༨. སུ་ད་ཏྟ་སུ་ཏྟཾ

༥༨. ཨ་ཐ ཁོ ཨ་ནཱ་ཐ་པི་ཎྜི་ཀོ ག་ཧ་པ་ཏི ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣཾ ཁོ ཨ་ནཱ་ཐ་པི་ཎྜི་ཀཾ ག་ཧ་པ་ཏིཾ བྷ་ག་ཝཱ ཨེ་ཏ་ད་ཝོ་ཙ –

‘‘བྷོ་ཛ་ནཾ, ག་ཧ་པ་ཏི, ད་ད་མཱ་ནོ ཨ་རི་ཡ་སཱ་ཝ་ཀོ པ་ཊི་གྒཱ་ཧ་ཀཱ་ནཾ ཙ་ཏྟཱ་རི ཋཱ་ནཱ་ནི དེ་ཏི. ཀ་ཏ་མཱ་ནི ཙ་ཏྟཱ་རི? ཨཱ་ཡུཾ དེ་ཏི, ཝ་ཎྞཾ དེ་ཏི, སུ་ཁཾ དེ་ཏི, བ་ལཾ དེ་ཏི. ཨཱ་ཡུཾ ཁོ པ་ན ད་ཏྭཱ ཨཱ་ཡུ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ. ཝ་ཎྞཾ ད་ཏྭཱ… སུ་ཁཾ ད་ཏྭཱ… བ་ལཾ ད་ཏྭཱ བ་ལ་སྶ བྷཱ་གཱི ཧོ་ཏི དི་བྦ་སྶ ཝཱ མཱ་ནུ་ས་སྶ ཝཱ. བྷོ་ཛ་ནཾ, ག་ཧ་པ་ཏི, ད་ད་མཱ་ནོ ཨ་རི་ཡ་སཱ་ཝ་ཀོ པ་ཊི་གྒཱ་ཧ་ཀཱ་ནཾ ཨི་མཱ་ནི ཙ་ཏྟཱ་རི ཋཱ་ནཱ་ནི དེ་ཏཱི’’ཏི.

[མ་ཧཱ་ཝ. ༢༨༢] ‘‘ཡོ ས་ཉྙ་ཏཱ་ནཾ པ་ར་ད་ཏྟ་བྷོ་ཛི་ནཾ,

ཀཱ་ལེ་ན ས་ཀྐ་ཙྩ ད་དཱ་ཏི བྷོ་ཛ་ནཾ;

ཙ་ཏྟཱ་རི ཋཱ་ནཱ་ནི ཨ་ནུ་པྤ་ཝེ་ཙྪ་ཏི,

ཨཱ་ཡུ་ཉྩ ཝ་ཎྞ་ཉྩ སུ་ཁཾ བ་ལ་ཉྩ.

‘‘སོ ཨཱ་ཡུ་དཱ་ཡཱི ཝ་ཎྞ་དཱ་ཡཱི [སོ ཨཱ་ཡུ་དཱ་ཡཱི བ་ལ་དཱ་ཡཱི (སཱི. པཱི.), ཨཱ་ཡུ་དཱ་ཡཱི བ་ལ་དཱ་ཡཱི (སྱཱ. ཀཾ.)], སུ་ཁཾ བ་ལཾ ད་དོ [སུ་ཁཾ ཝ་ཎྞཾ ད་དོ (སཱི. སྱཱ. ཀཾ. པཱི.), སུ་ཁ་བ་ལ་ད་དོ (ཀ.)] ན་རོ;

དཱི་གྷཱ་ཡུ ཡ་ས་ཝཱ ཧོ་ཏི, ཡ་ཏྠ ཡ་ཏྠཱུ་པ་པ་ཛྫ་ཏཱི’’ཏི. ཨ་ཊྛ་མཾ;