๘. ทุติยอามกธญฺญเปยฺยาลวคฺโค

๑. ปาณาติปาตสุตฺตํ

๑๑๔๑. …เป… ‘‘เอวเมว โข, ภิกฺขเว, อปฺปกา เต สตฺตา เย ปาณาติปาตา ปฏิวิรตา; อถ โข เอเตว พหุตรา สตฺตา เย ปาณาติปาตา อปฺปฏิวิรตา. ตํ กิสฺส เหตุ? …เป…. ปฐมํ.

๒. อทินฺนาทานสุตฺตํ

๑๑๔๒. …เป… ‘‘เอวเมว โข, ภิกฺขเว, อปฺปกา เต สตฺตา เย อทินฺนาทานา ปฏิวิรตา; อถ โข เอเตว พหุตรา สตฺตา เย อทินฺนาทานา อปฺปฏิวิรตา…เป…. ทุติยํ.

๓. กาเมสุมิจฺฉาจารสุตฺตํ

๑๑๔๓. …เป… ‘‘เอวเมว โข, ภิกฺขเว, อปฺปกา เต สตฺตา เย กาเมสุมิจฺฉาจารา ปฏิวิรตา; อถ โข เอเตว พหุตรา สตฺตา เย กาเมสุมิจฺฉาจารา อปฺปฏิวิรตา…เป…. ตติยํ.

๔. มุสาวาทสุตฺตํ

๑๑๔๔. …เป… ‘‘เอวเมว โข, ภิกฺขเว, อปฺปกา เต สตฺตา เย มุสาวาทา ปฏิวิรตา; อถ โข เอเตว พหุตรา สตฺตา เย มุสาวาทา อปฺปฏิวิรตา…เป…. จตุตฺถํ.

๕. เปสุญฺญสุตฺตํ

๑๑๔๕. …เป… ‘‘เอวเมว โข, ภิกฺขเว, อปฺปกา เต สตฺตา เย ปิสุณาย วาจาย ปฏิวิรตา; อถ โข เอเตว พหุตรา สตฺตา เย ปิสุณาย วาจาย อปฺปฏิวิรตา…เป…. ปญฺจมํ.

๖. ผรุสวาจาสุตฺตํ

๑๑๔๖. …เป… ‘‘เอวเมว โข, ภิกฺขเว, อปฺปกา เต สตฺตา เย ผรุสาย วาจาย ปฏิวิรตา; อถ โข เอเตว พหุตรา สตฺตา เย ผรุสาย วาจาย อปฺปฏิวิรตา…เป…. ฉฏฺฐํ.

๗. สมฺผปฺปลาปสุตฺตํ

๑๑๔๗. …เป… ‘‘เอวเมว โข, ภิกฺขเว, อปฺปกา เต สตฺตา เย สมฺผปฺปลาปา ปฏิวิรตา; อถ โข เอเตว พหุตรา สตฺตา เย สมฺผปฺปลาปา อปฺปฏิวิรตา…เป…. สตฺตมํ.

๘. พีชคามสุตฺตํ

๑๑๔๘. …เป… ‘‘เอวเมว โข, ภิกฺขเว, อปฺปกา เต สตฺตา เย พีชคามภูตคามสมารมฺภา [พีชคามภูตคามสมารพฺภา (ก.)] ปฏิวิรตา; อถ โข เอเตว พหุตรา สตฺตา เย พีชคามภูตคามสมารมฺภา อปฺปฏิวิรตา…เป…. อฏฺฐมํ.

๙. วิกาลโภชนสุตฺตํ

๑๑๔๙. …เป… ‘‘เอวเมว โข, ภิกฺขเว, อปฺปกา เต สตฺตา เย วิกาลโภชนา ปฏิวิรตา; อถ โข เอเตว พหุตรา สตฺตา เย วิกาลโภชนา อปฺปฏิวิรตา…เป…. นวมํ.

๑๐. คนฺธวิเลปนสุตฺตํ

๑๑๕๐. …เป… ‘‘เอวเมว โข, ภิกฺขเว, อปฺปกา เต สตฺตา เย มาลาคนฺธวิเลปนธารณมณฺฑนวิภูสนฏฺฐานา ปฏิวิรตา; อถ โข เอเตว พหุตรา สตฺตา เย มาลาคนฺธวิเลปนธารณมณฺฑนวิภูสนฏฺฐานา อปฺปฏิวิรตา…เป…. ทสมํ.

ทุติยอามกธญฺญเปยฺยาลวคฺโค อฏฺฐโม.

ตสฺสุทฺทานํ –

ปาณํ อทินฺนํ กาเมสุ, มุสาวาทญฺจ เปสุญฺญํ;

ผรุสํ สมฺผปฺปลาปํ, พีชญฺจ วิกาลํ คนฺธนฺติ.