๑-๗. ปฏิจฺจวาราทิ

เหตุปจฺจโย

๑๒๘. อชฺฌตฺตํ สรณํ ธมฺมํ ปฏิจฺจ อชฺฌตฺโต สรโณ ธมฺโม อุปฺปชฺชติ เหตุปจฺจยา.

พหิทฺธา สรณํ ธมฺมํ ปฏิจฺจ พหิทฺธา สรโณ ธมฺโม อุปฺปชฺชติ เหตุปจฺจยา.

เหตุยา เทฺว…เป… อวิคเต เทฺว (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)

๑๒๙. อชฺฌตฺตํ อรณํ ธมฺมํ ปฏิจฺจ อชฺฌตฺโต อรโณ ธมฺโม อุปฺปชฺชติ เหตุปจฺจยา. (๑)

พหิทฺธา อรณํ ธมฺมํ ปฏิจฺจ พหิทฺธา อรโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว…เป… อวิคเต เทฺว (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)