๑-๖. ปฏิจฺจวาราทิ

ปจฺจยจตุกฺกํ

เหตุปจฺจโย

๖๓. เหตุญฺเจว สเหตุกญฺจ อพฺยากตํ ธมฺมํ ปฏิจฺจ เหตุ เจว สเหตุโก จ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๖๔. เหตุยา นว, อารมฺมเณ นว…เป… กมฺเม นว, วิปาเก นว…เป… อวิคเต นว (สํขิตฺตํ).

นอธิปติปจฺจโย

๖๕. เหตุญฺเจว สเหตุกญฺจ อพฺยากตํ ธมฺมํ ปฏิจฺจ เหตุ เจว สเหตุโก จ อพฺยากโต ธมฺโม อุปฺปชฺชติ นอธิปติปจฺจยา (สํขิตฺตํ).

๖๖. นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

เหตุปจฺจยา นอธิปติยา นว (สํขิตฺตํ).

นอธิปติปจฺจยา เหตุยา นว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโร สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)