๓. สุทฺธินฺทฺริยวาโร

(ก) อนุโลมํ

๑๔๐. (ก) จกฺขุ อินฺทฺริยนฺติ? อามนฺตา.

(ข) อินฺทฺริยา จกฺขุนฺทฺริยนฺติ?

จกฺขุนฺทฺริยํ อินฺทฺริยญฺเจว จกฺขุนฺทฺริยญฺจ. อวเสสา อินฺทฺริยา น จกฺขุนฺทฺริยํ.

(ก) โสตํ อินฺทฺริยนฺติ?

ยํ โสตํ อินฺทฺริยํ ตํ โสตญฺเจว อินฺทฺริยญฺจ. อวเสสํ โสตํ น อินฺทฺริยํ.

(ข) อินฺทฺริยา โสตินฺทฺริยนฺติ? โสตินฺทฺริยํ อินฺทฺริยญฺเจว โสตินฺทฺริยญฺจ. อวเสสา อินฺทฺริยา น โสตินฺทฺริยํ.

(ก) ฆานํ อินฺทฺริยนฺติ? อามนฺตา.

(ข) อินฺทฺริยา ฆานินฺทฺริยนฺติ?

ฆานินฺทฺริยํ อินฺทฺริยญฺเจว ฆานินฺทฺริยญฺจ. อวเสสา อินฺทฺริยา น ฆานินฺทฺริยํ.

(ก) ชิวฺหา อินฺทฺริยนฺติ? อามนฺตา.

(ข) อินฺทฺริยา ชิวฺหินฺทฺริยนฺติ?

ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจ. อวเสสา อินฺทฺริยา น ชิวฺหินฺทฺริยํ.

(ก) กาโย อินฺทฺริยนฺติ?

โย กาโย อินฺทฺริยํ โส กาโย เจว อินฺทฺริยญฺจ. อวเสโส กาโย น อินฺทฺริยา.

(ข) อินฺทฺริยา กายินฺทฺริยนฺติ?

กายินฺทฺริยํ อินฺทฺริยญฺเจว กายินฺทฺริยญฺจ. อวเสสา อินฺทฺริยา น กายินฺทฺริยํ.

(ก) มโน อินฺทฺริยนฺติ? อามนฺตา.

(ข) อินฺทฺริยา มนินฺทฺริยนฺติ?

มนินฺทฺริยํ อินฺทฺริยญฺเจว มนินฺทฺริยญฺจ. อวเสสา อินฺทฺริยา น มนินฺทฺริยํ.

(ก) อิตฺถี อินฺทฺริยนฺติ? โน.

(ข) อินฺทฺริยา อิตฺถินฺทฺริยนฺติ?

อิตฺถินฺทฺริยํ อินฺทฺริยญฺเจว อิตฺถินฺทฺริยญฺจ. อวเสสา อินฺทฺริยา น อิตฺถินฺทฺริยํ.

(ก) ปุริโส อินฺทฺริยนฺติ? โน.

(ข) อินฺทฺริยา ปุริสินฺทฺริยนฺติ?

ปุริสินฺทฺริยํ อินฺทฺริยญฺเจว ปุริสินฺทฺริยญฺจ. อวเสสา อินฺทฺริยา น ปุริสินฺทฺริยํ.

(ก) ชีวิตํ อินฺทฺริยนฺติ? อามนฺตา.

(ข) อินฺทฺริยา ชีวิตินฺทฺริยนฺติ?

ชีวิตินฺทฺริยํ อินฺทฺริยญฺเจว ชีวิตินฺทฺริยญฺจ. อวเสสา อินฺทฺริยา น ชีวิตินฺทฺริยํ.

(ก) สุขํ อินฺทฺริยนฺติ? อามนฺตา.

(ข) อินฺทฺริยา สุขินฺทฺริยนฺติ?

สุขินฺทฺริยํ อินฺทฺริยญฺเจว สุขินฺทฺริยญฺจ. อวเสสา อินฺทฺริยา น สุขินฺทฺริยํ.

(ก) ทุกฺขํ อินฺทฺริยนฺติ? อามนฺตา.

(ข) อินฺทฺริยา ทุกฺขินฺทฺริยนฺติ?

ทุกฺขินฺทฺริยํ อินฺทฺริยญฺเจว ทุกฺขินฺทฺริยญฺจ. อวเสสา อินฺทฺริยา น ทุกฺขินฺทฺริยํ.

(ก) โสมนสฺสํ อินฺทฺริยนฺติ? อามนฺตา.

(ข) อินฺทฺริยา โสมนสฺสินฺทฺริยนฺติ?

โสมนสฺสินฺทฺริยํ อินฺทฺริยญฺเจว โสมนสฺสินฺทฺริยญฺจ. อวเสสา อินฺทฺริยา น โสมนสฺสินฺทฺริยํ.

