๓. สุทฺธขนฺธวาโร
(ก) อนุโลมํ
๓๘. (ก) รูปํ ขนฺโธติ? อามนฺตา.
(ข) ขนฺธา รูปกฺขนฺโธติ?
รูปกฺขนฺโธ ขนฺโธ เจว รูปกฺขนฺโธ จ. อวเสสา ขนฺธา น รูปกฺขนฺโธ.
(ก) เวทนา ขนฺโธติ? อามนฺตา.
(ข) ขนฺธา เวทนากฺขนฺโธติ?
เวทนากฺขนฺโธ ขนฺโธ เจว เวทนากฺขนฺโธ จ. อวเสสา ขนฺธา น เวทนากฺขนฺโธ.
(ก) สญฺญา ขนฺโธติ? อามนฺตา.
(ข) ขนฺธา สญฺญากฺขนฺโธติ?
สญฺญากฺขนฺโธ ขนฺโธ เจว สญฺญากฺขนฺโธ จ. อวเสสา ขนฺธา น สญฺญากฺขนฺโธ.
(ก) สงฺขารา ขนฺโธติ? อามนฺตา.
(ข) ขนฺธา สงฺขารกฺขนฺโธติ?
สงฺขารกฺขนฺโธ ขนฺโธ เจว สงฺขารกฺขนฺโธ จ. อวเสสา ขนฺธา น สงฺขารกฺขนฺโธ.
(ก) วิญฺญาณํ ขนฺโธติ? อามนฺตา.
(ข) ขนฺธา วิญฺญาณกฺขนฺโธติ?
วิญฺญาณกฺขนฺโธ ขนฺโธ เจว วิญฺญาณกฺขนฺโธ จ. อวเสสา ขนฺธา น วิญฺญาณกฺขนฺโธ.
(ข) ปจฺจนีกํ
๓๙. (ก) น รูปํ น ขนฺโธติ?
รูปํ ฐเปตฺวา อวเสสา ขนฺธา น รูปํ, ขนฺธา. รูปญฺจ ขนฺเธ จ ฐเปตฺวา อวเสสา น เจว รูปํ น จ ขนฺธา.
(ข) น ขนฺธา น รูปกฺขนฺโธติ? อามนฺตา.
(ก) น เวทนา น ขนฺโธติ?
เวทนํ ฐเปตฺวา อวเสสา ขนฺธา น เวทนา, ขนฺธา. เวทนญฺจ ขนฺเธ จ ฐเปตฺวา อวเสสา น เจว เวทนา น จ ขนฺธา.
(ข) น ขนฺธา น เวทนากฺขนฺโธติ? อามนฺตา.
(ก) น สญฺญา น ขนฺโธติ?
สญฺญํ ฐเปตฺวา อวเสสา ขนฺธา น สญฺญา, ขนฺธา. สญฺญญฺจ ขนฺเธ จ ฐเปตฺวา อวเสสา น เจว สญฺญา น จ ขนฺธา.
(ข) น ขนฺธา น สญฺญากฺขนฺโธติ? อามนฺตา.
(ก) น สงฺขารา น ขนฺโธติ? อามนฺตา.
(ข) น ขนฺธา น สงฺขารกฺขนฺโธติ? อามนฺตา.
(ก) น วิญฺญาณํ น ขนฺโธติ?
วิญฺญาณํ ฐเปตฺวา อวเสสา ขนฺธา น วิญฺญาณํ, ขนฺธา. วิญฺญาณญฺจ ขนฺเธ จ ฐเปตฺวา อวเสสา น เจว วิญฺญาณํ น จ ขนฺธา.
(ข) น ขนฺธา น วิญฺญาณกฺขนฺโธติ? อามนฺตา.