๒๘๐. ตสฺสุทฺทานํ

โกสมฺพิยํ ชินวโร, วิวาทาปตฺติทสฺสเน;

นุกฺขิเปยฺย ยสฺมึ ตสฺมึ, สทฺธายาปตฺติ เทสเย.

อนฺโตสีมายํ ตตฺเถว, พาลกญฺเจว วํสทา;

ปาลิเลยฺยา จ สาวตฺถิ, สาริปุตฺโต จ โกลิโต.

มหากสฺสปกจฺจานา, โกฏฺฐิโก กปฺปิเนน จ;

มหาจุนฺโท จ อนุรุทฺโธ, เรวโต อุปาลิ จุโภ.

อานนฺโท ราหุโล เจว, โคตมีนาถปิณฺฑิโก;

เสนาสนํ วิวิตฺตญฺจ, อามิสํ สมกมฺปิ จ.

น เกหิ ฉนฺโท ทาตพฺโพ, อุปาลิปริปุจฺฉิโต;

อนานุวชฺโช สีเลน, สามคฺคี ชินสาสเนติ.

โกสมฺพกกฺขนฺธโก นิฏฺฐิโต.