๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๓๑. ปรามาสวิปฺปยุตฺตํ ปรามฏฺฐํ กุสลํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ กุสโล ธมฺโม อุปฺปชฺชติ เหตุปจฺจยา. (๑)

ปรามาสวิปฺปยุตฺตํ อปรามฏฺฐํ กุสลํ ธมฺมํ ปฏิจฺจ ปรามาสวิปฺปยุตฺโต อปรามฏฺโฐ กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๒. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ. โลกิยโลกุตฺตรทุกสทิสํ. สหชาตวาโรปิ…เป… ปญฺหาวาโรปิ วิตฺถาเรตพฺพา.)

๓๓. ปรามาสวิปฺปยุตฺตํ ปรามฏฺฐํ อกุสลํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อกุสโล ธมฺโม อุปฺปชฺชติ เหตุปจฺจยา (สพฺพตฺถ เอกํ).

๓๔. ปรามาสวิปฺปยุตฺตํ ปรามฏฺฐํ อพฺยากตํ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อพฺยากโต ธมฺโม อุปฺปชฺชติ เหตุปจฺจยา. (๑)

ปรามาสวิปฺปยุตฺตํ อปรามฏฺฐํ อพฺยากตํ ธมฺมํ ปฏิจฺจ ปรามาสวิปฺปยุตฺโต อปรามฏฺโฐ อพฺยากโต ธมฺโม อุปฺปชฺชติ เหตุปจฺจยา… ตีณิ.

ปรามาสวิปฺปยุตฺตํ ปรามฏฺฐํ อพฺยากตญฺจ ปรามาสวิปฺปยุตฺตํ อปรามฏฺฐํ อพฺยากตญฺจ ธมฺมํ ปฏิจฺจ ปรามาสวิปฺปยุตฺโต ปรามฏฺโฐ อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๓๕. เหตุยา ปญฺจ, อารมฺมเณ เทฺว…เป… อวิคเต ปญฺจ (สํขิตฺตํ. โลกิยทุกสทิสํ. สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

ปรามาสโคจฺฉกกุสลตฺติกํ นิฏฺฐิตํ.