(ก) โทมนสฺสํ อินฺทฺริยนฺติ? อามนฺตา.

(ก) อินฺทฺริยา โทมนสฺสินฺทฺริยนฺติ?

โทมนสฺสินฺทฺริยํ อินฺทฺริยญฺเจว โทมนสฺสินฺทฺริยญฺจ. อวเสสา อินฺทฺริยา น โทมนสฺสินฺทฺริยํ.

(ก) อุเปกฺขา อินฺทฺริยนฺติ?

ยา อุเปกฺขา อินฺทฺริยํ สา อุเปกฺขา เจว อินฺทฺริยญฺจ. อวเสสา อุเปกฺขา น อินฺทฺริยํ.

(ข) อินฺทฺริยา อุเปกฺขินฺทฺริยนฺติ?

อุเปกฺขินฺทฺริยํ อินฺทฺริยญฺเจว อุเปกฺขินฺทฺริยญฺจ. อวเสสา อินฺทฺริยา น อุเปกฺขินฺทฺริยํ.

(ก) สทฺธา อินฺทฺริยนฺติ? อามนฺตา.

(ข) อินฺทฺริยา สทฺธินฺทฺริยนฺติ?

สทฺธินฺทฺริยํ อินฺทฺริยญฺเจว สทฺธินฺทฺริยญฺจ. อวเสสา อินฺทฺริยา น สทฺธินฺทฺริยํ.

(ก) วีริยํ อินฺทฺริยนฺติ? อามนฺตา.

(ข) อินฺทฺริยา วีริยินฺทฺริยนฺติ?

วีริยินฺทฺริยํ อินฺทฺริยญฺเจว วีริยินฺทฺริยญฺจ. อวเสสา อินฺทฺริยา น วีริยินฺทฺริยํ.

(ก) สติ อินฺทฺริยนฺติ? อามนฺตา.

(ข) อินฺทฺริยา สตินฺทฺริยนฺติ?

สตินฺทฺริยํ อินฺทฺริยญฺเจว สตินฺทฺริยญฺจ. อวเสสา อินฺทฺริยา น สตินฺทฺริยํ.

(ก) สมาธิ อินฺทฺริยนฺติ? อามนฺตา.

(ข) อินฺทฺริยา สมาธินฺทฺริยนฺติ?

สมาธินฺทฺริยํ อินฺทฺริยญฺเจว สมาธินฺทฺริยญฺจ. อวเสสา อินฺทฺริยา น สมาธินฺทฺริยํ.

(ก) ปญฺญา อินฺทฺริยนฺติ? อามนฺตา.

(ข) อินฺทฺริยา ปญฺญินฺทฺริยนฺติ?

ปญฺญินฺทฺริยํ อินฺทฺริยญฺเจว ปญฺญินฺทฺริยญฺจ. อวเสสา อินฺทฺริยา น ปญฺญินฺทฺริยํ.

(ก) อนญฺญาตญฺญสฺสามีติ อินฺทฺริยนฺติ? อามนฺตา.

(ข) อินฺทฺริยา อนญฺญาตญฺญสฺสามีตินฺทฺริยนฺติ?

อนญฺญาตญฺญสฺสามีตินฺทฺริยํ อินฺทฺริยญฺเจว อนญฺญาตญฺญสฺสามีตินฺทฺริยญฺจ. อวเสสา อินฺทฺริยา น อนญฺญาตญฺญสฺสามีตินฺทฺริยํ.

(ก) อญฺญํ อินฺทฺริยนฺติ? อามนฺตา.

(ข) อินฺทฺริยา อญฺญินฺทฺริยนฺติ?

อญฺญินฺทฺริยํ อินฺทฺริยญฺเจว อญฺญินฺทฺริยญฺจ. อวเสสา อินฺทฺริยา น อญฺญินฺทฺริยํ.

(ก) อญฺญาตาวี อินฺทฺริยนฺติ? อามนฺตา.

(ข) อินฺทฺริยา อญฺญาตาวินฺทฺริยนฺติ?

อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจ. อวเสสา อินฺทฺริยา น อญฺญาตาวินฺทฺริยํ.

(ข) ปจฺจนีกํ

๑๔๑. (ก) น จกฺขุ น อินฺทฺริยนฺติ?

จกฺขุํ ฐเปตฺวา อวเสสา อินฺทฺริยา น จกฺขุ, อินฺทฺริยา. จกฺขุญฺจ อินฺทฺริเย จ ฐเปตฺวา อวเสสา น เจว จกฺขุ น จ อินฺทฺริยา.

(ข) น อินฺทฺริยา น จกฺขุนฺทฺริยนฺติ? อามนฺตา.

(ก) น โสตํ น อินฺทฺริยนฺติ?

