๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๗๗. อนุปาทินฺนุปาทานิยํ สรณํ ธมฺมํ ปฏิจฺจ อนุปาทินฺนุปาทานิโย สรโณ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ).

๗๘. อุปาทินฺนุปาทานิยํ อรณํ ธมฺมํ ปฏิจฺจ อุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา… ตีณิ.

อนุปาทินฺนุปาทานิยํ อรณํ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา. (๑)

อนุปาทินฺนอนุปาทานิยํ อรณํ ธมฺมํ ปฏิจฺจ อนุปาทินฺนอนุปาทานิโย อรโณ ธมฺโม อุปฺปชฺชติ เหตุปจฺจยา… ตีณิ.

อุปาทินฺนุปาทานิยํ อรณญฺจ อนุปาทินฺนุปาทานิยํ อรณญฺจ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา. (๑)

อนุปาทินฺนุปาทานิยํ อรณญฺจ อนุปาทินฺนอนุปาทานิยํ อรณญฺจ ธมฺมํ ปฏิจฺจ อนุปาทินฺนุปาทานิโย อรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๗๙. เหตุยา นว, อารมฺมเณ ตีณิ…เป… อวิคเต นว (สํขิตฺตํ). (สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ).

๘๐. อุปาทินฺนุปาทานิโย อรโณ ธมฺโม อุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโย… ตีณิ.

อนุปาทินฺนุปาทานิโย อรโณ ธมฺโม อนุปาทินฺนุปาทานิยสฺส อรณสฺส ธมฺมสฺส เหตุปจฺจเยน ปจฺจโย. (๑)

อนุปาทินฺนอนุปาทานิโย อรโณ ธมฺโม อนุปาทินฺนอนุปาทานิยสฺส อรณสฺส ธมฺมสฺส เหตุปจฺจเยน ปจฺจโย… ตีณิ (สํขิตฺตํ).

๘๑. เหตุยา สตฺต, อารมฺมเณ ฉ…เป… อวิคเต เตวีส.

(สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ.)