๑. ปทโสธนวาโร

(ก) อนุโลมํ

๑๗. (ก) กุสลา กุสลา ธมฺมาติ? อามนฺตา.

(ข) กุสลา ธมฺมา กุสลาติ? อามนฺตา.

(ก) อกุสลา อกุสลา ธมฺมาติ? อามนฺตา.

(ข) อกุสลา ธมฺมา อกุสลาติ? อามนฺตา.

(ก) อพฺยากตา อพฺยากตา ธมฺมาติ? อามนฺตา.

(ข) อพฺยากตา ธมฺมา อพฺยากตาติ? อามนฺตา.

(ข) ปจฺจนีกํ

๑๘. (ก) น กุสลา น กุสลา ธมฺมาติ? อามนฺตา.

(ข) น กุสลา ธมฺมา น กุสลาติ? อามนฺตา.

(ก) น อกุสลา น อกุสลา ธมฺมาติ? อามนฺตา.

(ข) น อกุสลา ธมฺมา น อกุสลาติ? อามนฺตา.

(ก) น อพฺยากตา น อพฺยากตา ธมฺมาติ? อามนฺตา.

(ข) น อพฺยากตา ธมฺมา น อพฺยากตาติ? อามนฺตา.