โสตํ ฐเปตฺวา อวเสสา อินฺทฺริยา น โสตํ, อินฺทฺริยา. โสตญฺจ อินฺทฺริเย จ ฐเปตฺวา อวเสสา น เจว โสตํ น จ อินฺทฺริยา.

(ข) น อินฺทฺริยา น โสตินฺทฺริยนฺติ? อามนฺตา.

(ก) น ฆานํ น อินฺทฺริยนฺติ?

ฆานํ ฐเปตฺวา อวเสสา อินฺทฺริยา น ฆานํ, อินฺทฺริยา. ฆานญฺจ อินฺทฺริเย จ ฐเปตฺวา อวเสสา น เจว ฆานํ น จ อินฺทฺริยา.

(ข) น อินฺทฺริยา น ฆานินฺทฺริยนฺติ? อามนฺตา.

(ก) น ชิวฺหา น อินฺทฺริยนฺติ?

ชิวฺหํ ฐเปตฺวา อวเสสา อินฺทฺริยา น ชิวฺหา, อินฺทฺริยา. ชิวฺหญฺจ อินฺทฺริเย จ ฐเปตฺวา อวเสสา น เจว ชิวฺหา น จ อินฺทฺริยา.

(ข) น อินฺทฺริยา น ชิวฺหินฺทฺริยนฺติ? อามนฺตา.

(ก) น กาโย น อินฺทฺริยนฺติ? อามนฺตา.

(ข) น อินฺทฺริยา น กายินฺทฺริยนฺติ? อามนฺตา.

(ก) น มโน น อินฺทฺริยนฺติ?

มนํ ฐเปตฺวา อวเสสา อินฺทฺริยา น มโน, อินฺทฺริยา. มนญฺจ อินฺทฺริเย จ ฐเปตฺวา อวเสสา น เจว มโน น จ อินฺทฺริยา.

(ข) น อินฺทฺริยา น มนินฺทฺริยนฺติ? อามนฺตา.

(ก) น อิตฺถี น อินฺทฺริยนฺติ?

อิตฺถึ ฐเปตฺวา อวเสสา อินฺทฺริยา น อิตฺถี, อินฺทฺริยา. อิตฺถิญฺจ อินฺทฺริเย จ ฐเปตฺวา อวเสสา น เจว อิตฺถี น จ อินฺทฺริยา.

(ข) น อินฺทฺริยา น อิตฺถินฺทฺริยนฺติ? อามนฺตา.

(ก) น ปุริโส น อินฺทฺริยนฺติ?

ปุริสํ ฐเปตฺวา อวเสสา อินฺทฺริยา น ปุริโส, อินฺทฺริยา. ปุริสญฺจ อินฺทฺริเย จ ฐเปตฺวา อวเสสา น เจว ปุริโส น จ อินฺทฺริยา.

(ข) น อินฺทฺริยา น ปุริสินฺทฺริยนฺติ? อามนฺตา.

(ก) น ชีวิตํ น อินฺทฺริยนฺติ?

ชีวิตํ ฐเปตฺวา อวเสสา อินฺทฺริยา น ชีวิตํ, อินฺทฺริยา. ชีวิตญฺจ อินฺทฺริเย จ ฐเปตฺวา อวเสสา น เจว ชีวิตํ น จ อินฺทฺริยา.

(ข) น อินฺทฺริยา น ชีวิตินฺทฺริยนฺติ? อามนฺตา.

(ก) น สุขํ น อินฺทฺริยนฺติ?

สุขํ ฐเปตฺวา อวเสสา อินฺทฺริยา น สุขํ, อินฺทฺริยา. สุขญฺจ อินฺทฺริเย จ ฐเปตฺวา อวเสสา น เจว สุขํ น จ อินฺทฺริยา.

(ข) น อินฺทฺริยา น สุขินฺทฺริยนฺติ? อามนฺตา.

(ก) น ทุกฺขํ น อินฺทฺริยนฺติ?

ทุกฺขํ ฐเปตฺวา อวเสสา อินฺทฺริยา น ทุกฺขํ, อินฺทฺริยา. ทุกฺขญฺจ อินฺทฺริเย จ ฐเปตฺวา อวเสสา น เจว ทุกฺขํ น จ อินฺทฺริยา.

(ข) น อินฺทฺริยา น ทุกฺขินฺทฺริยนฺติ? อามนฺตา.

(ก) น โสมนสฺสํ น อินฺทฺริยนฺติ?

โสมนสฺสํ ฐเปตฺวา อวเสสา อินฺทฺริยา น โสมนสฺสํ, อินฺทฺริยา. โสมนสฺสญฺจ อินฺทฺริเย จ ฐเปตฺวา อวเสสา น เจว โสมนสฺสํ น จ อินฺทฺริยา.

(ข) น อินฺทฺริยา น โสมนสฺสินฺทฺริยนฺติ? อามนฺตา.

