๗. ปญฺหาวาโร

ปจฺจยจตุกฺกํ

เหตุปจฺจโย

๔๖. อาสโว เจว อาสวสมฺปยุตฺโต จ อกุสโล ธมฺโม อาสวสฺส เจว อาสวสมฺปยุตฺตสฺส จ อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๔๗. เหตุยา จตฺตาริ, อารมฺมเณ นว, อธิปติยา นว…เป… อวิคเต นว (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ จตฺตาริ (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

อาสวอาสวสมฺปยุตฺตทุกกุสลตฺติกํ นิฏฺฐิตํ.