๑. ปทโสธนวาโร

(ก) อนุโลมํ

๙๔. (ก) จกฺขุ จกฺขุนฺทฺริยนฺติ?

ทิพฺพจกฺขุ ปญฺญาจกฺขุ จกฺขุ, น จกฺขุนฺทฺริยํ. จกฺขุนฺทฺริยํ จกฺขุ เจว จกฺขุนฺทฺริยญฺจ.

(ข) จกฺขุนฺทฺริยํ จกฺขูติ? อามนฺตา.

(ก) โสตํ โสตินฺทฺริยนฺติ?

ทิพฺพโสตํ ตณฺหาโสตํ โสตํ, น โสตินฺทฺริยํ. โสตินฺทฺริยํ โสตญฺเจว โสตินฺทฺริยญฺจ.

(ข) โสตินฺทฺริยํ โสตนฺติ? อามนฺตา.

(ก) ฆานํ ฆานินฺทฺริยนฺติ? อามนฺตา.

(ข) ฆานินฺทฺริยํ ฆานนฺติ? อามนฺตา.

(ก) ชิวฺหา ชิวฺหินฺทฺริยนฺติ? อามนฺตา.

(ข) ชิวฺหินฺทฺริยํ ชิวฺหาติ? อามนฺตา.

(ก) กาโย กายินฺทฺริยนฺติ?

กายินฺทฺริยํ ฐเปตฺวา อวเสโส กาโย [อวเสสา กาโย (สี. สฺยา. ก.)], น กายินฺทฺริยํ. กายินฺทฺริยํ กาโย เจว กายินฺทฺริยญฺจ.

(ข) กายินฺทฺริยํ กาโยติ? อามนฺตา.

(ก) มโน มนินฺทฺริยนฺติ? อามนฺตา.

(ข) มนินฺทฺริยํ มโนติ? อามนฺตา.

(ก) อิตฺถี อิตฺถินฺทฺริยนฺติ? โน.

(ข) อิตฺถินฺทฺริยํ อิตฺถีติ? โน.

(ก) ปุริโส ปุริสินฺทฺริยนฺติ? โน.

(ข) ปุริสินฺทฺริยํ ปุริโสติ? โน.

(ก) ชีวิตํ ชีวิตินฺทฺริยนฺติ? อามนฺตา.

(ข) ชีวิตินฺทฺริยํ ชีวิตนฺติ? อามนฺตา.

(ก) สุขํ สุขินฺทฺริยนฺติ? อามนฺตา.

(ข) สุขินฺทฺริยํ สุขนฺติ? อามนฺตา.

(ก) ทุกฺขํ ทุกฺขินฺทฺริยนฺติ? อามนฺตา.

(ข) ทุกฺขินฺทฺริยํ ทุกฺขนฺติ? อามนฺตา.

(ก) โสมนสฺสํ โสมนสฺสินฺทฺริยนฺติ? อามนฺตา.

(ข) โสมนสฺสินฺทฺริยํ โสมนสฺสนฺติ? อามนฺตา.

(ก) โทมนสฺสํ โทมนสฺสินฺทฺริยนฺติ? อามนฺตา.

(ข) โทมนสฺสินฺทฺริยํ โทมนสฺสนฺติ? อามนฺตา.

(ก) อุเปกฺขา อุเปกฺขินฺทฺริยนฺติ?

อุเปกฺขินฺทฺริยํ ฐเปตฺวา อวเสสา อุเปกฺขา, น อุเปกฺขินฺทฺริยํ. อุเปกฺขินฺทฺริยํ อุเปกฺขา เจว อุเปกฺขินฺทฺริยญฺจ.

(ข) อุเปกฺขินฺทฺริยํ อุเปกฺขาติ? อามนฺตา.

(ก) สทฺธา สทฺธินฺทฺริยนฺติ? อามนฺตา.

(ข) สทฺธินฺทฺริยํ สทฺธาติ? อามนฺตา.

(ก) วีริยํ วีริยินฺทฺริยนฺติ? อามนฺตา.

(ข) วีริยินฺทฺริยํ วีริยนฺติ? อามนฺตา.

