๓. สุทฺธธมฺมวาโร

(ก) อนุโลมํ

๒๕. (ก) กุสลา ธมฺมาติ? อามนฺตา.

(ข) ธมฺมา กุสลา ธมฺมาติ?

กุสลา ธมฺมา ธมฺมา เจว กุสลา ธมฺมา จ. อวเสสา ธมฺมา น กุสลา ธมฺมา.

(ก) อกุสลา ธมฺมาติ? อามนฺตา.

(ข) ธมฺมา อกุสลา ธมฺมาติ?

อกุสลา ธมฺมา ธมฺมา เจว อกุสลา ธมฺมา จ. อวเสสา ธมฺมา น อกุสลา ธมฺมา.

(ก) อพฺยากตา ธมฺมาติ? อามนฺตา.

(ข) ธมฺมา อพฺยากตา ธมฺมาติ?

อพฺยากตา ธมฺมา ธมฺมา เจว อพฺยากตา ธมฺมา จ. อวเสสา ธมฺมา น อพฺยากตา ธมฺมา.

(ข) ปจฺจนีกํ

๒๖. (ก) น กุสลา น ธมฺมาติ?

กุสลํ ฐเปตฺวา อวเสสา ธมฺมา น กุสลา, ธมฺมา. กุสลญฺจ ธมฺเม จ ฐเปตฺวา อวเสสา น เจว กุสลา น จ ธมฺมา.

(ข) น ธมฺมา น กุสลา ธมฺมาติ? อามนฺตา.

(ก) น อกุสลา น ธมฺมาติ?

อกุสลํ ฐเปตฺวา อวเสสา ธมฺมา น อกุสลา, ธมฺมา. อกุสลญฺจ ธมฺเม จ ฐเปตฺวา อวเสสา น เจว อกุสลา น จ ธมฺมา.

(ข) น ธมฺมา น อกุสลา ธมฺมาติ? อามนฺตา.

(ก) น อพฺยากตา น ธมฺมาติ?

อพฺยากตํ ฐเปตฺวา อวเสสา ธมฺมา น อพฺยากตา, ธมฺมา. อพฺยากตญฺจ ธมฺเม จ ฐเปตฺวา อวเสสา น เจว อพฺยากตา น จ ธมฺมา.

(ข) น ธมฺมา น อพฺยากตา ธมฺมาติ? อามนฺตา.