(ก) น โทมนสฺสํ น อินฺทฺริยนฺติ?

โทมนสฺสํ ฐเปตฺวา อวเสสา อินฺทฺริยา น โทมนสฺสํ, อินฺทฺริยา. โทมนสฺสญฺจ อินฺทฺริเย จ ฐเปตฺวา อวเสสา น เจว โทมนสฺสํ น จ อินฺทฺริยา.

(ข) น อินฺทฺริยา น โทมนสฺสินฺทฺริยนฺติ? อามนฺตา.

(ก) น อุเปกฺขา น อินฺทฺริยนฺติ?

อุเปกฺขํ ฐเปตฺวา อวเสสา อินฺทฺริยา น อุเปกฺขา, อินฺทฺริยา. อุเปกฺขญฺจ อินฺทฺริเย จ ฐเปตฺวา อวเสสา น เจว อุเปกฺขา น จ อินฺทฺริยา.

(ข) น อินฺทฺริยา น อุเปกฺขินฺทฺริยนฺติ? อามนฺตา.

(ก) น สทฺธา น อินฺทฺริยนฺติ?

สทฺธํ ฐเปตฺวา อวเสสา อินฺทฺริยา น สทฺธา, อินฺทฺริยา. สทฺธญฺจ อินฺทฺริเย จ ฐเปตฺวา อวเสสา น เจว สทฺธา น จ อินฺทฺริยา.

(ข) น อินฺทฺริยา น สทฺธินฺทฺริยนฺติ? อามนฺตา.

(ก) น วีริยํ น อินฺทฺริยนฺติ?

วีริยํ ฐเปตฺวา อวเสสา อินฺทฺริยา น วีริยํ, อินฺทฺริยา. วีริยญฺจ อินฺทฺริเย จ ฐเปตฺวา อวเสสา น เจว วีริยํ น จ อินฺทฺริยา.

(ข) น อินฺทฺริยา น วีริยินฺทฺริยนฺติ? อามนฺตา.

(ก) น สติ น อินฺทฺริยนฺติ?

สตึ ฐเปตฺวา อวเสสา อินฺทฺริยา น สติ, อินฺทฺริยา. สติญฺจ อินฺทฺริเย จ ฐเปตฺวา อวเสสา น เจว สติ น จ อินฺทฺริยา.

(ข) น อินฺทฺริยา น สตินฺทฺริยนฺติ? อามนฺตา.

(ก) น สมาธิ น อินฺทฺริยนฺติ?

สมาธึ ฐเปตฺวา อวเสสา อินฺทฺริยา น สมาธิ, อินฺทฺริยา. สมาธิญฺจ อินฺทฺริเย จ ฐเปตฺวา อวเสสา น เจว สมาธิ น จ อินฺทฺริยา.

(ข) น อินฺทฺริยา น สมาธินฺทฺริยนฺติ? อามนฺตา.

(ก) น ปญฺญา น อินฺทฺริยนฺติ?

ปญฺญํ ฐเปตฺวา อวเสสา อินฺทฺริยา น ปญฺญา, อินฺทฺริยา. ปญฺญญฺจ อินฺทฺริเย จ ฐเปตฺวา อวเสสา น เจว ปญฺญา น จ อินฺทฺริยา.

(ข) น อินฺทฺริยา น ปญฺญินฺทฺริยนฺติ? อามนฺตา.

(ก) น อนญฺญาตญฺญสฺสามีติ น อินฺทฺริยนฺติ?

อนญฺญาตญฺญสฺสามีตึ ฐเปตฺวา อวเสสา อินฺทฺริยา น อนญฺญาตญฺญสฺสามีติ, อินฺทฺริยา. อนญฺญาตญฺญสฺสามีติญฺจ อินฺทฺริเย จ ฐเปตฺวา อวเสสา น เจว อนญฺญาตญฺญสฺสามีติ น จ อินฺทฺริยา.

(ข) น อินฺทฺริยา น อนญฺญาตญฺญสฺสามีตินฺทฺริยนฺติ? อามนฺตา.

(ก) น อญฺญํ น อินฺทฺริยนฺติ?

อญฺญํ ฐเปตฺวา อวเสสา อินฺทฺริยา น อญฺญํ, อินฺทฺริยา. อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยา.

(ข) น อินฺทฺริยา น อญฺญินฺทฺริยนฺติ? อามนฺตา.

(ก) น อญฺญาตาวี น อินฺทฺริยนฺติ?

อญฺญาตาวึ ฐเปตฺวา อวเสสา อินฺทฺริยา น อญฺญาตาวี, อินฺทฺริยา. อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยา.

(ข) น อินฺทฺริยา น อญฺญาตาวินฺทฺริยนฺติ? อามนฺตา.