๒. อนฺธการวคฺโค

๑. ปฐมาทิสิกฺขาปทวณฺณนา

๘๔๑. ทุติยวคฺคสฺส ปฐเม ทาเน วาติ ทานนิมิตฺตํ. รตฺตนฺธกาเร ปุริสสฺส หตฺถปาเส ฐานาทิ, รโหเปกฺขา, สหายาภาโวติ ตีณิ องฺคานิ.

๘๔๒-๘๕๐. ทุติยาทีนิ อุตฺตานานิ.

๘๕๔. ปญฺจเม ปลฺลงฺกสฺส อโนกาเสติ อูรุพทฺธาสนสฺส อปฺปโหนเก. ปุเรภตฺตํ อนฺตรฆเร ปลฺลงฺกปฺปโหนกาสเน นิสชฺชา, อนนุญฺญาตการณา อนาปุจฺฉา วุตฺตปริจฺเฉทาติกฺกโมติ เทฺว องฺคานิ.

๘๖๐-๘๗๙. ฉฏฺฐาทีนิ อุตฺตานานิ.

นิฏฺฐิโต อนฺธการวคฺโค ทุติโย.