཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, པ་ར་ཉྩ པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ས་མཱ་ད་པེ་ཏི, པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, པི་སུ་ཎཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ…. པ་ཉྩ་མཾ.

༦. ཕ་རུ་ས་ཝཱ་ཙཱ་སུ་ཏྟཾ

༢༦༩. … ཨ་ཏྟ་ནཱ ཙ ཕ་རུ་ས་ཝཱ་ཙོ ཧོ་ཏི, པ་ར་ཉྩ ཕ་རུ་སཱ་ཡ ཝཱ་ཙཱ་ཡ ས་མཱ་ད་པེ་ཏི, ཕ་རུ་སཱ་ཡ ཝཱ་ཙཱ་ཡ ཙ ས་མ་ནུ་ཉྙོ ཧོ་ཏི, ཕ་རུ་སཱ་ཡ ཝཱ་ཙཱ་ཡ ཙ ཝ་ཎྞཾ བྷཱ་ས་ཏི…པེ….

ཨ་ཏྟ་ནཱ ཙ ཕ་རུ་སཱ་ཡ ཝཱ་ཙཱ་ཡ པ་ཊི་ཝི་ར་ཏོ ཧོ་ཏི, པ་ར་ཉྩ ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ས་མཱ་ད་པེ་ཏི, ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, ཕ་རུ་སཱ་ཡ ཝཱ་ཙཱ་ཡ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ…. ཚ་ཊྛཾ.

༧. ས་མྥ་པྤ་ལཱ་པ་སུ་ཏྟཾ

༢༧༠. … ཨ་ཏྟ་ནཱ ཙ ས་མྥ་པྤ་ལཱ་པཱི ཧོ་ཏི, པ་ར་ཉྩ ས་མྥ་པྤ་ལཱ་པེ ས་མཱ་ད་པེ་ཏི, ས་མྥ་པྤ་ལཱ་པེ ཙ ས་མ་ནུ་ཉྙོ ཧོ་ཏི, ས་མྥ་པྤ་ལཱ་པ་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ….

ཨ་ཏྟ་ནཱ ཙ ས་མྥ་པྤ་ལཱ་པཱ པ་ཊི་ཝི་ར་ཏོ ཧོ་ཏི, པ་ར་ཉྩ ས་མྥ་པྤ་ལཱ་པཱ ཝེ་ར་མ་ཎི་ཡཱ ས་མཱ་ད་པེ་ཏི, ས་མྥ་པྤ་ལཱ་པཱ ཝེ་ར་མ་ཎི་ཡཱ ཙ ས་མ་ནུ་ཉྙོ ཧོ་ཏི, ས་མྥ་པྤ་ལཱ་པཱ ཝེ་ར་མ་ཎི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ, བྷི་ཀྑ་ཝེ…པེ…. ས་ཏྟ་མཾ.

༨. ཨ་བྷི་ཛ྄ཛྷཱ་ལུ་སུ་ཏྟཾ

༢༧༡. … ཨ་ཏྟ་ནཱ ཙ ཨ་བྷི་ཛ྄ཛྷཱ་ལུ ཧོ་ཏི, པ་ར་ཉྩ ཨ་བྷི་ཛ྄ཛྷཱ་ཡ ས་མཱ་ད་པེ་ཏི, ཨ་བྷི་ཛ྄ཛྷཱ་ཡ ཙ ས་མ་ནུ་ཉྙོ ཧོ་ཏི, ཨ་བྷི་ཛ྄ཛྷཱ་ཡ ཙ ཝ་ཎྞཾ བྷཱ་ས་ཏི…པེ….

‘‘ཨ་ཏྟ་ནཱ ཙ ཨ་ན་བྷི་ཛ྄ཛྷཱ་ལུ ཧོ་ཏི, པ་ར་ཉྩ ཨ་ན་བྷི་ཛ྄ཛྷཱ་ཡ ས་མཱ་ད་པེ་ཏི, ཨ་ན་བྷི་ཛ྄ཛྷཱ་ཡ ཙ ས་མ་ནུ་ཉྙོ ཧོ་ཏི, ཨ་ན་བྷི་ཛ྄ཛྷཱ་ཡ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ…. ཨ་ཊྛ་མཾ.

༩. བྱཱ་པ་ནྣ་ཙི་ཏྟ་སུ་ཏྟཾ

༢༧༢. … ཨ་ཏྟ་ནཱ ཙ བྱཱ་པ་ནྣ་ཙི་ཏྟོ ཧོ་ཏི, པ་ར་ཉྩ བྱཱ་པཱ་དེ ས་མཱ་ད་པེ་ཏི, བྱཱ་པཱ་དེ ཙ ས་མ་ནུ་ཉྙོ ཧོ་ཏི, བྱཱ་པཱ་ད་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ….

ཨ་ཏྟ་ནཱ ཙ ཨ་བྱཱ་པ་ནྣ་ཙི་ཏྟོ ཧོ་ཏི, པ་ར་ཉྩ ཨ་བྱཱ་པཱ་དེ ས་མཱ་ད་པེ་ཏི, ཨ་བྱཱ་པཱ་དེ ཙ ས་མ་ནུ་ཉྙོ ཧོ་ཏི, ཨ་བྱཱ་པཱ་ད་སྶ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ…པེ…. ན་ཝ་མཾ.

༡༠. མི་ཙྪཱ་དི་ཊྛི་སུ་ཏྟཾ

༢༧༣. … ཨ་ཏྟ་ནཱ ཙ མི་ཙྪཱ་དི་ཊྛི་ཀོ ཧོ་ཏི, པ་ར་ཉྩ མི་ཙྪཱ་དི་ཊྛི་ཡཱ ས་མཱ་ད་པེ་ཏི, མི་ཙྪཱ་དི་ཊྛི་ཡཱ ཙ ས་མ་ནུ་ཉྙོ ཧོ་ཏི, མི་ཙྪཱ་དི་ཊྛི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི…པེ….

ཨ་ཏྟ་ནཱ ཙ ས་མྨཱ་དི་ཊྛི་ཀོ ཧོ་ཏི, པ་ར་ཉྩ ས་མྨཱ་དི་ཊྛི་ཡཱ ས་མཱ་ད་པེ་ཏི, ས་མྨཱ་དི་ཊྛི་ཡཱ ཙ ས་མ་ནུ་ཉྙོ ཧོ་ཏི, ས་མྨཱ་དི་ཊྛི་ཡཱ ཙ ཝ་ཎྞཾ བྷཱ་ས་ཏི – ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏོ ཡ་ཐཱ་བྷ་ཏཾ ནི་ཀྑི་ཏྟོ ཨེ་ཝཾ ས་གྒེ་ཏི. ད་ས་མཾ.

ཀ་མྨ་པ་ཐ་ཝ་གྒོ ས་ཏྟ་མོ.