๘. สุสมฺมุฏฺฐสุตฺตวณฺณนา

๘. อฏฺฐเม สุสมฺมุฏฺฐาติ ปญฺญาย อปฺปฏิวิทฺธภาเวเนว สุนฏฺฐา. ยถา หิ เทฺว เขตฺตานิ กสิตฺวา, เอกํ วปิตฺวา, พหุธญฺญํ อธิคตสฺส อวาปิตเขตฺตโต อลทฺธํ สนฺธาย ‘‘พหุํ เม ธญฺญํ นฏฺฐ’’นฺติ วทนฺโต อลทฺธเมว ‘‘นฏฺฐ’’นฺติ วทติ, เอวมิธาปิ อปฺปฏิวิทิตาว สุสมฺมุฏฺฐา นาม. อสมฺมุฏฺฐาติ ปญฺญาย ปฏิวิทฺธภาเวเนว อนฏฺฐา. เสสํ ปุริมสทิสเมวาติ.

สุสมฺมุฏฺฐสุตฺตวณฺณนา นิฏฺฐิตา.