๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๗๑. เหตุญฺเจว เหตุสมฺปยุตฺตญฺจ กุสลํ ธมฺมํ ปฏิจฺจ เหตุ เจว เหตุสมฺปยุตฺโต จ กุสโล ธมฺโม อุปฺปชฺชติ เหตุปจฺจยา. เหตุญฺเจว เหตุสมฺปยุตฺตญฺจ กุสลํ ธมฺมํ ปฏิจฺจ เหตุสมฺปยุตฺโต เจว น จ เหตุ กุสโล ธมฺโม อุปฺปชฺชติ เหตุปจฺจยา (สํขิตฺตํ).

๗๒. เหตุยา นว, อารมฺมเณ นว…เป… อวิคเต นว (สํขิตฺตํ).

นอธิปติปจฺจโย

๗๓. เหตุญฺเจว เหตุสมฺปยุตฺตญฺจ กุสลํ ธมฺมํ ปฏิจฺจ เหตุ เจว เหตุสมฺปยุตฺโต จ กุสโล ธมฺโม อุปฺปชฺชติ นอธิปติปจฺจยา (สํขิตฺตํ).

๗๔. นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

อธิปติปจฺจยา เหตุยา นว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)