๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๙๓. นเหตุํ สเหตุกํ กุสลํ ธมฺมํ ปฏิจฺจ นเหตุ สเหตุโก กุสโล ธมฺโม อุปฺปชฺชติ เหตุปจฺจยา (สํขิตฺตํ).

๙๔. เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํ.

นอธิปติยา เอกํ, นปุเรชาเต เอกํ…เป… นวิปาเก เอกํ, นวิปฺปยุตฺเต เอกํ (ปญฺหาวาเรปิ สพฺพตฺถ เอกํ).

เหตุปจฺจโย

๙๕. นเหตุํ สเหตุกํ อกุสลํ ธมฺมํ ปฏิจฺจ นเหตุ สเหตุโก อกุสโล ธมฺโม อุปฺปชฺชติ เหตุปจฺจยา (สํขิตฺตํ).

๙๖. เหตุยา เอกํ, อารมฺมเณ เอกํ (สพฺพตฺถ เอกํ), อวิคเต เอกํ. (เหตุปจฺจโย นตฺถิ. ปญฺหาวาเรปิ สพฺพตฺถ เอกํ, ปญฺหาวาเรปิ อิเมสํ ติณฺณนฺนํ เหตุปจฺจโย นตฺถิ.)