๒. ทุกมาติกา

๘๓๓. (๑) โกโธ จ อุปนาโห จ (๒) มกฺโข จ ปฬาโส [ปลาโส (สี. สฺยา.)] จ (๓) อิสฺสา จ มจฺฉริยญฺจ (๔) มายา จ สาเฐยฺยญฺจ (๕) อวิชฺชา จ ภวตณฺหา จ (๖) ภวทิฏฺฐิ จ วิภวทิฏฺฐิ จ (๗) สสฺสตทิฏฺฐิ จ อุจฺเฉททิฏฺฐิ จ (๘) อนฺตวาทิฏฺฐิ จ อนนฺตวาทิฏฺฐิ จ (๙) ปุพฺพนฺตานุทิฏฺฐิ จ อปรนฺตานุทิฏฺฐิ จ (๑๐) อหิริกญฺจ อโนตฺตปฺปญฺจ (๑๑) โทวจสฺสตา จ ปาปมิตฺตตา จ (๑๒) อนชฺชโว จ อมทฺทโว จ (๑๓) อกฺขนฺติ จ อโสรจฺจญฺจ (๑๔) อสาขลฺยญฺจ อปฺปฏิสนฺถาโร จ (๑๕)อินฺทฺริเยสุ อคุตฺตทฺวารตา จ โภชเน อมตฺตญฺญุตา จ (๑๖) มุฏฺฐสฺสจฺจญฺจ อสมฺปชญฺญญฺจ (๑๗) สีลวิปตฺติ จ ทิฏฺฐิวิปตฺติ จ (๑๘) อชฺฌตฺตสํโยชนญฺจ พหิทฺธาสํโยชนญฺจ

ทุกํ.