๓. อาปตฺติสมุฏฺฐานคาถา

๒๘๓. สมุฏฺฐานา กายิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา กายิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา ปญฺจ;

เอตํ เต อกฺขามิ วิภงฺคโกวิท.

สมุฏฺฐานา วาจสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา วาจสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา จตสฺโส;

เอตํ เต อกฺขามิ วิภงฺคโกวิท.

สมุฏฺฐานา กายิกา วาจสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา กายิกา วาจสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา ปญฺจ;

เอตํ เต อกฺขามิ วิภงฺคโกวิท.

สมุฏฺฐานา กายิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา กายิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา ฉ;

เอตํ เต อกฺขามิ วิภงฺคโกวิท.

สมุฏฺฐานา วาจสิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา วาจสิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา ฉ;

เอตํ เต อกฺขามิ วิภงฺคโกวิท.

สมุฏฺฐานา กายิกา วาจสิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา กติ;

ปุจฺฉามิ ตํ พฺรูหิ วิภงฺคโกวิท.

สมุฏฺฐานา กายิกา วาจสิกา มานสิกา อนนฺตทสฺสินา;

อกฺขาตา โลกหิเตน วิเวกทสฺสินา;

อาปตฺติโย เตน สมุฏฺฐิตา ฉ;

เอตํ เต อกฺขามิ วิภงฺคโกวิทาติ.

อาปตฺติสมุฏฺฐานคาถา นิฏฺฐิตา ตติยา.