๕๓-๑. ปรามาสปรามฏฺฐทุก-กุสลตฺติกํ

๑-๗. ปฏิจฺจวาราทิ

ปจฺจยจตุกฺกํ

๒๓. ปรามฏฺฐญฺเจว โน จ ปรามาสํ กุสลํ ธมฺมํ ปฏิจฺจ ปรามฏฺโฐ เจว โน จ ปรามาโส กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒๔. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒๕. ปรามาสญฺเจว ปรามฏฺฐญฺจ อกุสลํ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… เอกํ.

ปรามฏฺฐญฺเจว โน จ ปรามาสํ อกุสลํ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… ตีณิ.

ปรามาสญฺเจว ปรามฏฺฐํ อกุสลญฺจ ปรามฏฺฐญฺเจว โน จ ปรามาสํ อกุสลญฺจ ธมฺมํ ปฏิจฺจ ปรามฏฺโฐ เจว โน จ ปรามาโส อกุสโล ธมฺโม อุปฺปชฺชติ เหตุปจฺจยา… เอกํ (สํขิตฺตํ).

๒๖. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)

๒๗. ปรามฏฺโฐ เจว โน จ ปรามาโส อกุสโล ธมฺโม ปรามฏฺฐสฺส เจว โน จ ปรามาสสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๘. เหตุยา ตีณิ, อารมฺมเณ นว, อธิปติยา นว…เป… อวิคเต ปญฺจ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๒๙. ปรามฏฺฐญฺเจว โน จ ปรามาสํ อพฺยากตํ ธมฺมํ ปฏิจฺจ ปรามฏฺโฐ เจว โน จ ปรามาโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๓๐. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ). (สหชาตวาเรปิ…เป… ปญฺหาวาเรปิ สพฺพตฺถ เอกํ.)