๓. ปญฺหาปุจฺฉกวณฺณนา

ปญฺหาปุจฺฉเก ปาฬิอนุสาเรเนว เมตฺตาทีนํ กุสลาทิภาโว เวทิตพฺโพ. อารมฺมณตฺติเกสุ ปน สพฺพาปิ ตีสุ ติเกสุ นวตพฺพารมฺมณา เอว. อชฺฌตฺตารมฺมณตฺติเก พหิทฺธารมฺมณาติ. อิมสฺมึ ปน อปฺปมญฺญาวิภงฺเค สมฺมาสมฺพุทฺเธน สุตฺตนฺตภาชนีเยปิ โลกิยา เอว อปฺปมญฺญาโย กถิตา, อภิธมฺมภาชนีเยปิ ปญฺหาปุจฺฉเกปิ. ตโยปิ หิ เอเต นยา โลกิยตฺตา เอกปริจฺเฉทา เอว. เอวมยํ อปฺปมญฺญาวิภงฺโคปิ เตปริวฏฺฏํ นีหริตฺวาว ภาเชตฺวา ทสฺสิโตติ.

สมฺโมหวิโนทนิยา วิภงฺคฏฺฐกถาย

อปฺปมญฺญาวิภงฺควณฺณนา นิฏฺฐิตา.