๔. อามิสสิกฺขาปทํ

๑๖๔. จตุตฺเถ พหุํ มานํ กตํ เยหีติ พหุกตา. พหุกตา หุตฺวา น โอวทนฺตีติ อตฺถํ ทสฺเสนฺโต อาห ‘‘น พหุกตา’’ติอาทิ. ธมฺเมติ สีลาทิธมฺเม. อธิปฺปาโยติ ‘‘น พหุกตา’’ติปทสฺส, ฉพฺพคฺคิยานํ วา อธิปฺปาโยติ โยชนา. ‘‘กตฺตุกาโมติ อาทีน’’นฺติปทํ ‘‘อตฺโถ’’ติปเท วาจกสมฺพนฺโธ.

อสมฺมโต นาม ฐปิโต เวทิตพฺโพติ โยชนา. สมฺมุตินฺติ ภิกฺขุโนวาทกสมฺมุตึ. ปจฺฉา สามเณรภูมิยํ ฐิโตติ โยชนาติ. จตุตฺถํ.