(ก) สติ สตินฺทฺริยนฺติ? อามนฺตา.

(ข) สตินฺทฺริยํ สตีติ? อามนฺตา.

(ก) สมาธิ สมาธินฺทฺริยนฺติ? อามนฺตา.

(ข) สมาธินฺทฺริยํ สมาธีติ? อามนฺตา.

(ก) ปญฺญา ปญฺญินฺทฺริยนฺติ? อามนฺตา.

(ข) ปญฺญินฺทฺริยํ ปญฺญาติ? อามนฺตา.

(ก) อนญฺญาตญฺญสฺสามีติ อนญฺญาตญฺญสฺสามีตินฺทฺริยนฺติ? อามนฺตา.

(ข) อนญฺญาตญฺญสฺสามีตินฺทฺริยํ อนญฺญาตญฺญสฺสามีติ? อามนฺตา.

(ก) อญฺญํ อญฺญินฺทฺริยนฺติ? อามนฺตา.

(ข) อญฺญินฺทฺริยํ อญฺญนฺติ? อามนฺตา.

(ก) อญฺญาตาวี อญฺญาตาวินฺทฺริยนฺติ? อามนฺตา.

(ข) อญฺญาตาวินฺทฺริยํ อญฺญาตาวีติ? อามนฺตา.

(ข) ปจฺจนีกํ

๙๕. (ก) น จกฺขุ น จกฺขุนฺทฺริยนฺติ? อามนฺตา.

(ข) น จกฺขุนฺทฺริยํ น จกฺขูติ?

ทิพฺพจกฺขุ ปญฺญาจกฺขุ น จกฺขุนฺทฺริยํ, จกฺขุ. จกฺขุญฺจ จกฺขุนฺทฺริยญฺจ ฐเปตฺวา อวเสสา น เจว จกฺขุ น จ จกฺขุนฺทฺริยํ.

(ก) น โสตํ น โสตินฺทฺริยนฺติ? อามนฺตา.

(ข) น โสตินฺทฺริยํ น โสตนฺติ?

ทิพฺพโสตํ ตณฺหาโสตํ น โสตินฺทฺริยํ, โสตํ. โสตญฺจ โสตินฺทฺริยญฺจ ฐเปตฺวา อวเสสา น เจว โสตํ น จ โสตินฺทฺริยํ.

(ก) น ฆานํ น ฆานินฺทฺริยนฺติ? อามนฺตา.

(ข) น ฆานินฺทฺริยํ น ฆานนฺติ? อามนฺตา.

(ก) น ชิวฺหา น ชิวฺหินฺทฺริยนฺติ? อามนฺตา.

(ข) น ชิวฺหินฺทฺริยํ น ชิวฺหาติ? อามนฺตา.

(ก) น กาโย น กายินฺทฺริยนฺติ? อามนฺตา.

(ข) น กายินฺทฺริยํ น กาโยติ?

กายินฺทฺริยํ ฐเปตฺวา อวเสโส น กายินฺทฺริยํ, กาโย. กายญฺจ กายินฺทฺริยญฺจ ฐเปตฺวา อวเสโส น เจว กาโย น จ กายินฺทฺริยํ.

(ก) น มโน น มนินฺทฺริยนฺติ? อามนฺตา.

(ข) น มนินฺทฺริยํ น มโนติ? อามนฺตา.

(ก) น อิตฺถี น อิตฺถินฺทฺริยนฺติ?

อิตฺถินฺทฺริยํ น อิตฺถี, อิตฺถินฺทฺริยํ. อิตฺถิญฺจ อิตฺถินฺทฺริยญฺจ ฐเปตฺวา อวเสสา น เจว อิตฺถี น จ อิตฺถินฺทฺริยํ.

(ข) น อิตฺถินฺทฺริยํ น อิตฺถีติ?

อิตฺถี น อิตฺถินฺทฺริยํ, อิตฺถี. อิตฺถิญฺจ อิตฺถินฺทฺริยญฺจ ฐเปตฺวา อวเสสา น เจว อิตฺถี น จ อิตฺถินฺทฺริยํ.

