๒. ทุติยานิยตสิกฺขาปทวณฺณนา

สงฺฆาทิเสเสน วาติ กายสํสคฺคทุฏฺฐุลฺโลภาสเนน. ตสฺมา เอวํ กายสํสคฺควาโร ปาฬิยมฺปิ วุตฺโต. อนนฺโธ อพธิโรติ อนนฺโธ กายสํสคฺคํ ปสฺสติ, อพธิโร ทุฏฺฐุลฺลํ สุณาติ, ตสฺมา เอว อทินฺนาทานสทิสาเนวาติ วุตฺต’’นฺติ ลิขิตํ. เอตฺถ จ กายวาจาจิตฺตโต สมุฏฺฐานํ กถนฺติ เจ? กายสํสคฺคญฺหิ สมาปชฺชนฺโต ทุฏฺฐุลฺลมฺปิ ภณติ, ทุฏฺฐุลฺลํ ภณนฺโต นิสีทติ จาติ สมฺภวติ, ทุฏฺฐุลฺลเมว วา สนฺธาย วุตฺตํ. ตญฺหิ อทินฺนาทานสมุฏฺฐานนฺติ.

โย เทสนํ สพฺพวิทูปโมว;

นานานยาการวิจิตฺตเภทํ;

ญาตุํ อุปายาน มโน สติมา;

ตํ ลาภเหตุํ น กโรติ ปุญฺญนฺติ.

ทุติยานิยตสิกฺขาปทวณฺณนา นิฏฺฐิตา.

อนิยตวณฺณนา นิฏฺฐิตา.