๗. ปญฺหาวาโร

เหตุปจฺจโย

๑๘. สาสโว อพฺยากโต ธมฺโม สาสวสฺส อพฺยากตสฺส ธมฺมสฺส เหตุปจฺจเยน ปจฺจโย. (๑)

อนาสโว อพฺยากโต ธมฺโม อนาสวสฺส อพฺยากตสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๑๙. เหตุยา จตฺตาริ, อารมฺมเณ ตีณิ, อธิปติยา อนนฺตเร สมนนฺตเร จตฺตาริ, สหชาเต ปญฺจ, อญฺญมญฺเญ เทฺว, นิสฺสเย สตฺต, อุปนิสฺสเย จตฺตาริ, ปุเรชาเต ปจฺฉาชาเต เทฺว, อาเสวเน เอกํ, กมฺเม…เป… มคฺเค จตฺตาริ, สมฺปยุตฺเต เทฺว, วิปฺปยุตฺเต ตีณิ…เป… อวิคเต สตฺต (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

สาสวทุกกุสลตฺติกํ นิฏฺฐิตํ.