༡. སེ་ཝི་ཏ་བྦ་སུ་ཏྟཾ

༡༥༥. ‘‘ད་ས་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ པུ་གྒ་ལོ ན སེ་ཝི་ཏ་བྦོ. ཀ་ཏ་མེ་ཧི ད་ས་ཧི? མི་ཙྪཱ་དི་ཊྛི་ཀོ ཧོ་ཏི, མི་ཙྪཱ་ས་ངྐ་པྤོ ཧོ་ཏི, མི་ཙྪཱ་ཝཱ་ཙོ ཧོ་ཏི, མི་ཙྪཱ་ཀ་མྨ་ནྟོ ཧོ་ཏི, མི་ཙྪཱ་ཨཱ་ཛཱི་ཝོ ཧོ་ཏི, མི་ཙྪཱ་ཝཱ་ཡཱ་མོ ཧོ་ཏི, མི་ཙྪཱ་ས་ཏི ཧོ་ཏི, མི་ཙྪཱ་ས་མཱ་དྷི ཧོ་ཏི, མི་ཙྪཱ་ཉཱ་ཎཱི ཧོ་ཏི, མི་ཙྪཱ་ཝི་མུ་ཏྟི ཧོ་ཏི – ཨི་མེ་ཧི ཁོ, བྷི་ཀྑ་ཝེ, ད་ས་ཧི དྷ་མྨེ་ཧི ས་མ་ནྣཱ་ག་ཏོ པུ་གྒ་ལོ ན སེ་ཝི་ཏ་བྦོ.

‘‘ད་ས་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏོ པུ་གྒ་ལོ སེ་ཝི་ཏ་བྦོ. ཀ་ཏ་མེ་ཧི ད་ས་ཧི? ས་མྨཱ་དི་ཊྛི་ཀོ ཧོ་ཏི, ས་མྨཱ་ས་ངྐ་པྤོ ཧོ་ཏི, ས་མྨཱ་ཝཱ་ཙོ ཧོ་ཏི, ས་མྨཱ་ཀ་མྨ་ནྟོ ཧོ་ཏི, ས་མྨཱ་ཨཱ་ཛཱི་ཝོ ཧོ་ཏི, ས་མྨཱ་ཝཱ་ཡཱ་མོ ཧོ་ཏི, ས་མྨཱ་ས་ཏི ཧོ་ཏི, ས་མྨཱ་ས་མཱ་དྷི ཧོ་ཏི, ས་མྨཱ་ཉཱ་ཎཱི ཧོ་ཏི, ས་མྨཱ་ཝི་མུ་ཏྟི ཧོ་ཏི – ཨི་མེ་ཧི ཁོ, བྷི་ཀྑ་ཝེ, ད་ས་ཧི དྷ་མྨེ་ཧི ས་མ་ནྣཱ་ག་ཏོ པུ་གྒ་ལོ སེ་ཝི་ཏ་བྦོ’’ཏི.