(ก) น ปุริโส น ปุริสินฺทฺริยนฺติ?

ปุริสินฺทฺริยํ น ปุริโส, ปุริสินฺทฺริยํ. ปุริสญฺจ ปุริสินฺทฺริยญฺจ ฐเปตฺวา อวเสสา น เจว ปุริโส น จ ปุริสินฺทฺริยํ.

(ข) น ปุริสินฺทฺริยํ น ปุริโสติ?

ปุริโส น ปุริสินฺทฺริยํ, ปุริโส. ปุริสญฺจ ปุริสินฺทฺริยญฺจ ฐเปตฺวา อวเสสา น เจว ปุริโส น จ ปุริสินฺทฺริยํ.

(ก) น ชีวิตํ น ชีวิตินฺทฺริยนฺติ? อามนฺตา.

(ข) น ชีวิตินฺทฺริยํ น ชีวิตนฺติ? อามนฺตา.

(ก) น สุขํ น สุขินฺทฺริยนฺติ? อามนฺตา.

(ข) น สุขินฺทฺริยํ น สุขนฺติ? อามนฺตา.

(ก) น ทุกฺขํ น ทุกฺขินฺทฺริยนฺติ? อามนฺตา.

(ข) น ทุกฺขินฺทฺริยํ น ทุกฺขนฺติ? อามนฺตา.

(ก) น โสมนสฺสํ น โสมนสฺสินฺทฺริยนฺติ? อามนฺตา.

(ข) น โสมนสฺสินฺทฺริยํ น โสมนสฺสนฺติ? อามนฺตา.

(ก) น โทมนสฺสํ น โทมนสฺสินฺทฺริยนฺติ? อามนฺตา.

(ข) น โทมนสฺสินฺทฺริยํ น โทมนสฺสนฺติ? อามนฺตา.

(ก) น อุเปกฺขา น อุเปกฺขินฺทฺริยนฺติ? อามนฺตา.

(ข) น อุเปกฺขินฺทฺริยํ น อุเปกฺขาติ?

อุเปกฺขินฺทฺริยํ ฐเปตฺวา อวเสสา น อุเปกฺขินฺทฺริยํ, อุเปกฺขา. อุเปกฺขญฺจ อุเปกฺขินฺทฺริยญฺจ ฐเปตฺวา อวเสสา น เจว อุเปกฺขา น จ อุเปกฺขินฺทฺริยํ.

(ก) น สทฺธา น สทฺธินฺทฺริยนฺติ? อามนฺตา.

(ข) น สทฺธินฺทฺริยํ น สทฺธาติ? อามนฺตา.

(ก) น วีริยํ น วีริยินฺทฺริยนฺติ? อามนฺตา.

(ข) น วีริยินฺทฺริยํ น วีริยนฺติ? อามนฺตา.

(ก) น สติ น สตินฺทฺริยนฺติ? อามนฺตา.

(ข) น สตินฺทฺริยํ น สตีติ? อามนฺตา.

(ก) น สมาธิ น สมาธินฺทฺริยนฺติ? อามนฺตา.

(ข) น สมาธินฺทฺริยํ น สมาธีติ? อามนฺตา.

(ก) น ปญฺญา น ปญฺญินฺทฺริยนฺติ? อามนฺตา.

(ข) น ปญฺญินฺทฺริยํ น ปญฺญาติ? อามนฺตา.

(ก) น อนญฺญาตญฺญสฺสามีติ น อนญฺญาตญฺญสฺสามีตินฺทฺริยนฺติ? อามนฺตา.

(ข) น อนญฺญาตญฺญสฺสามีตินฺทฺริยํ น อนญฺญาตญฺญสฺสามีติ? อามนฺตา.

(ก) น อญฺญํ น อญฺญินฺทฺริยนฺติ? อามนฺตา.

(ข) น อญฺญินฺทฺริยํ น อญฺญนฺติ? อามนฺตา.

(ก) น อญฺญาตาวี น อญฺญาตาวินฺทฺริยนฺติ? อามนฺตา.

(ข) น อญฺญาตาวินฺทฺริยํ น อญฺญาตาวีติ? อามนฺตา.