๓. อสญฺญสตฺตา

๑๐๑๗. อสญฺญสตฺตานํ เทวานํ อุปปตฺติกฺขเณ กติ ขนฺธา ปาตุภวนฺติ…เป… กติ จิตฺตานิ ปาตุภวนฺติ?

อสญฺญสตฺตานํ เทวานํ อุปปตฺติกฺขเณ เอโก ขนฺโธ ปาตุภวติ – รูปกฺขนฺโธ; เทฺว อายตนานิ ปาตุภวนฺติ – รูปายตนํ, ธมฺมายตนํ; เทฺว ธาตุโย ปาตุภวนฺติ – รูปธาตุ, ธมฺมธาตุ; เอกํ สจฺจํ ปาตุภวติ – ทุกฺขสจฺจํ; เอกินฺทฺริยํ ปาตุภวติ – รูปชีวิตินฺทฺริยํ. อสญฺญสตฺตา เทวา อเหตุกา อนาหารา อผสฺสกา อเวทนกา อสญฺญกา อเจตนกา อจิตฺตกา ปาตุภวนฺติ.