๗-๘. ปจฺโจโรหณีสุตฺตทฺวยวณฺณนา

๑๑๙-๑๒๐. สตฺตเม ปจฺโจโรหณีติ ปาปสฺส ปจฺโจโรหณํ. ปตฺถริตฺวาติ สนฺถริตฺวา. อนฺตรา จ เวลํ อนฺตรา จ อคฺยาคารนฺติ วาลิการาสิสฺส จ อคฺคิอคารสฺส จ อนฺตเร. อฏฺฐมํ ภิกฺขุสงฺฆสฺส เทสิตํ. เสสํ สพฺพตฺถ อุตฺตานตฺถเมวาติ.

ปจฺโจโรหณิวคฺโค ทุติโย.

(๑๓) ๓. ปริสุทฺธวคฺควณฺณนา

๑๒๓. ตติยสฺส ปฐเม ปริสุทฺธาติ นิมฺมลา. ปริโยทาตาติ ปภสฺสรา. ทุติยาทีนิ อุตฺตานตฺถาเนวาติ.

ปริสุทฺธวคฺโค ตติโย.

(๑๔) ๔. สาธุวคฺควณฺณนา

๑๓๔. จตุตฺถสฺส ปฐเม สาธุนฺติ ภทฺทกํ สิลิฏฺฐกํ. ทุติยาทีนิ อุตฺตานตฺถาเนวาติ. อริยมคฺควคฺโค อุตฺตานตฺโถเยวาติ.

สาธุวคฺโค จตุตฺโถ.

ตติยปณฺณาสกํ นิฏฺฐิตํ.