๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๓. นีวรณิยญฺเจว โน จ นีวรณํ กุสลํ ธมฺมํ ปฏิจฺจ นีวรณิโย เจว โน จ นีวรโณ กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒๔. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒๕. นีวรณญฺเจว นีวรณิยญฺจ อกุสลํ ธมฺมํ ปฏิจฺจ นีวรโณ เจว นีวรณิโย จ อกุสโล ธมฺโม อุปฺปชฺชติ เหตุปจฺจยา… ตีณิ.

นีวรณิยญฺเจว โน จ นีวรณํ อกุสลํ ธมฺมํ ปฏิจฺจ นีวรณิโย เจว โน จ นีวรโณ อกุสโล ธมฺโม อุปฺปชฺชติ เหตุปจฺจยา… ตีณิ.

นีวรณญฺเจว นีวรณิยํ อกุสลญฺจ นีวรณิยญฺเจว โน จ นีวรณํ อกุสลญฺจ ธมฺมํ ปฏิจฺจ นีวรโณ จ นีวรณิโย จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๖. เหตุยา นว, อารมฺมเณ นว…เป… อวิคเต นว (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ นว.)

๒๗. นีวรณิยญฺเจว โน จ นีวรณํ อพฺยากตํ ธมฺมํ ปฏิจฺจ นีวรณิโย เจว โน จ นีวรโณ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๒๘. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)