(๓) ติสฺโส อกุสลสญฺญา

๙๑๑. ตตฺถ กตมา ติสฺโส อกุสลสญฺญา? กามสญฺญา, พฺยาปาทสญฺญา, วิหึสาสญฺญา.

(ก) ตตฺถ กตมา กามสญฺญา? กามปฏิสํยุตฺตา สญฺญา สญฺชานนา สญฺชานิตตฺตํ – อยํ วุจฺจติ ‘‘กามสญฺญา’’.

(ข) ตตฺถ กตมา พฺยาปาทสญฺญา? พฺยาปาทปฏิสํยุตฺตา สญฺญา สญฺชานนา สญฺชานิตตฺตํ – อยํ วุจฺจติ ‘‘พฺยาปาทสญฺญา’’.

(ค) ตตฺถ กตมา วิหึสาสญฺญา? วิหึสาปฏิสํยุตฺตา สญฺญา สญฺชานนา สญฺชานิตตฺตํ – อยํ วุจฺจติ ‘‘วิหึสาสญฺญา’’. อิมา ติสฺโส อกุสลสญฺญา.