๓. สีหาสนพีชิยตฺเถรอปทานํ

๑๗. ‘‘ติสฺสสฺสาหํ ภควโต, โพธิรุกฺขมวนฺทิยํ;

ปคฺคยฺห พีชนึ ตตฺถ, สีหาสนมพีชหํ [มพีชยึ (สี.), มวิชฺชหํ (สฺยา.)].

๑๘. ‘‘เทฺวนวุเต อิโต กปฺเป, สีหาสนมพีชหํ;

ทุคฺคตึ นาภิชานามิ, พีชนาย อิทํ ผลํ.

๑๙. ‘‘กิเลสา ฌาปิตา มยฺหํ…เป… วิหรามิ อนาสโว.

๒๐. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๒๑. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สีหาสนพีชิโย เถโร อิมา

คาถาโย อภาสิตฺถาติ.

สีหาสนพีชิยตฺเถรสฺสาปทานํ ตติยํ.