๑-๗. ปฏิจฺจวาราทิ

ปจฺจยจตุกฺกํ

๑. โนคนฺถํ กุสลํ ธมฺมํ ปฏิจฺจ โนคนฺโถ กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ …เป… ปญฺหาวาเรปิ สพฺพตฺถ เอกํ).

๓. คนฺถํ อกุสลํ ธมฺมํ ปฏิจฺจ คนฺโถ อกุสโล ธมฺโม อุปฺปชฺชติ เหตุปจฺจยา. คนฺถํ อกุสลํ ธมฺมํ ปฏิจฺจ โนคนฺโถ อกุสโล ธมฺโม อุปฺปชฺชติ เหตุปจฺจยา. คนฺถํ อกุสลํ ธมฺมํ ปฏิจฺจ คนฺโถ อกุสโล จ โนคนฺโถ อกุสโล จ ธมฺมา อุปฺปชฺชนฺติ เหตุปจฺจยา. (๓)

โนคนฺถํ อกุสลํ ธมฺมํ ปฏิจฺจ โนคนฺโถ อกุสโล ธมฺโม อุปฺปชฺชติ เหตุปจฺจยา… ตีณิ.

คนฺถํ อกุสลญฺจ โนคนฺถํ อกุสลญฺจ ธมฺมํ ปฏิจฺจ คนฺโถ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๔. เหตุยา นว, อารมฺมเณ นว…เป… อวิคเต นว (สํขิตฺตํ).

นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

(สหชาตวาโรปิ…เป… สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)

๕. คนฺโถ อกุสโล ธมฺโม คนฺถสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๖. เหตุยา นว, อารมฺมเณ นว, อธิปติยา นว…เป… กมฺเม อาหาเร อินฺทฺริเย ฌาเน ตีณิ…เป… อวิคเต นว (สํขิตฺตํ).

๗. นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ นว (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๘. โนคนฺถํ อพฺยากตํ ธมฺมํ ปฏิจฺจ โนคนฺโถ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๙. เหตุยา เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)