๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๑. นีวรณิยํ กุสลํ ธมฺมํ ปฏิจฺจ นีวรณิโย กุสโล ธมฺโม อุปฺปชฺชติ เหตุปจฺจยา. (๑)

อนีวรณิยํ กุสลํ ธมฺมํ ปฏิจฺจ อนีวรณิโย กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๒. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ).

(สหชาตวาโรปิ…เป… ปญฺหาวาโรปิ วิตฺถาเรตพฺพา).

๑๓. นีวรณิยํ อกุสลํ ธมฺมํ ปฏิจฺจ นีวรณิโย อกุสโล ธมฺโม อุปฺปชฺชติ เหตุปจฺจยา (สํขิตฺตํ).

๑๔. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๑๕. นีวรณิยํ อพฺยากตํ ธมฺมํ ปฏิจฺจ นีวรณิโย อพฺยากโต ธมฺโม อุปฺปชฺชติ เหตุปจฺจยา. (๑)

อนีวรณิยํ อพฺยากตํ ธมฺมํ ปฏิจฺจ อนีวรณิโย อพฺยากโต ธมฺโม อุปฺปชฺชติ เหตุปจฺจยา… ตีณิ.

นีวรณิยํ อพฺยากตญฺจ อนีวรณิยํ อพฺยากตญฺจ ธมฺมํ ปฏิจฺจ นีวรณิโย อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ).

๑๖. เหตุยา ปญฺจ, อารมฺมเณ เทฺว…เป… อาเสวเน เอกํ…เป… วิปาเก ปญฺจ…เป… อวิคเต ปญฺจ (สํขิตฺตํ). (สหชาตวาโรปิ…เป… ปญฺหาวาโรปิ วิตฺถาเรตพฺพา.)