๑-๑๐. ภทฺทาลิตฺเถรอปทานาทิวณฺณนา

พาจตฺตาลีสมวคฺเค ปฐมาปทานญฺจ ทุติยาปทานญฺจ ตติยาปทานญฺจ นยานุสาเรน สุวิญฺเญยฺยเมว.

๑๐๖. จตุตฺถาปทาเน นคเร พนฺธุมติยาติอาทิกํ อายสฺมโต มธุมํสทายกตฺเถรสฺส อปทานํ. ตตฺถ สูกริโกติ สูกรมํสํ วิกฺกิณิตฺวา ชีวิกํ กปฺเปนฺโต. อุกฺโกฏกํ รนฺธยิตฺวาติ ปิหกปปฺผาสมํสํ ปจิตฺวา มธุมํสมฺหิ โอกิรึ ปกฺขิปึ. เตน มํเสน ปตฺตํ ปูเรตฺวา ภิกฺขุสงฺฆสฺส ทตฺวา เตน ปุญฺญกมฺเมน อิมสฺมึ พุทฺธุปฺปาเท อรหตฺตํ ปาปุณินฺติ อตฺโถ.

นาคปลฺลวตฺเถรสฺส ปญฺจมาปทานมฺปิ เอกทีปิยตฺเถรสฺส ฉฏฺฐาปทานมฺปิ อุจฺฉงฺคปุปฺผิยตฺเถรสฺส สตฺตมาปทานมฺปิ ยาคุทายกตฺเถรสฺส อฏฺฐมาปทานมฺปิ ปตฺโถทนทายกตฺเถรสฺส นวมาปทานมฺปิ มญฺจทายกตฺเถรสฺส ทสมาปทานมฺปิ สพฺพํ สุวิญฺเญยฺยเมวาติ.

พาจตฺตาลีสมวคฺควณฺณนา สมตฺตา.