๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑. โนนีวรณํ กุสลํ ธมฺมํ ปฏิจฺจ โนนีวรโณ กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ).

๓. นีวรณํ อกุสลํ ธมฺมํ ปฏิจฺจ นีวรโณ อกุสโล ธมฺโม อุปฺปชฺชติ เหตุปจฺจยา. นีวรณํ อกุสลํ ธมฺมํ ปฏิจฺจ โนนีวรโณ อกุสโล ธมฺโม อุปฺปชฺชติ เหตุปจฺจยา. นีวรณํ อกุสลํ ธมฺมํ ปฏิจฺจ นีวรโณ อกุสโล จ โนนีวรโณ อกุสโล จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

๔. เหตุยา นว, อารมฺมเณ นว…เป… อวิคเต นว (สํขิตฺตํ).

ปจฺจนียํ

นเหตุปจฺจโย

๕. นีวรณํ อกุสลํ ธมฺมํ ปฏิจฺจ นีวรโณ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉานีวรณํ อุทฺธจฺจนีวรณํ ปฏิจฺจ อวิชฺชานีวรณํ. (๑)

โนนีวรณํ อกุสลํ ธมฺมํ ปฏิจฺจ นีวรโณ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ อวิชฺชานีวรณํ. (๑)

นีวรณญฺจ โนนีวรณญฺจ อกุสลํ ธมฺมํ ปฏิจฺจ นีวรโณ อกุสโล ธมฺโม อุปฺปชฺชติ นเหตุปจฺจยา – วิจิกิจฺฉานีวรณญฺจ อุทฺธจฺจนีวรณญฺจ สมฺปยุตฺตเก จ ขนฺเธ ปฏิจฺจ อวิชฺชานีวรณํ. (๑) (สํขิตฺตํ.)

๖. นเหตุยา ตีณิ, นอธิปติยา นว, นปุเรชาเต นว…เป… นกมฺเม ตีณิ…เป… นวิปฺปยุตฺเต นว (สํขิตฺตํ).

(สหชาตวาเรปิ… สมฺปยุตฺตวาเรปิ สพฺพตฺถ นว.)

๗. นีวรโณ อกุสโล ธมฺโม นีวรณสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๘. เหตุยา ตีณิ, อารมฺมเณ นว, อธิปติยา นว…เป… อาเสวเน นว, กมฺเม อาหาเร อินฺทฺริเย ฌาเน มคฺเค ตีณิ, สมฺปยุตฺเต นว…เป… อวิคเต นว (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ ตีณิ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ).

๙. โนนีวรณํ อพฺยากตํ ธมฺมํ ปฏิจฺจ โนนีวรโณ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๑๐. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)