༧. ཨ་ཙི་ནྟེ་ཡྻ་སུ་ཏྟཾ

༧༧. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཨ་ཙི་ནྟེ་ཡྻཱ་ནི, ན ཙི་ནྟེ་ཏ་བྦཱ་ནི; ཡཱ་ནི ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶ. ཀ་ཏ་མཱ་ནི ཙ་ཏྟཱ་རི? བུ་དྡྷཱ་ནཾ, བྷི་ཀྑ་ཝེ, བུ་དྡྷ་ཝི་ས་ཡོ ཨ་ཙི་ནྟེ་ཡྻོ, ན ཙི་ནྟེ་ཏ་བྦོ; ཡཾ ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶ. ཛྷཱ་ཡི་སྶ, བྷི་ཀྑ་ཝེ, ཛྷཱ་ན་ཝི་ས་ཡོ ཨ་ཙི་ནྟེ་ཡྻོ, ན ཙི་ནྟེ་ཏ་བྦོ; ཡཾ ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶ. ཀ་མྨ་ཝི་པཱ་ཀོ, བྷི་ཀྑ་ཝེ, ཨ་ཙི་ནྟེ་ཡྻོ, ན ཙི་ནྟེ་ཏ་བྦོ; ཡཾ ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶ. ལོ་ཀ་ཙི་ནྟཱ, བྷི་ཀྑ་ཝེ, ཨ་ཙི་ནྟེ་ཡྻཱ, ན ཙི་ནྟེ་ཏ་བྦཱ; ཡཾ ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཨ་ཙི་ནྟེ་ཡྻཱ་ནི, ན ཙི་ནྟེ་ཏ་བྦཱ་ནི; ཡཱ་ནི ཙི་ནྟེ་ནྟོ ཨུ་མྨཱ་ད་སྶ ཝི་གྷཱ་ཏ་སྶ བྷཱ་གཱི ཨ་སྶཱ’’ཏི. ས་ཏྟ་མཾ.