๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๔. คนฺถนิยญฺเจว โน จ คนฺถํ กุสลํ ธมฺมํ ปฏิจฺจ คนฺถนิโย เจว โน จ คนฺโถ กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๒๕. เหตุยา เอกํ, อารมฺมเณ เอกํ, อวิคเต เอกํ.

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๒๖. คนฺถญฺเจว คนฺถนิยญฺจ อกุสลํ ธมฺมํ ปฏิจฺจ คนฺโถ เจว คนฺถนิโย จ อกุสโล ธมฺโม อุปฺปชฺชติ เหตุปจฺจยา… ตีณิ.

คนฺถนิยญฺเจว โน จ คนฺถํ อกุสลํ ธมฺมํ ปฏิจฺจ คนฺถนิโย เจว โน จ คนฺโถ อกุสโล ธมฺโม อุปฺปชฺชติ เหตุปจฺจยา… ตีณิ.

คนฺถญฺเจว คนฺถนิยํ อกุสลญฺจ คนฺถนิยญฺเจว โน จ คนฺถํ อกุสลญฺจ ธมฺมํ ปฏิจฺจ คนฺโถ เจว คนฺถนิโย จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๒๗. เหตุยา นว, อารมฺมเณ นว, อธิปติยา นว…เป… อวิคเต นว (สํขิตฺตํ).

นเหตุยา เอกํ, นอธิปติยา นว…เป… นกมฺเม ตีณิ…เป… นวิปฺปยุตฺเต นว (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

๒๘. คนฺโถ เจว คนฺถนิโย จ อกุสโล ธมฺโม คนฺถสฺส เจว คนฺถนิยสฺส จ อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๙. เหตุยา นว, อารมฺมเณ นว, อธิปติยา นว…เป… กมฺเม อาหาเร อินฺทฺริเย ฌาเน ตีณิ…เป… อวิคเต นว (สํขิตฺตํ).

๓๐. นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ นว (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๓๑. คนฺถนิยญฺเจว โน จ คนฺถํ อพฺยากตํ ธมฺมํ ปฏิจฺจ คนฺถนิโย เจว โน จ คนฺโถ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๓๒. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)